Ɉaan 1:14 - Bible

¹⁴ Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Yálá laawoo hɛɓɛ (dc)

¹⁴ Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Yálá laawoo hɛɓɛ

¹⁴ Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:14 ပူးပေါင်းရင်းမြစ်များ

Mąątɛ̨nɛ̨ 2:7

Gâloŋ è m̀o ǹyɛɛi, “Ŋa pâi Yâwɛɛ ŋɔtɔ̂ŋ maa mɛ̂ni toôi a lolo.” Yâwɛɛ è m̀o ḿâ ǹyɛɛi, “Ńyãa ƃe ímaa sɔlɔ ƃô. Yâa sâa kɛ́ a nóŋ.

Mąątɛ̨nɛ̨ 45:2

Yá ƃa zurɔ̂ŋ lɛ́lɛɛi ŋ̀éniɛi su sinaai kélee sáma. Ya lôno a zu ponoɔɔ. M̀ɛni ma, Ɣâla a lûwa láa yâ wɔ́lɔ-wɔlɔ da wɔ́lɔ-wɔlɔ.

Mąątɛ̨nɛ̨ 85:9

Gbîŋ kpɛtɛɛi kpɔ́ a tɔ̃yâ a gɛɛ é diai ŋuŋ ma ƃó da vɛlii, gɛ́ ƃò díkɔlɛ ma a ɣele kélee.

Azaya 40:5

À kɛ̀ tí, Yâwɛɛ ŋɔfólo-laai a pâi lɛ̂i, ǹyaŋ núu kélee a pâi gâai. Yâwɛɛ ǹyaa kpîŋ ƃé m̀o tí.”

Azaya 53:2

Yâwɛɛ ƃé gɛ̀ ŋɔtíi kɛ́-nuui kɛ́ ƃûu ƃò yɛ̂ɛ sí-sɛŋ ƃé lɔii lɛ́lɛɛ ma. Gbɛtɛ-pêre fé kɛ́ ní sɛŋ nyii núu a gàa, ǹíi mu é síɣe m̀ɛni ma. Sɛŋ da fé kɛ́ ní m̀a nyíi a pɔ̂ri núu da líi kulâi.

Azaya 7:14

M̀ɛni ma, Ǹuu-namui ǹyaa kpîŋ a pâi ŋɛi-kɛ-maa sîi da kɛ̂i káŋɛi. Nɛnî-kpela tɔnɔ da a pâi koo siɣêi é lóŋ-surɔ̂ŋ maa sɔlɔ ƃó. Da pâi ǹáa seêi a Imayuwɛ.

Izikiɛ 37:27

Ŋa pâi kɛ̂i dísama. Ŋa pâi kɛ̂i a Díɣâla dia máŋ díkɛ ƃò a ŋánûa.

Maafîu 1:16

Zeeka kɛ́ ƃò a Zosɛ ǹâŋ, nyii kɛ̀ a Mere ŋɔsurɔ̂ŋ, nyii Zîsɛ sɔlɔ ƃô da kɛ̂ mà Kôrai.

Lukə 2:11

kpɛ́ni fêi, sâa da Káƃalo-nuui maa sɔlɔ ƃó Deeƃé ŋɔtaai su, nyii gáa a Kôrai, Kúnuu-namui.

Lukə 2:7

Nya ƃe m̀aa è fùloŋ a ŋɔlóŋ-surɔŋ vulɔ-fúlɔi. È seɣe-wã̂aŋ kpìniŋ la, é ǹáa kala kpâla ŋá niŋa laa-mii-gãla su. Kpɛ́ni fêi, dílaâi fé kɛ́ ni naa ŋɔ̃yâ-laa-pɛrɛi mu.

Lukə 9:32

Nya ƃe, Pitɛ da diai kɛ̀ gɔlɛi, díŋɛi-kɔlɔŋ e kɛ̀ a ŋwiɛɛ a nyii, kɛ́lɛ, dí kɛ̀ a díŋɛi lá ƃoɔ. Dí ŋɔfólo-laai kâa da gbakolo feerɛi kɛ̀ tɔɔ ni gɔlɛi.

Ɉaan 1:1

Gɔ́ɔ pîlanii Ŋ̀óoi è kɛ̀ naa. Ŋ̀óoi ǹyaŋ è kɛ̀ Ɣâla kɔlɛ. Ǹyaŋ Ŋ̀óoi è kɛ̀ a Ɣâla.

Ɉaan 11:40

Zîsɛ e mò ma, ǹyɛɛi, “Kɛrɛ̂e, ŋá mò yâ, a gɛɛ yà làa la ya pâi Ɣâla ŋɔfólo-laai kâai?”

Ɉaan 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Ɉaan 14:9

Zîsɛ e mò ma, ǹyɛɛi, “Ŋa nâa gɛ́ kákɔlɛ a tãi su kôya, ǹyaŋ ífe ŋ́gɔlɔŋ, Fele? Ǹúui a ŋ́gaai, a Nàŋ-nuui káa; ya pɔ̂ri m̀ôi leŋ, yɛɛ, ‘Nàŋ-nuui lɛ́ kûa?’

