Ɉaan 4:14 - Bible

¹⁴ kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

Yálá laawoo hɛɓɛ (dc)

¹⁴ Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Yálá laawoo hɛɓɛ

¹⁴ Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 4:14 ပူးပေါင်းရင်းမြစ်များ

Azaya 49:10

Puru da kpele wɛ̂li fé pâi wɔ́lɔ dípaâi. Dífe pâi wɔ́lɔ kɛ̂i vɛ̃ɛ-kpâlaŋ su fólo kɛ́ dí kêreŋ. A pâi kɛ̂i tí, kpɛ́ni fêi, dílaa túɛ nuui a pâi kɛ̂i a díwɛliɛɛ. A pâi liî a dia ya-ɣɛ̂li pɛlɛɛ-ŋa ma.

Azaya 55:1

Yâwɛɛ a m̀ôi ǹyɛɛi, “Ka pá, káai kélee kpele-wɛ̂li káa kâai. Yá káa ƃɛ́ kámɛni ma! Ka pá káai kélee sɛŋ-kao fé káyêei, ka pá ká mii-sãa yá ká m̀ii. Ka pá ká ŋwã̂ai da niŋa ŋíni-ya yá. Káfe pâi seŋ kâo kpɛɛ̂i dímɛni ma.

Azaya 58:11

Ŋa pâi kámɛi kâai, ŋá kánîa sãa kélee tɛ́ɛ kápɔ. Ŋa pâi gɛ̂i kákɔlɔi ponoɔɔ kákponôi kpanaŋɔɔ. Ka pâi kɛ̂i yɛ̂ɛ ya-lêe kɔlɛ sua su si-sãa, ká ƃò yɛ̂ɛ ya-ɣɛ̂li nyíi va wɔ́lɔ kpalai.

Ɉeremi 2:13

Kpɛ́ni fêi ŋánûai da sɔnyɔ̂ŋ-sii feerɛ kɛ́: da dípôlu tɔ̀ɔ ḿa, ńyãai ŋ́gáa a vúlu-laa ya-loŋ, da díkpɔɔi-kpɔɔi ya loa tée, nyíi yá fa sêe zui.”

Ɉeremi 31:25

Diai dífii kpɛɛ̂i, ŋa pâi díkponôi kpananiî. Diai puru a dí kɛ̂i, ŋa pâi mii-sɛŋ tɛɛ̂i dípɔ dí píla.

Izikiɛ 47:9

À kɛ̀ ti, ƃɛ́i ǹyái a pâi ɣilîni é lí naai, fúlu-sãa da pâi kɛ̂i zu díkɛ sìa-sia zu díkɛ díkɛ̀-ɣeniɛi kɛ̀ naa. Nyɛ̃ɛ támaa a pâi kɛ̂i zu. Ǹyái ŋí a pâi gɛ̂i Ǹyuo-saai é kɛ́ a yá lɛ́lɛɛ. Ǹyaŋ, ƃɛ́i kélee a pâi ɣilîni naai, a pâi gɛ̂i fúlu-laa é kɛ́ naa.

Levetekɔ 11:36

Kɛ́lɛ à kɛ̀ da poma a tòo ya-tôŋ da ma, kpaa máŋ ya-lôa da su, maa yâi maa waâi, berei máŋ da poma a lɛɣɛ la sɛŋ da ma maa fé waa níi.

Maafîu 25:46

Ǹyaŋ nyii-ŋai da pâi liî wɔlɔ-wɔlɔ tɔŋ-kpɛ́-maa su. Kɛ́lɛ, zɔŋ-lɛlɛ-ƃelai da pâi liî wɔlɔ-wɔlɔ-fulu-laa su.”

Maafîu 5:6

Lûwa káa diai dîa puru a díkɛ da kpele-wɛli tɔ̃yâ-laa mɛni mai, kpɛ́ni fêi, da pâi pelâi.

Ɉaan 10:10

Ŋúma-nuui a pâ nɔ́ a gɛɛ e díŋuma, e dípaa, e dísu kara; ŋá pà a gɛɛ dí fulu-laa sɔlɔ ƃo, e kɛ́ díyêei a dámaa.

Ɉaan 11:26

Ǹyaŋ ǹúui nyii kélee gáa ɣele mai, nyii a làa a ńyãai, ve pâi wɔ́lɔ saâi. Ya nyiŋi síɣe a tɔ̃yâ?”

Ɉaan 4:10

Zîsɛ e ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa-ya tɛɛ̂i ípɔ.”

