Ɉaan 5:39 - Bible

³⁹ Ka Ŋ̀âla-kɔlɔi su kɔ̀ri. Kpɛ́ni fêi, ka gàa kâa, nàa ƃe wɔlɔ-wɔlɔ fulu-laa káa naa, ǹyaŋ ǹyaa ƃe a ḿaa-sere-faa kɛ̀,

Yálá laawoo hɛɓɛ (dc)

³⁹ Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Yálá laawoo hɛɓɛ

³⁹ Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Ɉaan 5:39 ပူးပေါင်းရင်းမြစ်များ

Mąątɛ̨nɛ̨ 1:2

Kɛ́lɛ dí Yâwɛɛ ŋɔtɔ̂ŋ wɛ́lini, díkɛ m̀aa kɔ̂ri a kpíni da fólo.

Mąątɛ̨nɛ̨ 119:11

Ŋà ítɔ̂ŋ láa ŋ́gili ŋá a gɛɛ fé sɔnyɔ̂ŋ kɛ̀ a yá.

Mąątɛ̨nɛ̨ 133:3

Gáa yɛ̂ɛ lúu nyii gáa pûi Ɛmɔŋ yêei ma, gɛ́ pù Zãiyɔŋ yee-ŋai dîa. Ƃɛ́ ŋí ƃé Yâwɛɛ è góno tèe naa a gɛɛ é ŋɔlûwai tɛ́ɛ naa, nyii gáa a fúlu-laa nyii gɔ̃yɛŋ fé mai.

Mąątɛ̨nɛ̨ 16:11

Ya vúlu-laa perei lɛ́ ḿâ. Ŋà kɛ̀ íŋɛi-tuɛ, lii-nɛ̃ɛ káa ḿâ. Ŋà kɛ̀ ílaa mii-yee mɛi-pere, ńii a kɛ́ a ǹáa wɔ́lɔ-wɔlɔ da wɔ́lɔ-wɔlɔ.

Mąątɛ̨nɛ̨ 21:4

È ímarê kɛ̀ fúlu-laa mɛni ma, í dɛɛ bɔ́, ǹyaŋ maa fûlu-laai káa ǹyêei wɔ́lɔ-wɔlɔ da wɔ́lɔ-wɔlɔ.

Mąątɛ̨nɛ̨ 36:9

Yá ƃa fúlu-laa kélee kɔ́ɔ pîlani. Yá ƃé kwa kwaa ponoɔɔ kàa ísârai.

Hanwon 6:23

Kpɛ́ni fêi, dɔ̂ŋ ŋí káa yɛ̂ɛ lâŋpo, ŋɔsɛŋ-lɛɛi gɛ́ ƃò a kwaa ponoɔɔ, ǹyaŋ dí tɔŋ kpɛ́-maai da díteniŋ tɔ̂ɔi a vúlu-laa perei lɛ̀ yâ.

Azaya 34:16

Yâwɛɛ ŋɔkɔlɔi nyii bîlaŋɔɔi fúlu-sãa dîai síɣe í ǹóno. Vúlu-sãai ŋí da fé pâi wɔ́lɔ lânii zu. Fúlu-sɛŋ kélee zirɛ da záa da pâi kɛ̂i ma. Da fé pâi kɛ̂i naa nyii zirɛ kpaa záa fé pâi kɛ̂i mai. Yâwɛɛ ƃé mò ǹyaŋ a pâi gɛ̂i a gɛɛ é kɛ́ tí.

Azaya 8:20

Kɛ́lɛ díwoo su-too yɛ̂ɛi, “Ka káwoli tɔ́ɔ m̀ɛnii ma Yâwɛɛ a ǹɛ̂i kâai. M̀ɛni-ŋai m̀ɔlêŋ-ŋai da zaa-ƃelai da mò kâai, dífa kákùla mɛnîi.”

Ɉeremi 8:9

Kátare-ƃelai ŋí díkaa pâi ŋumɛ̂i. A pâi kɛ̂i a gúlaa a dia dí kɔ́ pɛ̀lɛ a ƃáre. Da dípôlu tɔɔ Yâwɛɛ wóo mà. Gɛ̀ ní, lé tàre ƃé dîai?

Danîa 12:2

Zaa-ƃelai dámaa da pâi dímu siɣêi saa yêei. Da-ŋa da pâi kɛ̂i wɔ́lɔ-wɔlɔ fulu-laa ŋãa-nɛ̃ɛ kulâi. Ƃaa kûla-maa a pâi sɛ̂lɛnii da-ŋa dîa dí ŋumɛ wɔ́lɔ-wɔlɔ da wɔlɔ-wɔlɔ.

Maafîu 22:29

Kɛ́lɛ, Zîsɛ è díwoo su tòo, ǹyɛɛ diai, “Ka pɔara-maa kɛ̂i. Káfe Ŋ̀âla-kɔlɔi kɔlɔŋ kpaa máŋ Ɣâla ŋɔwala-wala-laai.

Markə 10:3

È dímarê-kɛ̂ɛ, ǹyɛɛ dîai, “Lé tɔŋ ƃé Mose è dɛ̀ɛ kápɔ é pîlaŋ nyíŋí mai?”

