Ɉeremi 18:16 - Bible

¹⁶ Da ǹɔii ŋí kɛ́ a kwaa ma mĩli-miliɛɛ, naa ƃɛlɛ-kpɛɛ núu koi. Diai pâi tɛɛ̂i naai, mĩli-mili a pâi pûi dîa a berei ǹaa káa lai. Da pâi díŋuŋ kpɛ́mɛnîi a ǹaa kɛ́-pere.

Yálá laawoo hɛɓɛ (dc)

¹⁶ Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Yálá laawoo hɛɓɛ

¹⁶ Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 18:16 ပူးပေါင်းရင်းမြစ်များ

Tɔɔɓɛlaa dɔlɔɔ 9:8

Berei máŋ Ŋ̀âla-pɛrɛ Kɛ́tɛi maa mɛni a ǹûai líi sóŋ lai, zu a pâi karâi. Diai kélee pâi tɛɛ̂i ƃɛ́i, a pâi kɛ̂i a guláa a dia a laa-kpâla-maa pere, da pâi kɛ̂i díŋuŋ kpɛ́mɛnîi dí kɛ́ mare kɛ̂ɛ kɛ̀ dîyɛɛi, ‘Lé ƃé gɛ̀ Yâwɛɛ kɛ́ m̀ɛni sîi ŋí kɛ̀ a ǹɔii ŋí da Ŋ̀âla-pɛrɛ Kɛ́tɛi ŋí.’ ”

Kɔlɔnikɔ Veerɛi 29:8

Mɛni ma, Yâwɛɛ a ǹíi ŋwana Zuda da Zerusâlɛŋ dîa. A díkɛ da pili laa-kpala maa mɛ̂ni su. A gɛ̀ nûa díkɛ dísĩa mii a dîa yɛ̂ɛ berei yâ gaai gɛ̀ kɛ́ a diai.

Mąątɛ̨nɛ̨ 109:25

Ŋ́gbɔara-ƃelai da ŋ́gàa, da kɛ̂ ɣɛ̂lɛi ḿâ, díkɛ díŋuŋ kpɛ̂mɛŋ.

Mąątɛ̨nɛ̨ 22:7

Nûa da ŋ́gàa nɔ́ díkɛ ɣɛ́lɛ-maa kùla ŋ́gbonôi. Da kɛ̂ ɣɛ̂lɛi ḿâ, díkɛ díŋuŋ kpɛ̂mɛŋ a ńyãa.

Mąątɛ̨nɛ̨ 44:14

Ya gɛ́ kwa kɛ́ nɔ́ a ɣɛ́lɛ maa sɛŋ ǹɔii-ŋuŋ da kpɛ́ni-ŋa su-ƃelai yêei. Da kɛ́ tɛɛ̂i, díkɛ díŋuŋ kpɛ̂mɛŋ a kúa.

Azaya 37:22

Yâwɛɛ a môi Sinakari ma ǹyɛɛi, ‘Zerusâlɛŋ taa-leei su-ƃelai dífe íwɛli-ni. Díkaa ɣɛ̂lɛi yâ. Zerusâlɛŋ taa-leei su-ƃelai da díŋuŋ kpɛ́mɛnîi a yá díkɛ ɣɛ́lɛ maa kûla íkponôi a tãi ya kɛ̂ pûi lai.

Azaya 6:11

Ŋá m̀are kɛ̀ ńyɛ̃̂ɛ m̀ai, “Nùu-namui, ŋá gɛ́ tí a tãi ɣɛɛlu?” Ǹyɛɛ ḿâi, “É lɛ́ɛ la zu daa-lêei é wólo, núu da fé ŋɔ́nɔ kɛ̀ naa, bɛ́rɛ-ŋai dí lɛ́ɛ a vólo, ǹɔii é lɛ́ɛ a bûŋ.

Ɉeremi 19:8

Ŋa pâi daa-lêei ŋí kɛ̂i a kwaa ma nyɔ́mɔɔ. Nûa da pâi dísĩa miî la, kpɛ́ni fêi, ǹaa a pâi kɛ̂i a ǹyɔ́mɔɔ.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, dílaa é kpála dîa. Nûa da pâi dísĩa miî a dia, díkɛ ƃò a yao maa-sɛŋ, dí dílaa kɛ́ a ǹaɣa-laa-sɛŋ.

