Ɉeremi 13:10 - Bible

¹⁰ Ŋ̀wana lɔ̂ɔ-ƃelai ŋí ƃé da díyee kúla ḿù. Ǹûai ŋí wôlii kpɔ̂lɔɔi, dí ŋwana lɔ̂ɔ kpɔ́ nɔ́ dí kɛ́ ɣâla da kpɛ́ni-ŋa fɛ̀li, dí kɛ̀ tíi kɛ̀ dîɛ. M̀ɛni ma da pâi kɛ̂i nɔ́ yɛ̂ɛ gbasa bɛ̂rɛ-kpuai ŋí nyíi kɛ̂i fé ŋɔ́nɔ m̀a a dɔnɔ kpîŋ.

Yálá laawoo hɛɓɛ (dc)

¹⁰ Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Yálá laawoo hɛɓɛ

¹⁰ Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 13:10 ပူးပေါင်းရင်းမြစ်များ

Mąątɛ̨nɛ̨ 78:8

a gɛɛ dífe kɛ̀ yɛ̂ɛ dínâŋ pɔlɔ-ŋai nyii-ŋai kɛ̀ a dítɔɔ Ɣâla mai. Dílaa-laai su fé kɛ́ ní a gbanaŋɔɔ Ɣâla mɛni ma. Kili-kɛ-zu fé kɛ́ ní díyêei m̀ɛni ma.

Ikilisiati 11:9

Núu tɔɔ-ŋa, ka lii-nɛ̃ɛ kula tãi kákaa niî la kánuu-tɔɔ kɔlɔi. M̀ɛnii kélee ka wɛ̂lii ka gɛ̂i ka gɛ́. Zãâi ka wɛ̂lii ká gáai, ka gáa. Kɛ́lɛ é kɛ́ kákili ŋá a gɛɛ Ɣâla a pâi núu kélee ŋɔmɛnii ŋá têei tɛi-tɛi.

Azaya 3:24

Díwulɔ kúŋ nɛ̃ɛ kpoo-ŋai da pâi penêi a sãa lula tee-tee. Dí bɛ̂ti lɛ́lɛɛ-ŋai da pâi penêi a ɣɛli-ŋa. Díŋuŋ lêɣa lɛ́lɛɛ-ŋai naa pâi a penêi a kpólaŋ. Dímaa ɣiri seɣe lɛ́lɛɛ-ŋai da pâi penêi a maloŋ-too maa seɣe-ŋa. Dílɛ́lɛɛ-laai a pâi pûi.

Ɉeremi 11:10

Da ŋɔ́nɔ tínaŋ dínâŋ pɔlɔ-ŋai dímɛni nyɔ́mɔɔ tɔnɔi pɔ́, nyíi-ŋai dífe wɔ́lɔ díwoli tɔɔ ní ḿâi. Da tínaŋ, dí kɛ́ ɣâla da kpɛ́ni-ŋa fɛli. Eezuɛ-ŋai da Zuda-ƃelai daâ ŋákpanaŋ-wooi kara nyíi ŋáwɔ́lɔ gɛ̀ dínâŋ pɔlɔ-ŋai yêei.

Ɉeremi 11:18

Nya ƃe Yâwɛɛ è dímɛni kpɛtɛɛ nyɔ́mɔɔi lɛ̀ ḿâ ŋá m̀ɛnii kɔ́lɔŋ dí kɛ̀ gɛ̂i.

Ɉeremi 13:7

Ŋá lì ǹaa ŋá gwaai ḿâ káa ƃɛ́i ŋá gbasa bɛ̂rɛi lôo naai. Ŋá ǹaa kàa ŋá gáa naa. Kɛ́lɛ, è kɛ̀ kpɔ́ a garáa nyii núu fa ŋɔ́nɔ pɔ̀ri bûi m̀a.

Ɉeremi 16:12

Kɛ́lɛ, ká tûa a nyɔ́mɔɔ a ńyãa é tɛ́ɛ kánâŋ pɔlɔ-ŋai dîa. Kákelee kpɔ́ káwôlii kpɔ̂lɔi, kásɔŋ nyɔ́mɔɔ, káfa káwoli tɔ̀ɔ ḿâ.

Ɉeremi 16:4

Kɔlɔ-fela nyɔ́mɔɔ a pâi dípaâi, núu da fé pâi dímaa ḿâloŋ sèe ƃôi, kpaa máŋ dí díloo. Da pâi dípoma ŋáa tɛ̂i gîe ma yɛ̂ɛ sua-kpô nyíi da bù sí-sɛŋ kɔ́ɔ mùi. Da pâi dípaâi kɔ́ su, kpaa puru é dípaa. À kɛ̀ tí, ŋ̀ɔni-ŋai da vɛnɛ-sãai da pâi dípoma miî.

Ɉeremi 20:4

Yâwɛɛ ǹyaa kpîŋ a mó ǹyɛɛ, ‘Ŋa pâi íkɛ̂i a yao kɛ́tɛ íkpîŋ mɛni ma da íƃarâai. Ya pâi kɛ̂i naa díkpɔara-ƃelai dí kɛ̀ dípaa a ƃóa-sɔkpɔ-ŋa. Ŋa pâi Zuda-ƃela kélee kɛ̂i Babelɔŋ yée-mu. A pâi dísonîi a kɔ-sôŋ-ŋa é lí a dia ŋɔlɔii su, é da-ni paa.

Ɉeremi 22:21

Tãi ká kɛ̀ a kátɔɔ lai, Yâwɛɛ è lòno kápɔ, kɛ́lɛ, káfe káwoli tɔɔ ní a dɔnɔ kpîŋ. M̀ɛni sîi ŋí ƃé ká kɛ̀ gɛ̂i kákɛ-ɣeniɛi su. Káfe pɔri ní káwoli tɔɔ̂i Yâwɛɛ wóo ma.

