Ɉaan 7:37 - Bible

³⁷ Gúui ŋɔɣele-kuui kpɛɛ ŋái ma, ŋelei gɛ́tɛ-ɣelei, Zîsɛ e tɔ̀ɔ e laɣi, “Núu da kélee kpele-wɛli à gɛ̀, tɔɔ e pa ḿbɔ e gbele.

Yálá laawoo hɛɓɛ (dc)

³⁷ Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Yálá laawoo hɛɓɛ

³⁷ Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Ɉaan 7:37 ပူးပေါင်းရင်းမြစ်များ

Nehemi 8:18

Dí gúui ŋí kɛ̀ fólo lɔ́ɔlu mɛi feerɛi yée mu. Ɛzura è Ɣâla ŋɔtɔ̂ŋ kɔlɔi lɛ̀ ǹûai dîa a ɣele kélee ŋ̀ele kûu lɔ́ɔlu mɛi feerɛi ŋí yée mu. Ŋ̀ele kûui ǹɔ́ɔlu mɛi saaƃa ɣelei, ǹûai kélee dí dí ŋáa tɛ̀ gîe ma kwaa tɔ̂nɔ ma dí gúui láa tɛ́ yɛ̂ɛ berei bɔyɛ̃ɛi là Mose ŋɔtɔ̂ŋ sui.

Mąątɛ̨nɛ̨ 143:6

Ŋà ńyee tɛ̀ ɣelêi ŋá Ɣâla fɛli. Íwɛli a ŋ́gɛ̂i yɛ̂ɛ lɔii kpâla a kɛ̀ yá wɛ̂lii.

Mąątɛ̨nɛ̨ 42:2

Gɛ̀-ɣele ma Ɣalai, ímaa mɛ̂ni gbáaŋ káa ḿâ. Lé ɣele ƃé ŋa pâi ŋ́ɛi lâai la yâi?

Mąątɛ̨nɛ̨ 63:1

Óo Ɣâla, Ŋáɣâlai nɔ́ ƃa yá. Yá nɔ́ ƃé ŋà í fɛ̀lîi. Ímaa mɛni kpanaŋɔɔ̂i ḿâ, yɛ̂ɛ lɔii kpâla mà ƃɛ́i yá fé naai.

Hanwon 1:20

Ka káwoli tɔɔ. Táre káa yɛ̂ɛ núu nyii tóli ƃôi berei ma da ǹɔ́ɔ-kpalaŋ-ŋai ŋái.

Hanwon 8:1

Kákelee ka káwoli tɔ́ɔ. Táre a tóli ƃôi. Mɛni ŋá-kaa káa tɔɔ̂-ni gɛ́ kú tòli a ɣelêi-pere.

Hanwon 8:17

Diai ŋ́wɛlinii, ŋá díwɛli-ni, diai da ŋ́gɔ̂rii, da ŋ́gâa.

Hanwon 8:3

Gáa tɔɔ̂-ni daa-leei ŋɔsiɣãŋ lá ƃɛ́i ǹûai da tɛ̂ɛ naa díkɛ tɛ̀ daai sui. Naa ƃé gáa naa gɛ́ tóli ƃò a ɣelêi pere ǹyɛɛi,

Hanwon 9:3

È ǹyée-mu-nɛyãai tɛ̂ɛ daai su dí tɔ́ɔ ǹyéei ŋá díkɛ lolo tóo dîyɛɛi,

Wɛli 5:1

Ŋáwɛli kɛ́-maa nûui, ŋaâ pá ŋásûai su. Ŋaâ ŋáwuru mãlaŋ kúŋ nɛ̃ɛi da ŋásɛŋ kúŋ maai síɣe. Ŋaâ ŋákɔ̃́iŋ-kpaŋ lúwaŋ, ŋa ŋ̀úlɔ kpéle. Ŋaâ ŋáwã̂ai da ŋániŋa ŋini-yai kpéle. Óo ńɛlɛi, ílaa míi, ílii é láa, í íkpele é lɛ́ɛ la zu ŋáwɛli kɛ́-maai é tɛ́ɛ ílii pôlu.

Azaya 12:3

Ɣâla a ŋɔnûai ŋuŋ ma ƃò, lii-nɛ̃ɛ támaa a kɛ̀ dîa, yɛ̂ɛ berei ya-lâɣi a kpele wɛ̂li ŋánaa namu líi sèe lai.”

