Ɉeremi 17:11 - Bible

¹¹ Ǹúui nyíi a sɛŋ-kao sɔlɔ ƃô a fili perei, gáa yɛ̂ɛ ŋɔni nyíi a m̀araa da kpɛ́ni ɣáloŋ saai. Ǹúu ŋí a pâi ŋɔtɔɔ-sãai su pûi a ǹoloŋ tãi, ǹyaŋ a lɛ̂ɛ a ǹyée fôlo yɛ̂ɛ ƃoo-nuu a ŋɔkɛ-ɣeniɛi kpɛɛ-ŋa tãi.

Yálá laawoo hɛɓɛ (dc)

¹¹ Nui a hɛn ɉɔlɔɓo a hulu, gaa yɛ háɉalii a mɛlan gbɛ ɲąnįn mɛ̨i, ə pɛlɛ laa. Mąą nu nwɔ yɛnɛ̨ɛ̨ hva kpɛli həli ɉąąi, nwɔ hɛn gɔw yɛ kpɛɛ ɲəi; A nwɔ yɛnɛ̨ɛ̨ laa kulɔ nu kpoloon naa hu.

Yálá laawoo hɛɓɛ

¹¹ Nui a hɛn ɉɔlɔɓo a hulu, gaa yɛ háɉalii a mɛlan gbɛ ɲąnįn mɛ̨i, ə pɛlɛ laa. Mąą nu nwɔ yɛnɛ̨ɛ̨ hva kpɛli həli ɉąąi, nwɔ hɛn gɔw yɛ kpɛɛ ɲəi; A nwɔ yɛnɛ̨ɛ̨ laa kulɔ nu kpoloon naa hu.

Ɉeremi 17:11 ပူးပေါင်းရင်းမြစ်များ

Zôo 20:21

A ǹáa mìi, da fa lɛ̂ɛ. M̀ɛni ma, ŋɔtɔɔ-laai su fé pâi kôyai.

Mąątɛ̨nɛ̨ 49:13

M̀ɛnii ŋí ƃa kɛ̂ a diai díkili tɔɔ̂i díkɔ̃liŋ mai, da dípôlu-ƃelai.

Mąątɛ̨nɛ̨ 55:23

Kɛ́lɛ, óo Ɣâla, ya pâi ǹúu-paa-ƃelai da ǹɛ́ɛ-kɛ-ƃelai paâi, dí saa tãi é lɛ́ɛ pâi serîi. Mɛni a kpèra ḿâ, ŋa pâi ŋ́gili tɔɔ̂i yâ.

Hanwon 13:11

Ǹúui a gbîŋ tɔ̀ɔ a maa felaai, a kôlo, kɛ́lɛ ǹúui a tɔɔ-sãa kɔ̀ri a bɛlɛ-pɛlɛɛi, zu a kɛ̂tɛ.

Hanwon 15:27

Ǹúui a sɛŋ kɔ̂ri a wôya-perei, a ŋɔpɛ́rɛi wòlo, kɛ́lɛ ǹúui a yee-pɛlɛ ǹá-sɛŋ-kao kpɔ̀arai, a ƃâlo.

Hanwon 21:6

Tɔɔ-laa sɔlɔ ƃóɔɔ a wôya-pere fa tûa. Gáa nɔ́ yɛ̂ɛ lúu nyii va tûa tâai. A ípìli saa ŋɔƃáre ŋá.

Hanwon 23:5

Ísɛŋ-kaoi a kûla íyêei a maa félaa yɛ̂ɛ berei kuɛ a kɔ̂ɔŋ la a maa félaa ŋ̀elei sui.

Hanwon 28:16

Kâloŋ nyii táre fé ŋuŋ sui, gáa a núu-mɔ̃lɛ-nuu, kɛ́lɛ ǹúui vé wôya-mɛni wɛlii nii, a tûa ɣele ma.

Hanwon 28:20

Tɔ̃yâ-nuu a pâi lûwa támaa sɔlɔ ƃôi, kɛ́lɛ ǹúui tɔɔ-laa lii-sɛlɛŋ káa mai, a pâi tɔŋ-kpɛ-maa sɔlɔ ƃôi.

Hanwon 28:22

Ŋɛi-kpala-nuu a tɔɔ-laa kɔ̀ri a maa-felaa, vé gɔ́lɔŋ a gɛɛ kôlo-laa a pâi pâi bɔ́.

Hanwon 28:8

Ǹúui a ŋɔtɔɔ-sãai da pù ma a gêeni láa ŋɔkpa-sɛŋ-kaoi mai, a ŋɔtɔɔ-sãai ŋá tɛ̀ ma ǹúui mɛni ma a kôlo-ƃela malôŋ kaai.

Ɉeremi 22:13

Kpalo ƃêlaai ǹúui ma nyíi a ŋɔpɛ́rɛi tɔ̂ɔ a wôya mɛni, nyíi a da pù ma a fili-pere, nyíi a gɛ̀ m̀arâi dí tíi kɛ̀ mì kpɛ́ni-kpɛnii, ǹyaŋ va dífela-fei.

Ɉeremi 22:17

Kɛ́lɛ sɛŋ kɔ́riɛɛ a fili-pere nɔ́ ƃé íŋɛi káa ma, íkɛ nûa pàa nyii-ŋai dísɔŋ fé dîai, íkɛ ǹûai sôŋ a ŋwana lɔ̂ɔ-pere.

Ɉeremi 6:13

É síɣe ǹúui guro-tei ma é tóo gɛ́tɛi ma, díkelee díkaa wôya-sɛŋ wɛ̂lii. É síɣe Ɣâla ŋɔlóno kɛ́-ƃelai dîa é tóo zâla láa soŋ-ƃelai dîa, díkelee díkaa nɔ́ tûai a wôya pere.

