Ɉaan 7:39 - Bible

³⁹ E nyiŋi ƃò e pîlaŋ M̀ɔlêŋ ma nyíi diai da làa lai da pâi zɔlɔ ƃôi; kpɛ́ni fêi, dífe niî kɛ̀ M̀ɔlêŋ tɛɛ ni, kpɛ́ni fêi, Zîsɛ ŋɔfólo-laai ma fe kɛ́ ni niî a dɛ́ɛ.

Yálá laawoo hɛɓɛ (dc)

³⁹ Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Yálá laawoo hɛɓɛ

³⁹ Nuąi da laa Jesus la Yálá-Nįį da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Nįį ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Ɉaan 7:39 ပူးပေါင်းရင်းမြစ်များ

Mąątɛ̨nɛ̨ 68:18

È tɛ̀ ŋ̀elei su póŋ-poŋ a kɔ-soŋ támaa. Nûa dí sama-sãa támaa tɛ̀ɛ bɔ́. Ŋɔkpɔara-ƃelai dí sama-sãa tɛ̀ɛ bɔ́ máŋ. Ɣâla Yâwɛɛ a pâi seêi naa.

Hanwon 1:23

À kɛ̀ kà káwolii tɔ̀ɔ ŋália-wooi ma, gɛ̀ ní ŋa pâi ŋámɔ̂leŋ ŋɔtárei kélee tɛɛ̂i kápɔ, ŋa ŋɔ́nɔ ŋ́oo-ŋai su-kulâi lɛ́ kâa.

Azaya 12:3

Ɣâla a ŋɔnûai ŋuŋ ma ƃò, lii-nɛ̃ɛ támaa a kɛ̀ dîa, yɛ̂ɛ berei ya-lâɣi a kpele wɛ̂li ŋánaa namu líi sèe lai.”

Azaya 32:15

Ǹaa à kɛ̀ tí, Ɣâla a pâi ŋɔmɔ̂leŋ tɛɛ̂i. Ǹɔii a pâi ŋɔ́nɔ penêi a lɔii lɛ́lɛɛ sí-sãa kpɛtɛ mɛ̂ni ma.

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Zooɛ 2:28

“Ŋa pâi ŋámɔ̂leŋ pûi núu kélee kponôi a ŋ̀ele-ŋai kpɛɛ-ŋa. Kálônii-sinaai da kálônii-nɛyãai da pâi mɛni ƃôi naa túɛ, kásiɛ pɔlɔ-ŋai dí see ƃó, zĩ̂a a pâi tɛɛ̂i a kányakpa-ŋai.

Maafîu 16:14

Dí mò ma, dîyɛɛi, “Ǹúui da-ni da mò, dîyɛɛ, Batâi-kɛ-nuui Zɔ̂ŋ, da-ni dîyɛɛ, Ilaza, da-ni dîyɛɛ Zɛlemaya, kpaa Ɣâla ŋɔlóno-kɛ-ƃelai dɔnɔ.”

Maafîu 21:11

Gbɔŋ-su-ƃelai dí mò, dîyɛɛi, “Ɣâla ŋɔlóno-kɛ-nuui Zîsɛ ká ŋí, nyii kùla Nâzarɛ Galalii-lɔii sui.”

Lukə 24:49

Ka gáa, ŋa pâi dɛɛ̂i kápɔ naa nyii Ńâŋ a gono tée lai, kɛ́lɛ, ka lɛɛ daai su e lɛɛ zu kámaa e ɣiri a wala-wala nyii kulâi ŋelei su póŋ-póŋ.”

Lukə 3:16

Zɔ̂ŋ e díkelee díwoo su tòo, ǹyɛɛi, “Ŋa kábatâi kɛ̀ a yá, kɛ́lɛ, ǹúui ŋɔwala-wala-laai tɛɛ̂i ŋ́ɔ̂i mai, gáa pâi, nyii ḿaa fé nɛ̃ɛ ni a gɛɛ ŋa ŋɔkɔ́ɔ-ŋa-kɔlɔi ɣɛli fuloŋ. À pâi kábatâi kɛ̂i a M̀ɔlêŋ Maa Waai da ŋɔŋ.

Lukə 7:16

Yao e díkelee dísòŋ, díkɛ Ɣâla láa maa tɛ, dîyɛɛi, “Ɣâla ŋɔlóno-kɛ-nuu kɛ́tɛ a pá kúsama! Ɣâla a ŋɔnûai nàa káa!”

Ɉaan 1:21

Nya ƃe dí-m̀are kɛ̀, “Le ƃe ŋaŋ? Íkaa a Ilaza?” Nyɛɛ dîa, “Ḿve la.” “Íkaa a Ɣâla ŋɔlóno-kɛ-nuui?” E zu tòo, ǹyɛɛ, “Kpao.”

