Ɉeremi 10:5 - Bible

⁵ Díɣâla-pɔɔkɔŋ ŋai díkaa yɛ̂ɛ maa-yao sɛŋ nyíi da dɔ̀ɔ zûai sui. Dífa lôno. Fɛ̂ɛ núu é lí a dia, kpɛ́ni fêi, dífa pɔ̂ri siâi. Káfe yao dîa, kpɛ́ni fêi, dífa pɔ̂ri mɛni nyɔ́mɔɔ kɛ̂i a káa, kpaa máŋ dí mɛni lɛ́lɛɛ kɛ́ kâa.”

Yálá laawoo hɛɓɛ (dc)

⁵ Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Yálá laawoo hɛɓɛ

⁵ Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Ɉeremi 10:5 ပူးပေါင်းရင်းမြစ်များ

Tɔɔɓɛlaa dɔlɔɔ 18:26

Dí niŋa sîrɛi sìɣe dí dɛɛ dípɔ dí gbɛtɛ. Dí Bêe fɛ̀li é síɣe ɣele-wala ma é tóo ɣele-wulii ma. Dí làɣi a ɣelei pere dîɛ mài, “Óo Bêe, kúwoo su too!” Kɛ́lɛ dífe wóo da mɛni ní núu da fé tela díwoo su too ní. Díkɛ̀ mãlai dí kɛ́ tìnaŋ ŋ̀âla-teƃelei ma dí gbɛ̀tɛi.

Kɔlɔnikɔ Veerɛi 25:15

Nya ƃe Yâwɛɛ è ǹíi ŋwàna kpɔ́ Amazia ma a ŋánaa. Yâwɛɛ è ŋɔlóno kɛ́-nuu tɔnɔ tɛ̀ɛ nyíi mò Amazia ma ǹyɛɛi, “Lé mɛni ƃé ya ǹûai ŋí díɣâla-ŋai fɛliî mɛni mai, à kɛ̀ vé pɔri ní gbɔ́ɔi-ƃelai kulâi íyêei?”

Azaya 16:12

Môa-ŋai da pâi kɛ̂i mɔ̃lɛ̂i díkɛ pà díyee maa waa-ŋai ma da díɣâla fɛli kwaa-ŋai ma a gɛɛ dí díɣâlai fɛ́li. Kɛ́lɛ dífe pâi mɛni lɛ́lɛɛ sɔlɔ ƃôi naa.

Azaya 45:20

Yâwɛɛ è mò ǹyɛɛi, “Káai kélee ŋuŋ ma ƃô sɔlɔ ƃò ǹɔii ŋuŋ kɛ́tɛi toɔ́ɔ pôlu mai, ka lɛɣɛ a kákîe ni. Káai kélee pù ká kúla ǹɔii ŋuŋ-ŋai yêei, ka káŋa lɛ́ɣɛ gîe ma m̀ɛni-sâa ŋá tée ɣenei ŋá! Diai da ɣâla pɔkɔɔŋ-ŋa fɛli nyíi-ŋai díkpɛtɛ̂ɛi a wúru-ŋai, táre fé díŋuŋ su. Da kɛ̂ nɔ́ ɣâla da kpɛ́ni-ŋa fɛlîi ǹyaŋ dífa ŋuŋ ma ƃô sɔlɔ ƃô da yêei.

Azaya 46:1

“Babelɔŋ lɔii su-ƃelai díɣâla-ŋai da pɛ̂lɛ díkɔɔ mu dí kɛ́ dífɛ̂lii, díwala-walai kpɛɛ ŋá a seri. Ŋ̀âla-ŋai ŋí ƃa Bɛɛ da Nebo. Da pâi díɣirîi taa-tulɛ-ŋa pôlu dí lí a dia lɔii-ŋuŋ da kpɛ́ni-ŋa su. Ŋ̀âla-ŋai ŋí díkaa a kpîri wuyɛɛ-ŋa daa tûlɛ-ŋai ŋí mɛni ma. Da pâi kɔlɔ kpɛɛ̂i dîa.

Azaya 46:7

Gɔli ɣâle-ƃelai da kpɛ̀ɛ zãâi ŋí kpɛ̂tɛi, da dɛ̀ɛ ǹamela pɔ́, dí ǹáa díkarâŋ ŋá, dí lí a dia dípɛrɛ-ŋai lá, dí dítɔɔ dílôŋpo-ŋai su. Da kɛ̂ tɔɔ̂ni naa, dífa pɔ̂ri díkpono tûmoi. Da dífɛ̀li, dífa díwoo su tòo, kpaa máŋ dí díkula mɛni kpɔ̂lu da su.

Ɉeremi 10:14

Núu da fé táre ní. Mɛni-ŋa-kaa fé dí yêei. A ŋumɛ láa gôo kpɛtɛ-ƃelai ŋɛ́i. Kpɛ́ni fêi, dí pɔɔkɔŋ-ŋai díkaa a lɛ́ɛ ɣâla-ŋa. Dífe a dífulu.

Habakukə 2:19

Kpalo ƃêlai ǹúui ma a mò wúru gbua ma, “Íŋɛi lá ƃó.” Gɛ́ mò kɔni ma nyii vá mɛni mɛ̂nii, “Ímu siɣe í tɔ́ɔ!” Nyíŋi a pɔ̂ri mɛni lɛ̂i? Gáa, gbɛtɛ̂ɛi a gôo da káne, ǹyaŋ ǹɛ̂wo fé gbonôi.

Korɛntə dɔlɔɔ 12:2

Ka gɔ́lɔŋ a gɛ́ɛ ka kɛ́ɛ a Zɛ̃tai-ŋai ká làŋ ka pîlaŋ ɣâla-pɔɔkɔŋ-ŋa pôlu nyíi-ŋai dífa lônoi. Bɛ́i kélee dí pɔ̂ri liî naa a káai, ká lì naa.

Korɛntə dɔlɔɔ 8:4

Mɛni ma à kɛ̀ a mii-sɛŋ da dɛ̀ɛ ɣâla-pɔɔkɔŋ-ŋa pɔi miɛɛ, ku gɔ́lɔŋ a gɛ́ɛ “ɣâla-pɔɔkɔŋ fe ɣele ma, Ɣâla tɔnɔ nɔ́ ƃe naa.”

Dutɛrɔnome 4:28

Ǹyaŋ naa ƃé ka pâi kɛ̂i tíi kɛ̂i naa wúru da kɔni-ŋa dîɛ nyii-ŋai núu-kpune-ŋa dí díkpɛ̀tɛ a Ɣâla pɔkɔɔŋ-ŋai, nyii-ŋai dífa kwaa kâai, dífa mɛni mɛ̂ni, dífa mii-sɛŋ mìi kpaa máŋ dí sɛŋ kúŋ mɛnii.