Markə 12:10

Káfe tá m̀ɛnii ŋí lóno ní Ŋ̀âla-kɔlɔi su? ‘Gɔnii nyii bɛ́rɛ tɔɔ-ƃelai dí díŋɛi nàɣiŋ mɛi, a kɛ́ a bɛ́rɛi sonôŋ su-kɔnii gbîŋ-kpiŋ.

Lukə 16:29

Kɛ́lɛ, Eberaɣɛ̃ɛ e mò ma, ǹyɛɛi, ‘Mose káa díyêei da Ɣâla ŋɔlóno-kɛ-ƃelai; ǹɛɛ naa dí díwoo mɛni.’

Lukə 16:31

E mò ma, ǹyɛɛi, ‘À kɛ̀ dífa Mose da Ɣâla ŋɔlóno-kɛ-ƃelai wóo siɣe, dífe pâi máŋ mɛni siɣêi a tɔ̃yâ à kɛ̀ núu da à m̀u sìɣe saa yêei.’ ”

Lukə 24:25

Nya ƃe è mò dîa, ǹyɛɛi, “Óo, ƃoo-ƃela, káai kámɛni ŋá káa la wâlai, káfe m̀ɛni siɣêi a tɔ̃yâ nyii kélee Ɣâla ŋɔlóno kɛ́-ƃelai dí mòi!

Lukə 24:27

Nya ƃe, é síɣe Mose ma da Ɣâla ŋɔlóno-kɛ-ƃelai kélee, mɛnii Ŋ̀âla-kɔlɔi su e pîlaŋ gbîŋ mai, e zu-kulai lɛ̀ dîa.

Lukə 24:44

Nya ƃe è mò dîa, ǹyɛɛi, “Ŋ̀óo-ŋai ká ŋí nyii ŋá mò kâa tãi ŋá kɛ̀ la kákɔlɛi, a gɛɛ mɛnii kélee bɔ̃yɛɛ̂i e pîlaŋ mâ Mose ŋɔtɔ̂ŋ sui da Ɣâla ŋɔlóno-kɛ-ƃelai díkɔlɔi sui, bɛlɛɛ nyii ma ŋ̀ule-woo-kɔlɔi sui, fɛ̂ɛ ŋa-see é kɛ́.”

Ɉaan 1:45

Fele e Natɛnia kàa e m̀o ma, ǹyɛɛi, “Kwâa gáa ǹúui Mose e m̀aa-mɛni pɔ̃̀yɛ dɔ̂ŋ su, nyii máŋ Ɣâla ŋɔlóno-kɛ-ƃelai dí m̀aa-mɛni pɔ̃̀yɛ, Zîsɛ Nâzarɛ-nuui, Zosɛ ǹóŋ.”

Ɉaan 5:32

Núu da kpɛni káa naa nyii a ḿaa-sere-faa kɛ̀, ǹyaŋ ŋá gɔ́lɔŋ a gɛɛ zêre-faai a gɛ̂i ḿaa-mɛni mai gáa a tɔ̃yâ.

Ɉaan 5:36

Kɛ́lɛ, zêre-wooi gáa ńyêei, dɛɛ̂i Zɔ̂ŋ ŋɔi ma, kpɛ́ni fêi, díi-ŋai nyii Nàŋ-nuui e dɛ̀ɛ ḿbɔ a gɛɛ ŋá gɛ́i, díi-ŋai ŋi kpîŋ nɔ nyii ŋa gɛ́i, díkaa a ŋásêre a gɛɛ Nàŋ-nuui ƃe ńdɛ̀ɛ.

Ɉaan 5:40

kɛ́lɛ, káfa fàa a gɛɛ ka pa ḿbɔ a gɛɛ ka fulu-laa sɔlɔ ƃo.

Ɉaan 5:46

Kâi làa a Mose, kâi pâi lâai a ńyãa. Kpɛ́ni fêi, e ḿaa-mɛni pɔ̃yɛ.

Ɉaan 7:52

Dí ŋ̀óo su tòo, dîyɛɛi, “Yá máŋ ya kulâi Galalii? Gɔ́ri, ya pâi gâai a gɛɛ Ɣâla ŋɔlóno-kɛ-nuu fa kûla Galalii.” [

Gɛlaɠaa 13:27

Diai Zerusâlɛŋ da dímɛi-ƃelai dífe kɛ́ ní a gɔ́lɔŋɔɔ a gɛ́ɛ ǹyaa ƃa ŋ̀uŋ ma ƃo-nuui. Dífe fúlɔi máŋ kɛ́ ní Ɣâla ŋɔlóno kɛ́-ƃelai woo-ŋai ŋá kâai berei máŋ díkɛ̀ ǹônoi la dîa a Vii-tɔɔ-ɣelei kélee. Ɣâla ŋɔlóno kɛ́-ƃelai wooi nɔ́ dí làa lai ǹyaa ƃa Zîsɛ fé a Ɣâla ǹóŋ.

