Ɉeremi 17:27 - Bible

²⁷ Kɛ́lɛ, fɛ̂ɛ nɔ́ dí ŋ́oo mɛ́ni, dí Vii-tɔɔ-ɣelei mɛi káa a fólo maa-waa. Dífe kpîri sìɣe dílɔ la, kpaa dí kúla la Zerusâlɛŋ a Vii-tɔɔ-ɣelei. À kɛ̀ da gɛ̀ tí, gɛ̀ ní ŋa pâi ŋɔŋ toôi Zerusâlɛŋ siɣãŋ láƃerei. Ŋɔŋ a pâi gâloŋ-pɛrɛi kéreniî Zerusâlɛŋ, ǹyaŋ núu da fé pâi kɛ̂i naa é ŋɔŋ kpîŋ líiŋ.”

Yálá laawoo hɛɓɛ (dc)

²⁷ Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Yálá laawoo hɛɓɛ

²⁷ Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 17:27 ပူးပေါင်းရင်းမြစ်များ

Tɔɔɓɛlaa veelɛ 22:17

Zuda-ƃelai da díyee kúla ḿû. Da sâla-ŋa kùla Ɣâla da kpɛ́ni-ŋa dîa. Da díkpɔɔi kpɛtɛ ɣâla-ŋai fɛ̀li. Ḿva pɔ̂ri fâai mɛni sîi ŋí ma. Ńii ŋwânai kpɔ́ a ŋánaa.

Tɔɔɓɛlaa veelɛ 25:9

Nebuzaradaŋ è Yâwɛɛ ŋɔɣâla-pɛrɛ kɛ́tɛi kèreŋ, gâloŋ-pɛrɛ kɛ́tɛi, bɛ́rɛ kpaya-kpaya maa mɛni kpanaŋɔɔi kɛ̀ daa-leei sui da bɛ́rɛ-ŋai kélee kɛ̀ naai.

Kɔlɔnikɔ Veerɛi 36:19

Dí ŋɔŋ tôo Ɣâla ŋɔpɛ́rɛi ma dí ziɣãŋ nyíi kɛ̀ a dínaŋɔɔ Zerusâlɛŋ mai wólo. Dí gâloŋ-pɛrɛi kêreŋ dí ǹaa sãai kélee su kara.

Mąątɛ̨nɛ̨ 122:7

Tɔɔ lii-see é kɛ́ ísiɣãŋ su, íkâloŋ-pɛrɛi mu kɛ́ ƃò a núu maa kɔ̃ɔ kwaa ma.”

Azaya 1:20

Kɛ́lɛ kà wàla fáa ma, kà tɔɔ ḿâ, ka pâi saa tí-ti ƃôi. Ńyãa Yâwɛɛ ƃé mò tí.”

Azaya 1:31

Ŋ̀wála-wâla nuui da ŋɔtûa-pere nyɔ̂ŋ dísu a pâi karâi yɛ̂ɛ ŋɔŋ a kala-kpâla kèleŋ. Núu da fé pâi pɔrîi díkula yêei kɛ̂i.

Ɉeremi 17:24

“M̀ó ǹûai ŋí dîa a gɛɛ dí ŋátɔ̂ŋ-ŋai mɛi káa. Dífe kpîri da sìɣe dítɛɛ la ziɣãŋ-ŋai láƃerei a Vii-tɔɔ-ɣelei. Tɔ́ɔ dí Vii-tɔɔ-ɣelei ŋí mɛi káa a fólo maa-waa. M̀ɛni ma dífe tíi da kélee kɛ̀ a ɣelei ŋí.

Ɉeremi 17:4

Ǹɔii nyíi ŋáwɔlɔ dɛ̀ɛ kápɔ a kákɔ̃lîŋ, vé pâi ŋɔ́nɔ kɛ̂i a kápɔɔ. À kɛ̀ tí, ŋa pâi gɛ̂i ká tíi kɛ́ kákpɔara-ƃelai dîɛ ǹɔii su ƃɛ́i káfe ǹaa kɔ́lɔŋ. Ŋa pâi gɛ̂i tí kpɛ́ni fêi, ŋá lii ŋwânai káa yɛ̂ɛ ŋɔŋ. Ǹyaŋ a pâi kákereniî, va liîŋ.”

