Ɉeremi 10:10 - Bible

¹⁰ Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Yálá laawoo hɛɓɛ (dc)

¹⁰ Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Yálá laawoo hɛɓɛ

¹⁰ Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 10:10 ပူးပေါင်းရင်းမြစ်များ

Zɛnɛse 21:33

Eberaɣɛ̃ɛ è tamari wuru sì Bɛɛsiba, gɛ́ Yâwɛɛ fɛ̀li naa.

Tɔɔɓɛlaa dɔlɔɔ 18:39

Ǹûai kélee kɛ́ɛ da nyíŋi káai, dí tòo ǹɔii ma dí wɔ̀lɔ dîyɛɛi, “Yâwɛɛ káa a Ɣâla! Yâwɛɛ káa a Ɣâla!”

Tɔɔɓɛlaa dɔlɔɔ 8:60

a gɛ́ɛ ŋ̀éniɛi su-ƃelai kélee dí gɔ́lɔŋ Yâwɛɛ káa a Ɣâla ǹyaŋ Ɣâla da kpɛ́ni fé naa.

Kɔlɔnikɔ Maa-ŋuŋ 29:11

Óo Yâwɛɛ, íkɛ̂tɛi, íwala-walaa, ífolo-laai kɛ̀ ƃo ǹaa. Íkâloŋ-laai su kɛ́tɛi. Zãai kélee gáa ŋ̀elei su da ǹɔii mai díkaa a ípɔɔ. Óo Yâwɛɛ, yá ƃé ímaa tɛɛ̂i a zãai kélee kpɔ́ mɛi.

Kɔlɔnikɔ Veerɛi 15:3

Tãi sukôya yée mu, dɔ̃yâ Ɣalai fé kɛ́ ní ŋɔ́nɔ Eezuɛ. Zâla láa-soŋ-ƃelai dífe kɛ́ ní naa a gɛ́ɛ dí sɛŋ lɛ́. Ɣâla ŋɔtɔ̂ŋ fé kɛ́ ní naa máŋ.

Zôo 9:6

Ɣâla a ǹɔii tûmo é síɣe gɔ́ɔ pîlanii, é gɛ́ gɔni-ŋai díkɛ kpɛ̃liŋ.

Mąątɛ̨nɛ̨ 10:16

Yâwɛɛ káa a kâloŋ wɔ́lɔ-wɔlɔ da wɔlɔ-wɔlɔ. Diai da ɣâla da kpɛ́ni-ŋa fɛlii, da pâi lánîii ǹɔii su.

Mąątɛ̨nɛ̨ 100:3

Ka gɔ́lɔŋ a gɛɛ ǹyaa ƃa Ɣâla Yâwɛɛ. Ǹyaa ƃé kúkpɛ̀tɛ, ǹyaŋ kúkaa a bɔ́ɔ. Kúa ƃa ŋɔnûai, kúkɛ ƃò yɛ̂ɛ ŋɔƃála-ŋa.

Mąątɛ̨nɛ̨ 100:5

Yâwɛɛ sɔŋ lɛ̂lɛɛi, ŋɔwɛli kɛ́-maai kóyaŋ fé ma, ŋɔteniŋ ƃô-laai káa naa é síɣe núu-suu tɔnɔ ma é tóo gbéli ma.

Mąątɛ̨nɛ̨ 104:32

À ǹɔii kâa, ǹɔii a kpɛ̃liŋ. À ǹyée lɛ̀ɣɛ ǹyée-ŋai dîa, ŋɔŋ a têe naa.

Mąątɛ̨nɛ̨ 114:7

Ǹuu-namui a pâi, lɔii, ye kpɛ̃lîŋ. Ye kpɛ̃lîŋ Zeeka Ŋɔɣâlai ŋɛ́i-tuɛ.

Mąątɛ̨nɛ̨ 145:13

Íkâloŋ-laai káa naa wɔ́lɔ-wɔlɔ, ǹyaŋ íkaa a kâloŋ wɔ́lɔ-wɔlɔ. Yâwɛɛ teniŋ ƃôɔɔi ŋɔkono-tee-ŋai kélee su. Ŋɔmaloŋ kâai káa gɛ́-mɛni kélee su.