Ɉeremi 42:18

“Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli miliɛɛ-ŋa kâai nyii pâi nûa láa kpâlai dâi. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Ɉeremi 44:12

É máŋ kɛ́ yɛ̂ɛ diai da lɛɛ dí kɛ́ ŋ̀wɛli a gɛɛ dí lí dí sée Izei, ŋa pâi lɛɛ̂i dípôlu ŋá dísu kara. É máŋ kɛ́ a ǹûa kpaya-kpayai kpaa máŋ bɛlɛɛ-pɛlɛɛi, díkelee da pâi saâi Ize lɔii su a puru, kpaa máŋ dílɛɛ kɔ́ su. Da pâi kɛ̂i a ɣɛ́lɛ maa sɛŋ. Nûa láa a pâi kpâlai dîa, díkɛ ɣɛ́lɛ-maa kûla díkponôi, dí kɛ̀ dífoo a dílaa.

Ɉeremi 48:27

Môa, gíli é lɛ́ɛ íŋa berei í ɣɛ́lɛ-maa kùla la Eezuɛ kponôi. Ítûa a dia yɛ̂ɛ sɛŋ ƃé ya dísoŋ ŋúma-ƃela sáma.

Ɉeremi 49:13

Ńyãa kpîŋ-kpiŋ ŋá ḿvòo a gɛɛ ŋa pâi Bozira taa-leei su karâi, nûa da ǹaa kàa, dílaa é kpála dîa. Ǹaa a pâi kɛ̂i a fɛ̃ɛ-kpâlaŋ. Nûa da pâi ɣɛ́lɛ-maa kulâi gbonôi. Ǹaa láa a pâi kɛ̂i a kpalo. Ǹaa kɔlɛ ma kpanaŋ-ŋai da pâi kɛ̂i a pilêŋ ŋá wɔ́lɔ-wɔlɔ da wɔlɔ-wɔlɔ. Ńyãa Yâwɛɛ ƃé mò tí.”

Ɉeremi 49:17

Yâwɛɛ è mò ǹyɛɛ, “Da pâi Idɔŋ su karâi kpɔ́ a ŋ̀ánaa. Nûa da tɛ̀ɛ ǹaa, dílaa a pâi kpâlai dîa, dí dísĩ̂a mii. Ǹaa a pâi kɛ̂i a maa yâo kwaa ma.

Ɉeremi 50:13

kpɛ́ni fêi, ńii-ŋwânai, ǹyaŋ ŋa pâi gɛ̂i núu da fé pâi seêi Babelɔŋ. Ǹaa a pâi lɛɛ̂i a pilêŋ ŋá. À kɛ̀ tí, diai nyíi kélee pâi tɛɛ̂i naai, da pâi díŋuŋ kpɛ́mɛnîi a làa kpâla maa-pere.

Ɉeremi 51:37

Dílɔii a pâi lɛɛ̂i a pilêŋ ŋá ƃɛ́i fɛnɛ-sãa da pâi dí kɛ̀-ɣeniɛi kɛ̂i naai. Ǹaa a pâi kɛ̂i a kwaa mâ mĩli-miliɛɛ. Núu da fé pâi seêi naa. Ǹyaŋ, diai kélee pâi ǹaa kâai, da pâi yaôi.

Ɉeremi 51:43

Daa-ŋai da nâa kɛ́ a yao mâ kwaa ma. Da nâa kɛ́ yɛ̂ɛ fɛ̃ɛ-kpâlaŋ nyíi yá fé zui, ƃɛ́i núu seêi fé naa, kpaa máŋ é sía naai.

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Woolaa 1:12

“Káai kélee ka tɛɛ ḿâi, ka ḿaa kpɛ́ɛ ḿî. Mɛni kpɔ̂lu da káa naa dɛ́ɛ ŋ́ɔ̂i ma? Yâwɛɛ a mɛni kpɔ̂lu láa ḿâ ŋɔlii ŋwânai su.

