Ɉaan 10:15 - Bible

¹⁵ yɛ̂ɛ berei Nàŋ-nuui e ŋ́gɔlɔŋ lai, ńyaŋ ŋ́gɛ ƃo a gɔlɔŋɔɔ̂i. Ǹyaŋ ŋá ŋáfulu-laai tɛ̀ɛ m̀ála-ŋai mɛni ma.

Yálá laawoo hɛɓɛ (dc)

¹⁵ Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Yálá laawoo hɛɓɛ

¹⁵ Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Ɉaan 10:15 ပူးပေါင်းရင်းမြစ်များ

Azaya 53:10

Yâwɛɛ a m̀ôi ǹyɛɛi, “Ńyãa ƃé gɛ̀ gɛ́ mɔ̃̀lɛ. Ŋɔsaai è kɛ̀ a sâla, ŋuŋ ma ƃô da su-mɛni lɛ̂ɛ mɛni ma. A pâi ǹônii kâai. À kɛ̀ tí ŋɔfúlu-laai su a pâi kôyaai. Yâwɛɛ ŋɔmɛni kpɛtɛɛi ŋ̀aa see pâi kɛ̂ zarâi.

Azaya 53:8

Dí zòŋ, dí lí la a gɛɛ dí bàa, ǹyaŋ núu da fé kpáaŋ ní kɛ̀ m̀aa mɛ̂ni ma. Dí bàa kúnûai dísɔnyɔ̂ŋ mɛ̂ni ma.

Danîa 9:26

Da pâi ǹúu láa túɛ-nuui ŋí paâi a góraŋ-ŋai ŋí kpɛɛ ŋá tãi ǹaa é lɛ́ɛ a vólo. Lɔii-ŋuŋ da kpɛ́ni su-ƃela láa túɛ nuu da ŋɔkɔ-kuluƃa-ŋai da pâi Zerusâlɛŋ su karâi da Ŋ̀âla-pɛrɛ Kɛ́tɛi. Kɔ́ a pâi kɛ̂i nɔ́ kɔ̂i naa yɛ̂ɛ ya fɛ̂ɛ yɛ̂ɛ berei Ɣâla è gbɛ̀tɛ lai.

Zakari 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Maafîu 11:27

Nàŋ-nuui a sɛŋ kélee tɛ́ɛ ḿbɔ. Núu da fé Nòŋ-nuui kɔ́lɔŋ fɛ̂ɛ Nàŋ-nuui, kpaa máŋ núu da fé Nàŋ-nuui kɔ́lɔŋ fɛ̂ɛ Nòŋ-nuui, bɛlɛɛ ǹúui ma nyii Nòŋ-nuui a zìɣe a gɛɛ é ǹɛ́ mài.

Maafîu 20:28

Núu-kpune Ǹóŋ fé pá ní la a gɛɛ dí tíi kɛ́ mì, kɛ́lɛ, è pà a gɛɛ é tíi kɛ́ núu-kpune mì, é ŋɔfúlu-laai tɛ́ɛ a núu támaa maa-tee-sɛŋ.”

Lukə 10:21

Maa aƃai tí su Zîsɛ líi è nɛ̀ɛ M̀ɔlêŋ Maa Waai sârai, ǹyɛɛi, “Ŋa ísɛɣɛ̂i fêi, Ńâŋ, Ɣâla-taa da ŋ̀éniɛi Su-nuu-namui, a gɛɛ ya mɛnii ŋi lóo dáre-ƃelai dîa da mɛni maa-kɔri-ƃelai, ya ǹɛ́ nîa-pɛlɛɛi dîa; é máŋ kɛ́ ti, Ńâŋ, nyíti máŋ e kɛ̀ a ínîa-mɛni lɛ́lɛɛ.

Lukə 10:22

Ńâŋ a sɛŋ kélee tɛ́ɛ ḿbɔ; núu da fé Nòŋ-nuui kɔlɔŋ fɛ̂ɛ Nàŋ-nuui, kpaa núu da fé Nâŋ-nuui kɔlɔŋ fɛ̂ɛ Nòŋ-nuui, bɛlɛɛ la ǹúui ma nyii Nòŋ-nuui a ziɣe a gɛɛ e ǹɛ mai.”

Ɉaan 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Ɉaan 10:11

Ńyãa ƃa m̀ála mɛi-kaa-nuu lɛ́lɛɛi. M̀ála mɛi-kaa-nuu lɛ́lɛɛi a ŋɔfúlu-laai tɛ̀ɛ m̀ála-ŋai mɛni ma.

Ɉaan 15:13

Wɛli-kɛ-maa da fe núu da yêei é tɛ́ɛ nyiŋi ma, a gɛɛ núu e ŋɔfúlu-laai laa ŋɔwɛ́li-ƃelai mɛni ma.

Ɉaan 17:25

Óo zɔŋ-lɛlɛ-Naŋ, ǹɔii fe niî íkɔlɔŋ ni, kɛ́lɛ, ŋa íkɔlɔŋ; ǹyaŋ nyii-ŋai ŋi dí gɔ́lɔŋ a gɛɛ yá ƃe ńdɛ̀ɛ.

Ɉaan 6:46

Ve a gɛɛ núu da a wɔ́lɔ Ǹaŋ-nuui káa, fɛ̂ɛ ǹúui nyii kùla Ɣâla yêei, ǹyaa ƃa Ǹaŋ-nuui káa.

Ɉaan 8:55

Kɛ́lɛ, káfe niî gɔlɔŋ ni; ǹyaŋ ŋá gɔ́lɔŋ. Ŋà mò kâa a gɛɛ fe gɔ́lɔŋ, ŋa pâi kɛ̂i a lɛ́ɛ-nuu yɛ̂ɛ káa; kɛ́lɛ, ŋá gɔ́lɔŋ ŋ́gɛ ŋɔwóoi lâai kɛ̀.

Galatə 1:4

nyíi gbîŋ tɛ̀ɛ kúsɔnyɔ̂ŋ mɛni ma a gɛ́ɛ é kúkula ŋ̀wana-lɔ̂ɔ ɣeniɛi ŋí su yɛ̂ɛ berei Kúnâŋ Ɣâla ŋɔnîa-mɛnii káa lai;

Galatə 3:13

Kôrai e kúŋuŋ ma ƃò dɔ̂ŋ ŋɔnáɣaŋ-laai yêei, kpɛ́ni fêi, ǹyaa kpîŋ è kɛ̀ a naɣâŋ-laa kúmɛni ma-kpɛ́ni fêi, bɔ̃yɛɛ̂i, “Naɣâŋ-laa káa núu kélee ma a sɛ̂lɛŋ wúru mai,”

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ e kúwɛli la a gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Piɛrə dɔlɔɔ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Piɛrə dɔlɔɔ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

Zɔ̂ŋ Maa-ŋuŋ 2:2

Ǹyaa kpîŋ ƃa kúsɔnyɔ̂ŋ maa-sala-sɛŋ. Vé nɔ́ kúa tɔnɔ kúsɔnyɔ̂ŋ mɛni ma, kɛ́lɛ, gáa ǹɔii kélee ŋɔsɔnyɔ̂ŋ mɛni ma.