Ɉeremi 17:10 - Bible

¹⁰ Ńyãa Yâwɛɛ ƃa núu líi su kàa, ŋ́gɛ núu líi su kɔ̀ɔŋ. Ŋà núu ŋɔmɛnii ŋá tèe yɛ̂ɛ berei ŋɔkɛ-ɣeniɛi káa lai, yɛ̂ɛ berei a tûa lai.”

Yálá laawoo hɛɓɛ (dc)

¹⁰ Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Yálá laawoo hɛɓɛ

¹⁰ Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 17:10 ပူးပေါင်းရင်းမြစ်များ

Tɔɔɓɛlaa dɔlɔɔ 8:39

gɛ̀ ní lɛɛ Ɣâla-taa í mɛni, í dísu-mɛni lɛɛ, í dûa kɛ́. Ǹúui kélee dímɛnii su-too dîɛ tɛi-tɛi yɛ̂ɛ berei dítûa-pere káa lai nyíi nɔ́ í núu líi su-mɛni kɔ́lɔŋ, kpɛ́ni fêi, ƃía tɔnɔ nɔ́ ƃé núu-kpune líi su-mɛni kélee kɔ́lɔŋ.

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípolu tɔɔ m̀a, a pâi ípilii kpɔ́ wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Maa-ŋuŋ 29:17

Ŋáɣâlai, ŋá gɔ́lɔŋ a gɛ́ɛ yâ núu líi su kâa ǹyaŋ ílii a ǹɛ̃ɛ diai da tùa a teniŋ ƃó perei dímɛni ma. Ǹyaŋ ŋá zãai ŋí kélee tɛɛ a teniŋ ƃo pere é kúla ńii su. Ŋa ŋɔ́nɔ berei káa ínûai díkaa ƃɛ́i da sama-sãa tɛɛ̂i la ípɔ gɛ́ kùla dílii su a lii-nɛ̃ɛ perei.

Kɔlɔnikɔ Veerɛi 6:30

gɛ̀ ní ye lɛɛ ípɔ-taai Ɣâla-taa í díwoo mɛni. Dísɔnyɔ̂ŋ-ŋai su mɛ̂ni lɛɛ í dímɛnii ŋá tée yɛ̂ɛ berei dítûa-perei káa lai. Kpɛ́ni fêi í díkelee dílii su mɛnii kɔ́lɔŋ.

Zôo 34:11

Ɣâla a núu féla fè gɛ́ tîi mɛni ma. A véla fè dûa-pere ma.

Mąątɛ̨nɛ̨ 44:21

gɛ̀ nî ya gɔ́lɔŋ, kpɛ́ni fêi, í kúlii su mɛni kélee kɔ́lɔŋ.

Mąątɛ̨nɛ̨ 44:22

Kɛ́lɛ ímaa mɛ̂ni ƃé nûa da kútama ɣele kúpaâi la a kpíni da fólo, díkɛ kúta-ŋa sòŋ a ǹyɔ́mɔɔ yɛ̂ɛ ƃála-ŋa ƃé da pá dípaâi.

Mąątɛ̨nɛ̨ 62:12

ǹyaŋ ŋɔwɛli kɛ́-maai káa a wɔ́lɔ-wɔlɔ wɛli kɛ-maa. Yá, óo Ǹuu-namui, ya nûa féla fè yɛ̂ɛ berei dítûa-pere káa lai.

Mąątɛ̨nɛ̨ 7:10

Yá Ɣâla, yá nɔ́ ƃa ḿaa kɔ̃ɔ nuui. Diai da íwoo mɛnii, ya díŋuŋ ma ƃò.

Mąątɛ̨nɛ̨ 7:9

Íkaa a teniŋ ƃô Ɣala. Yá ƃé núu-kpune líi su kɔ́lɔŋ da ŋɔkili ŋa sîai. M̀ɛni ŋ̀wana-lɔ̂ɔ-ƃelai su-kara, í diai ŋɛ́i malôŋ káa da íwoo mɛnii.

Hanwon 12:14

Ǹúui da-ni da dífela-fei sɔlɔ ƃô yɛ̂ɛ berei dílono-woo káa lai, ǹúui da-ni díkɛ díwɔ̂i sɔlɔ ƃò dítii kɛ́-perei su.

Hanwon 17:3

Da káne da gôo kɔ̀ɔŋ ŋɔŋ su, kɛ́lɛ Ɣâla Yâwɛɛ ƃa núu líi su kɔ̀ɔŋ.