Mąątɛ̨nɛ̨ 146:6

nyii ŋ̀elei, ǹɔii, da yúo kpɛ̀tɛi, da zãai nyii-ŋai gáa dí sui. A ŋɔkono-teei kélee ŋ̀aa sèe kɛ̀.

Mąątɛ̨nɛ̨ 18:7

Ǹɔii è kpɛ̃liŋ é túmo-tumo. Ǹyée-ŋai dia máŋ da kpɛ̃liŋ dí wólo-wolo dí pú zu, kpɛ́ni fêi, Yâwɛɛ è kɛ̀ a ǹíi ŋwánaa.

Mąątɛ̨nɛ̨ 29:10

Yâwɛɛ ŋɔwála-wala-laai káa ǹyá-ŋai kélee mɛi. Gáa a kâloŋ wɔ́lɔ-wɔlɔ da wɔ́lɔ-wɔlɔ mɛni ma.

Mąątɛ̨nɛ̨ 31:5

Ŋa ŋ́gbîŋ pú íwala-wala-laai mu. Ya pâi ŋ́uŋ ma ƃôi, Yâwɛɛ. Íkaa a teniŋ ƃô Ɣala.

Mąątɛ̨nɛ̨ 42:2

Gɛ̀-ɣele ma Ɣalai, ímaa mɛ̂ni gbáaŋ káa ḿâ. Lé ɣele ƃé ŋa pâi ŋ́ɛi lâai la yâi?

Mąątɛ̨nɛ̨ 68:11

Ǹuu-namui è ŋ̀óo tɛ́ɛ. M̀ɛnii è gɛ̀i, nɛyâa támaa dí lì a maa tûŋ.

Mąątɛ̨nɛ̨ 68:8

ǹɔii a kpɛ̃liŋ, ŋ̀ele-kɔlɔŋ lá é ƃó tuna é pú, ǹɔii a wôlo zu a yá, Eezuɛ Ɣalai í sia tîŋ Sana Yeei ma.

Mąątɛ̨nɛ̨ 74:12

Óo Ɣâla, yá nɔ́ ƃa kúkâloŋ é kúla gɔ́ɔ pîlaŋ tãi ma. Ya kúŋuŋ maa ƃó tãi támaa yée mu.

Mąątɛ̨nɛ̨ 76:7

Kɛ́lɛ yá Yâwɛɛ, núu-kpune kélee da yâo yâ. Ya ílii ŋwàna, núu da fa pɔ̂ri tɔɔ̂i íŋɛi-tuɛ.

Mąątɛ̨nɛ̨ 76:8

Í lɛ̀ɛ Ɣâla-taa í mɛni ŋá tée ǹɔii ma. Diai kélee ǹɔii mai dí yâo dí dímɛi sáa,

Mąątɛ̨nɛ̨ 77:18

Ŋ̀elei su è kɛ̀ lâɣii, ŋ̀ele-gbâna ŋɔŋ léŋ é ŋ̀éniɛi gwaa kélee ma pòno. Ǹɔii è kpɛ̀liŋ é túmo.

Mąątɛ̨nɛ̨ 84:2

Ŋa ŋ̀wɛ̂lii nɔ́ ŋ́gɛ ƃò m̀u. Yâwɛɛ Ŋɔpɛ́rɛ Kɛ́tɛi maa mɛ̂ni káa ńii su a ŋ̀ánaa. Ŋà kɛ̀ naa, ŋa kɛ̂ wule toôi ŋ́gɛ koi-nɛ̃ɛ kùla, gɛ-ɣele ma Ɣalai mɛni ma.

Mąątɛ̨nɛ̨ 9:8

Ya ǹɔii mɛi kâa a tɔ̃yâ-pere, í kɛ́ zu-ƃela dímɛnii ŋá tèe a bɔriɛɛ.

Mąątɛ̨nɛ̨ 90:11

Gbɛ̂ɛ ƃé ílii ŋwânai ŋɔwála-wala-laai kɔ́lɔŋ? Ílii ŋwâna su kɛ́tɛi a pâ a yao ŋánaa nuu kponôi.

