Ɉeremi 16:19 - Bible

¹⁹ Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Yálá laawoo hɛɓɛ (dc)

¹⁹ Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Yálá laawoo hɛɓɛ

¹⁹ Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 16:19 ပူးပေါင်းရင်းမြစ်များ

Tɔɔɓɛlaa dɔlɔɔ 20:23

M̀ɛnii ŋí kɛ́ɛ kɛ̂i, Siria kaloŋ ŋɔnûa láa túɛ-ƃela kpaya-kpayai dí ǹia-woo ƃò dîyɛɛi, “Díɣâla-ŋai díkaa a ǹyée-ŋai su Ɣala-ŋa. M̀ɛnii tí ƃé gɛ̀ díkɛ ƃò a díwála-walaa kúmɛi. Kɛ́lɛ kwa dîa-ni kwa kɔ̀ diŋ-tiŋ ŋá pere, kúlâai la kwa pâi kɛ̂i a kúyee a pâi tɛɛ̂i dîa.

Mąątɛ̨nɛ̨ 18:3

Ŋá Yâwɛɛ tòli é ŋ́uŋ ma ƃó ŋ́gbɔara-ƃelai yêei. Laa-maa tɛ̂ é tɛ́ɛ Yâwɛɛ pɔ́.

Mąątɛ̨nɛ̨ 19:14

Tɔɔ m̀ɛni-ŋai kélee ŋa m̀ôi da nyii-ŋai kélee ńii sui, díkɛ a ílii láa mɛni-ŋa, óo Yâwɛɛ, yái íkaa a ŋá kili tɔɔ-maa kɔnii da ŋ́uŋ ma ƃó-nuui.

Mąątɛ̨nɛ̨ 27:5

A pâi ḿaa kɔ̃ɔ̂i mɛni kpɔ̂lu su, é gɛ́ ŋ́gɛ ƃò ŋɔpɛ́rɛi mu ŋuŋ ma ƃô su, é ńdɛ ɣelêi é ńzee kɔni kɛ́tɛ ŋá sɛŋ da kélee yée fa pɔ̂ri ḿâ.

Mąątɛ̨nɛ̨ 46:1

Ɣâla ƃa kúmaa kɔ̃ɔ-nuui. Ǹyaa ƃa gɛ̀ kúkponôi é kpanaŋ. Gbîŋ kpɛtɛɛi a tãi kélee a gɛɛ é kpɔ́ŋ mâa tɛɛ kúpɔ kwa kɛ̀ mɛni kpɔ̂lu su.

Mąątɛ̨nɛ̨ 46:11

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Mąątɛ̨nɛ̨ 46:7

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Mąątɛ̨nɛ̨ 62:2

Ǹyaa nɔ́ ƃa ŋ́uŋ ma ƃó nuui, gɛ́ ḿaa kɔ̃ɔ yɛ̂ɛ kɔni. A ḿaa kpɛ̀, ŋ́gbɔara-ƃelai da fé pâi wɔ́lɔ pɔrîi ńyee mɛi ɣâlei.

Mąątɛ̨nɛ̨ 62:7

Ɣâla ƃé ŋ́gili káa ma ŋ́uŋ maa ƃó mɛni da ƃaa kɛ́-maa mɛni ma. Ǹyaa ƃa ḿaa kɔ̃ɔ-nuu kpanaŋ yɛ̂ɛ kɔni. Ǹyaa ƃa ŋ́uŋ maa ƃó-nuui.

Mąątɛ̨nɛ̨ 65:3

Zɔnyɔ̂ŋ-ŋai kwa gɛ̀i, tãi kwa lɛ̂ɛ gɛ̂i la zu é kɛ́tɛ é tɛ́ɛ kúkponoi mai, maa tãi ƃé ya kúsu-mɛ̂ni lɛ̀ɛ la.

Mąątɛ̨nɛ̨ 68:31

Gɛ́ Ize-ƃelai dí pá a díƃara sama-sãai a wála-wala-laa. Gɛ́ Itiopia-ƃelai dí pá a sama-sãa a maa félaa.

Mąątɛ̨nɛ̨ 86:9

Óo Ǹuu-namui, yá ƃé ǹɔii-ŋûŋ-ŋai kélee kpɛ̀tɛ. Da pâi díŋuŋ maa pîlanii dí ífɛli. Da pâi íwala-wala-laa kɛ́tɛi maa tɛ̂i.