Ikilisiati 9:3

É kúla nyíŋi pôlu, núu-kpune líi láa fɛ̂ɛi a sɔnyɔ̂ŋ da ƃoo-mɛni. M̀ɛni-ŋai ŋí kélee su núu kélee lì-pere káa nɔ́ tɔnɔ. Ǹyaŋ m̀ɛnii kélee kpɛɛ ŋá nɔ́ ƃa saa nyii gáa a m̀ɛni nyɔ́mɔɔi nyii a kɛ̂ a núu kéleei.

Azaya 59:18

A pâi ŋɔnûai kula maa kɛ̂i m̀ɛni nyɔ́mɔɔ-ŋai dí gɛ̀i, m̀aa mɛ̂ni ma. Diai díkaa lɔii-ŋûŋ su kôyaa sui, a pâi máŋ díkula-maa kɛ̂i.

Ɉeremi 11:20

Kɛ́lɛ, óo Ŋ̀wála-wâla kélee Yâwɛɛi, yái ya mɛni-ŋa tèe a teniŋ ƃô perei, íkɛ núu líi da gíli su kɔ̀ɔŋ, tɔɔ ŋá í mɛni kpa kuláai pɔ́ɔ káa dîa, kpɛ́ni fêi, ŋ́ɛi káa í mɛni ŋá téɛɛi perêi.

Ɉeremi 12:13

Dí wîi sì, kɛ́lɛ ŋalêŋ ƃé da pâi dêei. Da pâi tíi kɛ̂i a ŋánaa, kɛ́lɛ dífe pâi sɛŋ da sɔlɔ ƃôi zu. Tãi da pâi dísi-sãai têei lai, ŋumɛ a pâi dí kɛ̀i, kpɛ́ni fêi, Yâwɛɛ a ǹíi ŋwána dîa a ŋánaa.”

Ɉeremi 20:12

Ŋ̀wála-wâla kélee Yâwɛɛi, ya núu su kɔ̀ɔŋ a tɔ̃yâ pere. Í m̀ɛnii kɔ́lɔŋ gáa dí líi su, da díkili ŋái. M̀ɛni ma, tɔɔ ŋá íkaa í mɛni kpa kula ŋ́gbɔara-ƃelai dîa, kpɛ́ni fêi, ŋa ŋámɛnii láa íŋɛi.

Ɉeremi 21:14

Ŋa pâi í kula maa kɛ̂i yɛ̂ɛ berei ítûa-pere káa lai. Ŋa pâi ŋɔŋ toôi íkâloŋ-pɛrɛ-ŋai dîa nyíi pâi gélee kéreniî da ǹaa kɔlɛ ma sãai kéleei. Ńyãa Yâwɛɛ ƃé mò tí.’ ”

Ɉeremi 23:2

M̀ɛnii ŋí ƃé Yâwɛɛ nyíi gáa a Eezuɛ Ŋɔɣâlai è mò é pîlaŋ ǹúu-mɛi-ƃelai dîa nyíi gáa a sɛŋ dí ŋɔnûai mɛi káai ǹyɛɛi, “Káfe ŋánûai mɛi kâai. Ka díkpɛ, ka dítaa-taa. M̀ɛni ma, ŋa pâi kákula ma kɛ̂i m̀ɛni nyɔ́mɔɔ sii ŋí mɛ̂ni ma.

Ɉeremi 32:19

Ya mɛni kpɛ̂tɛ a táre pere, íkɛ mɛni kpaya-kpaya-ŋa kɛ̀. Ya núu kélee kpɔ́ kɛ́-mɛni kàa, íkɛ núu kélee féla fè dítûa-pere ma.

Izikiɛ 11:5

Nya ƃe Yâwɛɛ ŋɔmɔ̂leŋ è pà ḿɛi é mó ḿâ ǹyɛɛi, “Kɛ́ dîa Yâwɛɛ ǹyɛɛ ŋá mò kâa káai a Eezuɛ-ƃelai bere ƃé ka kákili-ŋa siai la. Kpɛ́ni fêi ŋá m̀ɛnii kɔ́lɔŋ ka kákili-ŋa siâi é pîlaŋ mai.

Izikiɛ 14:5

Ŋa pâi gɛi tí a gɛɛ ŋá Eezuɛ-ŋai nyii-ŋai ŋ̀âla-pɔɔkɔŋ ŋai da dílii penei kɛ́ dítinaŋ ḿbɔ naa pere.

