Izikiɛ 9:4 - Bible

⁴ Yâwɛɛ è mò m̀a ǹyɛɛi, “Lí Zerusâlɛŋ taa-leei su gwaa kélee í pɔɔ kɛ́ ǹûai tôŋ-la nyii-ŋai dílii toɔ̂ɔi pôlu díkɛ wɔ́lɔ kpɛ́ni fêi da m̀ɛni nyɔmɔɔ sãŋ ŋí kɛ́ daa-leei sui.”

Yálá laawoo hɛɓɛ (dc)

⁴ Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Yálá laawoo hɛɓɛ

⁴ Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Izikiɛ 9:4 ပူးပေါင်းရင်းမြစ်များ

Zɛnɛse 4:15

Yâwɛɛ è mò ma ǹyɛɛi, “Vé tí. Ǹúui kélee pâi í paâi, núu lɔ́ɔlu mɛi feerɛ a pâi saâi ŋɔsuui su.” Nya ƃe Yâwɛɛ è pɔ́ɔ kɛ̀ Kîŋ ma a ŋɛi-kɛ-maa a gɛɛ núu kélee à gàa, vé bàa.

Tɔɔɓɛlaa veelɛ 22:13

“Ka lí ká Yâwɛɛ marê kɛ́ lé ƃé a ŋ̀wɛ̂lii a gɛɛ kú gɛ́i? Ńâai la Yâwɛɛ líi a pɔri kɛ̂i a ŋwánaa ḿâ da diai kélee díkaa Zuda lɔii sui, kpɛ́ni fêi, kúnûa pɔlɔ-ŋai dífe dɔ̂ŋ-ŋai ŋí mɛi káa ní, dí ma tûa kɛ́ nyii-ŋai díkaa gɔlɔi ŋí su, dí lɛ́lɛɛ kúmɛni mai.”

Mąątɛ̨nɛ̨ 119:136

Ŋa wɔ̂lɔi kpɔ́ a ŋánaa, kpɛ́ni fêi ǹûai dífa díwoli tɔ̀ɔ ítɔ̂ŋ-ŋai dîa.

Mąątɛ̨nɛ̨ 119:53

Tãi ŋa ŋ̀wana-lɔ̂ɔ-ƃelai kâa la díkɛ ítɔ̂ŋ kàrai, ńii a ŋwâna a ŋánaa.

Lɛɛ gbɔwɔ ɓa 12:13

Ŋãai a pâi kɛ̂i a ŋɛi-kɛ-maa kámɛni ma bɛ́rɛ-ŋai ma kákaa mui. Ǹyaŋ tãi ŋà ŋãai kâa lai, ŋa pâi tɛɛ̂i kámɛi, gɛ̀ ní saa kɔlɔ-fela fé pâi kásonîi é kásu kara a tãi ŋa pâi Ize lɔii su karâi lai.

Lɛɛ gbɔwɔ ɓa 12:23

Kpɛ́ni fêi, Yâwɛɛ a pâi tɛɛ̂i Ize lɔii su é Ize-ŋai páa. Ǹyaŋ tãi a pâi ŋãai kâai la gboŋ falaŋ-ŋai da gbôŋ soŋ-wûru-ŋai diai, a pâi tɛɛ̂i kápɛrɛ-ŋai dîa. Vé pâi ǹɛɛ̂i naa zaa kɔlɔ-felai é lɔ́ kápɛrɛ-ŋai mu é núu da pàa naa.

Lɛɛ gbɔwɔ ɓa 12:7

Bɛ́rɛ-ŋai da pâi m̀ála-lonii miî dímui, fɛ̂ɛ dí m̀ála-ŋãai da sia dí kpôŋ soŋ-wûru-ŋai dîa.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Ɉeremi 13:17

Kɛ́lɛ, à kɛ̀ ká fé pâi ká wóli tɔɔ̂i, gɛ̀ ní ŋa pâi wɔ̂lɔi loo-pere su ká su-mɛni kɛ̂tɛi mɛ̂ni ma. Ŋá pâi wɔ̂lɔi kpɔ́ a ŋánaa, ŋ́ɛi-ya kɛ́ pù, kpɛ́ni fêi, Yâwɛɛ ŋɔnûai da pâi liî kɔ-sôŋ pere su.

Izikiɛ 21:6

“Nuu kpune ǹóŋ, ye nyíɛ yɛ̂ɛ sɛŋ ƃé ílii a kɛ a doɔɔ pôlu. Ye nyiɛ yɛ̂ɛ sɛŋ ƃé malôŋ a kɛ tooi yá ǹûai kélee díkɛ í kaa.

Izikiɛ 6:11

Yâwɛɛ Ɣâla è mò ǹyɛɛi, “Ka káyee-ŋa lokwa, ka kákɔɔ pîlaŋ ǹɔii ma ká mò kaai áao Eezuɛ-ŋai dímɛni nyɔmɔ-ŋai mɛ̂ni ma. Kpɛ́ni fêi da pâi lɛɛ̂i mòa-sɔkpɔi mu, puru é dípaa, kɔlɔ-fela é dísoŋ.

Izikiɛ 9:5

Nya ƃe Ɣâla è mò ǹûai gbeli-ŋai dîa ǹyɛɛi, “Káa máŋ ka lɛɛ dípôlu ká tɛɛ daai samai ká dípaa. Káfe dítɔnɔ kpîŋ da lɛɛ kpaa máŋ ká dímaloŋ kaa.

