Ɉeremi 16:15 - Bible

¹⁵ Kɛ́lɛ, da pâi kɛ̂i m̀ôi dîɛ gɛ̀-ɣele-ma Ɣalai ƃé Eezuɛ-ƃelai kùla ya-ŋua pere lɔii-ŋai da ǹɔii-ŋuŋ da kpɛ́ni-ŋai su ƃɛ́i dí kɛ̀ a dítaa-taa naai, é pá a dia díkpɔɔi lɔii su, nyíi ŋá dɛ̀ɛ dínâŋ pɔlɔ-ŋai pɔi. Ńyãa Yâwɛɛ ƃé mò tí.”

Yálá laawoo hɛɓɛ (dc)

¹⁵ Kɛlaa, di kaa pai kɛi diɛ: Yai-Laa tii Israɛlə nuą kulɔ ɲələi pələ lɔiɠaa hu da nɔi kpɔ ə di taɠa taɠa gəlee hu, gaa a vulú. A tɛ̨ą, ŋą́ pənə ŋą́ pa a diɛ, nɔi ŋɛ̨i ŋą́ dɛɛ di nąnni pɔ ɉu. Ɲą́ą́ Yai-Laa nwóó li!

Yálá laawoo hɛɓɛ

¹⁵ Kɛlaa, di kaa pai kɛi diɛ: Yai-Laa tii Israɛlə nuą kulɔ ɲələi pələ lɔiɠaa hu da nɔi kpɔ ə di taɠa taɠa gəlee hu, gaa a vulú. A tɛ̨ą, ŋą́ pənə ŋą́ pa a diɛ, nɔi ŋɛ̨i ŋą́ dɛɛ di nąnni pɔ ɉu. Ɲą́ą́ Yai-Laa nwóó li!

Ɉeremi 16:15 ပူးပေါင်းရင်းမြစ်များ

Zɛnɛse 28:15

Ŋ́gaa íkɔlɛ. Ŋa pâi ímɛi kâai ƃɛ́i kélee ƃa liî naai, ŋá pá a yá pôlu ŋɔ́nɔ ǹɔii ŋí su, kpɛ́ni fêi, fé pâi teêi yâ é lɛ́ɛ la zu m̀ɛnii ŋá mò yâi ŋá gɛ́.”

Mąątɛ̨nɛ̨ 106:47

Óo Yâwɛɛ Kúɣâlai, kúŋuŋ ma ƃó í kúkula kúkpɔara-ƃelai yêei ǹɔii ŋuŋ-ŋai su. Yà gɛ̀ tí, kwa pâi ísɛɣɛ̂i fêi, kú ílaa maa waai maa tɛ́.

Azaya 14:1

Yâwɛɛ a pâi ŋɔnûai Eezuɛ-ŋai ŋɛ́i-malôŋ kâai ŋɔ́nɔ é pá a dia pôlu díkpɔɔi lɔii su. Ǹɔii-ŋuŋ da kpɛ́ni-ŋa su-ƃelai da pâi pâi da dîa-ni dí ƃò naa.

Ɉeremi 12:15

Kɛ́lɛ, tãi ŋa pâi kpɛɛ̂i la a díkulaa naai, ŋa pâi ŋɔ́nɔ dímalôŋ kâai, ŋá pá a dia pôlu díkpɔɔi lɔii su tɛi-tɛi.

Ɉeremi 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Ɉeremi 23:7

Yâwɛɛ è mò ǹyɛɛi, “Tãi káa pâi, m̀aa tãi tí, núu-da fé ŋɔ́nɔ pâi vôoi a ńaa a gɛɛ gɛ̀-ɣele mâ Ɣalai ƃé Eezuɛ-ƃelai kùla Ize lɔii su.

Ɉeremi 23:8

Kɛ́lɛ, da pâi dífôoi a ńaa dí mó a gɛɛ gɛ̀-ɣele mâ Ɣalai ƃé Eezuɛ-ƃelai kùla yá-ŋua-pere-ƃelai yêei, é pɛ́lɛ ǹɔii-ŋuŋ-ŋai dí kɛ̀ a dítaa-tâa zui, su. Gɛ̀ ní da pâi seêi díkpɔɔi lɔii su.”

