Ɉeremi 19:4 - Bible

⁴ Kpɛ́ni fêi, ǹûai da dípôlu tɔ̀ɔ ḿâ, da gwaai ŋí ma maa-tĩ̂a kara a kéreŋ-sɛŋ kúŋ-nɛ̃ɛ kéreŋɔɔ ɣâla da kpɛ́ni-ŋa dîa, nyíi dínâŋ pɔlɔ-ŋai, Zuda kaloŋ-ŋai é pɛ́lɛ dîa dífe gɔ́lɔŋ. Da núu támaa páa gwaai ŋí ma nyíi-ŋai dísɔŋ fé dîai.

Yálá laawoo hɛɓɛ (dc)

⁴ Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Yálá laawoo hɛɓɛ

⁴ Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 19:4 ပူးပေါင်းရင်းမြစ်များ

Tɔɔɓɛlaa veelɛ 21:16

É kúla nyíti-ŋai kélee pôlu, Manasɛ è núu támaa pàa nyii-ŋai dísɔŋ fé kɛ́ ní zu. Ǹûai ŋí díkɛ̀ kpɔ́ a dí támaa a sɛŋ dí ŋãa kpôloŋ kɛ́ tɛ̀ɛ Zerusâlɛŋ taa-leei su, é síɣe daai ƃéla tɔnɔ ma é tóo gbéli ma. Zuda-ƃelai dí pìlaŋ gɔ́ɔ pɔ̂ɔi dísɔnyɔ̂ŋ kɛ́, dí Yâwɛɛ wóo píli. Vé fáa ní ma a gɛɛ diai dísɔŋ fé dîai é dí maa-kɔ̃ɔ.

Tɔɔɓɛlaa veelɛ 23:10

Zosâya è kpakolo-ŋa tɛ̀ɛ a gɛɛ dí Tôfɛ su kara nyii kɛ̀ Bɛŋ-Inɔ tiŋ-tiŋ su ƃɛ́i da kâa dílônii kùla naa a kéreŋ sala dí ɣâla pɔkɔɔŋ Molɛ.

Tɔɔɓɛlaa veelɛ 24:4

Ŋuŋ kpîŋ ƃa ǹûai è dí pàa nyii-ŋai dí sɔŋ fé kɛ́ ní zui. Yâwɛɛ fé kɛ́ ní pâi mɛnii ŋí su-mɛni lɛɛ̂i.

Mąątɛ̨nɛ̨ 106:38

Dí nîa-pɛlɛɛ pàa kpɛ́ni-kpɛni. Dí ǹɔii maa lîƃi a núu kuláa a sâla.

Azaya 59:7

Kákɔɔ maa félaai a gɛ́ɛ ká mɛni nyɔ́mɔɔ kɛ́. Káfa kálii maa sôŋ a gɛ́ɛ ka ǹúui páa nyii zɔ̀ŋ fé mai. Kákili-ŋa-sîai káa nɔ́ a mɛni nyɔ́mɔɔ maa kíli-ŋa-sia. Ƃɛ́i kélee ka tɛ̂ɛ naai, ka ǹaa su kàra, ǹaa é lɛ́ɛ a pilêŋ.

Azaya 65:11

“Kɛ́lɛ, a pâi kɛ̂i a da kpɛ́ni ká mɛni ma káai ka kápôlu tɔ̀ɔ ḿâ, ka nia Zãiyɔŋ ma nyii gáa a ŋá yée maa waai, kákɛ Gâa-ɣalai da Mɛni-ɣalai fɛ̂li ńyii-ŋai dí káa a ŋ̀âla-ŋai nyii-ŋai da lɔku tɛ̀ɛ núu pɔ́ díkɛ mɛni ŋá teei.

Ɉeremi 1:16

Ŋa pâi ŋánûai kula-maa kɛ̂i díŋwana-lɔ̂ɔi mɛ̂ni ma. Kpɛ́ni fêi, da dípôlu tɔɔ ḿâ. Da sâla kula ɣâla da kpɛ́ni-ŋa dîa, dí kɛ̀ díkpîŋ kpɛtɛ-sãai fɛ̀li a díɣâla.

Ɉeremi 11:13

Kpɛ́ni fêi, káai kákaa Zudai, káɣâla-ŋai tâmaai yɛ̂ɛ berei kátaa lêe-ŋai díkaa lai. Ká ŋumɛ ɣâla-teƃele-ŋai ká dɔ̀ɔ Bêe ɣalai mɛni mai, dâmaai yɛ̂ɛ bere-ŋai díkaa Zerusâlɛŋ.