Ɉeremi 18:1

Yâwɛɛ è mò ḿâ ǹyɛɛi,

Ɉeremi 21:12

‘Káai a Deeƃé ŋɔsuui su-ƃelai, Yâwɛɛ ǹyɛɛ ká tɔ̃yâ mɛni kɛ́ a ɣele kélee. Diai ǹûai da dífilîi, ka dí kúla yêei kɛ́. A wàla kɛ́ tí, ŋa pâi ńii ŋwânai kpɔ́ yɛ̂ɛ ŋɔŋ nyíi va nîiŋ, ká ŋwãna-lɔ̂ɔi mɛni ma.

Ɉeremi 21:14

Ŋa pâi í kula maa kɛ̂i yɛ̂ɛ berei ítûa-pere káa lai. Ŋa pâi ŋɔŋ toôi íkâloŋ-pɛrɛ-ŋai dîa nyíi pâi gélee kéreniî da ǹaa kɔlɛ ma sãai kéleei. Ńyãa Yâwɛɛ ƃé mò tí.’ ”

Ɉeremi 22:5

Kɛ́lɛ, à kɛ̀ ka wàla káwoli tɔ́ɔ m̀ɛni-ŋai ŋí ŋá môi kâai dîa, gɛ̀ ní ŋa ḿvôoi a ńyãa kpîŋ ńaa a gɛɛ Zerusâlɛŋ a pâi wôloi, ǹaa é lɛ́ɛ a pîleŋ ŋá. Ńyãa Yâwɛɛ ƃé mò tí.

Ɉeremi 32:29

dí ŋɔŋ tóo m̀a. Da pâi ǹaa kérenîi da bɛ́rɛ-ŋai ƃɛ́i ǹûai dí ńii sòli naa ŋ́goi a dí kɛ́ɛ kéreŋ sãa kúŋ-nɛ̃ɛ-ŋa kérenîi Bêe ɣalai ma, dí kɛ́ kpele-sɛŋ sama-sãa tɛ̀ɛ ɣâla da kpɛ́ni-ŋa pɔ́i.

Ɉeremi 39:8

Ǹaa kɛ́ɛ tíi, Babelɔŋ kɔ-kuluƃa-ŋai dí gâloŋ pɛrɛi kêreŋ da ǹûai díwɔ̂-ŋai. Dí ziɣãŋ wôlo máŋ nyii kɛ̀ a dínaŋɔɔ Zerusâlɛŋ mai.

Ɉeremi 44:16

“M̀ɛnii kpɔ́ í mò kûa Yâwɛɛ láai sui, kúyee fé mu.

Ɉeremi 49:27

Ŋa pâi Dɛmɛika siɣãŋ kêrenîi da Gâloŋ Bɛŋ-a-da ŋɔkâloŋ-pɛrɛi. Ńyãa Yâwɛɛ ƃé mò tí.”

Ɉeremi 52:13

Nya ƃe è Ŋ̀âla-pɛrɛ Kɛ́tɛi kèreŋ, gâloŋ-pɛrɛi da díi kɛ́-ƃelai kélee dípɛrɛ-ŋai.

Ɉeremi 6:17

Ŋá núu da tɔ̀ɔ a gɛɛ é dímɛi káa. Ŋá mò dîa ńyɛ̂ɛi, “Ka káwoli tɔ́ɔ dúru-wooi ma.” Kɛ́lɛ dí mò dîyɛɛi, “Kúfa pɔ̂ri kúwoli tɔɔ̂i.”

Ɉeremi 7:20

M̀ɛni ma, ńyãai a Ŋ̀wála-wâla kélee Yâwɛɛi, ŋa pâi ŋá lii ŋwânai kélee pûi dîa gwaai ŋí ma. Ŋa pâi ńii ŋwânai ǹûai da daa-tulɛ-ŋai dîa, ŋa níi ŋwána ŋ̀úru-ŋai, gbâlaŋ da ŋ̀úru-ƃa-ŋai díkaa ǹɔii mai dîa. Ŋálii ŋwânai a pâi díkereniî, m̀aa ŋɔŋ fa nîiŋ.”

Woolaa 2:6

È Ŋɔɣâla-pɛrɛ Kɛ́tɛi su kàra é ǹaa kɛ́ yɛ̂ɛ sûai. È ŋɔɣele kûu maa waa-ŋai kula mɛni kpèra da Vii-tɔɔ-ɣelei. È ǹíi ŋwàna a zu kɛ́tɛ gâloŋ da zâla láa-soŋ-nuui ma.

Woolaa 4:11

Yâwɛɛ è ǹíi ŋwàna a ŋánaa, é ŋɔŋ tóo Zãiyɔŋ ma, ǹaa é kéreŋ.

