Ɉaan 17:11 - Bible

¹¹ Ḿve ŋɔ́nɔ ǹɔii su. Kɛ́lɛ, díkaa ǹɔii su, ǹyaŋ ŋa pâi ípɔ. Ńâŋ Maa Waai, dímɛi káa ílaâi su, diai ya dítɛɛ ḿbɔi, a gɛɛ dí kɛ́ tɔnɔɔ yɛ̂ɛ berei kúkaa la tɔnɔɔi.

Yálá laawoo hɛɓɛ (dc)

¹¹ Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Yálá laawoo hɛɓɛ

¹¹ Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 17:11 ပူးပေါင်းရင်းမြစ်များ

Mąątɛ̨nɛ̨ 79:9

Óo Ɣâla, kpɔŋ kûa í kúmalôŋ káa. Kúŋuŋ ma ƃó í kúsu mɛ̂ni lɛɛ ílaai sârai.

Hanwon 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 27:3

“Gbɔmɔ-kpâlaŋ ŋí káa a ḿbɔɔ. Ŋa yá pù mà a ɣele kélee, ŋ́gɛ m̀ɛi kâa a kpíni da fólo a gɛɛ núu da fa lâ zu kara la.

Azaya 64:2

Dîi kɛ̀ kpɛ̃lînii yɛ̂ɛ yá ƃé nɛ́ŋ-nîi ŋɔŋ ŋá. Pá í íwala-wala laai lɛ́ íkpɔara-ƃelai dîa, í gɛ́ ǹɔii-ŋûŋ-ŋai díkɛ kpɛ̃̀liŋ tãi da kɛ̂ la íŋɛi tuɛi.

Ɉeremi 14:21

Íkili-ŋa sía íkono têe-ŋai mɛ̂ni ma. Ífe ípôlu tɔ̀ɔ kûa. Ífe ƃâa kula íkâloŋ see-sɛŋ maa-waai ma. Íkpanaŋ-wooi í gɛ̀ kúyêei, gíli é lɛ́ɛ íŋa, ífe gàra.

Ɉeremi 14:7

Ŋánûai díwɔ̀lɔ dîyɛɛi, ‘Berei kúsɔnyɔ̂ŋ-ŋai da kú lɛ́ lai, Yâwɛɛ, ye kpɔŋ kûa a gɛɛ ǹûai dí kɛ́tɛ-laai káa. Tãi támaa yée-mu, kwa kú pôlu tɔɔ yâ, kú sɔnyɔ̂ŋ kɛ́ a yá.

Izikiɛ 20:22

Kɛ́lɛ, ŋá ńii maa soŋ kpɛ́ni fêi è kɛ pâi kɛ̂i a ńaa kara mɛ̂ni ǹɔii-ŋuŋ ŋai sama nyii ŋai ŋ̀gâa ŋ́gɛ díkula Izei.

Izikiɛ 20:44

Tãi ŋa pâi ńaai maa-waai maa kɔ̃ɔ̂i lai, káai a Eezuɛ-ƃelai, ka pâi gɔ́lɔnîi a gɛɛ ńyãa ƃa Yâwɛɛ. Kpɛ́ni fêi, ḿve pâi tûai a káa yɛ̂ɛ berei kátua-pere nyɔ̂ŋ káa lai.” Ńyãai a Ŋ̀wála-wâla kélee Yâwɛɛi ƃé mò tí.

Izikiɛ 20:9

Kɛ́lɛ ḿvé gɛ ni tí. Kpɛ́ni fêi ḿve kɛ́ ni ŋ̀wɛ́li a gɛɛ ŋá ǹáa kara ǹɔii ŋuŋ ŋai ŋ̀ɛi nyii ŋai díkɛ dísamai. Ǹûai ŋí ŋɛ́i ƃe ŋá ŋgono tee naa a gɛɛ ŋa pâi dí kulâi Ize lɔii su.

Maafîu 10:16

“Ka gáa, ŋa kátɛɛ̂i yɛ̂ɛ ƃála-ŋa ƃe díkaa kɔ́li-saŋ su. M̀ɛni ma, ka kɛ́ a kátareɛ yɛ̂ɛ kali, ka ƃo a kálii lɛ́lɛɛ yɛ̂ɛ tòloŋ.

Maafîu 5:48

Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa-Nâŋ láa fɛɛ̂i la a wɛli-kɛ-maai.

