Ɉeremi 10:12 - Bible

¹² Kɛ́lɛ, Ɣâla ƃé ǹɔii kpɛ̂tɛ a ŋɔwála-wala laai. É ŋ̀éniɛi kpɛ̀tɛ a ŋɔtárei. È ŋ̀ele-kɔlɔŋ fùlomo a ŋɔmɛni ŋá káai.

Yálá laawoo hɛɓɛ (dc)

¹² Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Yálá laawoo hɛɓɛ

¹² Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Ɉeremi 10:12 ပူးပေါင်းရင်းမြစ်များ

Zɛnɛse 1:1

Gɔ́ɔ pîlanii Ɣâla è ŋ̀elei kpɛ̂tɛ da ǹɔii.

Zɛnɛse 2:5

kala da kélee fé niî kɛ̀ kula ní ǹɔii ma da wúru, kpɛ́ni fêi, Yâwɛɛ Ɣâla fé niî kɛ̀ tuna kɛ́ ní é pú ǹɔii ma. Ǹyaŋ núu-kpune fé kɛ́ ní naa a gɛɛ é tíi kɛ́ ǹɔii ma.

Kɔlɔnikɔ Maa-ŋuŋ 16:26

Ŋ̀âlai nyíi gáa lɔii-ŋuŋ da kpɛ́ni sui gáa a ɣâla-pɔkɔɔŋ. Kɛ́lɛ Yâwɛɛ ƃé ŋ̀elei kpɛ̀tɛ.

Zôo 26:7

Ɣâla è yá-ŋua ɣele-kɔlɔŋ da ŋ̀éniɛi sɛ̀lɛŋ.

Zôo 37:18

Ya pɔ̂ri kpɔnîi Ɣâla ma ŋ̀ele-kɔlɔŋ kolei kpɛtɛ mɛni ma gɛ́ fôlo yɛ̂ɛ mɛ̃lɛ-mɛ̃lɛ?

Zôo 9:8

Ɣâla ǹya tɔ̂nɔ ƃé ŋ̀ele-kɔlɔŋ kpɛ̂tɛ é ǹáa ǹâai, é ƃɔ́rɔŋ ǹyúo-zele kalii ma a gɔ́ɔ.

Mąątɛ̨nɛ̨ 104:2

Ya ímaa tínaŋ a kwaa ponoɔɔ yɛ̂ɛ yokpo kole. Ya ŋ̀ele-kɔlɔŋ tɛ́ ɣelêi yɛ̂ɛ núu a kêre pìli ɣelêi.

Mąątɛ̨nɛ̨ 104:24

Óo Yâwɛɛ, í sãa támaa kpɛ̀tɛ. Í gélee kpɛ̀tɛ a táre-pere. Ǹɔii láa fɛ̂ɛi a íkpɛtɛ-sãai.

Mąątɛ̨nɛ̨ 119:90

Íteniŋ ƃô-laai káa nɔ́ naa a tãi kélee diai kélee pâi pâi dímɛni ma. É síɣe tãi í ǹɔii lâa la ǹâai, gáa nɔ́ nîi naa.

Mąątɛ̨nɛ̨ 24:2

È gbɛ́tɛɛ kɔ́ɔ pìlaŋ ǹya-lee-ŋai dîa, é seri la yúo kpóŋ ma.

Mąątɛ̨nɛ̨ 33:6

Yâwɛɛ è ŋ̀ele-kɔlɔŋ-ŋai kpɛ̂tɛ a ŋ̀óo, da dísu sãa kélee, vóloi, ŋ̀áloŋ da bɛ́mɛlɛŋ kao-ŋai.

Mąątɛ̨nɛ̨ 65:7

Ya gɛ̀ ǹyuo-ŋai dí kpéra toôi, da tíŋ fa ŋɔ́nɔ tɛ̀. Ya gɛ̀ núu-kpune ŋáa é yéŋ,

Mąątɛ̨nɛ̨ 78:69

Naa ƃé è ŋɔpɛ́rɛ kɛ́tɛi tɔ̀ɔ naa naa kɛ́ ƃò yɛ̂ɛ bɔ́-taai ɣâla-taa da ǹɔii ma nyii è naa kpɛ̀tɛ wɔ́lɔ-wɔlɔ da wɔlɔ-wɔlɔ mɛni mai. Núu a kɛ̀ naa ŋuŋ ma ƃô káa ǹyêei.

Mąątɛ̨nɛ̨ 93:1

Yâwɛɛ káa a kâloŋ. Maa ɣiriɛ̂ɛi yɛ̂ɛ kâloŋ, ŋ̀wála-walaa. Ǹɔii seɣɛ̂ɛi kpɔ́ kpíŋ-kpiŋ, ǹyaŋ vé pâi kulâi dɔɔ̂i.

