Ɉaan 5:26 - Bible

²⁶ Kpɛ́ni fêi, berei nɔ fulu-laa káa la Nàŋ-nuui kpîŋ yêei, ǹyaa ƃe a Nòŋ-nuui kɛ́ a gɛɛ fulu-laa e kɛ́ gbîŋ yêei.

Yálá laawoo hɛɓɛ (dc)

²⁶ Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Yálá laawoo hɛɓɛ

²⁶ Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Ɉaan 5:26 ပူးပေါင်းရင်းမြစ်များ

Mąątɛ̨nɛ̨ 36:9

Yá ƃa fúlu-laa kélee kɔ́ɔ pîlani. Yá ƃé kwa kwaa ponoɔɔ kàa ísârai.

Mąątɛ̨nɛ̨ 90:2

Í lɛ́ɛ pâi ǹyée kpaya-kpayai kpɛtɛ̂i, kpaa máŋ ǹɔii da ŋ̀éniɛi, íkaa nɔ́ a Ɣâla wɔ́lɔ-wɔlɔ da wɔ́lɔ-wɔlɔ. Yá nɔ́ ƃa Ŋ̀ɔlɔ-wɔlɔ da wɔ́lɔ-wɔlɔ Ɣalai.

Lɛɛ gbɔwɔ ɓa 3:14

Ɣâla ǹyɛɛ Mose mai, “ŃYÃA ƂA NYII ŃGAA LAI. M̀ó Eezuɛ-ŋai dîa yɛɛ̂i, ‘ŃYÃA ƂA ƃé ńdɛ̀ɛ kápɔ-naa.’ ”

Ɉeremi 10:10

Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Ɉaan 1:4

Fúlu-laa è kɛ̀ gbonôi, ǹyaŋ vúlu-laai è kɛ̀ a núu-kpune ŋɔkwaa-ponoɔ.

Ɉaan 10:18

Núu da fa pɔ̂ri gulâi ńyêei. Kɛ́lɛ, ŋa dɛ̀ɛ ŋ́gbɔɔi-yee ma. Wala-wala káa ńyêei a gɛɛ ŋa dɛ́ɛ la, wala-wala kɛ́ ƃo ŋɔ́nɔ ńyêei a gɛɛ ŋa zɔlɔ ƃo; dɔ̂ŋ ŋi ƃe ŋa gula Ńâŋ yêei.”

Ɉaan 11:25

Zîsɛ e mò ma, ǹyɛɛi, “Ńyãa ƃa mu-siɣe saa-yeei da vulu-laai; ǹúui nyii a làa a ńyãai, berei máŋ zaâi lai, kɛ́lɛ, a pâi kɛ̂i a vulu.

Ɉaan 11:26

Ǹyaŋ ǹúui nyii kélee gáa ɣele mai, nyii a làa a ńyãai, ve pâi wɔ́lɔ saâi. Ya nyiŋi síɣe a tɔ̃yâ?”

Ɉaan 14:19

Nàa kuro à kɛ̀ ti ǹɔii fe pâi ŋɔ́nɔ ŋ́gaai. Kɛ́lɛ, ka pâi ŋ́gaâi. Ŋ́gaa ɣele ma. Mɛni ma, káa máŋ ka pâi kɛ̂i ɣele ma.

Ɉaan 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Ɉaan 4:10

Zîsɛ e ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa-ya tɛɛ̂i ípɔ.”

Ɉaan 6:57

Yɛ̂ɛ berei Vúlu-laa-naŋ e ńdɛ̀ɛ lai, ǹyaŋ ŋ́gaa ɣele ma Nàŋ-nuui sârai, gɛ̀ ní, ǹúui a ḿîi a pâi kɛ̂i ɣele ma ńzârai.

Ɉaan 8:51

Tɔ̃yâ kpîŋ, ŋá m̀ó kâa, à kɛ̀ núu da kélee à ŋ́ooi laai kɛ̀, ve pâi wɔ́lɔ saâi.”

Gɛlaɠaa 17:25

Vé wɛ̂lii a sɛŋ da núu da kélee yêei. Ǹyaa kpîŋ ƃa fúlu-laa da sɛŋ tɛ̀ɛ núu kélee pɔ́.

Korɛntə dɔlɔɔ 15:45

Mɛni ma bɔ̃yɛɛ̂i “Ǹúui maa-ŋuŋ da kɛ̂ ma Adaŋ è kɛ̀ a mɔ̂leŋ nyíi fulu-laa è kɛ̀ ǹyêei”. Kɛ́lɛ, Adaŋ gbɛɛ ŋái è kɛ̀ a fulu-laa tɛɛ-mɔleŋ.

Timote dɔlɔɔ 1:17

Ŋwɔlɔ-wɔlɔ-Kaloŋ, nyíi va wɔlɔ saai, Ŋ̀âla tɔnɔi, nyíi núu fa gàai, ƃaa kɛ́-maa da fólo-laa dí kɛ́ ma wɔlɔ-wɔlɔ da wɔlɔ-wɔlɔ. É kɛ́ ti.

Timote dɔlɔɔ 6:16

Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔri gâai. Bàa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.

Hebreu 1:2

Kɛ́lɛ, ŋ̀ele kpɛɛ-ŋa-ŋai ŋí su Ɣâla a lóno kúpɔ Ǹóŋ sârai. È nɛ̀ a gɛɛ é kɛ́ a sɛŋ kélee-namu nyíi. È ŋ̀éniɛi kpɛ̀tɛ zarâi.

M̀ɛni-lɛɛi 21:6

Nya ƃe è mò ḿâ, nyɛɛi, “Díŋa-see a kɛ́! Ŋ́gaa a Afa da Omiga, zu-kulâi ƃa gɔ́ɔ-pîlanii da gberâi. Diai kpele-wɛli káa diai, ŋa pâi vúlu-laa ya-loŋ da tɛɛ̂i dípɔ kpɛ́ni-kpɛni.

M̀ɛni-lɛɛi 22:1

Ǹaa kɛ́ɛ tíi, Ŋ̀âla-taa-kelai è vulu-laa ya-leei lɛ̀ mâ, gɛ̀ fólo yɛ̂ɛ gɔnii da kɛ̂ ma kɔlesetɔi, gɛ̀ kùla Ɣâla da M̀ála-loŋ díkâloŋ-see-sɛŋ ma.

M̀ɛni-lɛɛi 22:17

Mɔ̂leŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.

M̀ɛni-lɛɛi 7:17

Kpɛ́ni fêi, M̀ála-loŋ gáa gâloŋ-see-sɛŋ samai, a pâi kɛ̂i a diai a m̀ála-ŋai dímɛi-kaa-nuu., É tɔ́ɔ dítuɛ é lí a dia vúlu-laa ya-loŋ lá. Ǹyaŋ Ɣâla a pâi díŋɛi-ya kélee kɔɔ̂i díŋɛi.”