Ɉeremi 1:14 - Bible

¹⁴ Yâwɛɛ è mò ḿâ ǹyɛɛi, “Mɛni kpɔ̂lu a pâi kulâi yá-ŋua pere é láa ǹɔii ŋí su-ƃela dîa,

Yálá laawoo hɛɓɛ (dc)

¹⁴ Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Yálá laawoo hɛɓɛ

¹⁴ Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Ɉeremi 1:14 ပူးပေါင်းရင်းမြစ်များ

Azaya 14:31

Felesia taa-lee-ŋai kélee su-ƃela, ka yao, ká gbêɣei too, kpɛ́ni fêi, Yâwɛɛ a pá mɛni kpɔ̂lu lâai kâa. M̀ɛni kpɔ̂lui ŋí a pâi kulâi ǹɔii ŋûa-pere. Gɔ-kûluƃa-ŋai pâi, díkaa a kɔ́ kɔ́-ƃela pɔlɔ-ŋa.

Azaya 41:25

“Ŋà núu da sìɣe zu nyii zeɛ́ɛ káa vóloi kulâi pere. A pâi kulâi yá-ŋûa-pere é kɔ́ pɛ́lɛ ǹúu láa túɛ-ƃelai dîa. A pâi díyee mɛi ɣâlei é díkîiŋ, yɛ̂ɛ pɔ̂rɔ-leɣi kpɛtɛ-nuu ƃé pɔ̂rɔ kîinii, a gɛ́ɛ é pɔ̂rɔ leɣi kpɛtɛ la.

Ɉeremi 10:22

Ka káwoli tɔ́ɔ dùŋ-ŋai dîa. Tùŋ káa kulâi yá-ŋua-pere lɔii su. Ǹyaŋ Zuda taa-ŋai kélee da pâi lɛɛ̂i a bûŋ. Da pâi kɛ̂i nɔ́ a fɛnɛ-sãa kɛ̂i.”

Ɉeremi 11:17

“Ńyãai a Ŋ̀wála-wâla kélee Yaawɛ nyíi Eezuɛ da Zuda síi, ŋaâ gbɛtɛ a gɛɛ ŋá mɛni kpɔ̂lu láa kâa. Kpɛ́ni fêi, káai a Zuda da Zerusâlɛŋ-ƃelai ka mɛni nyɔ́mɔɔ kɛ́, ká kɛ́ ńi ŋwàna. Kpɛ́ni fêi ká kɛ̀ kéreŋ-sãa kúŋ-nɛ̃ɛ kérenîi Bêe ɣalai ma.”

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 31:8

Ŋa pâi díkulâi yá-ŋua-pere ŋa pá a dia, ŋa díŋa tɛ́ díkîe ma ŋá dí kúla ŋ̀éniɛi kɔ̃́yɛŋ ma. Ŋ̀ɛi-pu ƃelai, é pɛ́lɛ diai dí kɔ́liŋɔ̂ɔi da pâi pâi díkîe ma, goo-nia-ŋai da diai díkaa koi-tee sui da pâi pâi. Da pâi kɛ̂i a lɔii-ŋuŋ kɛ́tɛ dí kɛ́ pà.

Ɉeremi 4:6

Ka ŋɛi-kɛ-maa sɛŋ tɔɔ a gɛɛ é Zãiyɔŋ perei lɛ́ kâa. Ka kîrɛ siɣe a gbanaŋɔɔ. Káfe tɔ̀ɔ berei su. Yâwɛɛ káa kulâi a mɛni kpɔ̂lu yá-ŋua pere a gɛɛ é ǹaa kàra. Gáa pâi a mɛni kpɔ̂lu su kɛ́tɛ.

Ɉeremi 46:20

Ize kâa yɛ̂ɛ niŋa saa loŋ lɛ́lɛɛ, nyíi ƃóŋ kooŋ sãa da kula yá-ŋûa da pɛ̀lɛ mai.

