Ɉeremi 16:16 - Bible

¹⁶ Yâwɛɛ è mò ǹyɛɛi, “Ŋa pâi yá-kpɛ-ƃela tɛɛ̂i dí pá dí ǹûai ŋí sóŋ. Ŋá loŋso-ŋa tɛ̀ɛ dí lí dí dísoŋ ǹyée kpaya-kpayai da ǹyée pɛlɛɛ-pɛlɛɛi tôŋ su, gɔni wôlo-ŋai su.

Yálá laawoo hɛɓɛ (dc)

¹⁶ Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Yálá laawoo hɛɓɛ

¹⁶ Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Ɉeremi 16:16 ပူးပေါင်းရင်းမြစ်များ

Zɛnɛse 10:9

È kɛ̀ a gbâna pili-nuu kɛ́tɛ Yâwɛɛ ŋɛ́i. Mɛni ma da mò dîyɛɛi, “Tɔɔ Yâwɛɛ é í kɛ́ a loŋso kɛ́tɛ yɛ̂ɛ Nimɔrɔ.”

Azaya 2:21

Yâwɛɛ a pà a gɛɛ é ǹɔii su-ƃelai maa-yao, ǹûai da pâi pûi dí díloo kɔni wôlo-ŋa su ǹyée-ŋai tôŋ su. Da pâi gɛ̂i tí a gɛɛ dí díloo Yâwɛɛ ŋɔfólo-laai da ŋɔwála-wala-laai perei.

Azaya 7:19

Da pâi pâi dí kpɔ́ŋ ǹyée-ŋai loai, da-ŋa dí lɔ́ gɔni-wôlo-ŋai su, da-ŋa díkɛ ƃò ǹɔɔ-ŋai su, da-ŋa dí kɛ́ ƃò ŋ̀alêŋ kpɔlɔ-ŋai su da daa-tûlɛ-ŋai láa-mii kâla-ŋai su.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 4:29

Tãi zòo mɛi-ƃelai da gbála pili-ƃelai díwoo a pâi tɛ̂i lai, núu kélee a pâi pûi. Díta-ni da pâi pûi dí lí ǹɔɔi su. Díta-ni dítɛ gɔni-ŋai sáma. Daa-ŋai kélee da pâi lɛɛ̂i a dípûŋ, ǹyaŋ núu da fa ŋɔ́nɔ sèe naa.

Ɉeremi 49:5

Ŋa pâi mɛni kpɔ̂lu lâai kâa ƃéla kélee mɛi. Kákelee kpɔ́ ka pâi pûi. Núu da kélee fé pâi kɛ̂i naa é ká kɔ-kuluƃa-ŋai ŋáa tɛ́ gîe ma.

Ɉeremi 6:9

Ŋ̀wála-wâla-kélee Yâwɛɛ è mò ǹyɛɛi, “Berei kpɔmɔ-ƃa kpalaŋ nâmu a ŋɔkpɔmɔ-ƃai kélee kùla la dɛi-tɛi nɔ́ é lɛ́ɛ naai, bere ƃé Eezuɛ ŋɔkpɔara-ƃelai da pâi gɛ̂i la. Da pâi Eezuɛ-ƃelai kélee sonîi dɛi-tei nɔ́ é lɛ́ɛ naa.”

Woolaa 4:18

Kúkpɔara-ƃelai dí kɛ̀ tɔɔ̂ni dí kɛ́ kúmaa kpɛ̂ɛ. Pɔri mâa fé kɛ́ ní kûɛ a gɛɛ kú sía bere lêei-ŋai da ma daa lêei su. Kúfulu-laai kpɛɛ-ŋa tãi è nâa sèri.

Woolaa 4:19

Kúkpɔara-ƃelai dí kɛ̀ kúkpɛ̂i a kîrɛ. Dí kîrɛ kɔɔ è kɛ̀ a dɛɛ́ kuɛ ma tãi a kɛ̂ kɔɔ̂nii lai. Dí kɛ̀ kúkpɛ̂i ǹyée-ŋai ma, dí gbã tée kúperêi vɛ̃ɛ-kpâlaŋ su.

Osia 10:10

Ŋa pâi pâi ŋá zɔnyɔ̂ŋ-ƃelai kula-maa kɛ́. Ǹɔii-ŋuŋ-ŋai da pâi díwoo kɛ̂i zu tɔnɔɔ dí kɔ́ pɛ́lɛ dîa dísɔnyɔ̂ŋ-ŋai mɛ̂ni ma.

Amɔsə 4:2

Kúnuu-namui e vòo a ŋɔfólo-laai a gɛɛ-tã káa pâi, tãi da pâi kákulâi la a kpawɔi, da pâi kákpɛɛ-ŋai kulâi máŋ a nyɛ̃ɛ kula-kpâwɔ.

Amɔsə 5:19

Gáa nɔ́ yɛ̂ɛ núu à yào yala-sulu ma da ditala dí kɔ̃yaŋ. Kpaa máŋ yɛ̂ɛ núu à lɔ̀ pɛ́rɛ mu à ǹyée pɛ̀lɛ bɛ́rɛ-kaŋ ma, kali é ǹyíŋ.

Mise 7:2

Tɔ̃ya-nuu da kélee fé ŋɔ́nɔ ǹɔii su. Núu kélee fé naa nyii a yào Ɣâla mai. Ǹúui kélee a maa-kpɛ̂ŋ kɛ̂i gɛ́ pere kɔ̂ri a gɛɛ é núu páa. Núu kélee kɛ́ kɔ̀ a gɛɛ é gbɔ́ɔi nuai maa liî tée.

Sofoni 1:12

“Maa ɣêlei tí ŋa pâi Zerusâlɛŋ maa kpɛɛ̂i a lâŋpo, ŋa diai kɔ́ri ŋa dí kula maa kɛ́ nyii-ŋai dílii lâai dísɔnyɔ̂ŋ sui, da diai dífe kpáaŋ ní ḿaa mɛ̂ni mai. Ŋa pâi diai kula maa kɛ̂i da mò dîyɛɛ, ‘Yâwɛɛ fé pâi mɛni da kɛ̂i a kúai.’

Samuɛlə dɔlɔɔ 24:11

Gâloŋ, ƃɛ́ káa. Ŋá íseɣei gbua da tèe ma a tɔ̃yâ kɛ́lɛ fé ípaa ní. Gɔ́lɔŋ a gɛ́ɛ mɛni nyɔ́mɔɔ da fé ńii su é pîlaŋ yâ. Ḿve tá mɛni nyɔ́mɔɔ da kɛ́ ní a yá kɛ́lɛ yâ ŋ̀wɛ̂lii í ŋáfulu-laai su-kara.

Samuɛlə dɔlɔɔ 26:20

Ífe ǹɛɛ naa ŋá sáa lɔii da kpɛ́ni su nyíi naa kôyaai Yâwɛɛ mai. Ḿaa mɛni fé ŋɔ́nɔ kpanaŋ ní é tɛ́ɛ kpîŋ misi! Lé mɛni ƃé Eezuɛ kaloŋ a ŋ́gɔ̂rii la yɛ̂ɛ sɛŋ ƃé ŋa kɛ̀ a ŋɔni ǹyéei mai?”