Mąątɛ̨nɛ̨ 90:2

Í lɛ́ɛ pâi ǹyée kpaya-kpayai kpɛtɛ̂i, kpaa máŋ ǹɔii da ŋ̀éniɛi, íkaa nɔ́ a Ɣâla wɔ́lɔ-wɔlɔ da wɔ́lɔ-wɔlɔ. Yá nɔ́ ƃa Ŋ̀ɔlɔ-wɔlɔ da wɔ́lɔ-wɔlɔ Ɣalai.

Mąątɛ̨nɛ̨ 93:2

Yâwɛɛ, íkâloŋ-laai tɔɔ̂i kpanaŋɔɔ̂i é kúla gɔ́ɔ pîlaŋ ɣele ma, ǹyaŋ íkaa ɣele ma wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 97:4

Ŋɔɣele-gbânai ŋɔmãla-mãlai a ǹɔii gwaa kélee mâ pono. Ŋ̀éniɛi su-ƃelai da naa kàa da kpɛ̃liŋ.

Azaya 37:17

Yâwɛɛ, íwoli tɔ́ɔ kûa í m̀ɛnii káa gáa kɛ̂i a kúai. Íwoli tɔ́ɔ m̀ɛnii Sinakari a m̀ôi é pîlaŋ yái íkaa a gɛ-ɣele ma Ɣalai yâi.

Azaya 37:4

Tãi ta, Káɣâlai Yâwɛɛ aâ Asiria kaloŋ ŋɔkɔ-kuluƃa-ŋai láa-tuɛ nuui wóo mɛ́ni gɛ́ ɣɛ́lɛ-maa kûla gɛ̀-ɣele mâ Ɣalai kponôi. Tɔ́ɔ Yâwɛɛ Káɣâlai é m̀ɛni-ŋai ŋí mɛ́ni, é ǹuui nyii kélee m̀aa-kula ḿaa-woo-ŋai ŋí ƃoi kúla maa kɛ́. M̀ɛni m̀a, ka Ɣâla fɛli kúnûai nyii-ŋai lɛ̂ɛi, dímɛni ma.”

Azaya 40:15

Ǹɔii-ŋuŋ-ŋai díkaa nɔ́ Yâwɛɛ ŋɛ́i kpɛ́ni-kpɛni, díkaa nɔ́ yɛ̂ɛ yà kâo tɔnɔ a kùla ya-bɔ̂ki su. Dîŋ-ŋai díkaa kwaa kôyaa mai, díkaa nɔ́ yɛ̂ɛ muluŋ.

Azaya 40:28

Ífe niî gɔ́lɔŋ ní? Ífe niî m̀ɛni ní a gɛ́ɛ Yâwɛɛ ƃa ŋ̀wɔ́lɔ-wɔlɔ Ɣalai? Ǹyaa ƃé ŋ̀éniɛi kpɛ̀tɛ. Víi fa kpɛ̂ɛ kpaa máŋ é fôa. Núu da fa târe ŋɔkili-ŋa sîai su.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 65:16

Ǹúui nyii gáa ǹɔii su gɛ́ lûwa fɛlii, a pâi deniŋ ƃô Ɣalai marê kɛ̂i a gɛɛ é lûwa too m̀a. Ǹúui nyii pâi vôoi, a pâi vôoi a deniŋ ƃô Ɣalai láa. Da pâi niâi m̀ɛni kpɔ̂lu pɔlɔ-ŋai da tɛɛi dîa. Gɛ̀ ní ńyãa Yâwɛɛ ŋa pâi ŋ́ɛi loôi m̀ɛni kpɔ̂lu pɔlɔ-ŋai dîa máŋ.”

Ɉeremi 23:36

M̀ɛni ma dífe ŋɔ́nɔ wɔ́lɔ mò dîyɛɛ, ‘Yâwɛɛ ŋɔkpîrii,’ kpɛ́ni fêi, à kɛ̀ núu da a mò tí, gɛ̀ ní ŋa pâi ŋáworɛ̂-wooi kɛ̂i a kpîri m̀ɛni ma. Ǹûai da Díɣâlai wóo ŋá ƃɔ́, nyíi gáa a gɛ̀-ŋ̀ele ma Ɣalai, Ŋ̀wála-wâla kélee Yâwɛɛi.

