Ɉaan 1:29 - Bible

²⁹ Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Yálá laawoo hɛɓɛ (dc)

²⁹ Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Yálá laawoo hɛɓɛ

²⁹ Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:29 ပူးပေါင်းရင်းမြစ်များ

Lɛɛ gbɔwɔ ɓa 28:38

Fɛ̂ɛ Eelɔŋ é m̀ɔrɔi ŋí sée ŋ̀ûa a tãi kélee a gɛɛ ńyãa Yâwɛɛ ŋá ńyee sée Eezuɛ-ŋai dísâla-sãai kélee mu da dɛ̀ɛ ḿbɔi, à nɛ̃ɛ ma kpîŋ ǹûai dí pɔara-maa kɛ́ a dɛ́ɛ pere ḿbɔ.

Azaya 53:10

Yâwɛɛ a m̀ôi ǹyɛɛi, “Ńyãa ƃé gɛ̀ gɛ́ mɔ̃̀lɛ. Ŋɔsaai è kɛ̀ a sâla, ŋuŋ ma ƃô da su-mɛni lɛ̂ɛ mɛni ma. A pâi ǹônii kâai. À kɛ̀ tí ŋɔfúlu-laai su a pâi kôyaai. Yâwɛɛ ŋɔmɛni kpɛtɛɛi ŋ̀aa see pâi kɛ̂ zarâi.

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Azaya 53:7

“Nûa dí mɛni nyɔmɔɔ kɛ̀ la, kɛ́lɛ vé woo nyɔ̂ŋ da pìli ní núu da ma. È kɛ̀ nɔ́ yɛ̂ɛ ƃála ƃé da liî la baa mɛ̂ni ma, kpaa máŋ ƃála ƃé da ǹéɣa têei, díniŋɔɔ, ŋ̀óo fé tɛ̂i.

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Levetekɔ 10:17

“Káfe zɔnyɔ̂ŋ sala-sɛŋ mii ní gwaa ma waai ma lé mɛni ma? Gáa a sama-sɛŋ maa Waa kɛ́tɛ ǹyaŋ Yâwɛɛ a dɛ́ɛ ípɔ Eezuɛ-ŋai dísɔnyɔ̂ŋ su mɛni lɛɛ mɛni ma.

Zakari 13:1

“Maa ɣêlei tí ya-tôŋ-ma láa a pâi ƃôi Deeƃé ŋɔpɛ́rɛi mu-ƃelai da Zerusâlɛŋ-ƃelai mɛni ma a gɛɛ é dísɔnyɔ̂ŋ waa dîa da m̀ɛni-ŋai dímaa fé waa nii.

Lonon mo 18:1

Yâwɛɛ è mò Eelɔŋ mà ǹyɛɛi, “Ka ílônii é pɛ́lɛ Livai-ŋai dísuui ma ka pâi tɔ̂ŋ-kpɛ-maa sɔlɔ ƃôi à kɛ̀ ka pɔara-maa kɛ̀ zua kɔlɔ seɣe pɛrɛ maa waai maa-tii kɛ́ɛ su. Ka ílônii nɔ́ ƃé pâi tɔŋ-kpɛ-maa sɔlɔ ƃôi à kɛ̀ kà pɔara-maa kɛ̀ kásâla-laa soŋ-tii kɛ́ɛi su.

Lonon mo 18:23

Livai-ŋai nɔ́ ƃe pâi tíi kɛ̂i zua kɔlɔ seɣe pɛrɛ maa waai mu. Maa mɛni kélee káa a díŋûa-kpiri. Dɔ̂ŋ ŋí káa ísuui su-ƃelai kélee mɛni ma wɔlɔ-wɔlɔ da wɔlɔ-wɔlɔ. Livai-ŋai díkɔ̃liŋ da kélee fé pâi kɛ̂i ma Eezuɛ.

