Ɉeremi 18:8 - Bible

⁸ à kɛ̀ m̀aa lɔii-ŋuŋ tí a bôlu tɔ̀ɔ m̀ɛni nyɔ́mɔɔi ma, gɛ̀ ní ḿve pâi m̀ɛnii kɛ̂i la é pîlaŋ mai.

Yálá laawoo hɛɓɛ (dc)

⁸ Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Yálá laawoo hɛɓɛ

⁸ Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Ɉeremi 18:8 ပူးပေါင်းရင်းမြစ်များ

Kɔlɔnikɔ Veerɛi 12:6

Nya ƃe Eezuɛ núu kpaya-kpayai da gâloŋ ni dí dílii pène dí mó dîyɛɛi, “Yâwɛɛ teniŋ ƃôɔɔi.”

Mąątɛ̨nɛ̨ 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Mąątɛ̨nɛ̨ 135:14

Yâwɛɛ a pâi ŋɔnûai Eezuɛ-ŋai malôŋ kâai, é dímaa kɔ̃ɔ.

Mąątɛ̨nɛ̨ 90:13

Óo Yâwɛɛ, kúmalôŋ káa kúai a ítii kɛ́-ƃelai. Ya pâi kɛ̂i a ílii ŋwánaa kûa a tãi ɣɛɛlu?

Lɛɛ gbɔwɔ ɓa 32:12

Ƃà nyíŋi kɛ̀, gɛ̀ ní Ize-ŋai da pâi môi a gɛɛ í díkùla Ize a gɛɛ í pá a dia ǹyéei ma í díŋuŋ la píli naa. Ílii maa fáleŋ í ílii ŋáa yéŋ. Ífe pà a mɛni-kpɔlui ŋí ínûai pɔ́.

Lɛɛ gbɔwɔ ɓa 32:14

Nya ƃe Yâwɛɛ è ǹíi maa fàleŋ. Vé ŋɔ́nɔ m̀ɛnii kɛ́ ní a ǹûai nyii è kɛ̀ ŋ̀wɛ̂lii a gɛɛ é gɛ́ a diai.

Ɉeremi 12:16

Tãi tɔnɔ da dí wɔ́lɔ Bêe ɣâlai fɛli-pere lɛ̀ ŋánûai dîa díkɛ dífòo a ǹáa. Kɛ́lɛ à kɛ̀ da ŋánûai díɣâla fɛli-perei maa kɔ̂ri a ǹɛ́lɛɛ, díkɛ dífòo a ńaa dîyɛɛi, ‘À kɛ̀ nɔ́ Yâwɛɛ káa ɣele ma a tɔ̃yâ,’ gɛ̀ ní, ŋa pâi díkɛ̂i kɛ̂i m̀a ŋánûai sáma.

Ɉeremi 15:6

Ka káyee kúla ḿù, ká kápôlu tɔɔ ḿâ. M̀ɛni ma, ŋa pâi ńyee pɛlɛ̂i kâa, ŋá ká kúla maa kɛ́. Ḿvii a nâa kpɛɛ a gɛɛ ŋá káŋɛi malôŋ káa.

Ɉeremi 26:13

M̀ɛni ma, ka kátûa-pere maa fáleŋ a ǹɛ́lɛɛ, ká Káɣâlai Yâwɛɛ wóo mɛ́ni. Kà gɛ̀ tí, gɛ̀ ní a pâi ǹíi maa fálenîi. Vé pâi kákula-maa kɛ̂i a m̀ɛni kpɔ̂lui nyíi-ŋai è mò a gɛɛ a pâi ǹâai kâai.

Ɉeremi 26:19

Tãi m̀ɛnii ŋí è kɛ̀ lai, Ɛsekaya da ǹûai dífe Maka paa ni. Ka gɔ́lɔŋ a gɛɛ Ɛsekaya a kâa yào Yâwɛɛ ma, gɛ́ kɔ̀ a gɛɛ é Yâwɛɛ nîa mɛni kɛ́. M̀ɛni ma, Yâwɛɛ è ǹíi maa sôŋ vé mɛni kpɔ̂lu láa ní Zuda ma yɛ̂ɛ berei è mò la a maa-ŋuŋ. À kɛ̀ kwa kpéŋ ɣàle Zɛlemaya ma, gɛ̀ ní kwa pâi mɛni kpɔ̂lu lâai kúa kpîŋ kûa!”

Ɉeremi 26:3

Tãi da, da pâi díwoli tɔɔ̂i, díkpera dítûa-pere nyɔ̂ŋ ma. Da gɛ̀ tí, gɛ̀ ní ŋa pâi ńii maa fálenîi é pîlaŋ m̀ɛni kpɔ̂lui ŋa ŋ̀wɛ̂lii ŋá ǹáa dîai dímɛni nyɔ́mɔɔi mɛni ma.”