Ɉeremi 4:2

gɛ̀ ní à kɛ̀ ka káfòo a tɔ̃yâ da teniŋ ƃô pere a ǹáa, gɛ̀ ní ŋ̀éniɛi gwaa kélee a pâi ḿarê kɛ̂i a gɛɛ ŋá lûwa too dîa. À kɛ̀ tí, da pâi ńaa maa tɛ̂i.”

Ɉeremi 4:24

Ŋá ǹyée kpaya-kpayai ma kàa, dí kɛ̀ tùmo-tumo. Ǹyée pɛlɛ-pɛlɛɛi dia dí kɛ̀ túmo-tumoi, dí kɛ̀ lì dí kɛ̀ pà.

Ɉeremi 50:46

Ŋ̀elei Babelɔŋ-ƃelai da pâi toôi lai, dítiŋ a pâi kɛ̂i kpɔ́ a gɛ́tɛ é gɛ́ ŋ̀éniɛi gwaa kélee ma é kpɛ̃lîŋ. Ǹyaŋ núu kélee a pâi díwɔlɔ-woo mɛnîi ǹɔii-ŋuŋ da kpɛ́ni-ŋai su.”

Ɉeremi 51:29

Ǹɔii è kpɛ̃liŋ kpɛ́ni fêi, Yâwɛɛ a ŋɔmɛni kpɛtɛɛ ŋa-see kɛ̂i a gɛɛ é Babelɔŋ kɛ́ yɛ̂ɛ fɛ̃ɛ-kpâlaŋ su ƃɛ́i fúlu-sɛŋ da fa pɔ̂ri kɛ̂i naai.

Danîa 4:3

A mɛni kpaya-kpaya kɛ́ kûɛ. Wála-wala káa ŋɛi maa-ŋai su a gɛ̀i! Ŋɔkâloŋ-laai káa naa wɔ́lɔ-wɔlɔ da wɔ́lɔ-wɔlɔ. Ŋɔkɛ-naa laai koyaŋ fé ma.

Danîa 4:34

M̀ɛni-ŋai ŋí kɛ́ɛ pôlu ma, gâloŋ Nɛbukinaza è mò ǹyɛɛi, “Góraŋ lɔ́ɔlu mɛi feerɛi tɛɛ pôlu maa, ŋá ŋ́ɛi tɛ̀ ŋ̀elei su ŋá gáa a gɛɛ ŋa pá pôlu ŋ́gbonôi yɛ̂ɛ berei ŋá kɛ̀ la a bɔlɔi. Nya ƃe ŋá Ŋ̀wɔ́lɔ-wɔlɔ da wɔ́lɔ-wɔlɔ kɛ-ɣele ma ɣala kɛ́tɛi láa ma tɛ̀, ŋá ƃaa kɛ́-maa tɛ́ɛ bɔ́, ŋá ŋɔkɛ́tɛ-laai maa mɛni ƃó. Ŋɔkâloŋ laai káa a wɔ́lɔ-wɔlɔ da wɔ́lɔ-wɔlɔ kaloŋ-laa.

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Danîa 6:27

A núu ŋuŋ ma ƃò é m̀álo. A ŋɛi-kɛ́ maa da zu-gbɛlɛ-gbɛlɛ kɛ̀ ŋ̀elei su da ǹɔii ma. Ǹyaa ƃe Danîa ŋuŋ ma ƃò ǹyala-sulu-ŋai yêei.”

Danîa 7:14

Dí wála-wala-laa, ƃaa kɛ́-maa da lɛɛ-yeei-sɛŋ tɛ̀ɛ bɔ́. Sîi kélee ɣele mai dí pɛ̀lɛ gɔ́ɔ mu dí vɛ̀li. Ŋɔkɛ-naa-laai káa naa wɔ́lɔ-wɔlɔ da wɔ́lɔ-wɔlɔ. Núu da fé pâi wɔ́lɔ ŋɔkâloŋ-laai su-karai.

Zooɛ 2:11

Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Mise 1:4

Ǹyée-ŋai da pâi séɣenîi gɔ́ɔ mu yɛ̂ɛ ƃɔ́ɔ a kɛ̀ ŋɔŋ kɔlɛ, díkɛ yèŋ gbotolo-ŋai su yɛ̂ɛ yá a kɛ̀ yenîi yée kwára.