Mise 7:13

Kɛ́lɛ ǹɔii a pâi kɛ̂i a fɛ̃ɛ-kpâlaŋ, kpɛ́ni fêi diai díkaa zui, da mɛni nyɔ́mɔɔ kɛ̀.

Maafîu 16:27

Núu-kpune Ǹóŋ a pâi pâi a Ŋɔɣâla-taa kela-ŋai Ǹâŋ ŋɔfólo-laai su, gɛ̀ ní, a pâi núu kélee fela fêi tɛi-tɛi ŋɔtii-kɛ-pere ma.

Maafîu 6:4

a gɛɛ ísama-sɛŋ maa-mɛni é kɛ́ loo-pere su. Ǹyaŋ Ínâŋ nyii a loo-mɛni su kàai, a pâi ífela fêi (nûa ŋɛ́i).

Ɉaan 2:25

kpɛ́ni fêi, e kɛ̀ a núu kélee kɔlɔŋɔɔ, ve kɛ́ ni a núu da wɛ́liɛɛ a gɛɛ é núu-kpune maa sêre-faa kɛ́ ǹyêei, kpɛ́ni fêi, ǹyaa kpîŋ e kɛ̀ a gɔ́lɔŋɔɔ zɛŋ gáa núu kponôi.

Gɛlaɠaa 1:24

Dí Ɣâla fɛ̀li, dîyɛɛi, “Kúnuu-namui, ƃiai í núu kélee líi su kɔ́lɔŋ, ǹúu feerɛi ŋí nyíi lɛ́ kûa ya ziɣe zui,

Lomaŋ 6:21

Kɛ́lɛ, lé lɛ́lɛɛ ƃe ká zɔlɔ ƃò nyíi-ŋai su maa ŋumɛ̂i káa kâai!? Ǹyaŋ nyiti-ŋai kpɛɛ ŋá nɔ́ ƃa saa.

Lomaŋ 8:27

Ǹúui a núu-kpune líi su kɔ̀ri, e M̀ɔlêŋ ŋɔkili-ŋa-siai kɔlɔŋ, kpɛ́ni fêi, M̀ɔlêŋ a tɔ̂ɔ Ŋ̀âla-ƃelai mɛni ma yɛ̂ɛ berei Ɣâla nîa-mɛni káa lai.

M̀ɛni-lɛɛi 2:23

Ǹyaŋ ŋa pâi ŋɔnîa-pɛlɛɛi paâi. Kôrai-toli-kpɔŋ-ŋai kélee da pâi gɔ́lɔnîi a gɛɛ ńyãa ƃa ǹúui a kíli kélee su kàa da líi kéleei, ǹyaŋ ŋa pâi sɛŋ kélee tɛɛ̂i núu pɔ́ tɛi-tɛi yɛ̂ɛ berei ŋɔtíi káa lai.

M̀ɛni-lɛɛi 20:12

Nya ƃe ŋá zaa-ƃelai kàa, núu kpaya-kpaya da nîa-pɛlɛɛ, dí ƃo tɔɔ ni gâloŋ-see-sɛŋ ŋ́ɛi-tuɛ, kɔlɔ-ŋa lá ƃóɔ. Kɔlɔ da kpɛni máŋ lá è kɛ̀ a m̀óɔ, nyíi gáa a vúlu-laa-kɔlɔi. Zaa-ƃelai dímɛnii ŋá tèe mɛnii è kɛ̀ a bɔ̃yɛɛ gɔlɔ-ŋai su, yɛ̂ɛ berei dítûa-pere è kɛ̀ lai.

M̀ɛni-lɛɛi 22:12

“Gáa, ŋa pâi a maa félaa. Ŋa pâi a fela-fé a gɛɛ ŋa núu kélee fela fé dua-pere ma.

Samuɛlə dɔlɔɔ 16:7

Yâwɛɛ ǹyɛɛ m̀ai, “Samia, íkili fé kɛ̀ Ilai ma, kpɛ́ni fêi, ǹɛ̂lɛɛi, mu siɣeɛ́ɛi. Ǹyaa fêi. Nûa da núu ŋɔmɛni ŋá tèe berei ma da gàa lai, kɛ́lɛ ŋa nûa dímɛnii ŋá tèe yɛ̂ɛ berei dílii káa lai.”