Hanwon 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 25:4

Yá nɔ́ ƃé diai pɔ̂ri mâa fé dîɛi da pâ ípɔ díŋuŋ ma ƃô mɛni ma. Ǹyaŋ ya díkùla dímɛni kpɔ̂lu-ŋai su. Ya dímaa kɔ̃̂ɔ fãa kɛ́tɛ yêei, í ninîŋ tɛɛ dípɔ vóloi ŋɔzizi fé dí kerêŋ. Díkpɔara-ƃela da pɛ̂lɛ dîa yɛ̂ɛ fãa kɛ́tɛ,

Azaya 32:2

Gâloŋ ŋí da ŋɔtíi kɛ́-ƃela kpaya-kpayai da pâi Eezuɛ maa kɔ̃ɔ̂i ŋɔkpɔara-ƃelai yêei. Da pâi kɛ̂i m̀ɛi yɛ̂ɛ ya-ɣɛ̂li ƃé ɣilînii lɔii kpâla ma. Da pâi kɛ̂i m̀ɛi yɛ̂ɛ kɔni kɛ́tɛ niniŋ fɛ̃ɛ-kpâlaŋ su.

Azaya 44:10

Gbɛ̂ɛ ƃa ɣâla pɔkɔɔŋ sɛŋ da kpɛ̀tɛ nyii va sɛŋ da sɔlɔ ƃo ǹyêei?

Azaya 44:20

Díƃoo pere káa léŋ tí. Da dílaa-laai pûi sɛŋ da kponôi nyii da gèreŋ a ŋɔŋ. Da díkpîŋ pɛ̀lɛ a díƃoo-tûai nyii va pɔ̂ri díŋuŋ maa ƃôi. Dífe gɔ́lɔŋ zãâi ŋí dífe a ɣâla?

Azaya 45:14

Yâwɛɛ è mò Eezuɛ mà ǹyɛɛi, “Ŋa pâi Ize da Itiopia-ƃelai dítɔɔ-sãai kulâi díyêei ŋá dɛɛ kápɔ. Seba kɔ-kuluƃa-ŋa kôya-kôyaa wála-wala-ŋai da pâi kɛ̂i a kápɔɔ. Da pâi kɛ̂i a luɛ-ŋa káyêei. Ka pâi dítoôi yɔlɛ ŋá, ƃɛ́i kélee ka lì naai dí ƃò kápôlu. Da pâi pɛlɛ̂ɛi a kákɔɔ dí kɛ́ mò, dîyɛɛi, ‘Káɣâlai nɔ́ ƃa dɔ̃yâ Ɣalai. Ɣâla da kpɛ́ni fé naa é kúla bôlu.

Azaya 49:6

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Azaya 62:2

Zerusâlɛŋ, ǹɔii-ŋûŋ-ŋai kélee da pâi ítɔ̃yâ-laai kâai, ǹaa kaloŋ-ŋai dí íkɛtɛ-laai kɔ́lɔŋ. Da pâi láa nîna seêi yâ, ǹyaŋ Yâwɛɛ ǹyaa kpîŋ ƃé pâi láa nina seêi yâ.

Ɉeremi 10:3

Kpɛ́ni fêi, ǹûai tûa-pere fé a tɔ̃yâ. Da wúru tèe ǹɔɔi su, ŋ̀úru-saa-ƃelai dítíi kɛ́ m̀a a yuɔ̂ a díyee.

Ɉeremi 10:5

Díɣâla-pɔɔkɔŋ ŋai díkaa yɛ̂ɛ maa-yao sɛŋ nyíi da dɔ̀ɔ zûai sui. Dífa lôno. Fɛ̂ɛ núu é lí a dia, kpɛ́ni fêi, dífa pɔ̂ri siâi. Káfe yao dîa, kpɛ́ni fêi, dífa pɔ̂ri mɛni nyɔ́mɔɔ kɛ̂i a káa, kpaa máŋ dí mɛni lɛ́lɛɛ kɛ́ kâa.”

Ɉeremi 12:16

Tãi tɔnɔ da dí wɔ́lɔ Bêe ɣâlai fɛli-pere lɛ̀ ŋánûai dîa díkɛ dífòo a ǹáa. Kɛ́lɛ à kɛ̀ da ŋánûai díɣâla fɛli-perei maa kɔ̂ri a ǹɛ́lɛɛ, díkɛ dífòo a ńaa dîyɛɛi, ‘À kɛ̀ nɔ́ Yâwɛɛ káa ɣele ma a tɔ̃yâ,’ gɛ̀ ní, ŋa pâi díkɛ̂i kɛ̂i m̀a ŋánûai sáma.

Ɉeremi 14:8

Yá nɔ́ ƃé íkaa a Eezuɛ ŋɔkili-tɔɔ maai. Yá ƃa ǹúui nyíi a kúkùla mɛni kpɔ̂lu su. Lé mɛni ƃé íkaa la yɛ̂ɛ ŋɔ̃ya ƃé gáa ǹɔii sui, yɛ̂ɛ tɛɛ-a-pere nɔ́ ƃé a nyii nɔ́ ǹɔii su a kpíni tɔnɔi?

Ɉeremi 17:17

Ífe kɛ́ a mɛni kpɔ̂lu ḿɛ̂ni ma. Mɛni kpɔ̂lu a làa ḿâ, yá ƃa ḿaa kɔ̃̂ɔ.

