Ɉaan 3:34 - Bible

³⁴ Kpɛ́ni fêi, ǹúui nyii Ɣâla e dɛ̀ɛi, a Ɣâla ŋɔwóoi ƃò, kpɛ́ni fêi, va Ŋɔmɔ̂leŋ da nɔ tɛ̀ɛ;

Yálá laawoo hɛɓɛ (dc)

³⁴ Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Yálá laawoo hɛɓɛ

³⁴ Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Nįį kəlee tɛɛ bɔ.

Ɉaan 3:34 ပူးပေါင်းရင်းမြစ်များ

Tɔɔɓɛlaa veelɛ 2:9

Tãi dí nâa ǹyái tìyeŋ lai, Ilaza è Ilasa marê kɛ̀ ǹyɛɛ mai, “Mó mâ, lé ƃé ƃa ŋ̀wɛ̂lii ŋá gɛ́ yɛ̂ dí lɛ́ɛ pâi ŋ́gulâi íyêei?” Ilasa è zu tòo, “Tɔɔ ŋá íwala-wala-laai gɛ́tɛ ɣele sɔlɔ ƃó é tɛ́ɛ ḿarâi dîa a gɛɛ ŋá lɛ́ɛ ípɔɔ ŋá a dítuɛ-nuu.”

Mąątɛ̨nɛ̨ 45:7

Í tɔ̃yâ mɛni wɛ́lini. Ífe wɛ́lini a mɛni nyɔ́mɔɔ kélee da. Sâpoi ŋí ƃé Ɣâla nyii gáa a Íɣâlai a ísiɣe la, a íkɛ a kâloŋ, a ísee. Kâloŋ da fé seri ní ípɔ.

Azaya 59:21

Ŋa pâi kpanaŋ-woo kɛ̂i káyêei. Ŋa pâi ŋámɔlêŋ tɛɛ̂i kápɔ ŋá ŋásɛŋ-lɛɛi ŋai lɛ́ɛ káyêei wɔ́lɔ-wɔlɔ. É síɣe sâa ma, ka pâi kɛ̂i a ŋ́oo mɛni-ƃela. Ka m̀ɛni-ŋai ŋí lɛ́ kálônii dîa, diaŋ dí ǹɛ́ a gɛ́ɛ dia máŋ da pɔ̂ri kɛ̂i a ŋ́oo mɛni-ƃela é síɣe sâa ma é lí tuɛ-pere.”

Levetekɔ 7:35

Géreŋ salai dí gùla Yâwɛɛ mai m̀ɛi-ŋai ŋí ƃé dí dɛɛ Eelɔŋ pɔ́ da ǹônii a tãi dí dísee la a sâla láa soŋ-ƃelai.

Lonon mo 11:25

Yâwɛɛ è yèŋ ŋ̀ele-kɔlɔŋ kolei su é lóno bɔ́. È mɔ̂leŋ da kùla Mose kponôi é bú ǹuu-pɔlɔ buu lɔ́ɔlu mɛi feerɛi kponôi. Tãi mɔ̂leŋ è lɔ̀ la díkponôi, dí lòno yɛ̂ɛ Ɣâla ŋɔlóno-kɛ-ƃela. Kɛ́lɛ dí lòno nɔ́ a tãi kpùa.

Maafîu 12:18

“Ka Ŋátii-kɛ-nuui káa, nyii ŋá zìɣe zu, ńii-ma tii-kɛ-nuui, nyii m̀aa-mɛni a Ŋámɔ̂leŋ líi láai. Ŋa pâi ŋámɔ̂leŋ pûi gbonôi, ǹyaŋ a pâi dɔ̃yâ-mɛnii lɛ̂i Zɛ̃tai-ŋai dîa.

Lukə 4:18

“Kúnuu-namui Ŋɔmɔ̂leŋ Maa Waai kaa ḿɛi, kpɛ́ni fêi, a wulɔ pu ŋ́ûa a gɛɛ ŋa tuŋ lɛ́lɛɛ ƃo gôlo-ƃelai dîa. A ńdɛɛ a gɛɛ ŋa ŋuŋ-maa ƃo-mɛni ƃo gɔ-soŋ-ŋai dîa, ŋa ŋɛi-pu-ƃelai díkwaa-kaai mɛni ƃo, a gɛɛ ŋa ǹûai ŋuŋ ma ƃó diai díkaa mɛni kpɔ̂lu sui,

Ɉaan 1:16

Ǹyaŋ ŋɔlaa-fɛ̂ɛi su kúkelee kwa ƃɛlɛ-sêe támaa sɔlɔ ƃó gîe mɛi.

