Ɉeremi 15:14 - Bible

¹⁴ Ŋa pâi kátɛɛ̂i kɔ-sôŋ-laa su kákpɔara-ƃelai pɔ́ ǹɔii su ƃɛ́i káfe ǹaa kɔ́lɔŋ. Ŋálii ŋwânai kɔ́ɔ a pâi pîlani yɛ̂ɛ da ŋɔŋ tôo, nyíi pâi kákerenîi wɔ́lɔ-wɔlɔ da wɔlɔ-wɔlɔi.”

Yálá laawoo hɛɓɛ (dc)

¹⁴ Gáá ə́ kɛi a ə́ yowoɠaa di wɔ luwɔ, lɔi takpɛli hu, ɓɛi hvó nąą kɔ́lɔn. Nwɔ́ liiholi a ɓɛla ka mɛ̨i, yɛ nwɔ̨n, yɛ ka kələn.

Yálá laawoo hɛɓɛ

¹⁴ Gáá ə́ kɛi a ə́ yowoɠaa di wɔ luwɔ, lɔi takpɛli hu, ɓɛi hvó nąą kɔ́lɔn. Nwɔ́ liiholi a ɓɛla ka mɛ̨i, yɛ nwɔ̨n, yɛ ka kələn.

Ɉeremi 15:14 ပူးပေါင်းရင်းမြစ်များ

Mąątɛ̨nɛ̨ 21:9

Tãi a pâ lai, a pâi ŋɔkpɔara-ƃelai su karâi a ŋɔŋ. Yâwɛɛ a pâi ǹíi ŋwânai dîa, é dísu-kara a ŋɔŋ sôŋ.

Azaya 42:25

È ǹíi ŋwàna kûa yɛ̂ɛ ŋɔŋ a tèe láa kpâla ma, é gɛ́ kú mɔ̃́lɛ kɔ́ su. Ŋɔlii-ŋwânai è kúai a Eezuɛ-ŋai kúkêreŋ yɛ̂ɛ ŋɔŋ. Kɛ́lɛ kúfe m̀ɛnii ŋá káa ní kɛ̀ kɛ̂i. Kúfe mɛni da maa kɔ́ri ní a dɔnɔ kpîŋ.

Ɉeremi 14:18

Ŋà lì gbâlaŋ ŋá, ŋà ǹûai nyíi-ŋai lɛ̀ɛ gɔ́i sui poma kâa naa. Ŋà lì daai su, ǹûai nyíi-ŋai saâi a purui, ŋa dípoma kâa naa. Ɣâla ŋɔlóno kɛ́-ƃelai da zâla láa-soŋ-ƃelai da dítii-ŋai kɛ̂i, kɛ́lɛ dífe m̀ɛnii kɔ́lɔŋ da gɛ̂i.”

Ɉeremi 15:4

Ŋa pâi gɛ̂i gâloŋ-laa-ŋai díkaa ŋ̀éniɛi sui, díɣɛlɛ-maa kúla díkponôi, m̀ɛnii Zuda kaloŋ Ɛsekaya nyíi kɛ̀ a Manasɛ ǹóŋ è wɔ́lɔ gɛ̀ Zerusâlɛŋ mɛ̂ni ma.”

Ɉeremi 16:13

M̀ɛni ma, ŋá pâi kápiliî ŋá kákula ǹɔii ŋí su ŋá lí a káa ǹɔii su nyíi ka kánâŋ pɔlɔ-ŋai káfe zu-kɔlɔŋ. Ǹaa ƃé ka pâi kɛ̂i naa kákɛ ɣâla-da-kpɛ́ni-ŋa fɛ̀li a kpíni da fólo. Ǹyaŋ ḿve pâi kámalôŋ kâai.’ ”

Ɉeremi 17:4

Ǹɔii nyíi ŋáwɔlɔ dɛ̀ɛ kápɔ a kákɔ̃lîŋ, vé pâi ŋɔ́nɔ kɛ̂i a kápɔɔ. À kɛ̀ tí, ŋa pâi gɛ̂i ká tíi kɛ́ kákpɔara-ƃelai dîɛ ǹɔii su ƃɛ́i káfe ǹaa kɔ́lɔŋ. Ŋa pâi gɛ̂i tí kpɛ́ni fêi, ŋá lii ŋwânai káa yɛ̂ɛ ŋɔŋ. Ǹyaŋ a pâi kákereniî, va liîŋ.”

Ɉeremi 4:4

Ka kákili tɔ́ɔ ńyãai ŋ́gáa a Yâwɛɛ ḿâ. Káfe kálii su kpànaŋ ḿberêi. Káai a Zuda da Zerusâlɛŋ-ƃelai, ka kákpîŋ tɛɛ ḿbɔ. À wàla kɛ́ tí, a gɛɛ ŋá líi ŋwânai a pâi kákereniî yɛ̂ɛ ŋɔŋ nyíi núu da fa pɔ̂ri ǹiiniî, zɔnyɔ̂ŋ ká kɛ̀ gɛ̂i, mɛ̂ni ma”

Ɉeremi 52:27

Nya ƃe Gâloŋ Nɛbukinaza è ǹûai ŋí lókwa é dí dípaa. È dí dípaa Lebila Taa-leei su nyíi kɛ̀ Ama lɔii kpiniŋ sui.

Amɔsə 5:27

M̀ɛni ma, Ńyãa Yâwɛɛ Ńyãai ńaa ƃa Ɣâla Yâwɛɛi, ŋa pâi kákɛ̂i ká lí luɛ-saa su Dɛmɛika pôlu-pere.”

Dutɛrɔnome 28:25

“A pâi gɛ̂i kákpɔara-ƃelai yée é tɛ́ɛ kâa. Ka kɔ̀ dípɔ ka pâi pûi díyêei. Ǹɔii-ŋuŋ kpéli-ŋai su-ƃelai da ká kàa dílaa a pâi kpâlai dîa.

Dutɛrɔnome 28:36

“A pâi kákpɛ̂i ka kákâloŋ-ni ka lí lɔii da su nyii kánâŋ-ni dífe wɔ́lɔ li ní naa, káa kpîŋ káfe tela naa kɔ́lɔŋ. Ka pâi kɛ̂i naa ká kɛ́ ɣâla da kpɛ́ni-ŋa fɛ̀li nyii-ŋai dí díkpɛ̀tɛ a wúru da kɔnii.

Dutɛrɔnome 28:64

“A pâi kátaa-tâai lɔii-ŋuŋ-ŋa su. Ka pâi kɛ̂i naa ká kɛ́ ɣâla da kpɛ́ni-ŋa fɛli nyii-ŋai díkpɛtɛ̂i a wúru da kɔni-ŋai, nyii-ŋai ka kánâŋ-ni káfe kɛ́ ní a díkɔlɔŋɔɔi.

Dutɛrɔnome 29:23

A pâi ǹɔii su-karai a kpolo-lîyeŋ da sɔfɔ. Sí-sɛŋ da fé pâi wɔ́lɔ kpɛtɛi naa. Ǹaa a pâi kɛ̂i yɛ̂ɛ Sodɔŋ, Gomora, Adama da Zeboliŋ lɔii-ŋai nyii è naa kàra a lii-ŋwâna perei.

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tanaŋ ma.

Hebreu 12:29

Kpɛ́ni fêi, Kúɣâlai káa a sɛŋ-kéreŋ-ŋɔŋ.