Ɉaan 3:21 - Bible

²¹ Kɛ́lɛ, ǹúui nyii a tɔ̃yâ kɛ̀i, a pà kwaa-ponoɔ ma, a gɛɛ dí gáa a maa ponoɔ a gɛɛ ŋɔtûai a kɛ́ Ɣâla sârai.

Yálá laawoo hɛɓɛ (dc)

²¹ Kɛlaa, nui a mɛ̨nį kɛ a tɛ̨ą, a kulɔ la pono ŋą, ə gɛ, nu kəlee di gaa, diɛ mą: aa Yálá woo hon, mąą túwɔ́ pələɠaa ka.»

Yálá laawoo hɛɓɛ

²¹ Kɛlaa, nui a mɛ̨nį kɛ a tɛ̨ą, a kulɔ la pono ŋą, ə gɛ, nu kəlee di gaa, diɛ mą: aa Yálá woo hon, mąą túwɔ́ pələɠaa ka.»

Ɉaan 3:21 ပူးပေါင်းရင်းမြစ်များ

Mąątɛ̨nɛ̨ 119:105

Íwooi káa a kpáleŋ-soŋ ŋ́gɔɔ mu pono mɛ̂ni ma, gɛ́ ƃò a kwaa ponoɔɔ a gɛɛ é ḿberêi pono.

Mąątɛ̨nɛ̨ 119:80

Tɔɔ ŋá ítɔ̂ŋ-ŋai mɛi káa a teniŋ ƃô làa, à kɛ̀ tí, ŋumɛ fé pâi ḿbaâi.

Azaya 26:12

Óo Yâwɛɛ, lûwa láa kúkɛ mɛni kélee dîa díƃûu ƃó. M̀ɛni lɛ́lɛɛ-ŋai kélee kwa zɔlɔ ƃôi da kûla ísɔŋ lɛ̂lɛ tuai su.

Azaya 8:20

Kɛ́lɛ díwoo su-too yɛ̂ɛi, “Ka káwoli tɔ́ɔ m̀ɛnii ma Yâwɛɛ a ǹɛ̂i kâai. M̀ɛni-ŋai m̀ɔlêŋ-ŋai da zaa-ƃelai da mò kâai, dífa kákùla mɛnîi.”

Osia 14:8

Óo Eezuɛ, ka ká pôlu tɔɔ Ɣâla da kpɛ́ni-ŋa dîa. Ńyãa ƃé ŋa káwoo mɛni ŋ́gɛ kámɛi kâa. Ŋ́gaa yɛ̂ɛ wúru kɛ́tɛ lɛ́lɛɛ. Káƃɛlɛ-seei kélee a kulâi ńyêei.”

Ɉaan 1:47

Zîsɛ e Natɛnia kàa gɛ pa bɔ. E m̀aa-mɛni ƃo, ǹyɛɛi, “Ka gáa, Eezuɛ-nuu kpîŋ ká ŋi, nyii pɛlɛ fe gbonôi!”

Ɉaan 3:20

Kpɛ́ni fêi, núu kélee a mɛni nyɔ́mɔɔ kɛ̀i, a kwaa-ponoɔ kpɔ̀ara, va pa kwaa-ponoɔ ma, ŋɔtûa nyɔ́mɔɔi fe lâa lɛ́ la.

Ɉaan 5:39

Ka Ŋ̀âla-kɔlɔi su kɔ̀ri. Kpɛ́ni fêi, ka gàa kâa, nàa ƃe wɔlɔ-wɔlɔ fulu-laa káa naa, ǹyaŋ ǹyaa ƃe a ḿaa-sere-faa kɛ̀,

Ɉaan 7:17

núu da kélee à ŋ̀wɛli e Ɣâla ǹîa mɛni kɛ́, ǹyaŋ a pâi gɔ́lɔnîi, à kɛ̀ ŋámɛni-lɛɛi a kulâi Ɣâla yêei, kpaa à kɛ̀ ŋ́gaa lônoi a ḿgbɔɔ̂i-wala-wala.

Korɛntə dɔlɔɔ 15:10

Kɛ́lɛ, Ɣâla ŋɔƃɛlɛ-sêei su, ŋ́gaa yɛ̂ɛ berei ŋ́gaa lai, ǹyaŋ ŋɔƃɛlɛ-sêei gáa ḿɛni mai ve kɛ́ ni kpɛni-kpɛni. Kɛ́lɛ, ŋá tíi támaa kɛ̀ e tɛ́ɛ díkelee dîa, berei máŋ la ńyãa fe gɛ níi, kɛ́lɛ, Ɣâla ŋɔƃɛlɛ-sêei ƃe gɛ, nyíi gáa ḿbôlui.

Korɛntə veelɛ 1:12

Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, ku gɛ a Ɣâla ŋɔƃɛlɛ-sêei.

Galatə 6:8

Kpɛ́ni fêi, núu a sɛŋ sí ŋɔkɛ-pere-nyɔŋ mɛni mai, a su-kara kùla ŋɔkɛ-pere-nyɔŋ su; kɛ́lɛ, núu a sɛŋ sí M̀ɔlêŋ mɛni mai, a wɔlɔ-wɔlɔ fulu-laa kùla M̀ɔlêŋ su.

Ifisiɛŋ 5:9

Kpɛ́ni fêi, kwaa-ponoɔ ŋɔƃa káa mɛni lɛ́lɛɛ kélee su, da mɛni sã́a, e pɛ́lɛɛ tɔ̃yâ ma.

Filipə 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sârai Ɣâla ŋɔfólo-laai da ŋɔlaa-maa-tɛi mɛni ma.

Filipə 2:13

Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Kolosə 1:29

Nyíŋi mɛni ma ŋa tíi kɛ̂i, ŋ́gɛ kɔ kpɔ́ a ŋwála-walai kélee e bu ŋ́gbonôi kpɔ́ a gbanaŋɔɔi.

Hebreu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sârai. Fólo-laa é kɛ́ ma wɔlɔ-wɔlɔ da wɔlɔ-wɔlɔ. É kɛ́ tí.

Piɛrə dɔlɔɔ 1:22

Kámɔ̂leŋ maa waâi a dɔ̃yâi maa-woo-mɛniɛi gáa káyêei a gɛɛ tɔ̃yâ-wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Zɔ̂ŋ Maa-ŋuŋ 1:6

A kɛ̀ kwa mò a gɛɛ kwa dîa-ni kúlii káa tɔnɔ, kɛ́lɛ, kúkɛ sia kpinii, gɛ̀ ní kwa lɛ́ɛ kɛ̂i, kútûa-pere fé a tɔ̃yâ-pere.

Zɔ̂ŋ Zaaƃai 1:11

Ŋáwɛli-kɛ-maa-nuui, ífe mɛni nyɔ́mɔɔ pɔ́ɔ kɔ̀ɔŋ, kɛ́lɛ, mɛni lɛ́lɛɛ pɔ́ɔ kɔɔ̂ŋ. Ǹúui a mɛni lɛ́lɛɛ kɛ̀i, gáa a Ɣâla pɔ́ɔ. Ǹúui a mɛni nyɔ́mɔɔ kɛ̀i, vé niî Ɣâla káa ní.

M̀ɛni-lɛɛi 3:15

“ ‘Ŋá ítii-ŋai kɔ́lɔŋ; ífe laɣi ni, ǹyaŋ ífe fãa ni. Eêi kɛ̀ a ílaɣîɛi, kpaa máŋ ífãâi!