Izikiɛ 12:19

M̀o ǹûai dîa díkaa Zerusâlɛŋ Eezuɛ lɔii sui, Ŋ̀wála-wâla kélee Yawɛɛi ǹyɛɛi ka pâi kɛ̂i kálaa miî kákɛ yao kákɛ kpɛ̃liŋ. Ka kɛ̀ kákpelei kákɛ tumo-tumo. Kpɛ́ni fêi dílɔii a pâi lɛɛ̂i a vólo. Da pâi zu-sãa kélee kpɔ́ siɣei a wála-wala laa, kpɛ́ni fei diai lɛ̀ɛ naai díŋwana-lɔ̂ɔi.

Izikiɛ 27:36

Ká kɛ ɣéniɛi a kpɛɛ kpɔ́ a malôŋ-pere wɔ́lɔ-wɔlɔ da wɔlɔ-wɔlɔ bɔni tɔ̂ɔ-ƃelai díkɛ yào a m̀aa tûŋ. Da yao kpɔ́ a gɛɛ dí m̀aa tûŋ táa tâa.’ ”

Izikiɛ 36:3

“M̀ɛni ma m̀ó ǹyée-ŋai dîa yɛ̂ɛi, Ŋ̀wála-wâla kélee Yâwɛɛi ǹyɛɛ, ‘Ká kpɔara-ƃelai dí ká su kàra dí ká lɛ́ɛ a kápûŋ a gɛɛ kákɔlɛ ma lɔii-ŋai dí ká sóŋ dí kɛ́ ɣɛ́lɛ maa kûla ká kponôi.

Izikiɛ 6:14

M̀aa tãi tí ma, ŋa pâi ǹyée pɛlɛi dîa ŋá dílɔii lɛ́ɛ a bûŋ kɛ̂i fa ŋɔ́nɔ kɛ́ m̀a. Mɛnii ŋí a pâi kɛ̂i dílɔii gwaa kélee mâ é siɣe vɛ̃ɛ-kpâlaŋ su é tôo Lebala. À kɛ̀ tí, da pâi ŋgɔlɔni a Yâwɛɛ kpîŋ-kpîŋ.”

Levetekɔ 26:32

Ŋa pâi kálɔii su karâi kákpɔara-ƃelai díkaa naai dí kpɛ̃lîŋ a ǹaa kɛ́ pere.

Levetekɔ 26:43

Kɛ́lɛ fɛ̂ɛ dí mɔ̃lɛ zɔnyɔ̂ŋ dí gɛ̀i da ŋ̀oo pilii dí gɛ̀i m̀ɛni ḿâ ǹɔii kɛ́ víi tɔ̀ɔ a tãi díkaa la lɔii-ŋuŋ da kpɛni-ŋa sui.

Mise 6:16

Nyíŋi a pâi kɛ̂i, kpɛ́ni fêi, ka pîlaŋ gâloŋ Oŋri ŋɔtûa-pere nyɔ́mɔɔ-ŋai pôlu da ǹóŋ Eɣa nyii máŋ è kɛ̀ a kâloŋ. Ka pîlaŋ dímɛni kpɛ́tɛɛ nyɔ́mɔɔ-ŋai pôlu ǹyaŋ ŋa pâi ká su karâi, núu kélee é ká kpɔara. Núu kélee a pâi ŋ̀ɛ́i naŋînii ká mɛi.”

Maafîu 27:39

Diai tɛ̀ɛ naai, dí ǹaraŋ dí díŋuŋ kpɛ́mɛŋ,

Markə 15:29

Diai tɛ̀ɛ naai dí ǹaraŋ dí díŋuŋ kpɛ́mɛŋ, dîyɛɛ mai, “Aá! Yái ya Ŋ̀âla-pɛrɛ Kɛ́tɛi wòlo í dɔɔ ɣele kûu saaƃa yee mui,

Dutɛrɔnome 28:59

a pâi kɔlɔ-fela nyɔ́mɔɔ pilîi kâa é lɛ́ɛ kâa ká sáa é lɛ́ɛ kálônii dîa wɔlɔ-wɔlɔ da wɔlɔ-wɔlɔ.

Dutɛrɔnome 29:23

A pâi ǹɔii su-karai a kpolo-lîyeŋ da sɔfɔ. Sí-sɛŋ da fé pâi wɔ́lɔ kpɛtɛi naa. Ǹaa a pâi kɛ̂i yɛ̂ɛ Sodɔŋ, Gomora, Adama da Zeboliŋ lɔii-ŋai nyii è naa kàra a lii-ŋwâna perei.