Ɉaan 17:22

Volo-laai nyii ya dɛ́ɛ ḿbɔi ŋa dɛɛ dípɔ, a gɛɛ dia máŋ dí kɛ́ tɔnɔɔ yɛ̂ɛ berei la kúkaa la tɔnɔɔi.

Ɉaan 17:24

Ńâŋ, ŋa ŋ̀wɛ̂lii a gɛɛ dia máŋ nyii-ŋai ya dítɛɛ ḿbɔi dí kɛ́ ŋ́gɔlɛ ƃɛi ŋa naai, a gɛɛ dí ŋáfolo-laai káa nyii ya dɛɛ ḿbɔi íwɛli-laai su ḿaa-mɛni ma ŋ̀éniɛi e lɛɛ pâi kɛ̂i.

Ɉaan 18:37

Pâle e m̀arê kɛ̀, ǹyɛɛi, “Gɛ̀ ní kâloŋ ƃa yá, Kɛrɛ̂e?” Zîsɛ e zu tòo, ǹyɛɛi, “Ya mò a gɛɛ ŋ́gaa a kâloŋ. Nyiŋi mɛni ƃe dí ńzɔlɔ ƃô la, nyiŋi mɛni ƃe ǹyaŋ ŋa bá kɛ̀ ǹɔii su, a gɛɛ ŋá dɔ̃yâi maa-sere-faa kɛ́. Núu nyii kélee gáa dɔ̃yâi mai a ŋ́oo mɛni.”

Ɉaan 2:11

Zîsɛ ŋɔŋɛi-kɛ-maa-ŋa kɛɛi maa-ŋuŋ ká ŋi e gɛ̀ Kena, Galalii-lɔii su é ŋɔfólo-laai lɛ́, ǹyaŋ ŋɔpôlu-ƃelai dí laa la.

Ɉaan 3:16

Kpɛ́ni fêi, Ɣâla e ǹɔii wɛ̀li a ŋánaa, nya ƃe e Ǹóŋ tɔnɔi tɛ̀ɛ, a gɛɛ ǹúui kélee a laa lai, ŋuŋ la fe pâi pilîi, kɛ́lɛ, ŋwɔlɔ-wɔlɔ fulu-laai káa ǹyêei.

Ɉaan 3:18

Ǹúui nyii a lâa lai, tɔ̂ŋ fe mà, kɛ́lɛ, ǹúui nyii va lâa lai, tɔ̂ŋ puɔɔ̂i mà nâa, kpɛ́ni fêi, ve niî Ɣâla Ǹóŋ tɔnɔi láa siɣe ni a tɔ̃yâ.

Ɉaan 6:51

Ńyãa ƃe ŋ́gaa a vulu-laa-kpoloi nyii kùla Ɣâla-taai. À kɛ̀ núu da à gbóloi ŋí mìi, a pâi kɛ̂i ɣéniɛ wɔ́lɔ-wɔlɔ da wɔlɔ-wɔlɔ. Gbóloi ǹyaŋ ŋa pâi dɛɛ̂i ǹɔii ŋɔfúlu-laai mɛni mai, gáa a ńuu.”

Ɉaan 8:32

Ǹyaŋ ka pâi dɔ̃yâi kɔ́lɔnîi, dɔ̃yâi ǹyaŋ a pâi káŋuŋ ma ƃôi.”

Gɛlaɠaa 13:33

Gono-teei ŋí Ɣâla a ŋ̀aa-see kɛ́ kûɛ, kúai kúkaa a kúnâŋ pɔlɔ-ŋai dílônii. È nyíŋi kɛ̀ a Zîsɛ mu siɣeɛ mì saa yêei, yɛ̂ɛ berei máŋ bɔ̃yɛɛ̂i la ŋ̀ule-wooi veerɛi sui, ǹyɛɛi, ‘Íkaa a Ńoŋ. Sâa ŋa ímaa sɔlɔ ƃó.’

Lomaŋ 8:3

Kpɛ́ni fêi, Ɣâla a mɛnii kɛ́ nyíi Dɔ̂ŋ fa pɔ̂ri gɛ̂i nyíi kúkpîŋ tua-perei e zu saai. È ǹyaa kpîŋ-Loŋ tɛɛ a gɛ́ɛ gbono e kɛ́ ma yɛ̂ɛ kúkpono nyíi ǹáa fɛɛ̂i a sɔnyɔ̂ŋ a gɛ́ɛ e saa sɔnyɔ̂ŋ mɛni ma. Berei-sii ŋí su ƃe e sɔnyɔ̂ŋ su kara la núu-kpune kpîŋ-tua-pere su,

Lomaŋ 9:5

dia ƃe nàŋ-ƃela pɔlɔ-ŋai díkaa a dínâŋ-ni, ǹyaŋ Kôrai é kúla dísîi su yɛ̂ɛ berei díkaa-pere káa lai. Gáa a Ɣâla nyíi gáa sɛŋ kélee mɛi. Lûwa é kɛ́ mà wɔlɔ-wɔlɔ da wɔlɔ-wɔlɔ. É kɛ́ ti.

