Ɉeremi 13:19 - Bible

¹⁹ Daa-lee-ŋai dí káa Zuda kwára-perei, kɔkuluƃa-ŋa da tínaŋ dîa. Ǹyaŋ pere fé naa a gɛɛ núu da é lí naa. Diai kélee díkaa Zudai, da dísoŋ a kɔ soŋ-ŋa da lí a dia lɔii da kpɛ́ni-ŋa su.”

Yálá laawoo hɛɓɛ (dc)

¹⁹ Daa ɉɛɠɛɛ pələ taaɠaa kəlee gbon naa kpulu, nu ta hvo pai naa ɓoi, daa li a Ɉuda nuą kəlee kpɔ tɛ̨ɛ̨tɛ̨ɛ̨ luwɔlaa hu, dɔ̨nɔ̨ kpɛli hvo lɛɛ li.

Yálá laawoo hɛɓɛ

¹⁹ Daa ɉɛɠɛɛ pələ taaɠaa kəlee gbon naa kpulu, nu ta hvo pai naa ɓoi, daa li a Ɉuda nuą kəlee kpɔ tɛ̨ɛ̨tɛ̨ɛ̨ luwɔlaa hu, dɔ̨nɔ̨ kpɛli hvo lɛɛ li.

Ɉeremi 13:19 ပူးပေါင်းရင်းမြစ်များ

Tɔɔɓɛlaa veelɛ 25:21

Ama lɔii kpiniŋ kɔlɛ ma, ƃɛ́i è gɛ̀ dí dílokwa naa, dí dípaa. È kɛ̀ tí, dí lì a Zuda-ƃelai luɛ-laa su. Dífe ŋɔ́nɔ kɛ́ ní díkpɔɔi lɔii su.

Kɔlɔnikɔ Maa-ŋuŋ 9:1

Dí Eezuɛ-ƃelai kélee láa sìɣe dísuu ma dí bɔ̃yɛ Eezuɛ-ŋai díkâloŋ-ŋai dímɛni pɔlɔ kɔlɔi su. Dí wɔ́lɔ Zuda-ƃelai sòŋ a kɔ-soŋ-ŋa dí lí a dia Babelɔŋ kpɛ́ni fêi díwɔlɔ sɔnyɔ̂ŋ kɛ̀ a Ɣâla.

Zôo 12:14

À kɛ̀ Ɣâla a sɛŋ da kàra, núu da fa ŋɔ́nɔ gbɛ̀tɛ naa pôlu ma. À kɛ̀ Ɣâla a núu sòŋ a luɛ, gbɛ̂ɛ ƃa pɔ̂ri maa-nuui tí maa têei? Maa nûu fé ma.

Ɉeremi 17:26

Nûa da pâi kulâi daa-ŋai su Zuda, da-ni dí kúla Zerusâlɛŋ kɔlɛ ma kpanaŋ-ŋai lá dípa. Da-ni-ŋa da pâi kulâi Bɛŋsima ŋɔkpîniŋ su, da-ŋa díkula ǹyée pɛlɛ-pɛlɛi ma, da-ŋa díkula ǹyée-kpaya-kpayai ma, gbéli-ŋai díkula séɣai-pere Zuda lɔii su. Da pâi pâi a kéreŋ-sala, mii-sɛŋ-sala, kéreŋ-sɛŋ kúŋ-nɛ̃ɛ, da sɛɣɛ-fei sama-sɛŋ Ŋáɣala-pɛrɛ Kɛ́tɛi mu.

Ɉeremi 20:4

Yâwɛɛ ǹyaa kpîŋ a mó ǹyɛɛ, ‘Ŋa pâi íkɛ̂i a yao kɛ́tɛ íkpîŋ mɛni ma da íƃarâai. Ya pâi kɛ̂i naa díkpɔara-ƃelai dí kɛ̀ dípaa a ƃóa-sɔkpɔ-ŋa. Ŋa pâi Zuda-ƃela kélee kɛ̂i Babelɔŋ yée-mu. A pâi dísonîi a kɔ-sôŋ-ŋa é lí a dia ŋɔlɔii su, é da-ni paa.

Ɉeremi 24:1

Babelɔŋ kaloŋ Nɛbukinaza è wɔ́lɔ Zɛoakiŋ ǹóŋ Zɛoasiŋ nyíi kɛ̀ a kâloŋ Zudai sôŋ a kɔ-sôŋ, é pɛ́lɛ ŋɔtíi kɛ́-ƃela kpaya-kpayai, dáre-ƃelai, da ǹyɛlɛ-ƃelai kɛ̀ Zudai dîa, é lí a dia Babelɔŋ. Ǹaa pôlu ma, ŋá zĩ̂a kàa. Zĩ́ai ŋí su, ŋá kpɔ̂lɔ feerɛ kàa nyii kɛ̀ a ǹáa fɛ́ɛ a fîi wuru-ƃai Yâwɛɛ Ŋɔpɛ́rɛ Kɛ́tɛi ŋɛ́i túɛ.