Ɉeremi 47:2

Yâwɛɛ è mò ǹyɛɛ, “Ka gáa, yá-ŋa da kulâi yá ŋûa-pere, ǹyaŋ da pâi pâi yɛ̂ɛ ya-lêe-ŋa da fɛ̀ɛ. Da pâi ǹɔii mɛi pɛlɛ̂i da zu sãa kélee daa-ŋai da zu-ƃela kélee. Ǹûai da pâi kɛ̂i wɔ̂lɔi kpɔŋ mâa mɛni ma. À kɛ̀ tí, ǹɔii su-ƃelai kélee da pâi wɔ̂lɔi a ŋ̀ánaa,

Ɉeremi 50:41

Nûa da-ni da kulâi lɔii-ŋuŋ da su nyíi gáa yá ŋûa perei, da-ŋa díkɛ kùla lɔii-ŋuŋ wála-walaa su nyíi gáa kwaa koyaa mai. Kâloŋ-ŋa támaa da díkpîŋ kpɛtɛ̂i kɔ́ kɔ́-mɛni ma.

Ɉeremi 50:9

Ŋa pâi lɔii-ŋuŋ kpulu wála-wâlaa-ŋa líi mu siɣêi dí kúla yá ŋûa-pere dí pá dí kɔ́ pɛ́lɛ Babelɔŋ ma. Da pâi tɔɔ̂i díɣɛli ma gɔ́i su dí pɛ́lɛ Babelɔŋ ma dí ǹyée mɛi ɣále. Díkaa a loŋso lɛ́lɛɛ-ŋa. Dífa pɔ̀ara a díkerâŋ-ŋai

Ɉeremi 6:1

Káai kákaa a Bɛŋsima ŋɔnûai, ka pú ká kúla Zerusâlɛŋ ká ŋuŋ ma ƃô sɔlɔ ƃó. Ka dúrui fɛ́ɛ Tekoa, ká ŋɛi-kɛ-maa lɛ́ Bɛɛ-akɛŋ kpɛ́ni fêi, mɛni kpɔ̂lu a kulâi yá-ŋua pere da su kâra-laa.

Ɉeremi 6:22

Yâwɛɛ è mò ǹyɛɛi, “Ka gáa, kɔkuluƃa-ŋa díkaa kulâi yá-ŋua pere. Lɔii ŋuŋ kɛ́tɛ da a gbîŋ kpɛtɛ̂i kpɔ́ kwaa kôyaa ma ŋ̀éniɛi su.

Izikiɛ 1:4

Tãi ŋá kɛ̀ tɔɔ̂i lai, ŋá fãa kɛ́tɛ da ɣele kɔ̂lɔŋ kole kàa gɛ̀ kùla yá-ŋua pere. È kɛ̀ kpɔ́ a m̀aa pɔlɔ-pɔlɔɔ ŋɔŋ lêŋ kɛ́ kùla zu m̀aa ponoɔɔ dínaŋɔɔ ma. Ǹyaŋ sɛŋ da è kɛ̀ ŋɔŋ lêŋ su gɛɛ yɛ̂ɛ ƃara gɛ́ fòlo kpɔ́ a ŋanaa.

Izikiɛ 24:3

Mó ŋátɔɔ mâ-ƃelai dîa yɛ̂ Ŋ̀wála-wâla kélee Yâwɛɛi ǹyɛɛ ŋá záŋ ŋí sɔ́ɔ kâa: ‘Ka ǹeɣii tɔ́ɔ ŋɔŋ-ŋa, ká yá pú zu.

Zooɛ 2:20

Ŋa pâi gotó kpulu-ŋai kpɛ̂i nyii-ŋai kùla ǹɔii ŋûa-pere, ŋá da-ni tɛɛ vɛ̃ɛ-kpâlaŋ su. Ŋa pâi dí túɛ-ƃelai tuâŋ nii gbòlo yâi su, ŋá dí pôlu pere-ƃelai tuâŋ ǹyá-lee kɛ́tɛi su. Dílûla kùŋ a pâi tɛ̂i. Ŋa pâi dí su karâi kpɛ́ni fêi, dí mɛni nyɔ́mɔɔ kɛ̀ a káa.

Zakari 6:6

Géleŋ nyii zoo tɛ̂i-ŋai dí kɛ̀ ziâi, è kɛ̀ liî Babelɔŋ lɔii ŋûa-pere, nyíi zoo kôle-ŋai dí kɛ̀ ziâi gɛ́ lì vóloi-lîi-pere, nyii zoo pɔ̃yɛ-ŋai dí kɛ̀ ziâi gɛ́ lì nɔlii-kwára-pere.