Ɉeremi 15:15 - Bible

¹⁵ Nya ƃe ŋá mò, “Yâwɛɛ, ya m̀ɛnii ŋá káa. Ŋ́gili é lɛ́ɛ íŋa í kpɔ́ŋ ḿâ. Tɔ́ɔ diai da mɛni kpɔ̂lu làa ḿâi, ŋá ŋ́ɔ̂i gbà kùla. Ífe í líi kpèle é lɛ́ɛ la zu díyee é tɛ́ɛ ḿâ. Gíli é lɛ́ɛ íŋa a gɛɛ ímaa mɛ̂ni ƃé da ƃâa kulâi la ḿâ.

Yálá laawoo hɛɓɛ (dc)

¹⁵ Yai-Laa! Gbaɠala kaa yɛ́, yɛ́ kpinįi ə́ kili lɛɛ ɉú, mą́ą́ mɛ̨nį ɲɛ̨i kulɔ, nuąi di kaa mɔ̨nɔ̨ɓoi, 'nwą́ną kulɔ diɛ. Hvó ə́ liilaa kpɔ tii, hvo gɛ, və́ lɛɛ mɛ̨nįi. Ə́ kili kaa ɉu, yɛ́ diɛ, ə́ mąą mɛ̨nį ɓə, gáá níí kpələi la lalan ɲəi.

Yálá laawoo hɛɓɛ

¹⁵ Yai-Laa! Gbaɠala kaa yɛ́, yɛ́ kpinįi ə́ kili lɛɛ ɉú, mą́ą́ mɛ̨nį ɲɛ̨i kulɔ, nuąi di kaa mɔ̨nɔ̨ɓoi, 'nwą́ną kulɔ diɛ. Hvó ə́ liilaa kpɔ tii, hvo gɛ, və́ lɛɛ mɛ̨nįi. Ə́ kili kaa ɉu, yɛ́ diɛ, ə́ mąą mɛ̨nį ɓə, gáá níí kpələi la lalan ɲəi.

Ɉeremi 15:15 ပူးပေါင်းရင်းမြစ်များ

Nehemi 13:22

Naa pôlu ma, ŋá m̀o Liiva-ŋai dîa a gɛɛ dí ǹanii wáa dîa, díkɛ pà ziɣãŋ-ŋai lá díkɛ ǹaa mɛi kâa a Vii-tɔɔ-ɣelei kélee núu da fé maa tĩa kàra. Óo ŋá Ɣâlai, ŋ́gili é lɛ́ɛ í ŋá m̀ɛnii ŋí mɛni ma. Íwɛli kɛ́ maai kɛ̂tɛi. Ŋá fúlu-laai maa kɔ̃ɔ.

Nehemi 13:31

Ŋá m̀ɛni-ŋai ŋí kélee kɛ́ pere su sãa. Tãi maa nɛ̃ɛi dí pá la a géreŋ sãa kéreŋ kɔi, tãi maa nɛ̃ɛi dí pa a wîi maa ŋuŋ da tãi maa nɛ̃ɛi dí dísi-sãai m̀á buu ɣele-ŋai ŋáa tɛ́ la gîe mai. Óo ŋá Ɣâlai, m̀ɛnii ŋí kélee é lɛ́ɛ íkili ŋá, í lûwa láa ḿâ.

Nehemi 5:19

Ŋá Ɣâla fɛ̀li a gɛɛ é lûwa láa ḿâ m̀ɛni-ŋai kélee mɛni ma nyii ŋá kɛ̀ gɛ̂i ǹûai mɛni mai.

Nehemi 6:14

È kɛ̀ tí, ŋá Ɣâla fɛ̀li ńyɛɛi, “Óo Ŋáɣâlai, Saŋbala da Tobaya kula maa kɛ́ m̀ɛnii dí gɛ̀i m̀ɛni ma. Í lóno kɛ́-nɛnii Naodia da m̀arâai nyii-ŋai díkaa ḿaa yaôi, dí kula maa kɛ́.”

Zôo 10:7

Í gɔ́lɔŋ kpɔ́ ḿve niî mɛni nyɔ́mɔɔ da kɛ́ ní, kɛ́lɛ núu da fé naa é ŋ́gula íyêei.

Mąątɛ̨nɛ̨ 102:24

Óo Ŋáɣâlai, ífe niî ńzîɣe, é lɛ́ɛ la zu ŋá pɔlɔ. Óo Yâwɛɛ íkaa ɣele ma wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 106:4

Yâwɛɛ, yà kɛ̀ kpɔnii ínûai dîa, ḿaa mɛni kíli é lɛ́ɛ íkili ŋá. Yà kɛ̀ díŋuŋ ma ƃôi, ŋ́gɛ a díta,

Mąątɛ̨nɛ̨ 119:84

Tãi ɣɛɛlu ƃé ŋa pâi kɛ̂i ímaa kpɛ́nîi lai? Lé tãi ƃé ya pâi diai mɛni ŋánaa kɛ̂i a ńyãai kula-maa kɛ̂i lai?

