Ɉeremi 14:7 - Bible

⁷ Ŋánûai díwɔ̀lɔ dîyɛɛi, ‘Berei kúsɔnyɔ̂ŋ-ŋai da kú lɛ́ lai, Yâwɛɛ, ye kpɔŋ kûa a gɛɛ ǹûai dí kɛ́tɛ-laai káa. Tãi támaa yée-mu, kwa kú pôlu tɔɔ yâ, kú sɔnyɔ̂ŋ kɛ́ a yá.

Yálá laawoo hɛɓɛ (dc)

⁷ Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Yálá laawoo hɛɓɛ

⁷ Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Ɉeremi 14:7 ပူးပေါင်းရင်းမြစ်များ

Ɛsdrasə 9:15

Óo Yâwɛɛ, Eezuɛ Ŋɔɣâlai, íkaa a teniŋ ƃô Ɣala. Ya fáa ma a gɛɛ kúkɛ ƃò ɣéniɛ. Kwa kúsɔnyɔ̂ŋ-ŋai ƃôi yâ. Kúmaa fé nɛ̃ɛ ní a gɛɛ kú pá íŋɛi túɛ.”

Mąątɛ̨nɛ̨ 115:1

Yâwɛɛ, laa maa tɛ̂ fé kúmɛni ma, fɛ̂ɛ nɔ́ yá tɔnɔ kpéŋ. M̀ɛni ma, fɛ̂ɛ kú ífolo-laai mɛni ƃó, íwɔlɔ-wɔlɔ wɛli kɛ-maai, da íteniŋ ƃô-laai.

Mąątɛ̨nɛ̨ 25:11

Ńzu mɛ̂ni lɛɛ ílaai mɛni ma zɔnyɔ̂ŋ-ŋai ŋa gɛ̂i mɛ̂ni ma, óo Yâwɛɛ, kpɛ̂ni fêi, dítâmaai.

Mąątɛ̨nɛ̨ 79:9

Óo Ɣâla, kpɔŋ kûa í kúmalôŋ káa. Kúŋuŋ ma ƃó í kúsu mɛ̂ni lɛɛ ílaai sârai.

Azaya 48:11

M̀ɛni-ŋai ŋa gɛ̂i, ŋa gɛ̂i ńaai mɛni ma. Fé pâi ǹɛɛ̂i naa ƃâa é kúla ḿâ. Fé pâi ǹɛɛ̂i naa kwa núu da kú kpɔ́ŋ ŋáfolo-laai ma. Ŋáfolo-laai káa nɔ́ a ńyãa tɔnɔ ḿbɔɔ.”

Azaya 59:12

“Yâwɛɛ, kúsɔnyɔ̂ŋ su a kɛ́tɛ íŋɛi-tuɛ. Kúsɔnyɔ̂ŋ a kúmaa-sêre faa kɛ́ yɛ̂ɛ berei kúkaa lai. Kútɔ̂ŋ-karaai káa nɔ́ kúkponôi kú tɔɔ́ yâ, ǹyaŋ kwa kúmɛni nyɔ́mɔɔi kɔ́lɔŋ.

Ɉeremi 10:19

Ǹûai dí mò dîyɛɛi, “Kpalo ƃélaai kûa kúsɛŋ sôli-maai mɛ̂ni ma. Kúpalai fa kpɛ̂ɛ. Kɛ́lɛ kú mò kúkpîŋ ma a gɛɛ kú maa kɔlɔ-fela ká ŋí. Fɛ̂ɛ kú kúyee sée mu.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 3:25

Tɔ́ɔ kúlaa kú-ŋumɛi su, kú ƃaa-kula maa tûai é kúmɛi pɛ́lɛ. Kpɛ́ni fêi, kwa kúnâŋ-ni kwa sɔnyɔ̂ŋ kɛ́ a Kúɣâlai Yâwɛɛ é síɣe kúlòloŋ tãi ma. Ǹyaŋ kúfe tá kúwoli tɔɔ ní ŋ̀óo ma.”

Ɉeremi 3:6

Tãi Zosaya è wɔ́lɔ kɛ́ la a kâloŋ, Yâwɛɛ è mò ḿâ ǹyɛɛi, “Ya zɛŋ kâai Eezuɛ nyíi vé téniŋ ƃô níi káa gɛ̂i? A kula ḿbôlu gɛ́ lì ǹyée tɔɔ-ŋai tôŋ-su ŋ̀úru-ŋai mu gɛ́ lɔ-pɔ̂rɔŋ kɛ̀ naa ŋɔɣâla da kpɛ́ni-ŋa fɛliɛi su.

Ɉeremi 5:25

Kɛ́lɛ, kásɔnyɔ̂ŋ-ŋai da ká kpéra m̀ɛni-lɛ́lɛɛ-ŋai ŋí sɔlɔ ƃôi.

Ɉeremi 5:6

M̀ɛni ma, yala-sulu-ŋa da pâi kulâi ǹɔɔi sú dí dípaa. Bala-ŋa da pâi kulâi vɛ̃ɛ-kpâlaŋ su dí pá dí dípaa. Kɔ́li-ŋa da pâi díyee-ŋa ƃôi dítaa-ŋai su. À kɛ̀ núu da a tòo dísama, da pâi vála fâlai. Kpɛ́ni fêi dísɔnyɔ̂ŋ a táma, da dípôlu tɔ́ɔ Ɣâla mà a tãi kélee.