Ɉeremi 28:4

Ŋa pâi pâi a Zuda kaloŋ Zɛoasiŋ pôlu nyíi gáa a Zɛoakiŋ ǹóŋ é pɛ́lɛ Zuda-ƃelai kpéli-ŋai kélee dîa nyii-ŋai Babelɔŋ kaloŋ è wɔ́lɔ lì a dia Babelɔŋ, ŋá ǹiŋa kɔŋ-ma karaŋ kúla díkɔŋ mâ nyíi Babelɔŋ kaloŋ è dòo díkɔŋ mai.’ ”

Ɉeremi 32:44

Nûa da pâi lɔii yâi ƃɛ́ dí maa kɔlɔi kélee kpɛtɛ dí díyee pɔ̂ɔ kɛ́ zu, dí ŋɛi-kɛ-maa pɔ̂ɔ kɛ́ zu serê-ŋa ŋɛ́i. Da pâi m̀ɛni-ŋai ŋí kɛ̂i Bɛŋsima ŋɔlɔii-kpiniŋ su da gbanâŋ-ŋai dítinaŋɔɔ̂i Zerusâlɛŋ mai su. Da pâi m̀ɛni tɔ̂nɔi ŋí kɛ̂i Zuda taa-ŋai su da daa-ŋai díkaa ǹyée lɔii sui. Da pâi m̀ɛni tɔ̂nɔi ŋí kɛ̂i ǹyée pɛlɛ-pɛlɛɛi ma Zuda ŋɔlɔii kwára-pere séɣai pere. Ŋa pâi lenêi pôlu a ǹûai dí kpɔ́ɔi lɔii su, Ńyãa Yâwɛɛ ƃé mò tí.”

Ɉeremi 33:13

M̀ala mɛi-kaa-ƃelai da pâi ŋɔ́nɔ kɛ̂i díƃala-ŋai lônoi daa-ŋai su ǹyée lɔii su, ǹyée kwára-pere kpiniŋ-ŋai su, Bɛŋsima ŋɔlɔii kpîniŋ su da nyíi-ŋai Zuda lɔii kwára-pere kpiniŋ su nyíi-ŋai dítinaŋɔ̂ɔi Zerusâlɛŋ ma da Zuda taa-ŋai kélee. Ńyãa Yâwɛɛ ƃé mò tí.”

Ɉeremi 39:9

Nya ƃe Nɛbuzaradaŋ da nyíi kɛ̀ a gɔ-kuluƃa-ŋai mɛi nuui è nâa ǹûai kpéli-ŋai kélee sòŋ a kɔ-sôŋ-ŋa da diai yâo ma dí díkpîŋ tɛɛ bɔ́i, é lí a díkelee Babelɔŋ.

Ɉeremi 52:27

Nya ƃe Gâloŋ Nɛbukinaza è ǹûai ŋí lókwa é dí dípaa. È dí dípaa Lebila Taa-leei su nyíi kɛ̀ Ama lɔii kpiniŋ sui.

Ɉeremi 52:28

Berei ŋí ƃé Nɛbukinaza è wɔ́lɔ lì la kɔ-sôŋ pere su: Gɛ́ɛ gâloŋ-laai su ŋɔkóraŋ lɔ́ɔlu mɛi feerɛ su, è lì a Zuda-ŋai ŋɔwála saaƃa pôlu buu feerɛ káo saaƃa (3,023).

Ɉeremi 52:30

È lì a núu ŋuŋ lɔ́ɔlu mɛi feerɛ pôlu buu náaŋ káo lɔ́ɔlu (745) góraŋ buu-feerɛ-kao saaƃai su. Gɔ-kuluƃa-ŋai mɛi-nuui Nɛbuzaradaŋ ƃé kɛ̀ nuu soŋ mɛnii ŋí láa túɛ. Ǹûai dí lì a dia kɔ-sôŋ pere sui dí kɛ̀ a núu wála náaŋ pôlu ŋuŋ lɔ́ɔlu mɛi-da (4,600).

Woolaa 1:3

Zuda-ƃelai dímɔ̃lɛ-laai da maa sɛŋ-soli maai pôlu ma, da kɛ́ a lɔii da kpɛ́ni-ŋa su-ƃela. Da kɛ́ lɔii da kpɛ́ni-ŋa su-ƃela sáma, díkɛ̂i fé ma. Díkpɔara-ƃelai da dímaa tínaŋ, ǹyaŋ pere fé ŋɔ́nɔ díyêei dí pú.

Zakari 7:7

Tãi Zerusâlɛŋ è kɛ̀ la a ǹáa fɛ́ɛ a núu-kpune da tɔɔ-sã̂a, ŋɔtaa-lêe-ŋai tínaŋɔɔ ma ǹɔii kwára-pere da diŋ-tiŋ kélee láa fɛ́ɛ a núu-kpunei, Yâwɛɛ ŋɔlóno kɛ́-ƃelai dífe ŋ̀óo-ŋai ŋí ƃó ní?

Dutɛrɔnome 28:15

“À kɛ̀ ka wàla Káɣâlai Yâwɛɛ wóo mɛ́ni ká ŋɔtɔ̂ŋ-ŋai mɛi káa a tɔ̃yâ-pere nyii-ŋai ŋa sâa dɛɛ̂i kápɔi, ǹáɣaŋ-ŋai ŋí da pâi kásonîi.

Dutɛrɔnome 28:52

Da pâi daa-lee-ŋai kélee kulâi káyêei ǹɔii su Káɣâlai Yâwɛɛ è dɛ̀ɛ kápɔi dí maa siɣãŋ-ŋai wólo.

Zasua 18:5

Da pâi ǹɔii ŋáa kɔ̂lɛi gîei lɔ́ɔlu mɛi feerɛ, Zuda ŋɔsuui su-ƃelai dílɛɛ ǹɔii kwára pere, Zosɛ ŋ̀ɔ-ŋai dílɛɛ ǹɔii ŋûa-pere.