Ɉaan 15:26

“Kɛ́lɛ, Gbɔŋ-ma-nuui à pà, nyii ŋa pâi dɛɛ̂i kápɔ é kúla Nàŋ-nuui yêei, Dɔ̃yâ-Mɔleŋ ǹyaa kpîŋ, nyii kulâi Nàŋ-nuui yêei, ǹyaa ƃe pâi ḿaa-sere-faa kɛ̂i;

Ɉaan 16:7

E máŋ kɛ́ ti, ŋa dɔ̃yâi ƃôi kâa. Gáa a mɛni lɛ́lɛɛ kámɛni ma a gɛɛ ŋá lí. Kpɛ́ni fêi, à kɛ̀ ŋà wàla li, Gbɔŋ-ma-nuui fe pâi pâi kápɔ; kɛ́lɛ, à kɛ̀ ŋà lì, ŋa pâi dɛɛ̂i kápɔ.

Ɉaan 3:17

Kpɛ́ni fêi, Ɣâla e Ǹóŋ tɛ̀ɛ ǹɔii su, ve dɛɛ ni a gɛɛ e tɔ̂ŋ pu ǹɔii ma, kɛ́lɛ, a gɛɛ ǹɔii e ƃalo zarâi.

Ɉaan 5:26

Kpɛ́ni fêi, berei nɔ fulu-laa káa la Nàŋ-nuui kpîŋ yêei, ǹyaa ƃe a Nòŋ-nuui kɛ́ a gɛɛ fulu-laa e kɛ́ gbîŋ yêei.

Ɉaan 7:16

Nya ƃe Zîsɛ e díwoo su tòo, ǹyɛɛi, “Ŋámɛni-lɛɛi fe a ḿbɔɔ, kɛ́lɛ, ǹúui e ńdɛ̀ɛi bɔ́ɔ ƃe;

Ɉaan 8:40

kɛ́lɛ, nâa kákaa ŋ́gɔrîi a gɛɛ ká ḿbaa, ǹúui nyii a dɔ̃yâi ƃó kâa, nyii ŋá mɛ̀ni Ɣâla lái; Eberaɣɛ̃ɛ fe nyiŋi kɛ́ ni.

Ɉaan 8:47

Ǹúui nyii gáa a Ɣâla ŋɔnúui a Ɣâla wóo mɛni; mɛnii a kɛ̂ káfe Ɣâla wóo mɛnii, ǹyaa ƃa káfe a Ɣâla ŋɔnúu.”

Gɛlaɠaa 1:2

é lɛ́ɛ la zu dí dɛ́ ɣelêi. É lɛ́ɛ pâi tɛ̂i ŋ̀elei su, è bàma ŋɔsia-ƃelai dîa M̀ɔlêŋ Maa Waai sârai, nyíi-ŋai a wɔ́lɔ dísiɣei.

Gɛlaɠaa 10:38

Ɣâla è lɛ̀ a M̀ɔlêŋ Maa waai pù Nâzarɛ Zisɛi kponôi é wála-wala tɛ̀ɛ bɔ́. È kɛ̀ liî a mɛni lɛ́lɛɛ kɛ́ɛ, gɛ́ diai ƃàlo Dɛ̂ƃele è kɛ̀ díkponôi, kpɛ́ni fêi, Ɣâla è kɛ̀ bôlu.

Lomaŋ 8:2

Kpɛ́ni fêi, vulu-laa-Mɔleŋ ŋɔtɔ̂ŋ, nyíi a fulu-laa tɛ̀ɛ Zîsɛ Kôrai sârai, a ŋ́uŋ ma ƃo sɔnyɔ̂ŋ ŋɔtɔ̂ŋ yêei da saa.

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Kolosə 1:19

Kpɛ́ni fêi, Ɣâla e ŋ̀wɛli a gɛ́ɛ Ŋɔɣâla-laai kélee é kɛ́ gbonôi.

Kolosə 2:9

Kpɛ́ni fêi, Ɣâla Ŋɔɣâla-laai kélee káa gbonôi.

M̀ɛni-lɛɛi 21:6

Nya ƃe è mò ḿâ, nyɛɛi, “Díŋa-see a kɛ́! Ŋ́gaa a Afa da Omiga, zu-kulâi ƃa gɔ́ɔ-pîlanii da gberâi. Diai kpele-wɛli káa diai, ŋa pâi vúlu-laa ya-loŋ da tɛɛ̂i dípɔ kpɛ́ni-kpɛni.

M̀ɛni-lɛɛi 22:1

Ǹaa kɛ́ɛ tíi, Ŋ̀âla-taa-kelai è vulu-laa ya-leei lɛ̀ mâ, gɛ̀ fólo yɛ̂ɛ gɔnii da kɛ̂ ma kɔlesetɔi, gɛ̀ kùla Ɣâla da M̀ála-loŋ díkâloŋ-see-sɛŋ ma.