Lonon mo 21:9

Nya ƃe Mose è ƃara-kali kpɛ̀tɛ è ǹɔ́ wúru ŋá é dɔɔ. Ǹyaŋ ǹúui kélee kali è nyìŋ é m̀ara-kalii kâai, è ƃálo.

Maafîu 1:21

Ǹyaŋ a pâi lóŋ-surɔŋ maa sɔlɔ ƃôi, nyii ya pâi ǹáa seêi a Zîsɛ, kpɛ́ni fêi, a pâi ŋɔnûai ƃâloi dísɔnyɔ̂ŋ yêei.”

Maafîu 20:28

Núu-kpune Ǹóŋ fé pá ní la a gɛɛ dí tíi kɛ́ mì, kɛ́lɛ, è pà a gɛɛ é tíi kɛ́ núu-kpune mì, é ŋɔfúlu-laai tɛ́ɛ a núu támaa maa-tee-sɛŋ.”

Ɉaan 1:35

Bôlu ma-ɣelei ŋɔ́nɔ Zɔ̂ŋ da ŋɔpôlu-ƃelai veerɛ dí kɛ̀ tɔɔ ni.

Ɉaan 1:36

È ŋ̀ɛi pîlaŋ Zîsɛ ma gɛ sia, ǹyɛɛ, “Ka Ɣâla Ŋɔƃála-loŋ káa!”

Ɉaan 1:43

Bôlu ma-ɣelei Zîsɛ e gbɛ̀tɛ gíli ŋá a gɛɛ e li Galalii. Nya ƃe e Fele kàa e m̀o ma, “Pîlaŋ ḿbôlu.”

Ɉaan 2:1

Ŋ̀ele-kûui zaaƃa-ɣelei nɛnî-kula-kuu e kɛ̀ Kena Galalii-lɔii su. Zîsɛ ǹee ǹyaŋ e kɛ̀ naa.

Ɉaan 3:16

Kpɛ́ni fêi, Ɣâla e ǹɔii wɛ̀li a ŋánaa, nya ƃe e Ǹóŋ tɔnɔi tɛ̀ɛ, a gɛɛ ǹúui kélee a laa lai, ŋuŋ la fe pâi pilîi, kɛ́lɛ, ŋwɔlɔ-wɔlɔ fulu-laai káa ǹyêei.

Ɉaan 4:42

Dí mò nɛnîi ma, dîyɛɛi, “Íwoôi ǹyaŋ mɛni ŋɔ́nɔ fe kúlâi la, kpɛ́ni fêi, kúa kpîŋ kwa ŋ̀óo mɛ́ni, ǹyaŋ ku gɔlɔŋ a gɛɛ ǹɔii Ŋɔƃálo-nuui kpîŋ ká ŋi.”

Ɉaan 6:51

Ńyãa ƃe ŋ́gaa a vulu-laa-kpoloi nyii kùla Ɣâla-taai. À kɛ̀ núu da à gbóloi ŋí mìi, a pâi kɛ̂i ɣéniɛ wɔ́lɔ-wɔlɔ da wɔlɔ-wɔlɔ. Gbóloi ǹyaŋ ŋa pâi dɛɛ̂i ǹɔii ŋɔfúlu-laai mɛni mai, gáa a ńuu.”

Gɛlaɠaa 13:39

Zarâi ƃé ǹúui kélee a lâa lai ŋ̀uŋ ma ƃoɔɔ̂i mɛni-ŋai su, nyíi-ŋai Mose ŋɔtɔ̂ŋ fa núu ŋuŋ ma ƃo zui.

Gɛlaɠaa 8:32

Gɔlɔi m̀ɛ́i è kɛ̀ naa lônoi ŋ̀óo ká kɛ̀ ŋí: “Dí lì la yɛ̂ɛ ƃála bàa mɛni ma, yɛ̂ɛ ƃála-loŋ ƃé m̀ɛi saâi díkɛ ǹéɣa tèe ma. Kɛ́lɛ vé lóno ní.

