Ɉaan 12:41 - Bible

⁴¹ Azaya e nyiŋi ƃò, kpɛ́ni fêi, e ŋɔfólo-laai kàa e lono é pîlaŋ mà.

Yálá laawoo hɛɓɛ (dc)

⁴¹ Esai Jesus nwɔ mąąwiɛ kaa, ya ɓə gɛ yɛ mo la tii.

Yálá laawoo hɛɓɛ

⁴¹ Esai Jesus nwɔ mąąwiɛ kaa, ya ɓə gɛ yɛ mo la tii.

Ɉaan 12:41 ပူးပေါင်းရင်းမြစ်များ

Lukə 24:27

Nya ƃe, é síɣe Mose ma da Ɣâla ŋɔlóno-kɛ-ƃelai kélee, mɛnii Ŋ̀âla-kɔlɔi su e pîlaŋ gbîŋ mai, e zu-kulai lɛ̀ dîa.

Ɉaan 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Ɉaan 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Ɉaan 14:9

Zîsɛ e mò ma, ǹyɛɛi, “Ŋa nâa gɛ́ kákɔlɛ a tãi su kôya, ǹyaŋ ífe ŋ́gɔlɔŋ, Fele? Ǹúui a ŋ́gaai, a Nàŋ-nuui káa; ya pɔ̂ri m̀ôi leŋ, yɛɛ, ‘Nàŋ-nuui lɛ́ kûa?’

Ɉaan 5:39

Ka Ŋ̀âla-kɔlɔi su kɔ̀ri. Kpɛ́ni fêi, ka gàa kâa, nàa ƃe wɔlɔ-wɔlɔ fulu-laa káa naa, ǹyaŋ ǹyaa ƃe a ḿaa-sere-faa kɛ̀,

Gɛlaɠaa 10:43

Ɣâla ŋɔlóno kɛ́-ƃelai kélee da m̀aa sêre-faa kɛ̀ a gɛ́ɛ ǹúui à làa lai zu mɛni a pâi lɛɛ̂i ŋɔsɔnyɔ̂ŋ mɛni ma ǹyaa Zîsɛ láai sârai.”

Korɛntə veelɛ 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Piɛrə dɔlɔɔ 1:11

Dí mare-kɛɛ kɛ̀, a gɛɛ dí gɔlɔŋ le-nuu ƃe, kpaa máŋ mi-tãi ƃe Kôrai Ŋɔmɔ̂leŋ è ǹɛ díkponôi tãi dí kɛ̀ Kôrai ŋɔmɛni-soli-kaai maa-mɛni ƃôi la nàa tuɛ da volo-laai pâi lɛ̂i naa pôlui.

M̀ɛni-lɛɛi 19:10

Ǹaa pôlu mà, ŋá tòo gɔ́ɔ mu a gɛɛ ŋa vɛ̀li, kɛ́lɛ, è mò mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai da Zîsɛ ŋɔsêre-faai maa-mɛni sòŋ a gbanaŋɔɔ̂i. Ɣâla fɛli.” Kpɛ́ni fêi, Zîsɛ ŋɔsêre-faa-kɛɛi ƃa núu-kpune kɛ̀ é Ɣâla-woo ƃó.