Ɉaan 4:11

Nɛnîi e mò ma, ǹyɛɛi, “Nalôŋ, sɛŋ da fe íyeêi a gɛɛ í ǹyái kula la, ǹyá-loai su, ǹyaŋ ziŋɔɔ̂i. Mí ƃe vulu-laa-yai ti káa naa íyeêi?

Ɉaan 4:13

Zîsɛ e mò ma, ǹyɛɛi, “Ǹúui nyii kélee a ǹyái ŋi da kpèlei, kpele-wɛli a pâi ŋɔ́nɔ gɛ̂i,

Ɉaan 4:36

Ǹúui nyii a dée a zɔ̃ɔ sɔlɔ ƃo, é m̀á ŋá tɛ́ ma ŋwɔlɔ-wɔlɔ fulu-laai-mɛni ma, a gɛɛ zí-nuu da dee-nuu dí lii-nɛ̃ɛ kula gîe-ma.

Ɉaan 6:27

Káfe mii-sɛŋ maa-tii kɛ̀ nyii a kàra, fɛ̂ɛ mii-sɛŋ nyii gáa wɔlɔ-wɔlɔ fulu-laa mɛni ma, nyii núu-kpune Ǹóŋ a pâi dɛɛ̂i kápɔi, kpɛ́ni fêi, Ɣâla Nàŋ-nuui a gɛ́ a gɛɛ e nyíti kɛ́.”

Ɉaan 6:35

Zîsɛ e mò dîa, ǹyɛɛi, “Ńyãa ƃe ŋ́gaa a vúlu-laa-kpoloi. Ǹúui nyii a pà ḿbɔi, puru fe pâi gɛ̂i, ǹyaŋ ǹúui nyii a lâa a ńyãai, kpele-wɛli fe pâi gɛ̂i.

Ɉaan 6:58

Gbóloi ká ŋí nyii kùla Ɣâla-taai, ve a nyii kánâŋ-ni dí mìi dí sáai. Ǹúui nyii a gbóloi ŋí mìi, a pâi kɛ̂i ɣele ma wɔlɔ-wɔlɔ da wɔlɔ-wɔlɔ.”

Ɉaan 7:37

Gúui ŋɔɣele-kuui kpɛɛ ŋái ma, ŋelei gɛ́tɛ-ɣelei, Zîsɛ e tɔ̀ɔ e laɣi, “Núu da kélee kpele-wɛli à gɛ̀, tɔɔ e pa ḿbɔ e gbele.

Lomaŋ 5:21

Yɛ̂ɛ berei sɔnyɔ̂ŋ a saa kɛ̂ la núu kélee pôlui, bere nɔ́ ƃe máŋ m̀ɛlɛ-seei a tíi kɛ̀ la tɔ̃yâ laa-la sârai wɔ́lɔ-wɔlɔ fulu-laa mɛni ma Kúnuu-namui Zîsɛ Kôrai sârai.

Lomaŋ 6:23

Sɔnyɔ̂ŋ fela-fei ƃa saa. Kɛ́lɛ, Ɣâla ŋɔƃɛlɛ-sêe sama-sɛŋ ƃa ŋ̀wɔ́lɔ-wɔlɔ fulu-laai Kúnuu-namui Zîsɛ Kôrai kponôi.

Korɛntə veelɛ 1:22

A ŋɔŋɛi-kɛ-maai kɛ́ kûa. A Ŋɔmɔ̂leŋ tɛ́ɛ kúpɔ kúlii-ŋai su yɛ̂ɛ kono-tee-woo.

Ifisiɛŋ 4:30

Káfe Ɣâla Ŋɔmɔ̂leŋ Maa Waai líi sòli, nyíi kálɛ-mɛnii su kpanaŋ ŋuŋ-ma-ƃo-ɣelei mɛni mai.

Piɛrə dɔlɔɔ 1:22

Kámɔ̂leŋ maa waâi a dɔ̃yâi maa-woo-mɛniɛi gáa káyêei a gɛɛ tɔ̃yâ-wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

M̀ɛni-lɛɛi 7:16

Puru fé pâi ŋɔ́nɔ díkɛ̂i, kpaa máŋ kpele-wɛli é ŋɔ́nɔ díkɛ. Voloi fé pâi díkerenii, kpaa máŋ sɛŋ-fãa da kpɛni é díkereŋ.

M̀ɛni-lɛɛi 7:17

Kpɛ́ni fêi, M̀ála-loŋ gáa gâloŋ-see-sɛŋ samai, a pâi kɛ̂i a diai a m̀ála-ŋai dímɛi-kaa-nuu., É tɔ́ɔ dítuɛ é lí a dia vúlu-laa ya-loŋ lá. Ǹyaŋ Ɣâla a pâi díŋɛi-ya kélee kɔɔ̂i díŋɛi.”