Mąątɛ̨nɛ̨ 17:3

Í m̀ɛnii kélee kɔ́lɔŋ gáa ńii sui. Yà pà ḿbɔ a kpíni, yà ḿaa kpɛ̂ɛ, ífe pâi mɛni nyɔ́mɔɔ kélee da kâai ŋ́gbonôi. Wóo nyɔ́mɔɔ kélee da fa kûla ńa,

Mąątɛ̨nɛ̨ 39:13

Ye tée ḿâ a gɛɛ ŋá lii-nɛ̃ɛ kula a da loŋ, ŋá lɛ́ɛ pâi saâi.

Mąątɛ̨nɛ̨ 44:22

Kɛ́lɛ ímaa mɛ̂ni ƃé nûa da kútama ɣele kúpaâi la a kpíni da fólo, díkɛ kúta-ŋa sòŋ a ǹyɔ́mɔɔ yɛ̂ɛ ƃála-ŋa ƃé da pá dípaâi.

Azaya 38:3

“Óo Ŋáɣâlai Yâwɛɛ, ḿaa mɛ̂ni kíli é lɛ́ɛ íŋa. Gáa, ŋa tíi kɛ́ yɛ̂ a ńii kélee a teniŋ ƃô-pere. Ŋa kɔ́ kpɔ́ a zu kôyaa a gɛ́ɛ ŋá m̀ɛni-ŋai kɛ́ nyii-ŋai yà m̀o ḿâi.” Nya ƃe Ɛsekaya è wɔ̀lɔ kpɔ́ a ŋ̀ánaa.

Ɉeremi 12:3

Óo Yâwɛɛ, í ŋ́gɔ́lɔŋ. Ya ŋ́gâa íkɛ ŋákili-ŋa-siâi bîlaŋɔɔi yâi su kɔ̀ɔŋ. Ye díɣala yɛ̂ɛ ƃála ƃé da liî la bàa mɛ̂ni ma. Dí pûi kɛ́ díkpîŋ yee ma dípaa mɛni ma.

Ɉeremi 15:10

Lé mɛni ƃé lii-nɛ̃ɛ fé la ǹyêei? Lé mɛni ƃé ńee è ḿaa-sɔlɔ ƃô la ŋ̀éniɛi ŋí sui? Laa sâa da sîa káa nɔ́ kúloai kwa nûa. Ḿve niî kpà pili ní núu da ma, kpaa máŋ ŋá kpa soŋ núu da ma. Kɛ́lɛ, ǹûai kélee da ńaɣaŋ lâai.

Ɉeremi 15:20

Ŋá pâi íkɛ̂i a ƃara-siɣãŋ kpanaŋɔɔ ǹûai ŋí mɛni ma. Da pâi kɔ́ pɛlɛ̂i yá, kɛ́lɛ díyee fé pâi pɔrîi yâ, kpɛ́ni fêi, ŋ́gaa ípôlu. Yâwɛɛ ƃé mò tí.

Ɉeremi 17:16

Kɛ́lɛ Yâwɛɛ, ḿve kɛ́ ní ímɛni kpɔ̂lu láa dîa. Ḿve ŋ̀wɛ̂lii a gɛɛ mɛni kpɔ̂lu é láa dîa. Yâwɛɛ í gɔ́lɔŋ, í m̀ɛnii kɔ́lɔŋ ŋa m̀ôi yâi.

Ɉeremi 18:23

Kɛ́lɛ, Yâwɛɛ, dímɛni kpɛtɛɛi dí gɛ̀ a gɛɛ dí ḿbaai, í gélee kɔ́lɔŋ. Ífe dísɔnyɔ̂ŋ-ŋai su mɛ̂ni lɛ̀ɛ, kpaa máŋ í díŋɛi malôŋ káa dísɔnyɔ̂ŋ mɛ̂ni ma. Dí tóo kpɔ́ a yee-tɛɛ-maa pêre, í ílii ŋwána, í díkula maa kɛ́.”

Ɉeremi 20:11

Kɛ́lɛ, Yâwɛɛ, íwala-walaai, ítɔɔ̂i kpanaŋɔɔ, íkɛ ƃò ḿbôlu. M̀ɛni ma diai ŋ̀wɛ̂lii dí mɛni ŋánaa kɛ́ a ńyãai, da pâi fɛɣɛ̂i. Ŋumɛ a pâi dísoniî wɔ́lɔ-wɔ́lɔ da wɔlɔ-wɔlɔ, kpɛ́ni fêi, dífe pâi mɛni lɛ́lɛɛ sɔlɔ ƃôi, ŋ̀umɛi pâi dípaâi, núu da fé pâi niâi m̀a.