Ɉeremi 8:14

Zuda-ƃelai da pâi môi dîyɛɛi, “Lé mɛni ƃé ká káa seêi la ƃɛ́i? Ka pá kúkelee kú lí daa-lêei nyíi siɣãŋ tínaŋɔ̂ɔi mai su kú lɛ́ɛ naa kú sáa. Kpɛ́ni fêi Kúɣâlai Yâwɛɛ a fáa mà a gɛɛ kú sáa. A ŋ̀ale-maa pú yá sú a dɛ̀ɛ kúpɔ a gɛɛ kú gbele kpɛ́ni fêi, kwa sɔnyɔ̂ŋ kɛ́ la.

Ɉeremi 8:5

Lé ƃé ŋaŋ kɛ̀ ǹûai ŋí da dípôlu tɔɔ ḿâ dífa lène pôlui? Da kánaŋ nɔ́ núu pɛlɛ́ɛ ma dífa kpêra ma.

Izikiɛ 20:14

Kɛ́lɛ ḿve gɛ ni ti a gɛɛ ḿva la ƃâa kula lá ǹáa ma ǹɔii-ŋuŋ ŋai ŋ́ɛi nyii-ŋai ŋ̀gâa ŋ̀gɛ dí kula Ize lɔii sui.

Izikiɛ 20:22

Kɛ́lɛ, ŋá ńii maa soŋ kpɛ́ni fêi è kɛ pâi kɛ̂i a ńaa kara mɛ̂ni ǹɔii-ŋuŋ ŋai sama nyii ŋai ŋ̀gâa ŋ́gɛ díkula Izei.

Izikiɛ 20:9

Kɛ́lɛ ḿvé gɛ ni tí. Kpɛ́ni fêi ḿve kɛ́ ni ŋ̀wɛ́li a gɛɛ ŋá ǹáa kara ǹɔii ŋuŋ ŋai ŋ̀ɛi nyii ŋai díkɛ dísamai. Ǹûai ŋí ŋɛ́i ƃe ŋá ŋgono tee naa a gɛɛ ŋa pâi dí kulâi Ize lɔii su.

Osia 5:5

Eezuɛ-ƃelai díyoŋka téɛɛi káa a sêre-faa nyii dɔɔ̂i dîa. Dísɔnyɔ̂ŋ-ŋai da gɛ́ da too. Zuda ǹyaa máŋ a pâi toôi.

Osia 7:10

Eezuɛ-ŋɔyoŋkai káa a sêre faa nyii dɔɔ̂i gbîŋ mai. Ǹyaŋ dífe ŋ̀wɛ̂lii dí lene pôlu Yâwɛɛ pɔ́, Díɣâlai kpaa máŋ dí gɔ́ri mɛnii ŋí kélee su.

Amɔsə 7:2

Tãi dí kpɛ̀ɛ la a galai miiɛ Ǹɔii mai, ŋá mò, ńyɛ̂ɛi, “Óo Kúnuu-namui Ɣâla, zu-mɛni lɛɛ, ŋa íkperâi fêi! Ilɔii malôŋ káa. Gáa a lɔii kuro-te fíi kpɛɛ.”

Mise 7:9

Kwa sɔnyɔ̂ŋ kɛ́ a Yâwɛɛ ǹyaŋ fɛ̂ɛ kú kúyee sée ŋɔtɔŋ-kpɛ-maai mu a tãi kpua. Kɛ́lɛ gbɛɛ-ŋai, a pâi kúmaa kɔ̃ɔ̂i é m̀ɛni nyɔ́mɔɔ-ŋai su-too nyii kɛ̂i a kúai. A pâi pâi a kúa kwaa ponoɔɔ ma, ǹyaŋ kwa pâi lɛɛ̂i ɣele ma é lɛ́ɛ zu é kú ŋuŋ-ma ƃó.

Ifisiɛŋ 1:12

A gbɛtɛ gíli ŋá a gɛ́ɛ kúai kili-kɛ-zu è kɛ̀ kúyêei Kôrai kponôi a maa-ŋuŋ ku pá a laa-maa-tɛ ŋɔfólo-laai pɔ.

Ifisiɛŋ 1:6

a gɛ́ɛ ku ŋɔfólo-laa ƃɛlɛ-sêei maa tɛ́, nyíi e dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Dutɛrɔnome 32:27

Kɛ́lɛ, mvé ŋ̀wɛ̂lii a gɛɛ díkpɔara-ƃelai dí yoŋka téei diɛ dia ƃe ŋánûai yée mɛi ɣàle, a mɛ nɛ̃ɛ kɛ̀ ńyãa kpîŋ ƃé ŋánûai yée mɛi ɣàle.’

Zasua 7:9

À kɛ̀ tí, Keena-ŋai da ǹûai kélee ǹɔii sui da pâi mɛnîi. Gɛ̀ ní da pâi tînanii kûa dí kúpaa. À kɛ̀ tí, gɛ̀ ní ílaa kɛ́tɛi ŋí fé pâi karâi?”