Izikiɛ 16:41

Da pâi kápɛrɛ-ŋai kereni. Da pâi kákula maa kɛi nɛnî kpɔŋ ŋ̀ɛ́i. Ŋa pâi gɛi ká kpera wulu-wulu kɛ̂i, káfa ŋɔ́nɔ sama-sɛŋ tɛɛ wulu-wulu kɛ mɛni m̀a.

Izikiɛ 21:15

A pâi gɛi dí yao dí támaa ɣele dítoo dí siɣaŋ lá ƃelei. Ŋáƃoa-sɔkpɔ tɛ̂ɛi gɛ fólo. Gɛ pere kɛ̂ɛi yɛ̂ɛ ŋ̀ele-gbâna ŋɔmãla-mãla, m̀aa waa núu paa mɛ̂ni ma.

Izikiɛ 21:3

M̀o Eezuɛ ƃelai dîa yɛ̂ɛi, Yâwɛɛ ǹyɛɛi ká káa a ŋ́gbɔra-ƃela. M̀ɛni ma ŋa pâi ŋa ƃóa-sɔ̂kpɔi kulâi daâi, ŋá deniŋ-ƃo ƃelai da wãna-lɔ̂ɔ ƃelai kélee paa la kásama.

Izikiɛ 22:8

Ka ká pôlu tɔɔ ŋa sãa maa waa ŋai dîa, ka ŋá fii-tɔɔ ɣelei maa-tĩa kara.

Izikiɛ 23:38

Ǹaa pôlu ma tãi tɔnɔi tí nɔ́ ƃé da ŋáfii tɔ̂ɔ ɣelei maa tĩa kara la da ŋápɛrɛi.

Osia 8:14

“Eezuɛ-ŋai da nia ḿâ. Da kâloŋ pɛrɛ-ŋa tɔ̀ɔ díkpîŋ mɛni ma. Ǹyaŋ Zuda a taa-lêe kpaya-kpaya tɔ̀ɔ siɣãŋ tínaŋɔɔ dîa. Kɛ́lɛ ŋa pâi ŋɔŋ tɛɛ̂i daa-ŋai tí su. Ǹyaŋ díkili kɛ́-maa taa-ŋai da pâi kérenîi.”

Amɔsə 1:10

Ŋa pâi ŋɔŋ pilîi Taya ŋɔsiɣãŋ ma a gɛɛ é ŋɔkóli-ŋai kélee kéreŋ.”

Amɔsə 1:12

M̀ɛni ma ŋa pâi ŋɔŋ pilîi Temaŋ ma a gɛɛ é Boza ŋɔkóli-ŋai kéreŋ.”

Amɔsə 1:14

M̀ɛni ma ŋa pâi ŋɔŋ pɔnîi Laba ŋɔsiɣãŋ ma a gɛɛ é ŋɔkóli-ŋai kéreŋ, a láɣi-woo su kɛ́tɛ a kɔ́ kɔ́-tãi da fãa kɛ́tɛ tɛɛ-tãi,

Amɔsə 1:4

Mɛni ma, ŋa pâi ŋɔŋ pilîi Azae ŋɔpɛ́rɛi ma a gɛɛ é Bɛŋ Ada ŋɔkóli-ŋai kéreŋ.

Amɔsə 1:7

M̀ɛni ma, ŋa pâi ŋɔŋ pilîi Geza ŋɔsiɣãŋ ma a gɛɛ é ŋɔkɔli-ŋai kéreŋ.

Amɔsə 2:2

M̀ɛni ma ŋa pâi ŋɔŋ pilîi Môa mà, a gɛɛ é Kâria ŋɔkóli-ŋai kéreŋ, ǹyaŋ Môa a pâi saâi láɣi-woo su da túru-woo.

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tanaŋ ma.

Hebreu 12:25

Ka gáa a gɛɛ ǹúui gáa lônoi, káfe káyee kùla mu. Kpɛ́ni fêi, à kɛ̀ diai díyee kùla ǹúui mu nyíi dília-woo ƃò ǹɔii ma ƃɛi, dífe kula ni tɔŋ-kpɛ́-maa su, gɛ̀ ní kûa máŋ kwa pɔ̂ri kɛ̂i leŋ tɔŋ kpɛ-maa su, à kɛ̀ kwa kúyee kùla ǹúui mu nyíi gáa Ɣâla-taa gɛ́ kúlia-woo ƃòi.