Azaya 40:2

Ka Zerusâlɛŋ-ƃelai kíli kúla. Ka m̀ó dîa a gɛ́ɛ da mɔ̃́lɛ a zu kôyaa. Ŋa dísu-mɛni lɛɛ dísɔnyɔ̂ŋ-ŋai mɛ̂ni ma. Ŋá díkula maa kɛ̂ é seri góyaŋ ma zɔnyɔ̂ŋ-ŋai dí gɛ̀i mɛ̂ni ma.”

Azaya 40:6

Ŋá wóo da mɛ̀ni ǹyɛɛ ḿâi, “Ye ŋ̀orɛ̂-wooi ŋí ƃó!” Ŋá m̀arê kɛ̀ ńyɛɛ mai, “Ŋorɛ̂-wooi ƃa lé?” Ǹyɛɛ ḿâi, “M̀ó a gɛ́ɛ núu-kpune kélee káa nɔ́ yɛ̂ɛ kala. Dílɛ̂lɛɛi nɔ́ yɛ̂ɛ wúru-poa.

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Azaya 55:1

Yâwɛɛ a m̀ôi ǹyɛɛi, “Ka pá, káai kélee kpele-wɛ̂li káa kâai. Yá káa ƃɛ́ kámɛni ma! Ka pá káai kélee sɛŋ-kao fé káyêei, ka pá ká mii-sãa yá ká m̀ii. Ka pá ká ŋwã̂ai da niŋa ŋíni-ya yá. Káfe pâi seŋ kâo kpɛɛ̂i dímɛni ma.

Azaya 55:3

“Ŋánûa, ka káwoli tɔ́ɔ ḿâ, ká pá ḿbɔ. Kà pà ḿbɔ, ka pâi lɛɛ̂i ɣele ma. Ŋa pâi wɔ́lɔ-wɔlɔ da wɔ́lɔ-wɔlɔ kpanaŋ-woo kɛ̂i káyêei. Ŋa pâi lûwa lâai kâa yɛ̂ɛ berei ŋá wɔ́lɔ ŋ́gono tèe la Deeƃé yêei, a ŋáwɔlɔ-wɔlɔ da wɔ́lɔ-wɔlɔ wɛli kɛ́-maai.

Azaya 58:1

Yâwɛɛ a m̀ôi ǹyɛɛi, “Ká láɣi a zu-kɛ́tɛ yɛ̂ɛ túru woo! Ka Zeeka ŋɔnûai Eezuɛ-ŋai dísɔnyɔ̂ŋ-ŋai maa mɛ̂ni ƃó dîa.

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Ɉeremi 2:2

a gɛɛ ŋá lí ŋá ŋ̀orɛ̂-wooi ŋí ƃó Zerusâlɛŋ-ƃelai kélee dîa. “Tãi kákɛ̀ la a nîa-pɛlɛɛi, kákili è lɛ̀ɛ ŋ́a kálaa-laai maa mɛ̂ni ma, berei kákɛ̀ la a ŋ́wɛliɛi a tãi ŋá ká kùla la a nɛniî. Kákɛ ḿbôlu vɛ̃ɛ-kpâlaŋ su, ǹɔii sú nyíi sí-sɛŋ fé kɛ́ ní a zíɛɛ naai.

Izikiɛ 47:9

À kɛ̀ ti, ƃɛ́i ǹyái a pâi ɣilîni é lí naai, fúlu-sãa da pâi kɛ̂i zu díkɛ sìa-sia zu díkɛ díkɛ̀-ɣeniɛi kɛ̀ naa. Nyɛ̃ɛ támaa a pâi kɛ̂i zu. Ǹyái ŋí a pâi gɛ̂i Ǹyuo-saai é kɛ́ a yá lɛ́lɛɛ. Ǹyaŋ, ƃɛ́i kélee a pâi ɣilîni naai, a pâi gɛ̂i fúlu-laa é kɛ́ naa.