Ɉaan 1:25

Dí m̀are kɛ̀, dîyɛɛ ma, “Gɛ̀ ní ya batâi kɛ̂i le-mɛni ma, ífe a Kôraii, ífe a Ilaza, ífe a Ɣâla ŋɔlóno-kɛ-nuui?”

Ɉaan 1:33

Ńyãa kpîŋ fé kɛ́ ni a gɔ́lɔŋɔɔ, kɛ́lɛ, ǹúui ńdɛ̀ɛi a gɛɛ ŋa batâi kɛ̀ a yâi e mò mà, ǹyɛɛi, ‘Ǹúui ya gàa M̀ɔlêŋ e yeŋ e see ma, ǹyaa ƃe gáa a ǹúui a batâi kɛ̀ a M̀ɔlêŋ Maa Waai.’

Ɉaan 12:16

Ŋɔpôlu-ƃelai dífe táre ni nyiŋi su a maa-ŋuŋ; kɛ́lɛ, tãi Zîsɛ ŋɔfólo-laai ma e tɛ̀ lai, e pà díkili ŋá a gɛɛ nyiŋi e kɛ̀ a bɔ̃yɛɛ é pîlaŋ mà, e ŋɔ́nɔ kɛ́ la.

Ɉaan 12:23

Zîsɛ e díwoo su tòo, ǹyɛɛi, “Tãi a seri a gɛɛ núu-kpune Ǹóŋ ŋɔfólo-laai ma é tɛ́.

Ɉaan 14:13

Nyii kélee ka m̀are-kɛ̂ɛ kɛ̀ ńaai sui, ŋa pâi gɛ̂i a gɛɛ Nàŋ-nuui ŋɔfólo-laai ma é tɛ́ Nòŋ-nuui kponôi.

Ɉaan 14:26

Kɛ́lɛ, Gbɔŋ-ma-nuui, ǹyaa ƃa M̀ɔlêŋ Maa Waai nyii Nâŋ-nuui a pâi dɛɛ̂i ńaâi sui, a pâi sɛŋ kélee lɛ̂i káa é pá a mɛni-ŋai kélee kákili ŋá nyii ŋa m̀ó kâai.

Ɉaan 16:14

A pâi ŋáfolo-laai maa tɛ̂i. Kpɛ́ni fêi, a pâi nyii siɣêi gáa ńyêei é ǹɛ kâa.

Ɉaan 16:7

E máŋ kɛ́ ti, ŋa dɔ̃yâi ƃôi kâa. Gáa a mɛni lɛ́lɛɛ kámɛni ma a gɛɛ ŋá lí. Kpɛ́ni fêi, à kɛ̀ ŋà wàla li, Gbɔŋ-ma-nuui fe pâi pâi kápɔ; kɛ́lɛ, à kɛ̀ ŋà lì, ŋa pâi dɛɛ̂i kápɔ.

Ɉaan 17:1

Tãi Zîsɛ e ŋ̀óo-ŋai ŋi ƃòi, e ŋ̀ɛ́i tɛ̀ ŋelei su e m̀o, ǹyɛɛi, “Ńâŋ, tãi a seri; Íloŋ ŋɔfólo-laai maa tɛ́, ǹyaŋ é ífolo-laai maa tɛ́,

Ɉaan 17:5

Ńâŋ, tãi ŋi su, ŋáfolo-laai maa tɛ́ íkpîŋ ŋɛi, volo-laai nyii kɛ̀ ńyêei, íkɔlɛ ǹɔii é lɛ́ɛ pâi kpɛtɛ̂i.

Ɉaan 20:22

Ǹyaŋ tãi e nyiŋi ƃòi, e nɛ̃wo pù dîa e m̀o dîa, ǹyɛɛi, “Ka M̀ɔlêŋ Maa Waai maa sɔlɔ ƃó.

Ɉaan 6:14

Tãi ǹûai dí ŋɛi-kɛ-maai ŋi kàa nyii e gɛ̀i, dí mò, “Nyiŋi kpîŋ káa a Ɣâla ŋɔlóno-kɛ-nuui nyii gáa a sɛŋ a gɛɛ é pá ǹɔii sui.”

Ɉaan 7:12

Ǹûai dí kɛ̀ lônoi a dámaa loo-pere su e pîlaŋ ma. Da-ni-ŋa dîyɛɛ, “Gáa a núu lɛ́lɛɛ.” Ǹúui kpeli-ŋa dîyɛɛ, “Kpa, a ǹûai lánîi.”

