Ɉeremi 14:14 - Bible

¹⁴ Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Yálá laawoo hɛɓɛ (dc)

¹⁴ Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Yálá laawoo hɛɓɛ

¹⁴ Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 14:14 ပူးပေါင်းရင်းမြစ်များ

Azaya 56:10

È m̀o dîa ǹyɛɛi, “Ǹúu láa túɛ-ƃelai ŋ́gili káa dîa ŋánûai mɛi káa mɛni mai, díŋɛi pûɔɔi! Táre da fé díŋuŋ su. Díkaa nɔ́ yɛ̂ɛ pɛ́rɛ maa kpɛ́ ɣila nyíi va kpêɣei. A kɛ̂ nɔ́ lâani gɛ́ ǹyii, gɛ́ see ƃô. È wɛ́lini a nyii mɛ̂ni.

Azaya 9:15

Díŋuŋ ƃa ǹúu pɔ̂lɔ-ŋai da diai nûa da ƃâa kɛ́-maa tɛ̂ɛ dípɔ dílɔii sui, díwoŋ ƃa ǹɛ́ɛ ɣâla-woo ƃó-ƃelai,

Ɉeremi 20:6

Mɛni a kpèra yâ Pasuɔ, da pâi liî a yá é pɛ́lɛ íkayɔɔ-ŋai kélee dîa Babelɔŋ. Ǹaa ƃe ya pâi saâi naa dí íloo naa ka íƃarâai nyíi-ŋai íkɛ̀ lɛ́ɛ támaa kɛ̂i dîai.’ ”

Ɉeremi 28:11

Ananaya è mò ǹûai kélee ŋɛ́i ǹyɛɛ, “M̀ɛnii ŋí ƃé Yâwɛɛ è mò. Bere sîi ŋí ƃé ŋa pâi Babelɔŋ kaloŋ Nɛbukinaza ɣále-ɣâlei la. Nɛbukinaza è gáraŋ ŋí tòo lɔii-ŋuŋ támaa kɔŋ ma ŋ̀éniɛi su. Kɛ́lɛ ŋa pâi gélee kpɔ́ ɣále-ɣalei kóraŋ feerɛ yée mu.” Ananaya kɛ́ɛ a kpɛɛ a lónoɔɔi, Zɛlemaya è kùla Ŋ̀âla-pɛrɛ Kɛ́tɛi mu.

Ɉeremi 28:13

Yâwɛɛ è mò Zɛlemaya ma ǹyɛɛ, “Lí í m̀ó Ananaya ma a gɛɛ Yâwɛɛ ǹyɛɛ ǹiŋa kɔŋ-ma sɛŋ nyíi í ŋ̀ale-ɣalei, dí gbɛ̀tɛ a wúru, kɛ́lɛ ŋa pâi niŋa kɔŋ-ma karaŋ kpɛtɛ̂i a kɔli ŋá doo nyíti pɔ́ɔ ŋá.

Ɉeremi 28:15

Nya ƃe ŋá mò ɣâla ŋɔlóno kɛ́-nuui Ananaya ma ńyɛ̃ɛi, “Ananaya, íwoli tɔ́ɔ! Yâwɛɛ fé í tɛ̀ɛ ní a gɛɛ í Ɣâla-woo ƃó. Kɛ́lɛ ya gɛ́ Zuda-ƃelai dí kɛ́ díwoli tɔ̀ɔ ílɛɛ ɣala-wooi ma.

Ɉeremi 29:21

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è m̀ɛnii ŋí ƃó é pîlaŋ Kolaya ǹóŋ Eɣa da Maaseia ǹóŋ Zɛdikaya dîa ǹyɛɛ ǹúu feerɛi ŋí da kɛ̂ lɛ́ɛ Ɣala-woo ƃôi ńaai su, dí kɛ́ mò dîyɛɛ ńaa-woo ká tí. Kɛ́lɛ, ŋa pâi ǹɛ́ɛ Ɣâla-woo ƃó-ƃela feerɛi tí tɛɛ̂i Babelɔŋ kaloŋ Nɛbukinaza pɔ́. Ǹyaŋ a pâi dí paâi ka kélee ká ŋɛ́i túɛ.

Ɉeremi 29:31

a gɛɛ ŋá ŋ̀orɛ̂-wooi ŋí tɛ́ɛ gɔ-sôŋ-ŋai díkaa Babelɔŋ pɔ́ ǹyɛɛi, “Mɛnii Yâwɛɛ a môi é pîlaŋ Neelaŋ nuui Simaya mai ƃa: Simaya è ɣâla-woo ƃò kâa. Kɛ́lɛ, Yâwɛɛ ǹyɛɛ, ‘Ŋa pâi Neelaŋ nuui Simaya kula ma kɛ̂i tãi kpua yée mu da ŋɔnûai. Ḿve dɛɛ ní a gɛɛ é ɣâla-woo ƃó kâa. Kɛ́lɛ, è lòno yɛ̂ɛ Ɣâla ŋɔlóno kɛ́-nuu, gɛ́ Ɣâla-woo ƃò a lɛ́ɛ-pere. È gɛ̀ ǹûai dí kɛ́ lɛ̀ɛ ŋɔlɛ́ɛ Ɣâla-wooi pôlu. Zuu fé pâi kɛ̂i ma a dɔnɔ kpîŋ. Ǹyaa da ŋɔsuui su-ƃelai dí fé pâi lɛɛ̂i a dífúlu ǹûai sáma dí m̀ɛni lɛ́lɛɛi ŋa pâi gɛ̂i ǹûai dîɛi dí da sɔlɔ ƃó. Kpɛ́ni fêi è ǹûai kɛ̀ a gɛɛ dí tɔ́ɔ ḿâ. Ńyãa Yâwɛɛ ƃé mò tí.’ ”