Korɛntə dɔlɔɔ 15:47

Ǹúui maa-ŋuŋ è kùla ǹɔii su, dí gbɛtɛ a pɔ́rɔ; ǹúui veerɛi è kùla Ɣâla-taa.

Korɛntə veelɛ 12:9

kɛ́lɛ, e mò mâ, ǹyɛɛi, “Ŋáƃɛlɛ-sêei támaâi ímɛni ma, kpɛ́ni fêi, ŋáwala-walai maa waâi fii-kpɛɛ su.” Mɛni ma lii-nɛ̃ɛ kɛ́tɛ su ŋa pâi yoŋka teêi ŋáfii-kpɛɛ-ŋai su a gɛ́ɛ Kôrai ŋɔwála-walai é kɛ́ ḿɛi.

Galatə 4:4

Kɛ́lɛ, tãi kpîŋ páai, Ɣâla e Ǹóŋ tɛ̀ɛ, nyíi nɛnî e zɔlɔ ƃôi. E pà dɔ̂ŋ yée mu. E pà a gɛ́ɛ e diai maa tée dí kɛ̀ dɔ̂ŋ mui,

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Kolosə 1:19

Kpɛ́ni fêi, Ɣâla e ŋ̀wɛli a gɛ́ɛ Ŋɔɣâla-laai kélee é kɛ́ gbonôi.

Kolosə 2:3

nyíi táre ŋɔtɔɔ-laai kélee da mɛni kɔlɔŋɔɔ díloɔɔ̂i gbonôi.

Kolosə 2:9

Kpɛ́ni fêi, Ɣâla Ŋɔɣâla-laai kélee káa gbonôi.

Timote dɔlɔɔ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ: E gbîŋ lɛ̀ núu-kpune kɛ-pere su, Ɣâla e fâa Ŋɔmɔ̂leŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é dɛ́ la folo-laa su.

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Hebreu 1:5

Ŋ̀âla-taa-kelai nênɛ ƃe Ɣâla a wɔ́lɔ m̀ó ma, “Íkaa a Ńôŋ, ŋa sâa ímaa sɔlɔ ƃói”? Kpaa máŋ, “Ŋa pâi kɛ̂i a ǹâŋ, ǹyaŋ é kɛ́ a ńôŋ”?

Hebreu 10:5

Nyíŋi mɛni ma, tãi Kôrai è pà la ŋ̀éniɛi sui, è mo, nyɛɛi, “Ífe sâla-kúlaa da sama-sɛŋ wɛ̂li ní, kɛ́lɛ, í kpono kpɛtɛ ḿɛni ma.

Hebreu 2:11

Ǹúui a núu maa waai da diai a dímaa waai díkelee dí kùla kwaa tɔnɔ ma. Mɛni ƃe va ŋumɛ la a dítoliɛ a m̀arâai.

Hebreu 5:5

Mɛni ma Kôrai máŋ fé gbîŋ maa tɛ́ ní a gɛɛ é kɛ́ a sâla láa soŋ-nuu kɛ́tɛ, kɛ́lɛ, Ɣâla ƃe ǹɛ, nyíi mò ma, ǹyɛɛ, “Íkaa a Ńoŋ, sâa ŋa ímaa sɔlɔ ƃó.”

Zɔ̂ŋ Maa-ŋuŋ 4:14

Ǹyaŋ kwa gáa, kwa maa-seri-faa kɛ́ a gɛɛ Nàŋ-nuui è Nòŋ-nuui tɛ̀ɛ a gɛɛ é kɛ́ a ǹɔii-Ƃalo-nuu.

Zɔ̂ŋ Maa-ŋuŋ 4:9

Berei-sii ŋí ƃe Ɣâla è ŋɔwɛli-kɛ-maai lɛ̀ naa kûa. È Ǹóŋ tɔnɔi tɛ̀ɛ ǹɔii su a gɛɛ fulu-laa é kɛ́ kúyêei zarâi.

Zɔ̂ŋ Veerɛi 1:7

Núu-pɛlɛ-ƃela támaa da lí ǹɔii sú, dia ƃa ǹûai dífa fâa Zîsɛ Kôrai pá mɛni ma núu-kpune kponôi. Ǹúu-sii-ŋai ŋí ƃe díkaa a ǹúu-pɛlɛ-ƃelai da Kôrai ŋɔtɔɔ-maa-ƃelai.

M̀ɛni-lɛɛi 19:13

Maa ɣiriɛi a ǹyokpoi nyíi da wɔ́lɔ ǹɔ́ ŋãa sui. Ǹáai da dòli lai gáa a Ɣâla Ŋɔwóoi.

M̀ɛni-lɛɛi 21:3

Nya ƃe ŋá wóo su kɛ́tɛ mɛ̀ni é kúla gâloŋ see-sɛŋ ma, nyɛɛi, “Gáa, Ɣâla-kɛi káa núu-kpune sama. A pâi kɛ̂i dísama, dí kɛ́ a ŋɔnûa, ǹyaŋ Ɣâla ǹyaa kpîŋ a pâi kɛ̂i dísama é kɛ́ a Díɣâla.