Ɉeremi 17:25 - Bible

²⁵ À kɛ̀ tí, díkâloŋ-ŋai da dítii kɛ́-ƃela kpaya-kpayai da pâi tɛɛ̂i a ziɣãŋ-ŋai ŋí láƃerei kâloŋ-wala-wala laa kɛ́ ƃò díyêei yɛ̂ɛ berei Deeƃé è wɔ́lɔ kɛ̀ lai. Gɛ̀ ní da Zuda-ƃela é pɛ́lɛ Zerusâlɛŋ-ƃela dîa, da pâi kɛ̂i seêi soo sia-keleŋ-ŋa su, dí kɛ̀ sèe soo-ŋa mɛi, gɛ̀ ní nûa da pâi kɛ̂i nɔ́ Zerusâlɛŋ a tãi kélee.

Yálá laawoo hɛɓɛ (dc)

²⁵ ka gɛ tii, daa ŋɛ̨i hu kalanɉonŋaa, da tɔɔɓɛlaa, di kaa pai kɛi heei Davidə nwɔ kpəlin hu; diɛ tɛi wotoloɠaa hu, diɛ hee hooɠaa mɛ̨i, Ɉuda nɔi nuą, Ɉerusalɛmə nuą, da lɛɛ heeni nɔi ŋɛ̨i hu a yələ kəlee.

Yálá laawoo hɛɓɛ

²⁵ ka gɛ tii, daa ŋɛ̨i hu kalanɉonŋaa, da tɔɔɓɛlaa, di kaa pai kɛi heei Davidə nwɔ kpəlin hu; diɛ tɛi wotoloɠaa hu, diɛ hee hooɠaa mɛ̨i, Ɉuda nɔi nuą, Ɉerusalɛmə nuą, da lɛɛ heeni nɔi ŋɛ̨i hu a yələ kəlee.

Ɉeremi 17:25 ပူးပေါင်းရင်းမြစ်များ

Samia Veerɛi 7:16

Ŋa pâi íkɔ̃liŋ da íkâloŋ-laai maa kɔ̃ɔ̂i. Íkâloŋ see-sɛŋ a pâi kɛ̂i naa wɔ́lɔ-wɔlɔ da wɔ́lɔ-wɔlɔ.’ ”

Samia Veerɛi 8:4

È kɔ́kɔ-keleŋ wála tɔnɔ pôlu ŋuŋ lɔ́ɔlu mɛi-feerɛ (1,700) kùla ǹyêei da kɔkûluƃa wála-wâlaa ŋuŋ buu feerɛ (20,000). È gɔ́ kɔ́-keleŋ sia soo-ŋai dámaa kɔ́ɔ pôlu zamiŋ tèe. Zoo-ŋai ŋí ŋ̀uŋ tɔnɔ nɔ́ ƃé è nɛ̀ɛ.

Lɛɛ gbɔwɔ ɓa 12:14

Fɛ̂ɛ ŋ̀elei ŋí é kɛ́ káyêei a kili-too-ŋa ɣele, ká ziɣe a kúu kɛ́-ɣele Yâwɛɛ mɛni ma. Fɛ̂ɛ ká suu kélee é ŋ̀elei ŋí mɛi káa ká ziɣe a ɣele kɛ́tɛ wɔ́lɔ-wɔlɔ da wɔ́lɔ-wɔlɔ.”

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Ɉeremi 13:13

Gɛ̀ ní, mó dîa a gɛɛ Ńyãa Yâwɛɛ ŋa pâi ǹɔii ŋí su-ƃela kélee kpɔ́ kɛ̂i dí kɛ́ a ŋwã̂ai kpele-ƃela ŋánaa é lɛ́ɛ la zu ŋwã̂ai é gâloŋ-ŋai díkaa a Deeƃé ŋɔsuui su-ƃelai, zâla láa soŋ-ƃelai, ɣâla ŋɔlóno kɛ́-ƃelai da Zerusâlɛŋ-ƃelai kélee kpɔ́ kɛ́.

Ɉeremi 22:30

“Ǹalôŋ ŋí ŋɔmɛnii ŋáteɛ̂ɛi a gɛɛ ŋɔnîa-pɛlɛɛi dísaa, é kɛ́ a ǹúui nyíi gɛ́ mɛni da kélee ŋ̀aa sèe fé kɛ̂i. Zuu da fé pâi kɛ̂i ma é kɛ́ Zuda mɛi a Deeƃé pɔɔ-ŋa nuu. Ńyãa Yâwɛɛ ƃé mò tí.”

