Ɉeremi 17:14 - Bible

¹⁴ Yâwɛɛ, ye ḿalo ḿî, gɛ̀ ní ŋa pâi kɛ̂i a ŋ́gɔlɔi ponoɔɔ. Ŋ́gula mɛnîi, gɛ̀ ní ŋa pâi kɛ̂i a ŋ́uŋ ḿâ ƃóɔɔ. Yá nɔ́ ƃa ǹúui nyíi ŋa ǹáa maa tɛ̂i.

Yálá laawoo hɛɓɛ (dc)

¹⁴ Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Yálá laawoo hɛɓɛ

¹⁴ Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Ɉeremi 17:14 ပူးပေါင်းရင်းမြစ်များ

Mąątɛ̨nɛ̨ 106:47

Óo Yâwɛɛ Kúɣâlai, kúŋuŋ ma ƃó í kúkula kúkpɔara-ƃelai yêei ǹɔii ŋuŋ-ŋai su. Yà gɛ̀ tí, kwa pâi ísɛɣɛ̂i fêi, kú ílaa maa waai maa tɛ́.

Mąątɛ̨nɛ̨ 109:1

Ɣâla, ŋa ílaa maa tɛ̂i. Ífe lɛ̀ɛ a ímɛi saá.

Mąątɛ̨nɛ̨ 119:94

Ŋ́gaa a ípɔɔ, ye ḿalo mî. Ŋa kɔ̂i a gbanaŋɔɔ a gɛɛ ŋá ítɔ̂ŋ-ŋai mɛi káa.

Mąątɛ̨nɛ̨ 12:4

Da m̀o yɛ̂ɛi, “Kúwoo a pâi gɛ̂i kú zɛŋ sɔlɔ ƃó kwa ŋ̀wɛ̂lii lai. M̀ɛnii kwa ŋ̀wɛ̂lii kú môi, kwa pâi môi. Núu da fa pɔ̂ri kúkperâi.”

Mąątɛ̨nɛ̨ 148:14

A gɛ̀ ŋɔlɔii-ŋuŋ su é kpanáŋ a gɛɛ ŋɔnûai dí ǹáa maa tɛ́. Eezuɛ-ŋai maa mɛni kpanaŋɔ̂i mà. Ka Yâwɛɛ láa maa tɛ́.

Mąątɛ̨nɛ̨ 54:1

Óo Ɣâla, ḿalo mî a íwala-wala laai, íŋuŋ-ma ƃó a íwala-wala laai.

Mąątɛ̨nɛ̨ 6:2

Óo Yâwɛɛ, ḿalôŋ káa, kɔlɔ aâ gbâa kpɛɛ ḿâ. Pɔri mâa da fé ŋɔ́nɔ mî, wála-wala-laa tɛɛ ḿbɔ.

Mąątɛ̨nɛ̨ 6:3

Ŋa mɛni-soli kâai a ŋanaa. Óo Yâwɛɛ, yâ pâi ŋ́uŋ ma ƃôi a lé ɣele?

Mąątɛ̨nɛ̨ 6:4

Óo Yâwɛɛ, tínaŋ í ŋ́uŋ ma ƃó. Ŋ́uŋ ma ƃó íwɔlɔ-wɔlɔ wɛli-kɛ-maai sârai.

Mąątɛ̨nɛ̨ 60:5

Kúŋuŋ maa ƃó a íwala-wala-laai, í kúfɛli-wooi mɛ́ni. Yà gɛ̀ tí, gɛ̀ ní diai í díwɛlinii, da pâi ŋuŋ maa ƃô sɔlɔ ƃôi.

Azaya 6:10

È m̀o ḿâ ǹyɛɛi, “Gɛ́ ǹûai ŋí kíli ŋá é pú. Gɛ́ díwoli é tíniŋ, díŋɛi é pú a gɛɛ dífe kwaa kâa, dífe mɛni da mɛ̀ni, dífe mɛni ŋá kàa ma. À kɛ̀ tí, da pâi tínanîi ḿbɔ a gɛɛ ŋá díƃalo.”