Levetekɔ 23:36

Ka mii-sɛŋ sala kula Yâwɛɛ ma a fólo lɔ́ɔlu mɛi feerɛ. Vóloi ǹɔ́ɔlu mɛi saaƃa ɣelei ka kákîŋ maa wáa ká káŋaa tɛ́ gîe ma ká Yâwɛɛ fɛli ká kéreŋ sala kula. Káfe tíi da kélee kɛ̀ a ŋ̀elei tí. Gáa a ɣele kûu maa waa Yâwɛɛ mɛni ma.

Levetekɔ 23:39

“Ka kpɛ̀ɛ a kási-sãai m̀á kuláa, ka Yâwɛɛ ŋɔkúui ŋí maa pêlei kɛ́ a fólo lɔ́ɔlu mɛi feerɛ. Ka bêlei ŋí kɔ́ɔ pîlaŋ a ŋ̀áloŋ ŋɔfólo puu káo lɔ́ɔlu ɣele. Ŋ̀ele kûui maa-ŋuŋ káa a fii-tɔ̂ɔ-ɣele maa waa.

Mise 6:9

Gáa a táre mɛni a gɛɛ núu é yao Yâwɛɛ ma. A tóli ƃôi daa-lêei su, “Ka káwoli tɔ́ɔ káai ká ŋáa tɛɛ̂i ma daa-lêei sui!

Zakari 9:15

Ŋ̀wála-wâla kélee Yâwɛɛ a pâi dímaa kɔ̃ɔ̂i, ǹyaŋ da pâi díkpɔara-ƃelai paâi. Ǹyaŋ da pâi ǹûai ŋãa kpelêi yɛ̂ɛ ŋwã̂ai, dílaa é fɛ́ɛ yɛ̂ɛ kawúlu, dímaa é yɔɔ yɛ̂ɛ berei ŋ̀âla-teƃelei zônoŋ su-ŋai díkaa lai.

Lonon mo 29:35

Ŋ̀ele-kûui ǹɔ́ɔlu mɛi saaƃa-ɣelei ka Ɣâla fɛli koyaŋ maa waa tóo. Káfe tíi da kélee kɛ̀.

Maafîu 11:28

Ka pá ḿbɔ, káai kélee ka mɔ̃lɛ̂i, da káai tĩa wiɛɛ káa káyêei. Ǹyaŋ ŋa pâi fii-tɔɔ tɛɛ̂i kápɔ.

Maafîu 3:3

Kpɛ́ni fêi, ǹúui ŋi ƃe Ɣâla ŋɔlóno-kɛ-nuui Azaya e maa-mɛni ƃò, ǹyɛɛi, “Ǹyaa ƃa ǹúui ŋ̀óo káa tɛ̂i vɛ̃ɛ-kpâlaŋ su, ǹyɛɛi, ‘Ka Kúnuu-namui ŋɔperei kpɛtɛ, ká ŋɔpere-ŋai su sãa.’ ”

Maafîu 5:6

Lûwa káa diai dîa puru a díkɛ da kpele-wɛli tɔ̃yâ-laa mɛni mai, kpɛ́ni fêi, da pâi pelâi.

Ɉaan 1:23

E mò, ǹyɛɛi, “Ńyãa ƃa ǹúui ŋ̀óo káa tɛ̂i vɛ̃ɛ-kpâlaŋ sui, ‘Ka Kúnuu-namui ŋɔperei su sã́a,’ yɛ̂ɛ berei Ɣâla ŋɔlóno-kɛ-nuui Azaya e mò lai.”

Ɉaan 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Ɉaan 4:10

Zîsɛ e ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa-ya tɛɛ̂i ípɔ.”

Ɉaan 4:11

Nɛnîi e mò ma, ǹyɛɛi, “Nalôŋ, sɛŋ da fe íyeêi a gɛɛ í ǹyái kula la, ǹyá-loai su, ǹyaŋ ziŋɔɔ̂i. Mí ƃe vulu-laa-yai ti káa naa íyeêi?

Ɉaan 4:14

kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

Ɉaan 5:40

kɛ́lɛ, káfa fàa a gɛɛ ka pa ḿbɔ a gɛɛ ka fulu-laa sɔlɔ ƃo.

Ɉaan 6:35

Zîsɛ e mò dîa, ǹyɛɛi, “Ńyãa ƃe ŋ́gaa a vúlu-laa-kpoloi. Ǹúui nyii a pà ḿbɔi, puru fe pâi gɛ̂i, ǹyaŋ ǹúui nyii a lâa a ńyãai, kpele-wɛli fe pâi gɛ̂i.

