Ɉaan 8:15 - Bible

¹⁵ Ka mɛni ŋá tèe núu-kpune kɛ-pere ma. Fa núu da ŋɔmɛni ŋá tèe.

Yálá laawoo hɛɓɛ (dc)

¹⁵ Ka wɛi, ka kiti tee lɔ yɛ pələi nuą kiliŋąhiɛ pələ kaa la; kɛlaa nwɛ́i, vá nu ta kiti tee.

Yálá laawoo hɛɓɛ

¹⁵ Ka wɛi, ka kiti tee lɔ yɛ pələi nuą kiliŋąhiɛ pələ kaa la; kɛlaa nwɛ́i, vá nu ta kiti tee.

Ɉaan 8:15 ပူးပေါင်းရင်းမြစ်များ

Amɔsə 5:7

O káai ka teniŋ-mo pène aŋwana-lɔɔ, ká tɔ̃yâ-laa too ǹɔii mai!

Amɔsə 6:12

Soo a kîrɛ siɣe kɔni ŋá? Núu a yúo ŋá siŋ a niŋa? Kɛ́lɛ ka teniŋ ƃô pène a ŋ̀ale-maa, ka sã́a-laa ŋɔƃá pene a wúru ŋwánaa.

Habakukə 1:4

Mɛni ma dɔ̂ŋ la-wooi ŋá-see fé kɛ́ ní, tɔ̃yâ-mɛni kɛ́ɛ fa kɛ̂ naa. Ŋ̀wana-lɔ̂ɔ-ƃelai yée tɛɛ̂i dɔ̃yâ-ƃelai dîa, mɛni ma tɔ̃yâ-laa su a kara.

Lukə 12:14

Kɛ́lɛ, è mò ma, ǹyɛɛi, “Nalôŋ, gbɛ̂ɛ ƃe ŋ́gɛ̀ a mɛni-ŋa-tee-nuu, kpaa a sɛŋ-ŋa-kɔlɛ-nuu kámɛi?”

Ɉaan 12:47

À kɛ̀ núu da à ŋ́oo-ŋai mɛ̀ni, ve dílaâi kɛ́ ni, fa ŋɔmɛni ŋá tèe; kpɛ́ni fêi, fe pa ni a gɛɛ ŋá ǹɔii ŋɔmɛni ŋá tée. Kɛ́lɛ, a gɛɛ ŋa ǹɔii ƃalo.

Ɉaan 18:36

Zîsɛ e zu tòo, ǹyɛɛ ma, “Ŋákâloŋ-laai fe kula ni ǹɔii ŋi su; eêi kɛ̀ ŋákâloŋ-laai eêi kɛ̀ a ǹɔii ŋi ŋɔɔ, ńyee-mu-ƃelai díi pɔ̂ri kɔi, a gɛɛ dífe pà a ńyãa Zûu-ŋai pɔ; kɛ́lɛ, ŋákâloŋ-laai fe kula ni ǹɔii su.”

Ɉaan 3:17

Kpɛ́ni fêi, Ɣâla e Ǹóŋ tɛ̀ɛ ǹɔii su, ve dɛɛ ni a gɛɛ e tɔ̂ŋ pu ǹɔii ma, kɛ́lɛ, a gɛɛ ǹɔii e ƃalo zarâi.

Ɉaan 7:24

Káfe mɛni ŋá tèe sɛŋ ŋɔkáa-pere ma. Kɛ́lɛ, ka mɛni ŋá tée a zã́a.”

Ɉaan 8:11

Nɛnîi e mò ma, ǹyɛɛi, “Núu da fe gɛ̀ ní ti, Ŋánuu-namui.” Nya ƃe Zîsɛ e mò ma, ǹyɛɛi, “Ńyãa máŋ fe tɔ̂ŋ pûi yâ. Lí, ífe ŋɔ́nɔ sɔnyɔ̂ŋ kɛ̀.”]

Lomaŋ 2:1

M̀ɛni ma, yái íkaa a núu-kpunei, káfalo da kélee fé íyeêi núu da kpɛ́ni ŋɔmɛni ŋá tée mɛni ma, a nɛ̃ɛ ma kpîŋ íkɛ a gbɛ̂ɛ. Yà kɛ̀ núu da kpɛni ŋɔmɛnii ŋa teêi íkaa mɛni lɛɛ̂i íkpîŋ yâ, kpɛ́ni fêi, yái íkaa a mɛni ŋá-tee-nuui íkaa mɛni tɔnɔi tí kɛ̂i.

Korɛntə dɔlɔɔ 2:15

Ǹúui M̀ɔlêŋ káa gbonôi, a mɛni kélee ŋá tèe, kɛ́lɛ, núu fa ŋɔmɛni ŋá tèe.

Korɛntə veelɛ 5:16

Mɛni ma é síɣe tãi ŋí ma e li tuɛ-pere, kúfa núu maa-mɛni ŋá tèe yɛ̂ɛ núu-kpune ŋɔmɛni ŋá-tee-pere; berei máŋ tãi tɔnɔ ku Kôrai maa-mɛni ŋá tèe la yɛ̂ɛ núu-kpune ŋɔmɛni ŋá-tee-perei, kúfa ŋɔ́nɔ maa-mɛni ŋá tèe ti.

Zĩi 2:4

gɛ̀ ní káfe su-ɣɛɛ-mɛni kɛ̂i káa kpîŋ káloai, kákɛ ƃo a mɛni-ŋa tee-ƃelai nyíi-ŋai kili-ŋa-sia nyɔ́mɔɔ káa dîai?

Samuɛlə dɔlɔɔ 16:7

Yâwɛɛ ǹyɛɛ m̀ai, “Samia, íkili fé kɛ̀ Ilai ma, kpɛ́ni fêi, ǹɛ̂lɛɛi, mu siɣeɛ́ɛi. Ǹyaa fêi. Nûa da núu ŋɔmɛni ŋá tèe berei ma da gàa lai, kɛ́lɛ ŋa nûa dímɛnii ŋá tèe yɛ̂ɛ berei dílii káa lai.”