Hanwon 3:19

Ɣâla Yâwɛɛ è ǹɔii kpɛ̂tɛ a táre. È ŋ̀elei kpɛ̂tɛ a ŋɔmɛni ŋá-kaai.

Hanwon 30:4

Gbɛ̂ɛ ƃé tɛ̀ Ɣâla-taa é pá pôlui? Gbɛ̂ɛ ƃa vãai sôŋ a ǹyée? Gbɛ̂ɛ ƃa Yúo maa kpîniŋ a seɣe? Gbɛ̂ɛ ƃa ǹɔii kóyaŋ lɛ́? Ǹáa ƃa gbɛ̂ɛ? Ǹóŋ láa ƃa gbɛ̂ɛ? Tɔ̃yâ ma í gɔ́lɔŋ.

Azaya 37:16

“Oó Ŋ̀wála-wâla kélee Yâwɛɛ, Eezuɛ Ŋɔɣâlai, yái íkâloŋ sèe-sɛŋ káa seêni ŋ̀âla-taa goôŋ sãai mɛi, yá tɔnɔ nɔ́ ƃé íkaa a Ɣâla, íkɛ ƃò ŋ̀éniɛi su kaloŋ-ŋai kélee mɛi. Yá ƃé ŋ̀elei da ǹɔii kpɛ̂tɛ.

Azaya 40:22

Ǹyaa ƃa ǹúui gáa seê-ni ŋɔkâloŋ sèe sɛŋ ŋá ǹɔii mɛi pere gɛ̀ ƃò ŋ̀ele-kɔlɔŋ mɛi perei, diai díkaa ǹaa m̀u perei, díkaa nɔ́ yɛ̂ɛ pumu pɛlɛɛ-pɛlɛɛ ŋa. A ŋ̀ele-kɔ̂lɔŋ fùlomo nɔ́ yɛ̂ɛ wôna-la seɣe, yɛ̂ɛ berei tí da sua-kɔ̂lɔ seɣe nyii da pɛ́rɛ tɔ̀ɔ lai, fûloŋ la núu kɛ́ nyìi m̀ui.

Azaya 42:5

Ɣâla Yâwɛɛ ƃé ŋ̀elei kpɛ̀tɛ da ǹɔii. È fúlu-sãa kélee kpɛ̀tɛ ǹɔii ma, é núu-kpune kpɛtɛ é ǹyaa Ɣâla ǹɛwo da ŋɔmɔ̂leŋ pú gbonôi. A m̀ôi ŋɔtíi kɛ́ nuui ma ǹyɛɛi,

Azaya 44:24

Yâwɛɛ a m̀ôi ǹyɛɛi, “Ńyãa ƃa káŋuŋ ma ƃó nuui Yâwɛɛ. Ńyãa ƃé kákpɛ̀tɛ. Ńyãa ƃa Yâwɛɛ. Ńyãa ƃé sɛŋ kélee kpɛ̀tɛ. Ŋá ŋ̀ele-kɔ̂lɔŋ fulomo ńyãa tɔnɔ. Ŋá ǹɔii kɛ̀ a zu kɛ́tɛ. Gbɛ̂ɛ ƃé kpɔŋ mâa tɛ̀ɛ ḿbɔi?

Azaya 45:12

Ŋá ǹɔii kpɛ̂tɛ, ŋá núu-kpune kpɛ̀tɛ, ŋá bú naa mɛi. Ńyãa ƃé ŋ̀elei kpɛ̀tɛ da zu sãa kélee. Ńyãa ƃa vóloi, ŋ̀áloŋ da bɛ́mɛlɛ̂ŋ-kao-ŋai kélee téniŋ tɔ̀ɔ.

Azaya 45:18

Yâwɛɛ ƃé ŋ̀ele-kɔ̂lɔŋ-ŋai kpɛ̀tɛ. Ǹyaa nɔ́ ƃa ɣâla! Ǹyaa ƃé ǹɔii pù gîe ma, é gbɛ̀tɛ. È gbɛ̀tɛ a gbanaŋɔɔ. Gáa naa wɔ́lɔ-wɔlɔ da wɔlɔ-wɔlɔ. Vé gbɛ̀tɛ ní kpɛ́ni-kpɛni. È gbɛ̀tɛ a núu-kpune kɛ̂i. Ǹyaa ƃé m̀o ǹyɛɛi, “Ńyãa ƃa Yâwɛɛ. Ɣâla da kpɛ́ni fé naa é kúla ḿbôlu.