Ɉeremi 20:12

Ŋ̀wála-wâla kélee Yâwɛɛi, ya núu su kɔ̀ɔŋ a tɔ̃yâ pere. Í m̀ɛnii kɔ́lɔŋ gáa dí líi su, da díkili ŋái. M̀ɛni ma, tɔɔ ŋá íkaa í mɛni kpa kula ŋ́gbɔara-ƃelai dîa, kpɛ́ni fêi, ŋa ŋámɛnii láa íŋɛi.

Ɉeremi 20:8

Tãi kélee ŋa lôno lai, fɛ̂ɛ ŋá wɔ́lɔ, ŋá láɣi, ńyɛ̂ɛi, “Laa-sâa! Su-kara!” Yâwɛɛ, da ńaa nyɔ́mɔ ƃôi, dí kɛ̀ ɣɛ́lɛ-maa kula ŋ́gbonôi a tãi kélee, kpɛ́ni fêi, ŋa íwooi ƃôi.

Woolaa 3:64

“Dísɔnyɔ̂ŋ-ŋai gula maa kɛ́ a dia, óo Yâwɛɛ.

Woolaa 3:66

Óo Yâwɛɛ ílii ŋwânai su, dí kɔ́ri ƃɛ́i kélee da lɔ̂ naai, í dísu kara. Dítɔnɔ da kpîŋ fé lɛ̀ɛ ŋ̀éniɛi su.”

Maafîu 10:22

Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi.

Maafîu 19:29

Ǹyaŋ ǹúui kélee a ŋɔpɛ́rɛi lɛ̀ɛ, ǹêɣe-sinaa da ǹîa-sinaa, kpaa máŋ zaaƃɔlɔ-ni, kpaa máŋ ǹâŋ da ǹee, ŋɔnîa-pɛlɛɛi, kpaa máŋ ŋɔlɔii, ńaai mɛni mai, a pâi dámaa sɔlɔ ƃôi é tɛ́ɛ nyíti ma. A pâi ŋɔ́nɔ wɔlɔ-wɔlɔ fulu-laai sɔlɔ ƃôi.

Lukə 21:17

A kɛ̀ ti, ǹûai kélee da pâi kákpɔarâi ńaai mɛni ma.

Lomaŋ 12:19

Ŋáwɛli-kɛ-maa-ƃelai, káfe mɛni pɔ́ɔ kula káa kpîŋ. Kɛ́lɛ, ka ǹɛɛ naa Ɣâla ŋɔlii-wana kpanaŋ mɛni ma, yɛ̂ɛ berei bɔ̃yɛɛ̂i la, “Mɛni pɔ́ɔ kúlaa káa a ḿbɔɔ, ŋa pâi bɔ́ɔ kulâi. Kúnuu-namui ƃe mò ti.”

Lomaŋ 8:35

Gbɛ̂ɛ ƃa pɔ̂ri kúkulâi Kôrai ŋɔwɛli kɛ́-maai ma? A pâi kɛ̂i a mɛni-kpɔ̂lu, kpaaŋ, kpɔara, kpaa máŋ puru, seɣe-saa-maa, kpaa máŋ núu kɛ́ɛ saa-wolo lá, kpaa máŋ ƃóa-sɔkpɔ?

Korɛntə veelɛ 5:11

Mɛni ma berei ku Kúnuu-namui ŋɔkili-ŋa-siai kɔ́lɔŋ lai, kúkaa nuu-kpune líi penêi; berei kúkaa lai Ɣâla e gɔ́lɔŋ, ǹyaŋ eêi pɔ̂ri kɛ̂i a sɛŋ a gɛ́ɛ káa máŋ ka gɔ́lɔŋ kákili-ŋa-siai su.

Timote veelɛ 4:14

Alezaŋda da nyíi gáa a gɔli-ɣale-nuui e mɛni ŋánaa támaa kɛ̀ a ńyãa; Kúnuu-namui a pâi véla fêi ŋɔtûa-perei mɛni ma.

M̀ɛni-lɛɛi 18:20

Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!

M̀ɛni-lɛɛi 6:10

Dí làɣi a díwoo su kɛ́tɛ, díyɛɛi, “Zɛŋ kélee Mɛi-nuui, nyíi maa waai, gɛ ƃo a tɔ̃yâ-nuui, a pâi kɛ̂i a tãi ɣɛɛlu í lɛ́ɛ pâi mɛni ŋá têei í kúŋãai maa-tɔŋ kpɛ́ diai dîa díkaa ǹɔii sui?”

Nwun mąąɓo 16:28

Saŋsiŋ è Yâwɛɛ fɛ̀li ǹyɛɛ m̀ai, “Óo Ŋ̀wála-wâla kélee Yâwɛɛ, ŋ́gili é lɛ́ɛ íŋa. Óo Ɣâla, kpera yɛ̂, ye wála-wala tɛɛ ḿbɔ ŋɔ́nɔ. Felesia-ŋai dí ŋ́ɛi gao veerɛ kùla. Gɛ́ ŋá dísu-kara a ḿvîŋ tɔnɔ.”