Ɉaan 19:30 - Bible

³⁰ Tãi Zîsɛ e ŋwã̂ai-kponai sɔlɔ ƃò la, e mò, ǹyɛɛi, “Aâ kpɛɛ”; e ŋ̀uŋ ma pìlaŋ e saa.

Yálá laawoo hɛɓɛ (dc)

³⁰ Yii kɛa ə nɔɔ kponai tii ta kpələ, yɛ diɛ: «Mɛ̨nį kəlee aa pɛli ɉu. Ə nwun vilɛn, nįį ə kulɔ.»

Yálá laawoo hɛɓɛ

³⁰ Yii kɛa ə nɔɔ kponai tii ta kpələ, yɛ diɛ: «Mɛ̨nį kəlee aa pɛli ɉu. Ə nwun vilɛn, nįį ə kulɔ.»

Ɉaan 19:30 ပူးပေါင်းရင်းမြစ်များ

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ̂rɔnii íŋuŋ ma, yáŋ ya pâi dínyînii díkɔɔ ma.”

Mąątɛ̨nɛ̨ 22:15

Ŋ́gɔ̂ŋ lá kpâlai yɛ̂ɛ ŋɔŋ ŋá leɣi folo. Ńɛŋ kánaŋɔɔ ŋ́gâno mu. Ya gɛ́ saa a lɛɣɛ a ńyãa.

Azaya 53:10

Yâwɛɛ a m̀ôi ǹyɛɛi, “Ńyãa ƃé gɛ̀ gɛ́ mɔ̃̀lɛ. Ŋɔsaai è kɛ̀ a sâla, ŋuŋ ma ƃô da su-mɛni lɛ̂ɛ mɛni ma. A pâi ǹônii kâai. À kɛ̀ tí ŋɔfúlu-laai su a pâi kôyaai. Yâwɛɛ ŋɔmɛni kpɛtɛɛi ŋ̀aa see pâi kɛ̂ zarâi.

Azaya 53:12

Ŋa pâi gɛ̂i ƃâa kɛ́ ƃò m̀a núu-kpune sáma, m̀u-wuyɛɛ, wála-wala-laa su kɛ́tɛ kɛ́ ƃò ǹyêei, kpɛ́ni fêi, è ŋɔfúlu-laai tɛ̂ɛ gbîŋ yee ma, da zɔnyɔ̂ŋ-ƃelai dí mɔ̃́lɛ a bɔriɛɛ. È sàa núu támaa dísɔnyɔ̂ŋ-ŋai mɛni ma. È Ɣâla fɛ̀li a gɛ́ɛ é dísu mɛni lɛɛ.”

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Danîa 9:26

Da pâi ǹúu láa túɛ-nuui ŋí paâi a góraŋ-ŋai ŋí kpɛɛ ŋá tãi ǹaa é lɛ́ɛ a vólo. Lɔii-ŋuŋ da kpɛ́ni su-ƃela láa túɛ nuu da ŋɔkɔ-kuluƃa-ŋai da pâi Zerusâlɛŋ su karâi da Ŋ̀âla-pɛrɛ Kɛ́tɛi. Kɔ́ a pâi kɛ̂i nɔ́ kɔ̂i naa yɛ̂ɛ ya fɛ̂ɛ yɛ̂ɛ berei Ɣâla è gbɛ̀tɛ lai.

Zakari 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Maafîu 20:28

Núu-kpune Ǹóŋ fé pá ní la a gɛɛ dí tíi kɛ́ mì, kɛ́lɛ, è pà a gɛɛ é tíi kɛ́ núu-kpune mì, é ŋɔfúlu-laai tɛ́ɛ a núu támaa maa-tee-sɛŋ.”

Maafîu 27:50

Zîsɛ è ŋɔ́nɔ làɣi a ŋ̀óo sú kɛ́tɛ é nâa sàa.

Maafîu 3:15

Nya ƃe Zîsɛ è ŋ̀óo su tòo, ǹyɛɛ mà, “Ǹɛɛ naa é kɛ́ tí. Kpɛ́ni fêi, maa nɛɛ̂i a gɛɛ kú dɔ̃yâ-laai maa-mɛni kélee ŋa-see kɛ́.” Nya ƃe è fàa ma.

Markə 15:37

Kɛ́lɛ, Zîsɛ e làɣi é Ǹɛ̃wo gbɛɛ ŋái tóo.

Lukə 22:37

Kpɛ́ni fêi, ŋá mó kâa, fɛ̂ɛ Ŋ̀âla-wooi ŋi ŋa-see e kɛ́ ŋ́gbonôi, ǹyɛɛi, ‘E kɛ̀ a nonoɔ bɛlɛɛ dɔ̂ŋ-kara-ƃelai dîa’; kpɛ́ni fêi, nyii bɔ̃yɛɛ̂i e pîlaŋ ḿâi, ŋa-see-kɛi káa ma.”