Izikiɛ 9:6

Ka ziɛ-pɔ̂lɔ-ŋai, naŋa-tɔ̂ɔ-ŋai da ǹɛnî-kpela-ŋai, nîa-pɛlɛɛ-ŋai da nɛyãai kélee kpɔ́ páa. Kɛ́lɛ káfe diai tí bɔɔi káa dítôŋ-lai dɔnɔ kpîŋ pàa. Ka m̀ɛnii ŋí kɔ́ɔ pîlaŋ ŋápɛrɛi la.” Nya ƃe dí nâa pɛ̀lɛ ǹúu-pɔ̂lɔ-ŋai kɛ̀ tɔɔ̂ni Ŋ̀âla-pɛrɛ Kɛ́tɛi ŋɛ́i túɛi paá ma.

Amɔsə 6:6

Ka ŋwã̂ai kpèle ƃôri-ŋa su, kákɛ wúlɔ lɛ́lɛɛ sìa kâa, kɛ́lɛ Zôse ŋɔsuui su-kara mɛni maa-kpaaŋ fé kâa!

Sofoni 1:12

“Maa ɣêlei tí ŋa pâi Zerusâlɛŋ maa kpɛɛ̂i a lâŋpo, ŋa diai kɔ́ri ŋa dí kula maa kɛ́ nyii-ŋai dílii lâai dísɔnyɔ̂ŋ sui, da diai dífe kpáaŋ ní ḿaa mɛ̂ni mai. Ŋa pâi diai kula maa kɛ̂i da mò dîyɛɛ, ‘Yâwɛɛ fé pâi mɛni da kɛ̂i a kúai.’

Sofoni 3:18

yɛ̂ɛ da kɛ̀ kúu kɛ̂i.” Yâwɛɛ è mò ǹyɛɛ, “Ŋa pâi íkulâi mɛni-kpɔ̂lui su a gɛɛ ífe ŋɔ́nɔ tɔŋ-kpɛ́-maa sɔlɔ ƃô.

Malasi 3:16

Diai yào Yâwɛɛ mai, dí lòno díkîe-ni pɔ́. Yâwɛɛ è ŋ̀óli tɔ̀ɔ é díwoo mɛ́ni, ǹyaŋ diai yào Yâwɛɛ ma dí ƃaa-kɛ́-maa tɛ́ɛ bɔ́i, dí kili-too-ŋa-kɔlɔ pɔ̃̀yɛ a dílaa.

Korɛntə veelɛ 1:22

A ŋɔŋɛi-kɛ-maai kɛ́ kûa. A Ŋɔmɔ̂leŋ tɛ́ɛ kúpɔ kúlii-ŋai su yɛ̂ɛ kono-tee-woo.

Korɛntə veelɛ 12:21

Ŋ́gaa yáôi a gɛ́ɛ ŋà pà ŋɔ́nɔ Ŋáɣâlai a pâi ḿaa yenîi káŋɛi. Ǹyaŋ tãi da fɛ̂ɛ ŋá wɔ́lɔ diai da sɔnyɔ̂ŋ kɛ́ a maa-ŋuŋ dámaa mɛni ma, nyíi-ŋai dífe niî dípôlu tɔ̂ɔni mɛni-maa-liƃiɛ-ŋa dia, wulu-wulu kɛ́ɛ, da wolii-kpɔlɔ, nyíi-ŋai da m̀aa kɔ́rii.

Galatə 6:17

É síɣe tãi ŋí ma núu da fé ŋɔ́nɔ ḿvũa-fũa; kpɛ́ni fêi, Zîsɛ pɔ́ɔ káa ŋ́gbono ma.

Ifisiɛŋ 4:30

Káfe Ɣâla Ŋɔmɔ̂leŋ Maa Waai líi sòli, nyíi kálɛ-mɛnii su kpanaŋ ŋuŋ-ma-ƃo-ɣelei mɛni mai.

Timote veelɛ 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

M̀ɛni-lɛɛi 14:1

Ŋá Zãiyɔŋ Yeei ma kàa, M̀ála-loŋ è kɛ̀ tɔɔ ni naa, da núu wála ŋuŋ tɔnɔ pôlu buu náaŋ kao náaŋ (144,000), nyíi-ŋai M̀ála-loŋ da Ǹâŋ dílaa è kɛ̀ a bɔ̃yɛɛ dítôŋ lai.

M̀ɛni-lɛɛi 20:4

Ǹaa pôlu mà, ŋá kâloŋ-see-sãa kàa, ǹyaŋ diai kɛ̀ see ni díŋai, dia ƃe kɛ̀ a ǹûai dí wala-wala-laa tɛ̀ɛ dípɔ a gɛɛ dí mɛni ŋá tee. Diai dí díŋuŋ têe Zîsɛ maa-sere-faa kɛ-mɛni ma da Ɣâla ŋɔwóoi, ŋá dímɔ̂leŋ kâa da diai dífe zuai fɛli nii, kpaa máŋ dífe zua-pɔɔkɔ̂ŋ fɛli nii, zuai pɔ́ɔ fé tela dítôŋ lá, kpaa máŋ díyee ŋái. Dí pà pôlu ŋɔ́nɔ fulu-laa su, da Kôrai-ni dí kɛ-mɛi-laa kɛ́ a kóraŋ wála tɔnɔ (1,000).

M̀ɛni-lɛɛi 9:4

Dí mò dîa a gɛɛ dífe lɛɣɛ ǹɔii su-kala kélee da ma, kpaa máŋ tuma-laa-sii kélee, kpaa máŋ wúru da kélee, kɛ́lɛ, fɛ̂ɛ nɔ́ diai Ɣâla ŋɔkɔlɔ lá tɛ-sɛŋ da fé kɛ́ ní dítôŋ lái.