Ɉeremi 15:6

Ka káyee kúla ḿù, ká kápôlu tɔɔ ḿâ. M̀ɛni ma, ŋa pâi ńyee pɛlɛ̂i kâa, ŋá ká kúla maa kɛ́. Ḿvii a nâa kpɛɛ a gɛɛ ŋá káŋɛi malôŋ káa.

Ɉeremi 16:11

À kɛ̀ tí, mó dîa, Yâwɛɛ ǹyɛɛi, ‘Kánâŋ-pɔlɔ-ŋai dí dípôlu tɔ̀ɔ ḿâ, dí kɛ̀ ɣâla-da-kpɛni-ŋa fɛ̀li díkɛ tíi kɛ̀ dîɛ. Dí dípôlu tɔ̀ɔ ḿâ dífe díyee see ní ŋ́oo mu da ŋásɛŋ-lɛɛi.

Ɉeremi 17:13

Yâwɛɛ, yá ƃa Eezuɛ ŋɔkili-kɛ-maai. Ǹúui nyíi a bôlu tɔ̀ɔ yâi, a pâi ŋumɛi. Da pâi lániî yɛ̂ɛ da núu láa pɔ̃yɛ muluŋ su, kpɛ́ni fêi, da dípôlu tɔɔ Yâwɛɛ ma, nyíi gáa yɛ̂ɛ ya-ɣɛli-loŋ nyii a fúlu-laa tɛ̀ɛ núu pɔi.

Ɉeremi 17:20

M̀ó gâloŋ-ŋai da ǹûai díkaa Zudai dîa, é pɛ́lɛ diai dîa díkaa Zerusâlɛŋ da diai da lɔ̂ ziɣãŋ-ŋai láƃerei a gɛɛ dí díwoli tɔ́ɔ m̀ɛnii mâ ŋa pâi môi.

Ɉeremi 18:15

Kɛ́lɛ, ŋánûai da nia ḿâ. Da kéreŋ-sɛŋ kúŋ-nɛ̃ɛ kéreŋ ɣâla-pɔkɔɔŋ-ŋa dîa. Da kɛ̂ karênii dísia perei su. Dífe ŋɔ́nɔ siâi a berei dínâŋ pɔlɔ-ŋai da kâa sìa lai. Da kula berei lɛ́lɛɛi ma, da lɛɛ berei ma nyii dífe gɔ́lɔŋ.

Ɉeremi 2:13

Kpɛ́ni fêi ŋánûai da sɔnyɔ̂ŋ-sii feerɛ kɛ́: da dípôlu tɔ̀ɔ ḿa, ńyãai ŋ́gáa a vúlu-laa ya-loŋ, da díkpɔɔi-kpɔɔi ya loa tée, nyíi yá fa sêe zui.”

Ɉeremi 2:17

Káa kpîŋ ƃé pà a m̀ɛnii ŋí kákpîŋ kâa, kpɛ́ni fêi, ká kápôlu tɔ̀ɔ Yâwɛɛ ma nyíi gáa a Káɣâlai, tãi è kɛ̀ pâi la a káai.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 2:30

Ŋa kákùla maa kɛ̀, kɛ́lɛ káfe mɛni da kula ní zu. Ŋálono kɛ́-ƃelai nyíi-ŋai ŋá dítɛ̀ɛi, ká dí pâa a káƃoa-sɔkpɔ-ŋai yɛ̂ɛ yala-sulu líi ŋwánaa.

Ɉeremi 2:34

Gôlo-ƃelai da diai dífe mɛni nyɔ́mɔ kɛ́ níi, díŋãa kɔ́-kɔ̂ɔi káseɣe-ŋai dîa, berei káfe dísoŋ ní la ŋúma kɛ̂i. “Kɛ́lɛ, nyíŋi kélee pôlu ma,

Ɉeremi 22:17

Kɛ́lɛ sɛŋ kɔ́riɛɛ a fili-pere nɔ́ ƃé íŋɛi káa ma, íkɛ nûa pàa nyii-ŋai dísɔŋ fé dîai, íkɛ ǹûai sôŋ a ŋwana lɔ̂ɔ-pere.