Korɛntə dɔlɔɔ 15:3

Kpɛ́ni fêi ŋá mɛnii tɛ̀ɛ kápɔ a maa-ŋuŋ, nyíi ńyãa máŋ ŋá zɔlɔ ƃôi, a gɛ́ɛ Kôrai e sàa kúsɔnyɔ̂ŋ mɛni ma yɛ̂ɛ berei Ŋ̀âla-kɔlɔi a mò lai,

Korɛntə veelɛ 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Galatə 1:4

nyíi gbîŋ tɛ̀ɛ kúsɔnyɔ̂ŋ mɛni ma a gɛ́ɛ é kúkula ŋ̀wana-lɔ̂ɔ ɣeniɛi ŋí su yɛ̂ɛ berei Kúnâŋ Ɣâla ŋɔnîa-mɛnii káa lai;

Galatə 3:13

Kôrai e kúŋuŋ ma ƃò dɔ̂ŋ ŋɔnáɣaŋ-laai yêei, kpɛ́ni fêi, ǹyaa kpîŋ è kɛ̀ a naɣâŋ-laa kúmɛni ma-kpɛ́ni fêi, bɔ̃yɛɛ̂i, “Naɣâŋ-laa káa núu kélee ma a sɛ̂lɛŋ wúru mai,”

Timote dɔlɔɔ 2:6

nyíi gbîŋ tɛ̀ɛ a núu kélee maa-tee-nuui, ǹyaŋ dí nyíŋi m̀aa sêre-faa kɛ̀ tãi ma.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Hebreu 2:17

Mɛni ma fɛ̂ɛ é kɛ́ yɛ̂ɛ m̀arâai pere-sii kélee su, a gɛɛ é kɛ́ a sâla láa soŋ-nuu kɛ́tɛ nyíi maloŋ-kâa káa ǹyêei zã́a Ɣâla ŋɔtíi su, a gɛɛ é ǹûai dísɔnyɔ̂ŋ maa-sala kula.

Hebreu 9:28

bere nɔ ƃe Kôrai nyíi gbîŋ tɛ́ɛ nɔ́ zu tɔnɔ a gɛɛ é núu támaa dísɔnyɔ̂ŋ siɣei, a pâi pâi la a tãi veerɛi. Vé pâi sɔnyɔ̂ŋ mɛni ma, kɛ́lɛ, a pâi diai ƃálôi díkaa m̀aa kpɛnii kpɔ́ a gbanaŋɔɔi.

Piɛrə dɔlɔɔ 1:19

Kɛ́lɛ, Kôrai è kámaa tèe a ŋɔŋãa-mɛni kpanaŋɔɔi yɛ̂ɛ ƃála-loŋ nyíi pɔ́ɔ kélee da fé kɛ́ ní mài.

Piɛrə dɔlɔɔ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Piɛrə dɔlɔɔ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

Zɔ̂ŋ Maa-ŋuŋ 2:2

Ǹyaa kpîŋ ƃa kúsɔnyɔ̂ŋ maa-sala-sɛŋ. Vé nɔ́ kúa tɔnɔ kúsɔnyɔ̂ŋ mɛni ma, kɛ́lɛ, gáa ǹɔii kélee ŋɔsɔnyɔ̂ŋ mɛni ma.

Zɔ̂ŋ Maa-ŋuŋ 3:5

Ká gɔ̀lɔŋ è pà a gɛɛ é sɔnyɔ̂ŋ siɣe, ǹyaŋ sɔnyɔ̂ŋ fé gbonôi.

Zɔ̂ŋ Maa-ŋuŋ 4:10

Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋɔŋãai,

M̀ɛni-lɛɛi 12:11

Dí ǹyée mɛi ɣâle M̀ála-loŋ ŋɔŋãai sârai da dísêre-faa-wooi. Kpɛ́ni fêi, dífe kɛ́ ní a díkpaaŋɔɔ dílɛ̂wo mɛni ma. Eêi kɛ́ máŋ saa eêi pɔ̂ri pâi dípɔ.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ-pìlaŋ-tãi é lɛ́ɛ serii.