Ɉeremi 36:3

Ɣele da Zuda-ƃelai da m̀ɛnii mɛ̂ni é pîlaŋ berei ma ŋa ŋ̀wɛ̂li la ŋá m̀ɛni kpɔ̂lu láa la dîai, da pâi dípôlu tɔɔ̂i díŋwana lɔ̂ɔ tua-ŋai dîa. À kɛ̀ tí, ŋa pâi dísu-mɛni lɛɛ̂i díŋwana lɔ̂ɔ-ŋai da dísɔnyɔ̂ŋ-ŋai mɛ̂ni ma.”

Ɉeremi 42:10

‘À kɛ̀ ka ŋ̀wɛ̂lii kálɛɛ ǹɔii ŋí ma kákaa naai, gɛ̀ ní ŋa pâi káseêi kulâi. Ḿve pâi ǹɛɛ̂i naa káa tóo. Ŋa pâi kásîi ƃɛ́, fa ká wèeŋ. Berei sîi ŋá kákùla maa kɛ̀ lai, aâ gɛ́ malôŋ a too ḿâ a ŋ̀ánaa.

Izikiɛ 18:21

“A kɛ sɔnyɔ̂ŋ nuu a bôlu tɔɔ ŋɔsɔnyɔ̂ŋ mâ é ŋá tɔ̂ŋ ŋai mɛi káa é sia a teniŋ ƃo pere, a pâi lɛɛ tí-ti ƃôi ɣele ma. Vé pâi sâai.

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Izikiɛ 33:12

“Núu-kpune ǹóŋ, mó ínûai dîa à kɛ̀ sɔŋ lɛ̂lɛ-nuu a sɔnyɔ̂ŋ kɛ̀, ŋɔsɔŋ lɛ̂lɛi è gɛ̀ a maa-ŋuŋ fé pâi ŋuŋ-ma ƃôi. À kɛ̀ sɔnyɔ̂ŋ nuu a bôlu tɔ̀ɔ ŋɔsɔnyɔ̂ŋ ma, vé pâi saâi ŋɔsɔnyɔ̂ŋ pɔ̂lɔi mɛ̂ni ma.

Izikiɛ 33:13

Berei máŋ ŋa mò la a gɛɛ zɔŋ lɛ̂lɛ-nuui fé pâi saâi, kɛ́lɛ a kɛ̀ a gíli tɔ̀ɔ ŋɔsɔŋ lɛlɛ̂i ma a sɔnyɔ̂ŋ kɛ̀, ŋɔtua pere lɛlɛ̂i kíli fé pâi lɛɛ̂i ŋ́a. Kɛ́lɛ a pâi saâi zɔnyɔ̂ŋ è gɛ̀i mɛ̂ni ma.

Izikiɛ 33:14

Berei máŋ ŋá mò la a gɛɛ zɔnyɔ̂ŋ nuui a pâi saâi ŋɔsɔnyɔ̂ŋ mɛ̂ni mai, a kɛ̀ a bôlu tɔ̀ɔ ŋɔsɔnyɔ̂ŋ ma a sɔŋ lɛ̂lɛ kɛ̀,

Osia 11:8

“Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ da Zeboŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Amɔsə 5:15

Ka mɛni nyɔ́mɔɔ kpɔara, ká mɛni lɛ́lɛɛ wɛ́li, ká tɔ̃yâ-laa kɛ́ ǹûai sáma. Tãi da ƃɛlɛ-see a pâi kɛ̂i Ɣâla Yâwɛɛ yêei Zosɛ ŋɔsuui kpêli-ŋai mɛni ma.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋalɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Dutɛrɔnome 32:36

Yâwɛɛ a pâi ŋɔnûai dímɛnii ŋá têei é dímalôŋ káa a gàa a gɛɛ pɔ̂ri mâa fé ŋɔ́nɔ díyêei. A pâi dímalôŋ kâai. Dí tɔnɔ kpîŋ da fé pâi lɛɛ̂i a nɛ̃ɛ ma dí kɛ́ a luɛ-ŋa kpaa máŋ díŋuŋ ma ƃoɔɔ.

Nwun mąąɓo 2:18

Yâwɛɛ a kâa Eezuɛ-ŋai láa túɛ-nuu lɛ̀, a tɔ̀ɔ m̀aa nuui pôlu a gɛ́ɛ é díŋuŋ ma ƃó díkpɔara-ƃelai yêei. A kâa tɔ̀ɔ ǹúu láa túɛ-ƃelai ŋí pôlu é lɛ́ɛ la zu díwɔ̂ tãi é kpɛ́ɛ. Yâwɛɛ a kâa kɛ̀ dímalôŋ kâai, kpɛ́ni fêi, da kâa kɛ̀ wɔ̂lɔi m̀a dímɛni sôlii su.