Ɉeremi 22:3

“Ńyãa Yâwɛɛ ŋa môi kâa a gɛɛ ká tɔ̃yâ mɛni da mɛni-sãa kɛ́. Diai ǹûai da dífilîi, ka dí kúla yêei kɛ́. Káfe tua-nyɔ̂ŋ kɛ̀ a ŋɔ̃́ya, tee-loŋ, kpaa máŋ pɔɔ-nɛyaa. Káfe núu da pàa gwaa-ma-waai ma nyíi vé mɛni nyɔ́mɔ da kɛ́ nii.

Ɉeremi 26:15

É lɛ́ɛ kákili ŋá a kɛ̀ kà ḿbàa, gɛ̀ ní mɛni-ŋaa téɛɛ a pâi kɛ̂i naa ká mɛ̂ni ma. Kpɛ́ni fêi m̀ɛnii ka pâi ḿbaâi m̀ɛni mai, vé a ńzɔŋ. Kà ḿbàa, gɛ̀ ní ka pâi mɛni lɛɛ̂i daa lêei ŋí su-ƃela kélee dîa. Tɔ̃yâ ma, Yâwɛɛ ƃé ńdɛ̀ɛ a gɛɛ ŋá ŋ̀orɛ̂-wooi ŋí ƃó kâa.”

Ɉeremi 26:23

Dí Yuraya sòŋ dípa la Gâloŋ Zɛoakiŋ pɔ́. Zɛoakiŋ è Yuraya pàa a ƃóa-sɔ̂kpɔ. Dí boma sîɣe dí bili ƃɛ́i da gôlo-ƃelai poma lôo-naai.

Ɉeremi 44:3

kpɛ́ni fêi, dínûai dí mɛni nyɔ́mɔ kɛ̀, dí gɛ́ ŋá ńii ŋwána dîa. Dí sâla kùla ɣâla da kpɛ́ni-ŋa dîa, dí kɛ́ ɣâla pɔkɔɔŋ-ŋa fɛ̀li nyíi-ŋai dífe gɔ́lɔŋ, ífe gɔ́lɔŋ, kpaa máŋ dínuu-pɔlɔ-ŋai.

Ɉeremi 5:6

M̀ɛni ma, yala-sulu-ŋa da pâi kulâi ǹɔɔi sú dí dípaa. Bala-ŋa da pâi kulâi vɛ̃ɛ-kpâlaŋ su dí pá dí dípaa. Kɔ́li-ŋa da pâi díyee-ŋa ƃôi dítaa-ŋai su. À kɛ̀ núu da a tòo dísama, da pâi vála fâlai. Kpɛ́ni fêi dísɔnyɔ̂ŋ a táma, da dípôlu tɔ́ɔ Ɣâla mà a tãi kélee.

Ɉeremi 7:6

à kɛ̀ ka wàla tûa a ŋ̀ɔ̃ya-ŋai, da diai dínâŋ-ni dífe mai, kpaa a bɔɔ-nɛyãai a nyɔ́mɔɔ, kpaa ká núu páa ƃɛ́ nyíi ŋuŋ fé mai, à kɛ̀ ka wàla ɣâla-da-kpɛ́ni-ŋa fɛli, a kákpîŋ lii ŋwàna,

Ɉeremi 7:9

Ka pɔ̂ri ŋúma kɛ̂i, ká núu páa, kákɛ ɣâla da kpɛ́ni-ŋa fɛ̀li, kákɛ ká fòo a lɛ́ɛ pere, kákɛ kéreŋ-sɛŋ kúŋ-nɛ̃ɛ kèreŋ Bêe ma, kákɛ ƃò ɣâla-da-kpɛ́ni-ŋa pôlu nyíi-ŋai káfe dí kɔ́ pɛ̀lɛlɔŋ,

Woolaa 4:13

Kɛ́lɛ Ɣâla ŋɔlóno kɛ́-ƃelai da zâla láa-soŋ-ƃelai dísɔnyɔ̂ŋ ƃé gɛ̀ nyíŋi é kɛ́. Dí gɛ̀ nûa sɔŋ lɛ́lɛɛ-ŋa dí sáa daa lêei su.

Izikiɛ 20:26

Ŋá ǹɛɛ naa dí díkpîŋ maa-tĩ̂a kara a dísâla kulaai. Ŋá ǹɛɛ naa a gɛɛ dí dínîa-pɛlɛɛi duɛ-tuɛi kula a sala. Ŋá gɛ ti a gɛɛ ŋá yao ŋánaa pú díkɔlɔi a gɛɛ dí gɔ́lɔŋ ńyãa ƃa Yâwɛɛ.