M̀ɛni-lɛɛi 14:1

Ŋá Zãiyɔŋ Yeei ma kàa, M̀ála-loŋ è kɛ̀ tɔɔ ni naa, da núu wála ŋuŋ tɔnɔ pôlu buu náaŋ kao náaŋ (144,000), nyíi-ŋai M̀ála-loŋ da Ǹâŋ dílaa è kɛ̀ a bɔ̃yɛɛ dítôŋ lai.

M̀ɛni-lɛɛi 14:10

maa-nuui a pâi Ɣâla ŋɔlii-ŋwânai-ŋwã̂aii da kpelêi, ŋwã̂ai kpanaŋ nyii zu fé pu ni a yái, nyíi bûɔi Ɣâla ŋɔlii-ŋwana-kɔpui sui. Maa-nuui a pâi ŋɛi-maa-penêi sɔlɔ ƃói a ŋɔŋ da sɔɔfɔ Ŋ̀âla-taa-kela maa waai ŋ́ɛi-tuɛ da M̀ála-loŋ.

M̀ɛni-lɛɛi 14:4

Ǹûai ŋí ƃe dífe niî díkpîŋ kàra ni a lɔ̀-pɔrɔŋ kɛɛ, kpɛ́ni fêi, dí maa waai. Dia ƃe da lɛ̀ɛ M̀ála-loŋ pôlu dí li ƃɛi kélee a lî naai. Dí dímaa têe núu-kpune yêei yɛ̂ɛ sí-sɛŋ ƃá maa-ŋuŋ Ɣâla mɛni ma da M̀ála-loŋ.

M̀ɛni-lɛɛi 15:3

Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kelee-Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi-Kaloŋ!

M̀ɛni-lɛɛi 17:14

Da pâi kɔ́ pɛlɛ̂i M̀ála-loŋ mâ. M̀ála-loŋ a pâi díyee mɛi ɣálêi, kpɛ́ni fêi, gáa a nuu-namu kélee Mɛi-nuu-namu, gɛ ƃo a kâloŋ-ŋa kélee Mɛi-kaloŋ. Diai díkaa gɔlɛi, dítoliɛ̂i, dílɛɛ, dísã́a.”

M̀ɛni-lɛɛi 19:7

Kwaa lii-nɛ̃ɛ kùla kú kúkpîŋ maa tɛ́ kú fólo-laa tɛ̀ɛ bɔ̀, kpɛ́ni fêi, M̀ála-loŋ ŋɔnɛnî-kula-tãi a pá. Ǹyaŋ Ŋɔnɛnîi a gbîŋ kpɛtɛ.

M̀ɛni-lɛɛi 19:9

Nya ƃe Ŋ̀âla-taa-kelai è mò ḿâ, ǹyɛɛi, “Nyíŋi pɔ̃yɛ. Lûwa káa diai dîa da ƃɛlɛ-toli ƃò a dîa M̀ála-loŋ ŋɔnɛnî-kula-kuui maa-mii-sɛŋ mii-mɛni mai.” È mò mâ, nyɛɛi, “Ŋ̀óo-ŋai ŋí díkaa a Ɣâla ŋɔtɔ̃yâ-woo-ŋa.”

M̀ɛni-lɛɛi 21:14

Daa-leei ŋɔsiɣaŋ kɔ́ɔ pîlanii è kɛ̀ puu kao feerɛ, M̀ála-loŋ ŋɔsia-ƃela puu kao féerɛi láa pɔ̃yɛɛ dîa tɛi-tɛi.

M̀ɛni-lɛɛi 21:27

Kɛ́lɛ, sɛŋ nyíi kélee maa fé waa níi, vé pâi lîi zu, kpaa máŋ núu kélee a ŋwana-lɔ̂ɔ maa kɔ̂rii, kpaa máŋ wôya-mɛnii, kɛ́lɛ, fɛ̂ɛ nɔ́ diai dílaa pɔ̃yɛɛ̂i M̀ála-loŋ ŋɔfúlu-laa-kɔlɔi sui.

