Ɉaan 12:13 - Bible

¹³ Nya ƃe dí tóu-laa-ŋa tèe dí li berei tɔɔ̂i, díkɛ laɣi, dîyɛɛi, “Osâna! Lûwa káa ǹúui ma nyii pâi Kúnuu-namui láai sui, Eezuɛ-ŋai máŋ Díkâloŋ!”

Yálá laawoo hɛɓɛ (dc)

¹³ Di gwala laaɠaa tee diɛ paa la Jesus laa kwiɛn ɉi, diɛ kɛ mą: «Hosana! Mąąwiɛ kɛ gu Nąmu ɓa, yai pai Ną́mu Yálá laa hu, Israɛlə tɔɔmun li.»

Yálá laawoo hɛɓɛ

¹³ Di gwala laaɠaa tee diɛ paa la Jesus laa kwiɛn ɉi, diɛ kɛ mą: «Hosana! Mąąwiɛ kɛ gu Nąmu ɓa, yai pai Ną́mu Yálá laa hu, Israɛlə tɔɔmun li.»

Ɉaan 12:13 ပူးပေါင်းရင်းမြစ်များ

Azaya 44:6

Ŋ̀wála-wâla kélee Yâwɛɛ, Eezuɛ kaloŋ, nyii gáa a ŋ̀uŋ ma ƃô-nuui Ɣalai, a m̀ôi ǹyɛɛi, “Ńyãa ƃa mɛni kélee kɔ́ɔ-pilanii da gbɛɛ ŋá Ɣala. Ɣâla da kpɛ́ni fé naa é kúla ḿbôlu.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Levetekɔ 23:40

Ka kási-sãai m̀á lɛ́lɛɛ-ŋai da-ŋa siɣe, tóu laa-ŋa da wúru lâa-ŋa ká gúui kɔ́ɔ pîlaŋ la ká ƃaa kɛ́-maa tɛ́ɛ la Káɣâlai Yâwɛɛ pɔ́.

Sofoni 3:15

Yâwɛɛ a kátɔŋ-kpɛ́ maai síɣe pôlu, a kakpɔara-ƃelai kélee su kara. Eezuɛ ŋɔkâloŋ Yâwɛɛ káa ká kɔlɛ ma. Káfe ŋɔ́nɔ yòo.

Maafîu 23:39

Kpɛ́ni fêi, ŋá m̀ó kâa, káfe pâi ŋɔnɔ ŋ́gaâi é síɣe tãi ŋí ḿâ é lɛ́ɛ la zu ka m̀o kâa, ‘Lûwa káa ǹúui ma nyii pâi Kúnuu-namui láai sui.’ ”

Maafîu 27:42

“È núu da kpɛni-ŋa ƃàlo, kɛ́lɛ, va pɔ̂ri gbîŋ ƃálôi. Gáa a Eezuɛ-ŋai Díkâloŋ, tɔ́ɔ é kúla zaa-wurii ḿâ lónii mâ é pîlaŋ. Gɛ̀ ní, kwa pâi lâai la.

Ɉaan 1:49

Natɛnia e zu tòo, e m̀o ma, “Kaamɔ̂ɔ, íkaa a Ɣâla Ǹóŋ! Íkaa Eezuɛ Ŋɔkâloŋ!”

Ɉaan 12:14

Nya ƃe Zîsɛ e wɛlɛ-sôo-loŋ kâa é sée mɛi, yɛ̂ɛ berei bɔ̃yɛɛ̂i lai,

Ɉaan 12:15

“Ífe yào Zãiyɔŋ ǹóŋ-nɛni; gáa, íkâloŋ káa pâi, gáa see ni wɛlɛ-sôo-loŋ mɛi!”

Ɉaan 19:15

Dí làɣi, dîyɛɛi, “Ka lí la, ka lí la, ka gbamo saa-wuru ma!” Pâle e mò dîa, ǹyɛɛi, “Ŋá kákâloŋ kpamo saa-wuru ma?” Zâla láa soŋ-ƃela kpaya-kpayai dîyɛɛ ma, “Kâloŋ da kpɛni fe kúyêei fɛ̂ɛ Gâloŋ Siizɛ.”

M̀ɛni-lɛɛi 15:3

Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kelee-Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi-Kaloŋ!

M̀ɛni-lɛɛi 19:16

Láa è kɛ̀ a pɔ̃yɛɛ ŋɔyokpoi ma da ŋ̀wɛ́rɛ ma, nyíi kɛ̀ a kâloŋ-ŋa kélee Díkâloŋ da nuu-namela kélee Dínuu-namui.

M̀ɛni-lɛɛi 7:9

Nyíŋi pôlu ma, ŋá kpɔŋ kɛ́tɛ kàa, nyíi núu fa pɔ̂ri zu-ƃela lônoi. Dí kùla lɔii-ŋuŋ kélee su, dí kúla nuu-suu kélee su, dí kúla sii kélee su, díkɛ sii-woo kélee ƃo. Dí kɛ̀ ƃò tɔɔ ni gâloŋ-see-sɛŋ ŋ́ɛi-tuɛ da M̀ála-loŋ. Yokpo kole è kɛ́ dîa, tóu-laa kɛ́ ƃò díyêei.