Izikiɛ 7:22

Ŋa pâi ǹɛɛ̂i naa dí ŋa Ŋ̀âla-pɛrɛ Kɛ́tɛi maa-tĩ̂a kara. Ŋúma-ƃela da pâi lɔ̂i naa dínaa maa tĩa kara.

Izikiɛ 8:11

Ŋá Eezuɛ-ŋai dínuu-pɔlɔ ŋai buu lɔ́ɔlu mɛi feerɛ kâa naa. Saŋfaŋ ǹóŋ surɔŋ Zaazania kɛ̀ ƃo dí sama. Kéreŋ-sɛŋ kuŋ-nɛ̃ɛ kéreŋ sɛ̂ŋ è kɛ̀ díkelee díyeêi. Naa láa è kɛ̀ a vɛ̀ɛ a kereŋ-sɛŋ kuŋ-nɛ̃ɛ kéreŋ luru.

Danîa 11:31

Ŋɔkɔ kɔ́-ƃelai da pâi mɛni nyɔ́mɔɔ-ŋa kɛ̂i Ŋ̀âla-pɛrɛ Kɛ́tɛi mu. Da pâi ǹûai díɣele kélee sala kula mɛ̂ni-ŋai kperâi. Da pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi mu.

Lukə 11:50

a gɛɛ Ɣâla ŋɔlóno-kɛ-ƃelai kélee ŋãai pu é kúla ŋ̀éniɛi kɔ́ɔ pîlanii, maa-mɛni a pâi lɛɛ̂i ŋ̀éniɛi ŋi su-ƃelai dîa.

Dutɛrɔnome 13:13

a gɛɛ zɔnyɔ̂ŋ-ƃela da gɛ̂i ǹûai líi kɛ́ pène a gɛɛ dí ɣâla da kpɛ́ni-ŋa fɛli daa-ŋai su,

Dutɛrɔnome 13:6

“À kɛ̀ a kákpɔɔi saaƃɔlɔ nɛni kpaa surɔ̂ŋ, káloŋ surɔ̂ŋ kpaa nɛni, kálii ma nɛni kpaa káwɛli kɛ-maa nuu da à pà kápɔ loo-pêre su ǹyɛɛ kâai, ‘Kwaa lí kú ɣâla da kpɛ́ni fɛli. Ŋ̀âlai ŋí káa a Ɣâla nyii ka kánâŋ-ni káfe gɔ́lɔŋ.’

Dutɛrɔnome 28:20

“Yâwɛɛ a pâi kánaɣânii é kákɛ wúlee. A pâi gɛ̂i mɛni kpɔ̂lu é láa kâa kákɛ mɛni kélee su. Gbɛɛ-ŋai, a pâi kásu karai kásɔnyɔ̂ŋ-ŋai mɛni ma, kpɛ́ni fêi, ka nia mà.

Dutɛrɔnome 28:36

“A pâi kákpɛ̂i ka kákâloŋ-ni ka lí lɔii da su nyii kánâŋ-ni dífe wɔ́lɔ li ní naa, káa kpîŋ káfe tela naa kɔ́lɔŋ. Ka pâi kɛ̂i naa ká kɛ́ ɣâla da kpɛ́ni-ŋa fɛ̀li nyii-ŋai dí díkpɛ̀tɛ a wúru da kɔnii.

Dutɛrɔnome 28:64

“A pâi kátaa-tâai lɔii-ŋuŋ-ŋa su. Ka pâi kɛ̂i naa ká kɛ́ ɣâla da kpɛ́ni-ŋa fɛli nyii-ŋai díkpɛtɛ̂i a wúru da kɔni-ŋai, nyii-ŋai ka kánâŋ-ni káfe kɛ́ ní a díkɔlɔŋɔɔi.

M̀ɛni-lɛɛi 16:6

Kpɛ́ni fêi, núu-kpune a ŋ̀âla-ƃelai ŋãa pú da Ɣâla ŋɔlóno-kɛ-ƃelai. Ya ŋãa tɛ́ɛ dípɔ a gɛɛ dí gbèle. Dífela-féi ká ti!”

Nwun mąąɓo 5:8

Eezuɛ-ŋai díkɛ̀ ɣâla da kpɛ́ni fɛlîi. Kɔ́ è tòo dí lɔii su. Kɔ-kuluƃa maa kɔ̃ɔ kɔli-kalaŋ kpaa máŋ kpála-ŋa kàa Eezuɛ sinaa wála buu náaŋ yêei?