Lukə 23:46

Nàa kɛ́ɛ ti, Zîsɛ e làɣi a ŋ̀óo kɛ́tɛ, ǹyɛɛi, “Ńâŋ, ŋa ŋámɔ̂leŋ tɛ́ɛ ípɔ!” Gɛɛ a nyiŋi ƃói, e nɛ̃wo gbɛɛ ŋái too.

Ɉaan 10:11

Ńyãa ƃa m̀ála mɛi-kaa-nuu lɛ́lɛɛi. M̀ála mɛi-kaa-nuu lɛ́lɛɛi a ŋɔfúlu-laai tɛ̀ɛ m̀ála-ŋai mɛni ma.

Ɉaan 10:18

Núu da fa pɔ̂ri gulâi ńyêei. Kɛ́lɛ, ŋa dɛ̀ɛ ŋ́gbɔɔi-yee ma. Wala-wala káa ńyêei a gɛɛ ŋa dɛ́ɛ la, wala-wala kɛ́ ƃo ŋɔ́nɔ ńyêei a gɛɛ ŋa zɔlɔ ƃo; dɔ̂ŋ ŋi ƃe ŋa gula Ńâŋ yêei.”

Ɉaan 17:4

Ŋá ifolo-laai maa tɛ̀ ǹɔii su, díi kpɛɛ su nyii í dɛ̀ɛ ḿbɔ a gɛɛ ŋa gɛ́i;

Ɉaan 19:28

Nyiŋi pôlu ma Zîsɛ e gɔ̀lɔŋ a gɛɛ gélee a nâa kpɛɛ a gɛɛ Ŋ̀âla-kɔlɔi wóo ŋa-see é kɛ́, nya ƃe e mò, ǹyɛɛi, “Kpele-wɛli a ŋ́gɛ̂i.”

Ɉaan 4:34

Zîsɛ e mò dîa, ǹyɛɛi, “Ŋámii-sɛŋ ƃa a gɛɛ ŋa ǹúui ǹîa mɛni kɛ́ nyii ńdɛ̀ɛi, ŋá ŋɔtíi kɛ́ ŋá gbɛɛ.

Lomaŋ 10:4

Kpɛ́ni fêi, Kôrai káa a dɔ̂ŋ kpɛɛ ŋá a gɛ́ɛ diai kélee laa-la káa díyêei dí dítoli a tɔ̃yâ-ƃela.

Lomaŋ 3:25

Ɣâla è nɛ̀ a zu ponoɔɔ a gɛ́ɛ é sâla kula a ŋ̀ãai a gɛ́ɛ dí zɔlɔ ƃó laa-la su. Ɣâla è nyíŋi kɛ̀ a gɛ́ɛ e ŋɔtɔ̃yâ laa-lai lɛ́, kpɛ́ni fêi, è tèe sɔnyɔ̂ŋ pɔlɔ-ŋa dîa Ŋɔɣâla lii-kpelei su.

Korɛntə dɔlɔɔ 5:7

Ka gbólo-tɛ-sɛŋ pɔlɔi kúla naa a gɛ́ɛ ká kɛ́ a kpólo-kane nina, kpɛ́ni fêi, kákaa a tɛ́-sɛŋ fé-kpolo a tɔ̃yâ. Kpɛ́ni fêi, Kôrai nyíi gáa a kútɛɛ-mɛi-ƃála-loŋ, da wɔlɔ gula a sâla.

Filipə 2:8

Gɛ́ɛ yɛ̂ɛ núu-kpune, è gbîŋ maa yeŋ é kɛ́ a woo-mɛni-nuu. Ŋɔwoo-mɛnii ŋí è gɛ̀ kpɔ́ é fáa a gɛ́ɛ é sáa. È sàa máŋ wúru su-tíyeŋɔɔ ma.

Hebreu 12:2

Kwaa kúŋɛi kɛ́ Zîsɛ ma nyíi kúlaa-laai kɔ́ɔ pìlaŋ é maa waai, nyíi zaa-wurii siɣe a ǹii-nɛɛi kɛ̀ duɛi é ŋ̀ɛi nàɣîŋ ŋumɛ mɛ́i é see Ɣâla ŋɔsee-sɛŋ láa-mii-yee mɛi.

Hebreu 9:22

Tɔ̃yâ ma, dɔ̂ŋ yée mu sɛŋ kélee maa waai a ŋãa, ǹyaŋ sɔnyɔ̂ŋ su-mɛni-lɛɛ fé naa ŋãa puɔɔ ŋ́ɛi pôlu.