Ɉeremi 23:17

Diai kélee ŋ́oo pìlii, da m̀ôi dîa a gɛɛ mɛni da fé pâi kɛ̂i. Díkɛ mò ŋ̀ólii kpɔ̂lɔ-ƃelai dîa a gɛɛ mɛni kpɔ̂lu da fé pâi lâai dîa.”

Ɉeremi 3:17

Tãi ŋí à sèri, da pâi Zerusâlɛŋ tôlii a ‘Yâwɛɛ ŋɔkâloŋ-see-sɛŋ.’ Ǹyaŋ ǹɔii-ŋai kélee da pâi díŋa tɛ̂i gîe ma naa dí kɛ́ ǹáa maa tɛ̀. À kɛ̀ tí, dífe ŋɔ́nɔ pâi lɛɛ̂i díkpɔɔi lii-su-kpanaŋ nyɔ́mɔɔi pôlu.

Ɉeremi 35:15

Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátíi kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Ɉeremi 44:16

“M̀ɛnii kpɔ́ í mò kûa Yâwɛɛ láai sui, kúyee fé mu.

Ɉeremi 44:5

Kɛ́lɛ, káfe káwoli tɔɔ ní ḿâ, kpaa máŋ ká m̀ɛni-ŋai kɛ́ nyíi-ŋai maa-nɛ̃ɛi ká gɛ́i. Ká kɛ̀ nɔ́ ká ŋwana-lɔɔ tuai kɛ̂i ká kɛ́ sâla kùla ɣâla da kpɛ́ni-ŋa dîa.

Ɉeremi 5:23

Kɛ́lɛ, kákaa a nûa ŋuŋ-su kpanaŋɔɔ nyíi-ŋai da dí pôlu tɔɔ ḿâ. Ka tínaŋ ka kápôlu tɔɔ ḿâ.

Ɉeremi 7:13

Yâwɛɛ è mò ǹyɛɛ, kpɛ́ni fêi, kâa m̀ɛni-ŋai ŋí kɛ́i, berei ŋá lòno la kápɔ gîe mɛi a gɛɛ káfe gɛ̀ tíi, káfe ká wóli tɔɔ ní ḿâ. Tãi ŋá ká tòli lai, káfe ŋ́oo su too ni.

Ɉeremi 7:6

à kɛ̀ ka wàla tûa a ŋ̀ɔ̃ya-ŋai, da diai dínâŋ-ni dífe mai, kpaa a bɔɔ-nɛyãai a nyɔ́mɔɔ, kpaa ká núu páa ƃɛ́ nyíi ŋuŋ fé mai, à kɛ̀ ka wàla ɣâla-da-kpɛ́ni-ŋa fɛli, a kákpîŋ lii ŋwàna,

Ɉeremi 8:5

Lé ƃé ŋaŋ kɛ̀ ǹûai ŋí da dípôlu tɔɔ ḿâ dífa lène pôlui? Da kánaŋ nɔ́ núu pɛlɛ́ɛ ma dífa kpêra ma.

Ɉeremi 9:13

Nya ƃe Yâwɛɛ è mò ǹyɛɛi, “Kpɛ́ni fêi da dípôlu tɔ̀ɔ ŋátɔ̂ŋ ma nyíi ŋá dɛ̀ɛ dípɔi, dífe díwoli tɔ̀ɔ ní ŋ́oo ma, kpaa dísia a m̀ɛnii ŋá m̀o dîai.

Ɉeremi 9:14

Kɛ́lɛ, dí lɛ̀ɛ díkpîŋ kili-ŋa-siâi pôlu a wolii kpɔ̂lɔ-pere, ǹyaŋ díkaa nɔ́ Bêe ɣalai pôlu yɛ̂ɛ berei dínâŋ pɔlɔ-ŋai díwɔ́lɔ ǹɛ la diai.

Ɉeremi 9:6

Díkaa nɔ́ ŋwana lɔ̂ɔ ŋáa tɛ̂i gîe mɛi, dí kɛ̀ núu pɛ̀lɛ a tãi kélee. Da nia ḿâ. Yâwɛɛ ƃé mò tí.

Lonon mo 14:11

Nya ƃe Yâwɛɛ è mò Mose mà ǹyɛɛi, “Ǹûai ŋí da díŋɛi nànîŋ ḿɛi a tãi támaa. Dífa làa a ńyãa a tãi támaa berei máŋ ŋa ŋɛi-kɛ-maa támaa kɛ́ la dísamai.

Gɛlaɠaa 7:51

“Wolii-kpɔlɔ-ƃela, káai Ɣâla fé kálii su, kpaa máŋ káfa ŋ̀óo mɛnii, ka tɔɔ M̀ɔlêŋ Maa Waai ŋɔtíi tuɛ a tãi kélee. Berei kánâŋ-ni dí tùa lai, bere nɔ́ ƃé kákaa tuâi la.

Hebreu 12:25

Ka gáa a gɛɛ ǹúui gáa lônoi, káfe káyee kùla mu. Kpɛ́ni fêi, à kɛ̀ diai díyee kùla ǹúui mu nyíi dília-woo ƃò ǹɔii ma ƃɛi, dífe kula ni tɔŋ-kpɛ́-maa su, gɛ̀ ní kûa máŋ kwa pɔ̂ri kɛ̂i leŋ tɔŋ kpɛ-maa su, à kɛ̀ kwa kúyee kùla ǹúui mu nyíi gáa Ɣâla-taa gɛ́ kúlia-woo ƃòi.