Ɉeremi 24:6

Ŋa pâi dímɛi kâai a ǹɛ́lɛɛ é lɛ́ɛ la zu ŋá pá a dia pôlu ǹɔii ŋí su. Ŋa pâi gɛ̂i dí tɔ́ɔ. Ḿve pâi mɛni ŋánaa da kɛ̂i a dia. Ŋa pâi dísame pîlanii. Ḿve pâi díƃulenîi.

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Ɉeremi 3:18

Maa tãi tí ma, Eezuɛ da Zuda da pâi kulâi yá-ŋua pere dípa ǹɔii su ŋá dɛ̀ɛ dínâŋ ni pɔ́ a dípɔɔi.”

Ɉeremi 30:10

M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 31:8

Ŋa pâi díkulâi yá-ŋua-pere ŋa pá a dia, ŋa díŋa tɛ́ díkîe ma ŋá dí kúla ŋ̀éniɛi kɔ̃́yɛŋ ma. Ŋ̀ɛi-pu ƃelai, é pɛ́lɛ diai dí kɔ́liŋɔ̂ɔi da pâi pâi díkîe ma, goo-nia-ŋai da diai díkaa koi-tee sui da pâi pâi. Da pâi kɛ̂i a lɔii-ŋuŋ kɛ́tɛ dí kɛ́ pà.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 50:19

Ŋa pâi Eezuɛ-ƃelai tɛɛ̂i pôlu dílɔii su. Da pâi mii-sãa lɛ́lɛɛ-ŋa miî nyíi-ŋai da lɛ̂lɛ Kamɛɛ Yeei ma, Basãŋ kpiniŋ sui, da nyíi-ŋai da lɛ̂lɛ Ifiraŋ ŋɔlɔii kpiniŋ su da Giliai. Nyíi-ŋai kélee da pâi wɛ̂lii a diai, da pâi kɛ̂i miî.

Izikiɛ 36:24

Ŋa pâi kákulâi ǹɔii-ŋûŋ-ŋai su ŋá pá a káa kákpɔɔi lɔii su.

Izikiɛ 39:28

À kɛ̀ tí, ŋá ǹûai da pâi gɔ̂lɔnii a gɛɛ ńyãa ƃa Yâwɛɛ nyii gáa a Díɣâlai. Kpɛ́ni fêi ŋá gɛ̀ dí lí kɔ-soŋ laa su lɔii-ŋuŋ da kpɛ́ni su, ŋá ŋɔ́nɔ gɛ́ dí pá pôlu díkpɔ̂ɔi lɔii su. Ḿve pâi ǹɛɛ̂i naa dí tɔnɔ kpîŋ é lɛ́ɛ lɔii da kpɛ́ni su.

Zooɛ 3:1

Yâwɛɛ ǹyɛɛ, “M̀aa ɣêle-ŋai tí su, ŋa pâi Zuda da Zerusâlɛŋ dítɔɔ-sãai da tɛɛ̂i pôlu.

Amɔsə 9:14

Ŋa pâi pâi pôlu a ŋánûai Eezuɛ-ŋai nyii-ŋai kɛ̀ luɛ-laa sui. Da pâi dítaa wóloɔ-ŋai tɔɔ̂i pôlu dí sée dísu. Da pâi kpɔmɔ ƃa kpalaŋ-ŋai kɛ̂i dí ŋwã̂ai kula dísu dí gbele. Da pâi máŋ sûa-ŋa kulâi dí sí-sãa sí dísu dí mii.”

Amɔsə 9:15

Yâwɛɛ ǹyɛɛ, “Ŋa pâi dísîi dílɔii su, ǹyaŋ núu fé pâi ŋɔ́nɔ wɔ́lɔ dí kulâi dílɔii su nyii ŋá dɛ̀ɛ dípɔi.”