Ɉaan 8:54

Zîsɛ e mò, ǹyɛɛi, “À kɛ̀ ŋà ŋ́gbîŋ ŋáƃaa-kɛ-maai tɛ̀, gɛ̀ ní sɛŋ da fé ŋáƃaa-kɛ-maai su. Ńâŋ ƃé a ŋáƃaa-kɛ-maai tɛ̀, nyii ǹyaŋ ka môi a gɛɛ gáa a Káɣâlai.

Gɛlaɠaa 19:2

È mò dîa, ǹyɛɛi, “Ka làa lai, ká M̀ɔlêŋ Maa Waai sɔlɔ ƃo?” Dîyɛɛ mài, “Kpao, kúfe niî máŋ mɛni ní a gɛ́ɛ M̀ɔlêŋ Maa Waai káa naa.”

Gɛlaɠaa 2:17

‘Ɣâla a mò, ǹyɛɛi, “Ŋ̀ele-ŋai gbɛɛ ŋái ŋa pâi Ŋámɔ̂leŋ pûi núu kélee kponôi. Kálonii-sinaâi da kálonii-nɛyaai da pâi mɛni ƃôi naa tuɛ. Zĩ̂a a pâi tɛɛ̂i a kányaŋkpa-ŋai, kásiɛ-pɔlɔ-ŋai dí see ƃó.

Gɛlaɠaa 2:33

Zîsɛ è tɛ̀ ɣâla-taa a gɛ́ɛ é sée Ɣâla láa mii-yee mɛi, ǹyaŋ è M̀ɔlêŋ Maa Waai sɔlɔ ƃó yɛ̂ɛ berei Ǹâŋ è góno tèe la ǹyêei. Ǹyaa ƃa M̀ɔlêŋ Maa Waai tɛ̀ɛ kúpɔ. M̀ɛni ƃé kwa kwaa kâai la kúkɛ mɛni mɛ̂ni.

Gɛlaɠaa 2:38

Nya ƃe Pitɛ è mò, ǹyɛɛ, “Kákelee ka kálii pene dí kábatâi kɛ́ Zîsɛ Kôrai láai su kásu-mɛni é lɛ́ɛ kásɔnyɔ̂ŋ-ŋai mɛni ma. Gɛ̀ ní ka pâi M̀ɔlêŋ Maa Waai sɔlɔ ƃôi nyíi gáa a ƃɛlɛ-sêe.

Gɛlaɠaa 2:4

È kɛ̀ tí díkelee dílaa è fɛ̀ɛ a M̀ɔlêŋ Maa Waai. Gɛ́ɛ tí dí pɛ̀lɛ lônoi a sii-woo da kpɛ́ni-ŋa, yɛ̂ɛ berei M̀ɔlêŋ è m̀aa wála-wala tɛ̀ɛ la dípɔi.

Gɛlaɠaa 3:13

Eberaɣɛ̃ɛ Ŋɔɣâlai Aise Ŋɔɣâlai, Zeeka Ŋɔɣâlai, da kúnâŋ-ni Díɣâlai ƃé ǹyée mu-nuui Zîsɛ ŋɔfólo-laai maa tɛ̀, nyíi ka dɛ̀ɛ Pâle pɔ́ ka m̀aa sîa too ŋ̀ɛ́i, tãi è gbɛ̀tɛ la a gɛ́ɛ é ŋ̀uŋ ma ƃói.

Gɛlaɠaa 4:31

Ɣâla fɛ́liɛɛ dîɛi, ƃɛ́i dí kɛ̀ a díŋaa tɛ́ɛ naa gîe mai naa è tùmo díkelee kpɔ́ dílaa è fɛ́ɛ a M̀ɔlêŋ Maa Waai dí Ɣâla ŋɔwóoi ƃó a lii-kpele pere.

Lomaŋ 8:9

Kɛ́lɛ, káfa sîa kákpîŋ tua-perei ma, kákaa M̀ɔlêŋ su, à kɛ̀ Ɣâla Ŋɔmɔ̂leŋ káa kákponôi a tɔ̃yâ. Ǹúui kélee Kôrai Ŋɔmɔ̂leŋ fe gbonôi, maa-nuui fe a Kôrai pɔ́ɔ.

Korɛntə veelɛ 3:8

le ŋaŋ ƃe folo-laa támaa fa kɛ̂ la M̀ɔlêŋ ŋɔtíi mai?

Ifisiɛŋ 4:30

Káfe Ɣâla Ŋɔmɔ̂leŋ Maa Waai líi sòli, nyíi kálɛ-mɛnii su kpanaŋ ŋuŋ-ma-ƃo-ɣelei mɛni mai.