Azaya 48:13

Ńyãa ƃé ǹɔii kpóŋ sèe. Ńyãa ƃé ŋ̀ele-kɔ̂lɔŋ kpɛ̀tɛ ŋá dɛ́ ǹɔii m̀ɛi pere. Ŋa lòno dípɔ, da ŋ́oo m̀ɛni.

Azaya 49:8

Yâwɛɛ è m̀o ŋɔnûai dîa ǹyɛɛi, “Káŋuŋ ma ƃó ɣelei a seri, ŋa pâi káŋuŋ ma ƃôi. Ŋa pâi káŋɛi malôŋ kâai, ŋá ŋ́oli tɔ́ɔ káwɔlɔ-wooi ma ŋá kpɔ́ŋ kâa. Ŋa pâi kámaa kɔ̃ɔ̂i, ŋá kámaa kpɛ́ pere sîi kélee su. Ŋa pâi gɛ̂i tí, kpɛ́ni fêi, ŋá ŋ́gono tèe káyêei. Ŋa pâi liî a káa pôlu kálɔii ma nyíi ǹaa è wɔ́lɔ lɛ̀ɛ a vóloi.

Ɉeremi 10:13

Tãi a lôno lai, ŋ̀elei su a dùa, ǹyái nyíi gáa ŋ̀elei sui, a kpêɣe. A gɛ̀ ŋ̀ele-kɔlɔŋ-kolei é síɣe ŋ̀éniɛi kpɛɛ-ŋa. A ŋ̀ele-gbana ŋɔmãla-mãlai kɛ̀ da tuna dípa, é fãa kula ǹâai kɛ̂i.

Ɉeremi 10:16

Kɛ́lɛ Zeeka Ŋɔɣâlai fé yɛ̂ɛ ŋ̀âla-pɔɔkɔŋ-ŋai ŋí. Kpɛ́ni fêi, ǹya ƃé sɛŋ kélee kpɛ̀tɛ, é pɛlɛ Eezuɛ-ŋai dîa nyíi-ŋai díkaa a bɔɔi. Ǹáa ƃa Ŋ̀wâla-wala kélee Yâwɛɛ.

Ɉeremi 14:22

Ŋ̀âla-pɔkɔɔŋ-ŋai díkaa ǹɔii-ŋuŋ-ŋai sui, da fa pɔ̂ri gɛ̂i tuna é pú. Ŋ̀ele-kɔlɔŋ fa pɔ̂ri gɛ̂i tuna é pú gbîŋ-yee ma. M̀ɛni ma, yá nɔ́ ƃé kúkili káa yâ, óo Yâwɛɛ, yái íkaa a Kúɣâlai. Kpɛ́ni fêi yá tɔnɔ nɔ́ ƃé ya pɔ̂ri m̀ɛni-ŋai ŋí kɛ̂i.

Ɉeremi 27:5

Ŋá ŋ̀éniɛi kpɛ̀tɛ da zu-ƃela kélee é pɛ́lɛ vɛnɛ-sãai kélee dîa a ŋáwala-wala laa kɛ́tɛi. Ŋa pɔ̂ri dɛɛ̂i núu sîi kélee da pɔ́ nyíi ŋa ŋ̀wɛ̂lii.

Ɉeremi 32:17

“Yá, Ŋ̀wála-wâla kélee Yâwɛɛ, yá ƃé ǹɔii da ŋ̀elei kpɛ̂tɛ a íwala-wala-laa kɛ́tɛi! Mɛni da fé naa nyíi gbanaŋɔ̂ɔi ímaa mɛni ma.

Zakari 12:1

Yâwɛɛ ŋɔwóoi nyíi bîlaŋɔɔi Eezuɛ mai: Yâwɛɛ nyíi ǹyée sã̀a é ŋ̀elei kpɛtɛ da ǹɔii é tela núu-kpune ŋɔmɔ̂leŋ kpɛtɛ gbonôi, è mò ǹyɛɛi,

Ɉaan 1:3

Sɛŋ kélee è kpɛ̀tɛ zarâi, ǹyaŋ sɛŋ da kélee fé kɛ́ ní a gbɛ́tɛɛ ŋ̀ɛi pôlu nyii kɛ̀ a gbɛtɛɛ̂i.

Kolosə 1:16

kpɛ́ni fêi, sɛŋ kélee e kpɛtɛ gbonôi, ŋ̀elei su-sãai kélee da ǹɔii ma-sãai kélee, nyíi-ŋai kwa díkâa da nyíi-ŋai kúfa díkaâi, é máŋ kɛ́ a kâloŋ-laa, kpaa nuu-namu-laa, kpaa nuu-mɛi-ƃela, kpaa máŋ wála-wala-ƃela-sɛŋ kélee e kpɛ̀tɛ zarâi, m̀aa-mɛni ma.