Ɉeremi 2:11

Ka táa lɔii-ŋuŋ da káa é ŋɔɣâlai maa fáleŋ, berei dífe la a tɔ̃yâ ɣalai? Kɛ́lɛ, ka ḿaa fáleŋ, ńyãai a Ŋ̀âlai nyíi dí mù wùyɛi, a ŋ̀âlai nyíi va sɛŋ kɛ̀ dîɛi.

Ɉeremi 2:8

Zâla láa-soŋ-ƃelai dífe kɛ́ ní dîyɛɛ, ‘Mí ƃé Yâwɛɛ káa naai?’ Ŋ́gbɔɔi sala láa-soŋ-ƃelai dífe kɛ́ ní a ŋ́gɔlɔŋɔɔ. Ǹúu láa túɛ-ƃelai dítɔ̀ɔ ḿâ. Ɣâla ŋɔlóno kɛ́-ƃelai dí lôno Bêe láai su, dí kɛ̀ ɣâla-pɔkɔɔŋ fɛ̀li nyíi dífa sɛŋ da kùla zui.”

Ɉeremi 3:23

Tɔ̃yâ ma kúfe sɛŋ da káa ní ŋ̀âla da kpɛ́ni-ŋai fɛliɛi su. Yâwɛɛ Ɣala ǹyaa tɔ̂nɔ nɔ́ ƃé a Eezuɛ ŋuŋ ma ƃò.

Ɉeremi 33:9

Zerusâlɛŋ-ƃelai da pâi lii-nɛ̃ɛ kulâi, dí ƃâa kɛ́ ḿâ, dí ŋáfolo-laai maa tɛ́. À kɛ̀ tí, ŋ̀éniɛi su-ƃelai kélee da pâi yaôi dí kɛ́ kpɛ̃liŋ tãi da pâi m̀ɛni lɛ́lɛɛ-ŋai ŋá gɛ̀ Zerusâlɛŋ, maa tûŋ mɛnîi lai, da berei Zerusâlɛŋ a pâi ƃûu ƃôi lai.”

Ɉeremi 4:2

gɛ̀ ní à kɛ̀ ka káfòo a tɔ̃yâ da teniŋ ƃô pere a ǹáa, gɛ̀ ní ŋ̀éniɛi gwaa kélee a pâi ḿarê kɛ̂i a gɛɛ ŋá lûwa too dîa. À kɛ̀ tí, da pâi ńaa maa tɛ̂i.”

Izikiɛ 11:16

“M̀ɛni ma yê m̀ó íƃaraa kɔ-sôŋ ŋai dîa a gɛɛ ńyãa ƃe dítɛɛ ǹɔii su koyaa su. Ńyãa ƃe dítaa-taa ǹɔii ŋuŋ-ŋai su, ŋa pâi kɛ̂i díkɔlɛ ǹɔii kélee su ƃɛi díkaa naai.

Zooɛ 3:16

Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Amɔsə 2:4

Ɣâla Yâwɛɛ è mò, ǹyɛɛ, “Zuda ŋɔsɔnyɔ̂ŋ saaƃa kpaa náaŋ mɛni ma, fé pâi ŋɔtɔŋ-kpɛ-maai siɣêi pôlu mà kpɛ́ni fêi, da díyee kúla Kúnuu-namui ŋɔtɔ̂ŋ mu, dífe mɛi káa ní. Dílɛɛ-mɛni-ŋai dínâŋ-ni dì sìa dípôlui, da díkɛ da láŋ.

Nahumə 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Habakukə 3:19

Ŋ̀wála-wâla kélee Yâwɛɛ ƃa ŋáwala-walai. A ŋ́gɔɔ kɛ́ yɛ̂ɛ lóma kɔɔ, é gɛ́ ŋá pili kwaa kôya-koya-ŋa mɛi.

Zakari 2:11

Maa tãi tí su lɔii-ŋûŋ támaa da pâi pâi Yâwɛɛ pɔ́ dí kɛ́ a ŋɔnûa. A pâi kɛ̂i kúsama, ǹyaŋ ka pâi gɔ́lɔnîi a gɛɛ ǹyaa ƃé ńdɛ̀ɛ kápɔ-naa.

Malasi 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Lomaŋ 1:25

Dí Ɣâla ŋɔtɔ̃yâi maa fàleŋ a lɛ́ɛ. Dí núu-kpune fɛ̀li da fɛnɛ-sãa dí tíi kɛ́ dîɛ é kúla zɛŋ kélee kpɛtɛ Ɣalai pôlu, nyíi lûwa káa ma wɔ́lɔ-wɔlɔ da wɔ́lɔ-wɔlɔi! É kɛ́ ti.

Piɛrə dɔlɔɔ 1:18

Ka gɔlɔŋ a gɛɛ dí kámaa tèe mɛni kpɛ́ni-kpɛni-ŋai sú nyii-ŋai ká gùla kánâŋ-ni yêei. Dífe kámaa tée ní a zãâi nyíi-ŋai da tɛ̂ɛi, yɛ̂ɛ káne da gôo.

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturii fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”