Gɛlaɠaa 17:11

Zûu-ŋai kɛ̀ daai ŋí sui, wɛli-kɛ-maa è kɛ̀ díyêei é tɛ́ɛ Tɛsɛlonaika Zûu-ŋai dîa. Dí díyêei sèe Ɣâla ŋɔwóoi mu a dílii kélee. Dí kɛ̀ Ŋ̀âla-kɔlɔi su kâai a ɣele kélee a gɛ́ɛ dí gáa à kɛ̀ m̀ɛnii ŋí dí mò diai è kɛ̀ a tɔ̃yâ.

Gɛlaɠaa 26:27

Gâloŋ Agulepa, ílaâi a Ɣâla ŋɔlóno kɛ́-ƃelai? Ŋá gɔ́lɔŋ ílaâi a dia.”

Lomaŋ 1:2

nyíi è m̀aa kono-tèe kɛ̀ nàa tuɛ ŋɔlóno kɛ́-ƃelai sârai kɔlɔ maa waai Ŋ̀âla-kɔlɔi sui.

Lomaŋ 3:2

Ǹɛ́lɛɛ̂i pere sîi kélee su. M̀aa-ŋuŋ, Ɣâla è ŋɔwóoi lɛ̀ɛ Zûu-ŋai yêei.

Dutɛrɔnome 18:15

A pâi kátɔnɔ da siɣêi zu kásama é kɛ́ a ŋɔlóno kɛ́-nuu yɛ̂ɛ ńyãa. Fɛ̂ɛ ká káwoli tɔ́ɔ mà.

Dutɛrɔnome 18:18

Ŋa pâi dítɔnɔ siɣêi zu ŋá gɛ́ a ŋálono kɛ́-nuu yɛ̂ɛ yá. Ŋa pâi ŋ́oo pûi ǹá. M̀ɛnii kélee ŋa pâi bûi ǹái a pâi môi dîa.

Dutɛrɔnome 29:29

“Ǹoo mɛni-ŋai kélee káa Kúɣâlai Yâwɛɛ mɛni ma. Kɛ́lɛ m̀ɛnii nyii kélee a ŋ̀wɛ̂lii kwa kúnîa-pɛlɛɛi kú gɔ́lɔŋ gáa pono ŋá. Mɛni-ŋai ŋí ƃa ŋɔtɔ̂ŋ-ŋai nyii a ŋ̀wɛ̂lii kú dímɛi kâai.

Dutɛrɔnome 32:47

Ŋ̀óo-ŋai dífe nɔ́ a wóo kpɛ́ni. Díkaa a wóo kpanaŋ káfulu-laai mɛni ma. Kà làa-la mɛnii kélee a pâi kɛ̂i a ǹɛ́lɛɛ kámɛni ma ǹɔii ma ka liî naa Zɔdiŋ Ya-leei pôlui.”

Kolosə 3:16

Ka Kôrai ŋɔwóoi lɛ́ɛ naa é kɛ́ kálii su a dámaa táre kélee su. Ka sɛŋ lɛ́ kákîe-ni dîa, ka kákîe-ni lia-woo ƃo, wule-woo-ŋa su da Ɣâla-wule-ŋa, kakɛ sɛɣɛi-fei-wule too kálii su Ɣâla ma.

Hebreu 11:16

Kɛ́lɛ, yɛ̂ɛ berei gáa lai, da ŋ̀wɛ̂lii dí lɔii lɛ́lɛɛ sɔlɔ ƃó, ǹyaa ƃa Ɣâla-taa ŋɔ̂i. Mɛni ma ŋumɛ fé Ɣâla ŋ́ɛi a gɛɛ dí dóli a Díɣâla, kpɛ́ni fêi, a taa-lee su kpɛtɛ dímɛni ma.

Hebreu 11:35

Nɛyâai dí dísaa-ƃelai sɔlɔ ƃô mu-siɣe saa-yêei sârai. Dí ǹúui da-ni lòkwa dípaa mɛni ma, nyíi-ŋai dífe díyee see ni mu a gɛɛ dí ŋuŋ-maa-ƃo sɔlɔ ƃo a gɛɛ dí dímu siɣe ŋɔ́nɔ fúlu-laa lɛ́lɛɛ sui.

Zasua 1:8

Ka tíi kɛ́ a dɔ̂ŋ-ŋai Ŋ̀âla-kɔlɔi ŋí sui a kpíni da fólo. Kà gɛ̀ tí, gɛ̀ ní ɣéniɛ a pâi nɛ̃ɛ̂i kâa, ká ƃûu ƃó.

M̀ɛni-lɛɛi 19:10

Ǹaa pôlu mà, ŋá tòo gɔ́ɔ mu a gɛɛ ŋa vɛ̀li, kɛ́lɛ, è mò mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai da Zîsɛ ŋɔsêre-faai maa-mɛni sòŋ a gbanaŋɔɔ̂i. Ɣâla fɛli.” Kpɛ́ni fêi, Zîsɛ ŋɔsêre-faa-kɛɛi ƃa núu-kpune kɛ̀ é Ɣâla-woo ƃó.