Maafîu 6:9

Mɛni ma, ka Ɣâla fɛli a bere-sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Ɉaan 13:1

Dɛɛ-mɛi ŋɔkúui é lɛ́ɛ pâi serîi, tãi Zîsɛ e nâa gɔ̀lɔŋ la a gɛɛ ŋɔtãi a seri a gɛɛ é kúla ǹɔii sú é lí Nàŋ-nuui pɔi, berei è ŋɔ-ŋai wɛ̀li lai, nyii-ŋai kɛ̀ ǹɔii sui. È díwɛli kpɔ́ é tóo máŋ gbɛɛ ŋa.

Ɉaan 13:3

Zîsɛ e gɔ̀lɔŋ a gɛɛ Nàŋ-nuui a sɛŋ kélee tɛ́ɛ bɔ a gɛɛ ǹyaŋ e kula Ɣâla yée ŋá gɛ ŋɔ́nɔ li bɔ,

Ɉaan 14:20

Maa-ɣele-kuui ti su ka pâi gɔ́lɔnîi a gɛɛ ŋ́gaa Ńâŋ kponôi, káaŋ kakɛ ƃo ŋ́gbonôi, ńyaŋ ŋ́gɛ ƃo kákponôi.

Ɉaan 16:28

Ŋá kùla Nàŋ-nuui pɔ naa ŋa pa ǹɔii su; ǹyaŋ ŋa kulâi ǹɔii su ŋa li Nàŋ-nuui pɔ.”

Ɉaan 16:33

Ŋa nyiŋi ƃó kâa a gɛɛ lii-sêe é kɛ́ káyêei ŋ́gbonôi. Ka pâi mɛni-soli kâai ǹɔii su; kɛ́lɛ, ka kálii kpéle, kpɛ́ni fêi, ńyee a tɛɛ ǹɔii ma.”

Ɉaan 17:23

Ŋ́gɛ ƃò díkponôi, yáŋ íkɛ ƃo ŋ́gbonôi, a gɛɛ dí kɛ́ kpɔ́ tɔnɔɔ, a gɛɛ ǹɔii e gɔlɔŋ ƃia ƃe ńdɛ̀ɛ, ǹyaŋ ya díwɛli yɛ̂ɛ berei í ŋ́wɛ̀li lai.

Ɉaan 17:25

Óo zɔŋ-lɛlɛ-Naŋ, ǹɔii fe niî íkɔlɔŋ ni, kɛ́lɛ, ŋa íkɔlɔŋ; ǹyaŋ nyii-ŋai ŋi dí gɔ́lɔŋ a gɛɛ yá ƃe ńdɛ̀ɛ.

Ɉaan 17:6

“Ŋa ílaâi lɛ́ zinâai dîa nyii í díkùla ǹɔii su í dítɛɛ ḿbɔi. Dí kɛ̀ a ípɔɔ, í dítɛ̀ɛ ḿbɔ, ǹyaŋ da íwooi mɛi káa.

Ɉaan 7:33

Nya ƃe Zîsɛ e mò dîa, ǹyɛɛi, “Ŋa pâi kɛ̂i kákɔlɛ a guro, à kɛ̀ ti, ŋa pâi liî ǹúui pɔ́ ńdɛ̀ɛi;

Gɛlaɠaa 3:21

Fɛ̂ɛ é lɛ́ɛ Ɣâla-taa é lɛ́ɛ la zu m̀ɛnii kélee ŋ̀aa-see é kɛ́ nyíi Ɣâla è gono tèe la ŋɔlóno kɛ́-ƃela maa waa pɔlɔ-ŋai sârai kóraŋ támaa tɛ̂ɛi pôlu mai.

Lomaŋ 12:5

mɛni ma, berei máŋ Kútamaâi lai, kúkaa a kpono tɔnɔ Kôrai su, ku ƃo ŋɔ́nɔ a kúkîe-ni woŋo.

Lomaŋ 9:17

Kpɛ́ni fêi, Ŋ̀âla-kɔlɔi a mò Feelo ma, ǹyɛɛ, “Ŋa ísiɣe zu sapoi ŋí kpîŋ ma a gɛ́ɛ ŋáwala-walai é lɛ́ íkponôi, a gɛ́ɛ ǹáa e taa-taa ǹɔii gwaa kélee.”

Korɛntə dɔlɔɔ 1:10

Ŋánûa, ŋa kákpera fêi Kúnuu-namui Zîsɛ Kôrai láai su a gɛ́ɛ kákelee ka fáa a gɛ́ɛ káfè kɛ̀ a káŋa kɔlɛɛ, kɛ́lɛ, ka kɛ́ zu tɔnɔɔ gili-ŋa-sia tɔnɔi su da mɛni-ŋa-teɛɛ tɔnɔi.