Ɉeremi 37:19

Mí ƃé íɣâla ŋɔlóno kɛ́-ƃelai díkaa naai nyíi-ŋai mò yâ Babelɔŋ kaloŋ fé pâi kɔ́ pɛlɛ̂i yá kpaa máŋ ǹɔii ŋí mai?

Ɉeremi 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Ɉeremi 8:10

Yâwɛɛ è mò a gɛɛ a pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi. É síɣe ǹúui guro-tei ma é tóo gɛ́tɛi ma, díkelee díkaa nɔ́ wôya sɛŋ kɔ̂rii. Ɣâla ŋɔlóno kɛ́-ƃelai da zâla láa soŋ-ƃelai dífe a teniŋ ƃô-ƃela.

Ɉeremi 8:11

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛ, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Woolaa 2:14

Ɣâla ŋɔlóno kɛ́-ƃelai da lɛ́ɛ tée-tee kɛ̂i yâ. Dífe dɔ̃yâ mɛnii ƃôi yâ nyii da gàa zĩ̂a sui. Da íkîrii dí kɛ́ ísɔnyɔ̂ŋ mɛni lòo. Mɛni-ŋai dí mò yâi, gáa a lɛ́ɛ, gɛ́ ƃò a núu piliɛɛ mɛnîi woo-ŋa.

Woolaa 2:9

Zĩɣaŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Izikiɛ 12:24

“Kpɛ́ni fêi núu da fa ŋɔ́nɔ lɛ́ɛ zĩ̂a kàa, kpaa máŋ núu da é nûa lii-laa ɣâla-woo ƃó Eezuɛ lɔii ŋí su.

Izikiɛ 13:2

“Núu-kpune ǹóŋ, ye ɣâla-woo ƃó é pîlaŋ Eezuɛ-ŋai díɣâla-ŋɔlôno-kɛ ƃelai dîa nyii ŋai da kɛ díkpîŋ ɣâla-woo ƃoi. M̀o dîa a gɛɛ dí díwoli tɔ́ɔ Yâwɛɛ m̀a.”

Izikiɛ 13:23

M̀ɛni ma, ká lɛ́ɛ zĩ̂ai da ká lɛ́ɛ ɣâla-woo ƃoɔɔi a nâa kpɛɛ. Ŋa pâi ŋánûai kulâi káyeei. A kɛ tí, ka pâi gɔlɔni a gɛɛ ńyãa ƃa Yâwɛɛ.”

Izikiɛ 21:29

Zĩai da gaai gáa a lɛ́ɛ. Da pâi lɛ́ɛ worɛ-woo ŋa ƃoi kâa. Díkaa a ŋwãna-lɔɔ da mɛni-nyɔmɔɔ kɛ́ ƃela, nyii-ŋai díkɛ-ŋ̀éniɛi a seri gbɛɛ-ŋai. Dímɛni ŋá-teɛ̂ɛi gbɛɛ-ŋai ŋɔtãi a seri.

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Zakari 10:2

Tɛli kpɛ́-ƃela da ƃoo lôno kɛ̀, ǹyaŋ mɛni ƃóɔɔ nàa-tuɛ-ƃelai díkɛ lɛ́ɛ kɛ̀. Zee-wôo ƃó-ƃelai díkɛ lɛ́ɛ see-woo ƃò, díkɛ núu ŋánɛnɛ-woo ƃò kpɛ́ni-kpɛni. M̀ɛni ma ǹûai da pù lɔ̂ɔi yɛ̂ɛ ƃála-ŋa dímaa tée-têeɛ, kpɛ́ni fêi, dímɛi-káa-nuu fé ma.

Zakari 13:3

Núu à pá ŋɔ́nɔ a gɛɛ gáa a Ɣâla ŋɔlóno-kɛ́-nuu, ǹâŋ da ǹee da pâi môi mà, ‘Ya pâi saâi, kpɛ́ni fêi, íkaa lɛ́ɛ kɛ̂i a Yâwɛɛ láa.’ Ǹyaŋ ǹâŋ da ǹee da pâi zɔɔ̂i a ƃóa à kɛ̀ a Ɣâla-woo ƃôi.

Dutɛrɔnome 18:20

Kɛ́lɛ Ɣâla ŋɔlóno kɛ́-nuu da nyii a tùa yɛ̂ɛ ǹyaa ƃé a tíi kɛ̂i náai su, gɛ́ m̀ɛnii ƃò nyii mvé m̀ó ní mai kpaa máŋ nyii a tíi kɛ̀ ɣâla da kpɛ́ni-ŋa dîɛi fɛ̂ɛ dí maa nuui tí páa.’

Timote dɔlɔɔ 4:2

kiri-lɛɛ kɛ-ƃela sârai nyíi-ŋai díkili-ŋa-siai saâi.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.