Ɉeremi 8:10

Yâwɛɛ è mò a gɛɛ a pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi. É síɣe ǹúui guro-tei ma é tóo gɛ́tɛi ma, díkelee díkaa nɔ́ wôya sɛŋ kɔ̂rii. Ɣâla ŋɔlóno kɛ́-ƃelai da zâla láa soŋ-ƃelai dífe a teniŋ ƃô-ƃela.

Amɔsə 3:10

Dífe mɛni lɛ́lɛɛ kɛ́-pere kɔ́lɔŋ, nyii-ŋai da ŋwana-lɔɔ mɛni da ŋúma-mɛni lòo díkoli-ŋai sui.

Mise 2:9

Bɔɔ-nɛyãai da dípɛrɛ-ŋai sèe káyêei a sɛ́ɣɛ, da wàla maa tée, káfa dɛ̀ɛ dípɔ pôlu. À kɛ̀ tí, ka dínîa-pɛlɛɛi fîli, ká ŋálûwai kúla dí yêei.

Mise 7:3

Dí kélee dí táreɛi sɔŋyɔ̂ŋ kɛ̀ pere su. Gâloŋ da mɛni ŋá-tée-ƃelai díkɛ yee-pɛlɛ ǹá sɛŋ-kao sòŋ. Dɔɔ-ƃelai dí kɛ́ mò dîa zɛŋ da ŋ̀wɛ̂lii, ǹyaŋ da dîa-ni dí woo kɛ́ ƃò zu tɔnɔɔ.

Sofoni 1:9

Maa ɣêlei tí ŋa pâi tɔ̂ŋ kpɛ̂i diai kélee dîa da ǹɔii da kpɛ́ni su ɣala-ŋai fɛ̂lii da diai da dímɛi-nûui ŋɔpɛ́rɛi láa fɛ̀ɛ a ŋúma-sãa nyii dínuu pàa díkɛ zìɣei.”

Zakari 5:4

Ŋ̀wála-wâla kélee Yâwɛɛ è mò a gɛɛ foo-wôo káa gwaa kélee, a pâi ŋúma-nuu ŋɔpɛ́rɛi mu da ǹúui a vòo a lɛ́ɛi ŋɔpɛ́rɛi mu. A pâi lɛɛ̂i dípɛrɛ-ŋai mu é lɛ́ɛ la zu é gélee wólo.”

Malasi 3:5

Ŋ̀wála-wâla kélee Yâwɛɛ a môi ǹyɛɛi, “Ŋa pâi pâi kápɔ ŋá kámɛnii ŋáa tée, ŋá sêre-faa kɛ́ ŋɔ́nɔ é pîlaŋ bóniŋ kɛ́-ƃelai dîa da ŋ̀ulu-wulu kɛ́-ƃelai, ǹɛ́ɛ-sere-faa kɛ́-ƃelai, da diai da díi-kɛ́-ƃelai dífela-fei mîi a wôya perei, diai da díŋɛi nàɣiŋ bɔɔ-nɛyãai mɛi, dee-lônii, ǹɔii da kpɛ́ni su-ƃelai, é pɛ́lɛ diai dîa dífa ƃaa-kɛ́-maa tɛ̀ɛ ḿbɔi.

Maafîu 23:13

“Kpalo ƃêlai kâa gɔlɔ-pɔ̃yɛ-ƃelai da Faresii-ŋai, kákaa a kíri-ƃela! Kpɛ́ni fêi, ka Ŋ̀âla-taa kâloŋ-laai lá tɛ́ núu-kpune perêi. Kpɛ́ni fêi, káfa lɔ̂ naa káa kpîŋ. Káfa têla ǹɛɛ naa a gɛɛ diai ŋ̀wɛ̂lii dí lɔ́ naai dí lɔ́.]

Lukə 12:20

Kɛ́lɛ, Ɣâla e mò ma, ǹyɛɛi, ‘Ƃoo-nuu! Gbínii ŋi su ífulu-laai a pâi kulâi íyeêi; gɛ̀ ní, zãâi ŋi ya ŋá kpɔnîi, gbɛ̂ɛ ƃe a pâi lɛɛ̂i a bɔ́ɔ?’

Timote dɔlɔɔ 6:9

Kɛ́lɛ, diai da tɔɔ-laa wɛ́li kɛ̀i, da pîli yee-laa-maa su, díkɛ pîli ƃáre ŋá, díkɛ pîli ƃoo-mɛni-wɛliɛ támaa su da sɛŋ-soli maa-mɛni nyíi-ŋai da núu su kàrai.

Taitɔ 1:11

Ǹyaŋ fɛ̂ɛ dí maa-ƃelai tí kpera, kpɛ́ni fêi, da pɛ́rɛ-mu-ƃela kélee kɛ̀ wúlee a sɛŋ-lɛ́ɛ nyíi maa fé nɛ̃ɛ ní a gɛɛ dí gɛ́, kɛ́lɛ, da gɛ̀ nɔ́ sɛŋ-kao mɛni mai.

Piɛrə veelɛ 2:14

Wulu-wulu kɛ́-nɛyaa maa-mɛni káa díkili ŋá a ŋánaa, sɔnyɔ̂ŋ-kɛɛ fa dílii làa. Diai dílii-pene la nɛɛ̂i, da dílii pène. Sɛŋ-maa-lii-teɛɛ maa-tare káa dîɛ a ǹɛ́lɛɛ. Náɣâŋ káa dîa!

Piɛrə veelɛ 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.