Ɉaan 6:37

Nyii kélee Nàŋ-nuui a dɛ̀ɛ ḿbɔi a pâi pâi ḿbɔ. Ǹyaŋ nyii a pà ḿbɔi, fe pâi gbɛ̂i.

Ɉaan 6:55

Kpɛ́ni fêi, núu káa a mii-sɛŋ kpîŋ, ŋãai kɛ́ ƃo a kpele-sɛŋ kpîŋ.

Ɉaan 7:28

Nya ƃe Zîsɛ e làɣi, gɛɛ Ɣâla mɛni lɛ̂i Ŋ̀âla-pɛrɛ Kɛ́tɛi mui, ǹyɛɛi, “Ká ŋ́gɔlɔŋ, ǹyaŋ ká ƃɛi kɔ́lɔŋ ŋa kulâi naai? Kɛ́lɛ, fe pa ni ŋ́gbɔɔi-yee ma; ǹúui nyii ńdɛ̀ɛi gáa a tɔ̃yâ-nuu, ǹyaŋ ǹyaa ƃe káfe gɔ́lɔŋ.

Korɛntə dɔlɔɔ 10:21

Káfa pɔ̂ri kákpelêi Kúnuu-namui ŋɔkpele-kɔɛi su, kákɛ kákpele ŋɔnɔ nyinaŋ nyɔ́mɔɔ-ŋai díkpele-kɔɛi su. Káfa pɔ̂ri Kúnuu-namui ŋɔteƃelei ma-mii-sɛŋ da mii, ká ŋɔnɔ nyinaŋ nyɔ́mɔɔ-ŋai díteƃelei ma-mii-sɛŋ da mii.

Korɛntə dɔlɔɔ 10:4

Díkelee dí Ŋ̀âla-ya tɔnɔi kpèle. Kpɛ́ni fêi, dí díkpele e kúla Ŋ̀âla-kɔnii su, nyíi pìlaŋ dípôlui. Maa-kɔnii ƃé kɛ̀ a Kôrai.

Korɛntə dɔlɔɔ 11:25

Bere-sii tɔnɔi ti nɔ́ ƃe e gbele-kɔɛi siɣe la dí kpɛɛ a dílaa-miɛɛ, ǹyɛɛi, “Gbele-kɔɛi ŋí káa a Gbanaŋ-woo Kɛɛ Ninai ŋ́ãai su. Ka nyíŋi kɛ́, tãi nɔ́ ka kákpele la zui, ŋ́gili é lɛ́ɛ káŋa.”

Korɛntə dɔlɔɔ 12:13

Kpɛ́ni fêi, M̀ɔlêŋ tɔnɔi sârai dí kúkelee kúbatâi kɛ̀ kpono tɔnɔ su-Zûu-ŋai kpaa máŋ Gurii-ŋai, luɛ-ŋa kpaa máŋ diai díŋuŋ ma ƃôɔi, Ɣâla è kúkɛ̀ kú kúkpele M̀ɔlêŋ tɔnɔi su.

Ifisiɛŋ 5:18

Ŋwãai fe kákɛ̀, nyíi gáa a gɛ́-ɣeniɛ ŋuŋ fuloŋɔɔi; kɛ́lɛ, kálaa e fɛɛ a M̀ɔlêŋ,

M̀ɛni-lɛɛi 21:6

Nya ƃe è mò ḿâ, nyɛɛi, “Díŋa-see a kɛ́! Ŋ́gaa a Afa da Omiga, zu-kulâi ƃa gɔ́ɔ-pîlanii da gberâi. Diai kpele-wɛli káa diai, ŋa pâi vúlu-laa ya-loŋ da tɛɛ̂i dípɔ kpɛ́ni-kpɛni.

M̀ɛni-lɛɛi 22:1

Ǹaa kɛ́ɛ tíi, Ŋ̀âla-taa-kelai è vulu-laa ya-leei lɛ̀ mâ, gɛ̀ fólo yɛ̂ɛ gɔnii da kɛ̂ ma kɔlesetɔi, gɛ̀ kùla Ɣâla da M̀ála-loŋ díkâloŋ-see-sɛŋ ma.

M̀ɛni-lɛɛi 22:17

Mɔ̂leŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.