Izikiɛ 8:18 - Bible

¹⁸ M̀ɛni ma ŋa pâi ńii ŋwânai ŋá díkula maa kɛ̀. Ḿve pâi dísɔnyɔ̂ŋ-ŋai su mɛ̂ni lɛɛ̂i kpaa máŋ ŋá díŋɛi malôŋ kâa. A nɛ̀ɛ ma díwɔlɔ a ɣelêi pere, ḿve pâi ŋ́oli tɔɔ̂i díwɔlɔ-wôo ma.”

Yálá laawoo hɛɓɛ (dc)

¹⁸ Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Yálá laawoo hɛɓɛ

¹⁸ Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Izikiɛ 8:18 ပူးပေါင်းရင်းမြစ်များ

Hanwon 1:28

m̀aa tãi tí ƃé ka pâi táre maa mare-kɛɛ kɛ̂i la, kɛ́lɛ fé pâi káwoo su toôi. Ka pâi ŋ́gɔ̂rii kwaa kélee mà, kɛ́lɛ káfe pâi ŋ́gâai.

Azaya 1:15

“A nɛ̃ɛ ma kpîŋ ká kɛ́ ḿvɛ̀li, kákɛ káyee tɛ̀ ɣelêi, ŋa pâi ŋɛ́i loôi kâa, kpɛ́ni fêi, ŋãa támaa káa káyee ma.

Azaya 59:1

Ka gɔ́lɔŋ a gɛ́ɛ sɛŋ da fé naa nyíi a Yâwɛɛ perêi kpàaŋ núu da ŋuŋ ma ƃó mɛni ma, kpaa máŋ ŋ̀óli tíniŋɔɔ, va ká fɛli-wôoi mɛ̂ni.

Azaya 59:2

Kɛ́lɛ kásɔnyɔ̂ŋ ƃa gɛ́ ka Káɣâlai ni kámaa a kôya gîe ma. Kásɔnyɔ̂ŋ a gɛ́ a ŋ̀ɛ́i lóo kâa, kà kɛ̀ vɛlîi, va káwoo su tòo.

Ɉeremi 11:11

M̀ɛni ma, ŋa pâi pâi a mɛni nyɔ́mɔɔ dîa nyíi dífe pâi pɔrîi kulâi zu. A nɛ̃ɛ ma díwɔlɔ ḿâ, ḿve pâi ŋ́oli tɔɔ̂i dîa.

Ɉeremi 14:12

A nɛ̃ɛ ma kpîŋ dísûŋ siɣe, ḿve pâi ŋ́oli tɔɔ̂i díwɔlɔ-woo ma. A nɛ̃ɛ ma kpîŋ díkereŋ-sala da mii-sɛŋ sala kula, ḿve pâi ńyee seêi dímu. Kɛ́lɛ, ŋa pâi dípaâi a kɔ́, puru su kɛ́tɛ da kɔlɔ-fela nyɔ́mɔɔ.”

Ɉeremi 23:39

ŋa pâi dísiɣêi ŋá dípili kpɔ́ kwaa kôyaa ma. Ŋa pâi gɛ́i tí a dia é pɛ́lɛ daa lêei ma ŋá dