Ɉeremi 12:12 - Bible

¹² Núu paa-ƃela da kulâi vɛ̃ɛ-kpâlaŋ su dípa ǹɔii su. Da pâi kɛ̂i a Yâwɛɛ ŋɔƃóa-sɔkpɔi dí ǹûai kélee páa, é síɣe ǹɔii ƃéla dɔnɔ ma é tóo gbéli ma. Núu da fé pâi kɛ̂i ɣele ma lii-see su.

Yálá laawoo hɛɓɛ (dc)

¹² Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Yálá laawoo hɛɓɛ

¹² Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Ɉeremi 12:12 ပူးပေါင်းရင်းမြစ်များ

Azaya 34:6

Zâla ƃalai da m̀olii díŋãa da díwulɔ kɔ́-kɔɔ̂i Ɣâla Yâwɛɛ ŋɔƃóa-sɔkpɔi ma. A pâi ŋɔsâla kɛ́tɛi kulâi Bosera taa-leei su. A pâi zu-kâra mɛni kɛ́tɛi ŋí kɛ̂i Idɔŋ lɔii ma.

Azaya 57:21

Ŋuŋ ma ƃô kwaa ma fé naa sɔnyɔ̂ŋ-ƃela mɛni ma. Ńyãa Yâwɛɛ ƃé m̀o tí.”

Ɉeremi 15:2

À kɛ̀ da ímarê kɛ̀, ‘Mí ƃé kwa liî naa?’ M̀ó dîa, m̀ɛnii Yâwɛɛ è mòi ƃa: ‘Diai gbɛtɛɛ̂i dímɛni ma a gɛɛ dí sáai, dísaa. Diai pâi lɛɛ̂i kɔ́-sui, dílɛɛ kɔ́ su. Diai gáa a sɛŋ puru é dípâai, é dípaa. Diai da pâi liî a dia kɔ-sôŋ laa sui, dí lí kɔ-sôŋ laa su.’

Ɉeremi 16:5

“Ífe lɔ̀ bɛ́rɛi mù nyíi da saa mɛ̂ni kɛ̂i naai. Ífe malôŋ sèe ƃò núu kélee da maa mɛ̂ni mà. Ḿve pâi ŋɔ́nɔ lûwa lâai ŋánûai dîa a gɛɛ ŋá líi-seei, kpaa máŋ ŋá ŋáwɛli kɛ́-maai da ŋá ŋɛi-maloŋ kâai lɛ́ dîa.

Ɉeremi 25:11

Da pâi Zuda su karâi, naa é lɛ́ɛ a fɛ̃ɛ-kpâlaŋ su. Ǹɔii-ŋai ŋí su-ƃela kélee kpɔ́ da pâi kɛ̂i luɛ-laa su Babelɔŋ kaloŋ yée-mu a kóraŋ buu lɔ́ɔlu-mɛi feerɛ.

Ɉeremi 3:2

Ye ǹyée-ŋai tôŋ su káa í ƃɛ́i káa ya kɛ̂ lâai naa berei kɔlɛ íkɛ íwɛli-ŋai maa kpɛ̂ŋ yɛ̂ɛ Arebi-nuu ƃé ǹoɔ̂ɔi vɛ̃ɛ-kpâlaŋ su gɛ́ tɛɛ-a-pere núu maa kpɛ̂ŋ a gɛɛ é gɔ̃̂liŋ kula ǹyêei. Ya ǹɔii maa tĩ̂a kara a wulu-wulu kɛ́ɛ ŋánaa.

Ɉeremi 3:21

Yóo-yoo woo káa tɛ̂i ǹyéei tôŋ-su. Gáa a Eezuɛ-ƃelai wɔ́lɔ-woo da díkpera fêi wòo, kpɛ́ni fêi, da dítûa-pere maa fáleŋ, da nia Díɣâlai Yâwɛɛ ma.

Ɉeremi 30:5

“Ŋà wɔ́lɔ-woo ŋánaa mɛnîi. Gáa a yao-wɔlɔ-woo. Vé a lii-see woo.

Ɉeremi 34:17

M̀ɛni ma, ńyãa Yâwɛɛ ŋá mò a gɛɛ ká ŋ́oo pìli. Káfe káƃarâa Eezuɛ-ŋai ŋuŋ-ma ƃó ní. Mɛni lɛ́lɛɛ ká tí. Gɛ̀ ní ŋa pâi ŋuŋ-ma ƃo tɛɛ̂i kápɔ. A pâi kɛ̂i a ŋuŋ-ma ƃô nyíi pâi gɛ̂i kálɛɛ kɔ́ su, kɔlɔ-fela é káta-ŋa paa kpaa puru. Ŋa pâi gɛ̂i ǹɔii ŋuŋ-ŋai díkaa ŋ̀éniɛi sui dílaa é kpála dîa m̀ɛni-ŋai ŋa pâi gɛ̂i a káai mɛni ma.

Ɉeremi 4:27

Yâwɛɛ è mò a gɛɛ ǹɔii a pâi lɛɛ̂i a bûŋ kɛ́lɛ, ŋ̀éniɛi fé pâi kpɛɛ̂i.

Ɉeremi 46:10

Ŋ̀wála-wâla kélee Ɣalai Yâwɛɛ ŋɔɣelei ká ŋí. Sâa ƃé a pâi mɛni kula maa kɛ̂i la. Sâa ƃé a pâi ŋɔkpɔara-ƃelai kula maa kɛ̂i la. Ŋɔƃóa-sɔ̂kpɔi a pâi dímiî é lɛ́ɛ lá zu é péla. A pâi díŋãa kpelêi é lɛ́ɛ la zu ǹíi é láa. Sâa ƃé Ŋ̀wála-wâla kélee Yâwɛɛ a pâi sâla kulâi la a diai da tôo ǹyée mui yá ŋûa-pere, Yufeletii Ya-leei kɔlɛ mai.

Ɉeremi 47:6

Ka wɔ́lɔi kâai, ‘Óo Yâwɛɛ ŋɔƃoa-sɔpkɔi! Tãi ɣɛɛlu ƃé yâ pâi ziɣêi ílɛɛ pâi kperâi kúpâai? Lɔ́ pôlu ítaâi, kɛ́ naa í ífii tɔ́ɔ!’

Ɉeremi 48:2

Ƃâa fé ŋɔ́nɔ Môa ma. Ɛsibɔŋ ŋɔkpɔara-ƃelai da naa siɣe da mɛni kpɛtɛɛ kɛ́ a gɛɛ dí Môa lɔii su-kara. Káai a ƃoo-ƃelai, ká-taai su a pâi kɛ̂i tɔ̀ŋ. Kɔkuluƃa-ŋai da pâi tɛ̂i naa.

Ɉeremi 8:15

Kú kɛ̀ lii-see kɔ̂rii, kɛ́lɛ, kúfe gáa ní. Kú kɛ̀ kɔlɔi pôno kɔ̂rii, kɛ́lɛ, mɛni kpɔ̂lu ƃé pà kúpɔ.

Woolaa 3:17

Lii-see fé ŋɔ́nɔ ńyêei. Lii-nɛ̃ɛ mɛni fé ŋɔ́nɔ ŋ́gili ŋá.

Izikiɛ 14:17

“Kpaa máŋ ŋa kɔ́ tôoi ǹɔii tí su ŋa pa a kɔ́-kɔ-sãa kpaya-kpaya ŋá ǹaa ƃele da vɛnɛ-sãai kélee páa.

Izikiɛ 21:28

Ŋ̀wála-wâla kélee Yâwɛɛi è mò ǹyɛɛi, “Núu kpune ǹóŋ, ye ɣâla-woo ƃó é pîlaŋ Amɔŋ-ŋai dîa da berei da pâi ƃâa kulâi la Eezuɛ ƃelai diai. M̀ó dîa a gɛɛ, ‘Ƃóa-sɔ̂kpɔ ŋá tɛ̂ɛi a gɛɛ é ká su kara. Ŋá-liɣɛɛ̂i a gɛɛ é núu paa. Gɛ́ kɛ́ mãla-mãla yɛ̂ɛ ŋ̀ele-gbana ŋɔmãla-mãla.

Izikiɛ 21:4

Kpɛ́ni fêi ŋa pâi deniŋ-ƃo ƃelai da wãna-lɔ̂ɔ ƃelai kélee paâi ká samai, ŋa pâi ŋá ƃoai kulâi daai ŋá ǹûai kélee páa la è siɣe yá-ŋua pere é too séɣai pere.

Izikiɛ 21:8

Yâwɛɛ è ńdôli ŋɔ́nɔ ǹyɛɛi,

Izikiɛ 21:9

“Núu kpune ǹóŋ, ɣâla-woo ƃó ǹûai dîa. M̀ó dîa m̀ɛnii ńyãai a Ǹuu-namui ŋa môi: Ŋáƃoa-sɔkpɔi ŋá liɛɛi m̀aa waa.

Izikiɛ 5:2

Gbua tɔ̂nɔ siɣe í géreŋ Zerusâlɛŋ taa-lee pɔɔkɔŋ sâmai a tãi dí Zerusâlɛŋ soŋ lai maa fôlo kuui kpɛɛ-ŋa tãi. À kɛ̀ tí, í gbulu tɔ̂nɔ siɣe í dáa tâa a m̀óa-sɔ̂kpɔi ítinaŋ la daa lêei ma. Gbua kpéli síɣe í dáa tâa vãai é vɛ́ɛ. Ŋa pâi ŋá ƃóai kulâi daâi ŋ́gɛ ƃò la dípôlu.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Amɔsə 9:4

A nɛ̃ɛ máŋ díkpɔara-ƃelai dí lí a dia luɛ-laa su, ŋa pâi m̀óa-sɔkpɔi kɛ̂i é dípaa. Ŋ́ɛi a pâi kɛ̂i dîa, mɛni nyɔ́mɔɔ mɛni ma, mɛni lɛ́lɛɛ fêi.”

Sofoni 2:12

Óo Itiopia-lɔii su-ƃelai, ŋa pâi ká pâai a ŋáƃoa-sɔkpɔi.

Dutɛrɔnome 32:42

Ŋásɔalai a pâi kɛ̂i a díŋãa tée-tee. Diai kélee dítɔɔ̂i mâi, ŋa pâi dípaâi a ŋáƃoa-sɔ̂kpɔi. Diai kélee dítɔ̂ɔi ḿâi, da fé pâi lɛɛ̂i, é máŋ kpîŋ kɛ́ a diai dí díŋwanai, kpaa diai díkaa a kɔ-sôŋ-ŋai.’

M̀ɛni-lɛɛi 6:4

Nya ƃe soo da kpɛni è kùla gɛ fólo kpɔ́ mu kpɔ̂luɔ. Ǹúui kɛ̀ see ni mɛi, dí nɛ̀ɛ naa a gɛɛ é lii-sêe kula ǹɔii su a gɛɛ núu-kpune é gîe-ni paa. Ǹya ƃe dí ƃóa-sɔkpɔ kɛ́tɛ tɛ̀ɛ bɔ́.