Ɉeremi 15:20

Ŋá pâi íkɛ̂i a ƃara-siɣãŋ kpanaŋɔɔ ǹûai ŋí mɛni ma. Da pâi kɔ́ pɛlɛ̂i yá, kɛ́lɛ díyee fé pâi pɔrîi yâ, kpɛ́ni fêi, ŋ́gaa ípôlu. Yâwɛɛ ƃé mò tí.

Ɉeremi 3:23

Tɔ̃yâ ma kúfe sɛŋ da káa ní ŋ̀âla da kpɛ́ni-ŋai fɛliɛi su. Yâwɛɛ Ɣala ǹyaa tɔ̂nɔ nɔ́ ƃé a Eezuɛ ŋuŋ ma ƃò.

Ɉeremi 30:17

Kákpɔara-ƃelai dí mò dîyɛɛ, ‘Káfe sɛŋ su, núu da fé kpáaŋ ní ká maa mɛ̂ni ma.’ Kɛ́lɛ ńyãa Yâwɛɛ ŋa môi a gɛɛ. Ŋa pâi kákɔlɔ̂i ponôi, ŋá kápalai sále. Ńyãa Yâwɛɛ ƃó tí.”

Ɉeremi 31:18

“Ŋá Eezuɛ-ƃela wóo mɛ̀ni a lii-too pôlu pere, ‘Yâwɛɛ, kúkaa yɛ̂ɛ lɔɔ-fɛnɛ sãa. Kɛ́lɛ í kú tɔ̀ɔ a gɛɛ kú íwoo mɛni. Pá a kûa pôlu. Kwa kúkpîŋ kpɛtɛ a gɛɛ kú pá pôlu ípɔ naa. Yá ƃa Yâwɛɛ nyíi gáa a Kúɣâlai.

Ɉeremi 33:6

Kɛ́lɛ, ŋa pâi daa-lêei ŋí da zu-ƃela kélee ƃâloi, ŋá dí kɔlɔi pono. Ŋa pâi dí líi seêi a zu-kɛ́tɛ, ŋá dímɛi káa.

Lonon mo 12:13

Nya ƃe Mose è wɔ̀lɔ Yâwɛɛ mà ǹyɛɛi, “Óo Ɣâla kpera yɛ̂, Miriaŋ ƃálo.”

Maafîu 14:30

Kɛ́lɛ, tãi è vãai kàa lai, è kɛ̀ yaôi. Gɛ́ɛ lɔ̂i ǹyái mui, è làɣi ǹyɛɛi, “Kúnuu-namui, ḿalo!”

Maafîu 8:25

Nya ƃe, ŋɔpôlu-ƃelai dí pà bɔ dí ŋ̀ɛi lá ƃó, dîyɛɛ mai, “Kúnuu-namui, kúƃalo. Kwa saâi.”

Lukə 4:18

“Kúnuu-namui Ŋɔmɔ̂leŋ Maa Waai kaa ḿɛi, kpɛ́ni fêi, a wulɔ pu ŋ́ûa a gɛɛ ŋa tuŋ lɛ́lɛɛ ƃo gôlo-ƃelai dîa. A ńdɛɛ a gɛɛ ŋa ŋuŋ-maa ƃo-mɛni ƃo gɔ-soŋ-ŋai dîa, ŋa ŋɛi-pu-ƃelai díkwaa-kaai mɛni ƃo, a gɛɛ ŋa ǹûai ŋuŋ ma ƃó diai díkaa mɛni kpɔ̂lu sui,

Dutɛrɔnome 10:21

Ǹyaa ƃa Káɣâlai. Ka ǹáa maa tɛ́. A mɛni kpaya-kpaya támaa kɛ́ kâa. Káa kpîŋ ká ǹaa kàa.

Dutɛrɔnome 32:39

“ ‘Ka gáa, ńyãa tɔnɔ nɔ́ ƃa Ɣâla. Ɣâla da kpɛ́ni fé naa é kúla ḿbôlu. Ńyãa ƃa fúlu-laa tɛ̀ɛ núu pɔ́ ŋ́gɛ zìɣe pôlu. Ŋa núu ŋwàna, ŋá m̀álo. Núu da fa pɔ̂ri kulâi ńyêei a gbîŋ wàla-wala.