Ɉeremi 22:4

À kɛ̀ m̀ɛnii ŋí ŋa môi kâai, kà gɛ̀, gɛ̀ ní Deeƃé ŋɔsuui su-ƃela da pâi wɔ́lɔ kɛ̂i nɔ́ a kâloŋ-ŋa. Da dítii kɛ́-ƃela kpaya-kpayai da pâi kɛ̂i seêi soo-ŋa mɛi dí kɛ̀ sèe soo-sia kêleŋ-ŋa su dí kɛ́ lɔ̀ dí kɛ́ kùla gâloŋ-pɛrɛi ŋí mu.

Ɉeremi 25:5

Ǹyaŋ Ɣâla ŋɔlóno kɛ́-ƃelai tí dí mò kâa a gɛɛ ká kpera kátûa-pere nyɔ̂ŋ-ŋai dîa. Ka kpera mɛni nyɔ́mɔɔ kɛ̂i a gɛɛ ká lɛ́ɛ ǹɔii su nyíi Yâwɛɛ è wɔ́lɔ dɛ̀ɛ kánûa-pɔlɔ-ŋai pɔ́ a gɛɛ é kɛ́ a dípɔɔ wɔ́lɔ-wɔlɔi.

Ɉeremi 33:15

Maa tãi tí ma, ŋa pâi kâloŋ lɛ̂i é kula Deeƃé ŋɔsuui su nyíi pâi kɛ̂i a teniŋ ƃô nuui. Gâloŋ kpîŋ a pâi tûai a teniŋ ƃô da tɔ̃yâ-laa pere ǹɔii gwaa kélee ma.

Ɉeremi 33:17

Ńyãa Yâwɛɛ, ŋá ŋ́gono tèe a gɛɛ Deeƃé ŋɔsuui su nuu nɔ́ ƃé wɔ́lɔ pâi kɛ̂i a kâloŋ Eezuɛ.

Ɉeremi 33:21

bere sîi tɔnɔi tí nɔ́ ƃé ŋá kpanaŋ-woo kɛ̀ la Deeƃé yêei a gɛɛ ŋɔsuui su nuu nɔ́ ƃé wɔ́lɔ pâi kɛ̂i a kâloŋ. Bere sîi ŋí nɔ́ ƃé ŋá kpanaŋ-woo kɛ̀ la ŋɔ́nɔ a gɛɛ sâla láa-soŋ-ƃela da pâi nɔ́ wɔ́lɔ kɛ̂i kulâi Liiva ŋɔsuui su. Ǹyaŋ da pâi kɛ̂i nɔ́ wɔ́lɔ tíi kɛ̂i ḿî. Gbanaŋ-woo-ŋai ŋí dífa wɔ́lɔ sìɣe dítɔɔ̂i.

Ɉeremi 7:3

Ŋ̀wála-wâla kélee Yâwɛɛi nyíi gáa a Eezuɛ-ŋai Díɣâlai ǹyɛɛ, ká kátûa-pere pɛ́ŋ-pɛlɛ. À kɛ̀ tí, ŋa pâi ǹɛɛ̂i naa ká sée ǹɔii su.

Ɉeremi 7:7

gɛ̀ ni, ŋa pâi ǹɛɛ̂i naa ká sée ƃɛ́ ǹɔii ŋí su nyíi ŋáwɔ́lɔ dɛ̀ɛ kánâŋ pɔlɔ-ŋai pɔ́ wɔ́lɔ-wɔ́lɔ da wɔ́lɔ-wɔ́lɔi.

Dutɛrɔnome 17:16

Vé zoo-ŋai dámaa sìɣe gbîŋ mɛni ma kpaa máŋ é gɛ́ ǹûai dí lí pôlu Ize lɔii su dámaa mɛni ma, kpɛ́ni fêi, Yâwɛɛ è mò a gɛɛ káfe lì naa pôlu.

Hebreu 12:22

Kɛ́lɛ, ka pá Zãiyɔŋ Yeei ma da Vulu-laa-Ɣalai ŋɔtaa-lee kɛ́tɛi, ǹyaa ƃa Zerusâlɛŋ nyíi gáa a Ɣâla-taai. Ka seri ŋ̀âla-taa-kela-kpɔŋ kɛ́tɛ ma nyíi-ŋai dí ŋá tɛ̀ díkîe ma kúu kɛ́-mɛni ma.

Samuɛlə dɔlɔɔ 8:11

“À kɛ̀ ka kâloŋ siɣe, bere ƃé a pâi tuai la a káa. A pâi kálônii siɣêi é díkɛ a ŋɔkɔ́ kɔ́-ƃela. Da-ni da pâi kɛ̂i a ŋɔkɔ́ kɔ́-keleŋ sia-ƃela. A pâi kɛ̂i seêni soo mɛi da-ni díkɛ kîrɛ siɣe la, gbeli-ŋai díkɛ kîrɛ siɣe ŋɔkɔ́ kɔ́-keleŋ-ŋai túɛ pere.