M̀ɛni-lɛɛi 21:9

È kɛ̀ tí, ŋá Ŋ̀âla-taa-kela lɔ́ɔlu mɛi féerɛi dɔnɔ kàa, nyíi-ŋai zɛŋ-folo lɔ́ɔlu mɛi féerɛi è kɛ̀ díyêei ǹáa fɛ́ɛ a mɛni-kpɔlu-sii lɔ́ɔlu mɛi féerɛi gbɛɛ ŋái, é m̀ó mâ, nyɛɛi, “Pá, ŋa pâi ǹɛnîi lɛ̀i yâ nyíi gáa a M̀ála-loŋ Ŋɔnɛnîi.”

M̀ɛni-lɛɛi 5:6

Ŋá ƃála-loŋ tɔnɔ kàa tɔɔ ni gâloŋ see-sɛŋ da vúlu-sãa náaŋ é pɛlɛ ǹúu-pɔlɔ-ŋai dîa díloai. È kɛ̀ tɔɔ ni naa yɛ̂ɛ ǹyaa ƃe dí bàa, míla kɛ́ ƃo ŋ̀ûa lɔ́ɔlu mɛi feerɛ, ŋɛi-kao kɛ́ ƃo lɔ́ɔlu mɛi feerɛ, nyíi-ŋai díkaa a mɔ̂leŋ lɔ́ɔlu mɛi féerɛi Ɣâla è dítɛ̀ɛ ǹɔii kélee sui.

M̀ɛni-lɛɛi 5:8

Tãi è gɔlɔi kûla la ǹyêei, vúlu-sãa náaŋ da ǹúu-pɔlɔ buu feerɛ kao náaŋ dí tòo M̀ála-loŋ kɔ́ɔ mu, ǹúui kélee kɔnîŋ kɛ́ ƃo díyêei da gôo-pane-ŋa, kereŋ-sɛŋ kúŋ nɛ̃ɛ kɛ́ ƃo dísu, nyíi gáa a Ɣâla-ƃela Díɣâla-fɛliɛɛi.

M̀ɛni-lɛɛi 6:1

È kɛ̀ tí, ŋá M̀ála-loŋ kàa é gɔlɔ lá tɛ-sãa lɔ́ɔlu mɛi féerɛi dɔnɔ lá ƃo. Ŋá vúlu-sãa náaŋ dɔnɔ wóo mɛni yɛ̂ɛ ŋele-gbana tíŋ, nyɛɛi, “Pá!”

M̀ɛni-lɛɛi 6:16

Díkɛ ǹyée-ŋai tòli da gɔni-ŋai, díyɛɛi, “Ka too kûa ká kúloo kú siɣe ǹúui ŋɛ́i gáa see ni gâloŋ-see-sɛŋ ŋái, da M̀ála-loŋ ŋɔlii-ŋwanai.

M̀ɛni-lɛɛi 7:14

Ŋá mò mà, nyɛɛi, “Ńâŋ, í gɔlɔŋ.” Nya ƃe è mò mà, nyɛɛi, “Diai dí kùla mɛni-kpɔ̂lu kɛ́tɛi sui, dia ká ŋí. Da díyokpo-ŋai wáa da díkole M̀ála-loŋ ŋãai su.

M̀ɛni-lɛɛi 7:17

Kpɛ́ni fêi, M̀ála-loŋ gáa gâloŋ-see-sɛŋ samai, a pâi kɛ̂i a diai a m̀ála-ŋai dímɛi-kaa-nuu., É tɔ́ɔ dítuɛ é lí a dia vúlu-laa ya-loŋ lá. Ǹyaŋ Ɣâla a pâi díŋɛi-ya kélee kɔɔ̂i díŋɛi.”