Galatə 3:28

Zûu-nuu fe ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî; kpɛ́ni fêi, kákelee kákaa tɔnɔɔ Zîsɛ Kôrai kponôi.

Ifisiɛŋ 4:4

Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Filipə 2:9

Maa-mɛni ma Ɣâla e m̀aa tɛ̂ a gɛ́tɛ, e láa see ma nyíi dɛɛ̂i láa kélee mai,

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Hebreu 9:24

Kpɛ́ni fêi, Kôrai fé lì ní gwaa maa waai ma nyíi dí gbɛtɛ a díyêei, nyíi gáa a dɔ̃yâ-kwaa maa waai ŋɔpɔɔkɔ̂ŋ, kɛ́lɛ, è lì Ɣâla-taa kpîŋ a gɛɛ é nâa kùla é tɔ́ɔ Ɣâla ŋ́ɛi kúmɛni ma.

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa-sɛŋ, gáa a Ɣâla-kpɔara-mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa-nuui, a gbîŋ kɛ̀ a Ɣâla-kpɔara-nuu.

Piɛrə dɔlɔɔ 1:5

káai Ɣâla a kámɛi kâai a ŋɔwala-walai laa-la sârai ƃalo-laa mɛni ma, nyíi gbɛtɛ̂i a gɛɛ é lɛ́ a tãi gbɛɛ ŋái.

Zɔ̂ŋ Maa-ŋuŋ 3:12

Kúfe kɛ̀ yɛ̂ɛ Kîŋ nyíi kɛ̀ a ŋ̀wana-lɔ̂ɔ-nuui pɔ́ɔi. È ǹêɣe pàa. Le-mɛni ƃe è bàa lai? Kpɛ́ni fêi, gbîŋ-tua-perei è kɛ̀ a ŋwana-lɔ̂ɔ-tua. Ǹêɣe ŋɔi kɛ́ ƃo a tûa sãa.

Zɔ̂ŋ Maa-ŋuŋ 5:19

Kú gɔ̀lɔŋ kúkaa a Ɣâla pɔ́ɔ, ǹyaŋ ǹɔii kélee káa ŋ̀wana-lɔ̂ɔ-nuui ŋɔwala-walai yée mu.

Zûu 1:1

Ńyãa Zûu, ŋ́gaa a Zîsɛ Kôrai yée-mu-nuu, ŋ́gɛ ƃo a Zĩi ǹêɣe, Diai Ɣâla è dítòli, nyíi-ŋai Ɣâla Nàŋ-nuui è díwɛli, nyíi-ŋai Ɣâla è díkɛ̀ naa Zîsɛ Kôrai mɛni mai.

Zûu 1:24

Ǹúui pɔ̂ri káa mì a gɛɛ é kákɛ káfe tooi, nyíi pɔ̂ri káa mi a gɛɛ é kálɛ ŋɔfólo-laai ŋ́ɛi-tuɛ a lii-nɛ̃ɛ, pɔ́ɔ kélee da fé kɛ̀ kâai,

M̀ɛni-lɛɛi 15:4

Gbɛ̂ɛ ƃé vé pâi yaôi yâ é ílaâi ŋɔfólo-laai maa tɛ́, Óo Kúnuu-namui? Kpɛ́ni fêi, ƃia tɔnɔ nɔ́ ƃe ímaa waâi. Lɔii-ŋuŋ kélee a pâi pâi é ífɛli, kpɛ́ni fêi, ímɛni-ŋa-teɛɛ sã́ai a lɛ́.”

M̀ɛni-lɛɛi 19:12

Ŋ̀ɛ́i káa yɛ̂ɛ ŋɔŋ-soŋ, kâloŋ-ƃɔrɔ támaa kɛ́ ƃo ŋûa. Láa è kɛ̀ a bɔ̃yɛɛ ma nyíi núu da fé gɔ́lɔŋɔɔ, fɛ̂ɛ nɔ́ ǹyaa kpîŋ.

M̀ɛni-lɛɛi 4:8

Ǹyaŋ vúlu-sãa náaŋ ŋí, nyíi-ŋai díkoôŋ káa dîa lɔ́ɔlu mɛi a tɛ̀ɛ-ŋai, díŋɛi támaa dîa, díkwaa kélee mai, dífa kpera a wule toɔɔ a ɣele-ƃɔ́ɔ da kpini, díyɛɛi, “Kúnuu-namui Ŋ̀wála-wâla kelee-Ɣalai, maa waai, maa waai, maa waai, ǹúui nyíi kɛ̀ naai, nyíi gáa naai, da nyíi pâi pâi!”