Nahumə 1:5

Ǹyée kpaya-kpaya da kpɛ̃liŋ Yâwɛɛ ŋɛ́i túɛ, ǹyée pɛlɛ-pɛlɛɛi dí séɣeŋ gɔ́ɔ mu. Ǹɔii da zãai kélee ŋ̀éniɛi sui dí lɛ́ɛ kpɛ́ni-kpɛni ŋ̀ɛi-tuɛ.

Nahumə 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Habakukə 3:10

Ǹyée-ŋai dí íkàa, dí kpɛ̃lîŋ. Ǹyái è tɛ̀ɛ dímɛi ƃɛ́i naa siŋɔ̂ɔi, naa-tiŋ kɛ́ kùla, ǹyái ŋɔzikɛ-zikɛ kɛ́ tɛ̀ ɣelêi.

Habakukə 3:6

À tɔɔ ǹɔii è kpɛ̃liŋ, à kwaa kâa, ǹɔii-ŋûŋ-ŋai dí kpɛ̃liŋ. À kɛ̀ tí, ǹyée-ŋai wɔ́lɔ-wɔlɔ kɛ̀ naai, dí taa-taa, dí lɔ́ ǹɔii mu, ƃɛ́i a kâa tɛ̀ɛ naa a bɔlɔi.

Malasi 3:2

Kɛ́lɛ ŋ̀elei a pà lai, gbɛ̂ɛ ƃa pɔ̂ri tɔɔ̂i dúɛi? Tãi à pà lai, gbɛ́ɛ ƃé pâi ƃâloi? A pâi kɛ̂i yɛ̂ɛ seɣe-waa-kpolo ŋá liɛɛ, yɛ̂ɛ ŋɔŋ nyii a kpɛ̃́ɛ sèɣeŋ kɔli mai.

Maafîu 16:16

Samaŋ Pitɛ è ŋ̀óo su tòo, ǹyɛɛi, “Íkaa a Kôrai, nyii gáa a Vulu-laa-ɣalai Ǹóŋ.”

Maafîu 26:63

Kɛ́lɛ, Zîsɛ è m̀ɛi sâa. Nya ƃe zâla láa soŋ-nuu kɛ́tɛi è mò m̀a, ǹyɛɛi, “Fɛ̂ɛ í ífoo a vulu-laa-Ɣalai í m̀o kûa à kɛ̀ íkaa a Kôrai, Ɣâla Ǹóŋ.”

Ɉaan 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ-Ɣala tɔnɔi, ka Zîsɛ Kôrai nyii ya dɛɛi.

Gɛlaɠaa 14:15

“Nûa, ka nyíŋi kɛ̂i lé mɛni ma? Kúa máŋ kúkaa a nuu-kpune-ŋa yɛ̂ɛ káa, kú ƃò kásama. Kúkaa ƃɛ́ a gɛ́ɛ kú Duŋ Lɛ́lɛɛi ƃó kâa a gɛ́ɛ ká kápôlu tɔɔ mɛni folo-ŋai ŋí dîa ka pá Gɛ-ɣele-ma Ɣalai pɔ́. Ǹyaa ƃé ŋ̀elei kpɛ̀tɛ da ǹɔii, ǹyái da zãai kélee dísui.

Dutɛrɔnome 32:4

“Gáa a kɔni, gɛ́ tîi maa waa, dûa-pere kélee sãa. Gáa a kili kɛ-zu Ɣala, va pɔara maa kɛ̀. Zɔŋ lɛ̂lɛɛi, gɛ́ ƃò a tɔ̃yâ Ɣala.

Dutɛrɔnome 5:26

Núu-kpune nenɛ̂ ƃé a tá gɛ-ɣele ma Ɣalai wóo mɛ́ni gɛ́ lòno bɔ́ ŋ̀óo kɛ́ kùla ŋɔŋ su maa nuui é lɛ́ɛ ɣele ma yɛ̂ɛ berei a kɛ́ la a kúai?

Tɛsalonikə dɔlɔɔ 1:9

Kpɛ́ni fêi, berei ka káyee sèe la kúmu a ǹɛ́lɛɛi dia kpîŋ dí m̀ɛni ƃò da berei ka káyee kùla la ɣâla-pɔɔkɔŋ-ŋa maa-mɛnii su ka tinaŋ dɔ̃yâ-Ɣalai da vulu-laa-Ɣalai pɔ́pere a gɛ́ɛ ka tíi kɛ́ mì,

Timote dɔlɔɔ 1:17

Ŋwɔlɔ-wɔlɔ-Kaloŋ, nyíi va wɔlɔ saai, Ŋ̀âla tɔnɔi, nyíi núu fa gàai, ƃaa kɛ́-maa da fólo-laa dí kɛ́ ma wɔlɔ-wɔlɔ da wɔlɔ-wɔlɔ. É kɛ́ ti.

Timote dɔlɔɔ 6:17

À kɛ̀ a ŋ̀éniɛi ŋí su tɔɔ-ƃelai, m̀ó dîa a gɛ́ɛ dífe yoŋka tèe, kpaa máŋ dífe díkili-kɛ-zui pu tɔɔ-sãa dîa, nyíi-ŋai núu fa gíli pu dîai, kɛ́lɛ, dí díkili-kɛ-zui pú Ɣâla ma nyíi a sɛŋ kélee tɛ̀ɛ kúpɔ a zu-kɛtɛ a gɛ́ɛ ku kúnîa kɛ́ a diai.

Hebreu 10:31

Gáa a mɛni maa pɔlɔ-pɔlɔɔ a gɛɛ Vulu-laa-Ɣalai é tɔ̂ŋ kpɛ̀ núu ma.

Zasua 3:10

Ǹyɛɛ dîai, ‘É síɣe sâa ma ka pâi gɔ́lɔniî a gɛ́ɛ gɛ-ɣele-ma Ɣalai káa kásama, ǹyaŋ vé pâi fɛɣɛ̂i Keena-ŋai, Ita-ŋai, Iva-ŋai, Pɛriza-ŋai, Giga-ŋai Amɔra-ŋai da Zɛbusa-ŋai kpɛ̂i kátuɛ.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

M̀ɛni-lɛɛi 20:11

Ǹaa pôlu mà, ŋá kâloŋ-see-sɛŋ kole kɛ́tɛ kâa da ǹúui kɛ̀ see ni ŋái. Ǹɔii da ŋ̀elei dí tɛ̀ɛ a maa félaa dísiɣe ŋ̀ɛi-tuɛ. Kwaa-maa fé kɛ́ ni naa a gɛɛ dí li naa.

Nwun mąąɓo 5:4

Yâwɛɛ kuláa Siɛ Yee kpaya-kpayai ma Idɔŋ lɔii kpiniŋ sui, ǹɔii è kpɛ̀liŋ. Tuna è pú kpɔ́ a zu kɛ́tɛ. Yá è kùla ŋ̀ele-kɔlɔŋ su.

Samuɛlə dɔlɔɔ 17:26

Deeƃé è gɔ-kuluƃa-ŋai kɛ̀ tɔɔni gɔlɛi m̀arê kɛ̀ ǹyɛɛi, “Lé ƃé núu a pâi zɔlɔ ƃôi a kɛ̀ a Felesia nuui ŋí pàa é kpéra kúnûai larânii? Felesia naloŋ kpɛ́ni-kpɛnii tí. Vé fúlɔi máŋ kpɛtɛ ní. A gbîŋ kâai yɛ̂ɛ gbɛ̂ɛ a pɔri kɛ̂i Ɣâla ŋɔkɔ́ kɔ́-ƃelai maa fooi!”

Samuɛlə dɔlɔɔ 17:36

Galôŋ, ŋa yala-sulu da dítala támaa páa a bere sîi ŋí. Ǹyaŋ ŋa pɔri Felesia naloŋ kpɛ́ni-kpɛnii ŋí vé kpɛtɛ níi paâi a bere sîi tɔnɔi ŋí, nyíi a gɛ-ɣele ma Ɣalai ŋɔkɔ́ kɔ́-ƃela maa fôoi!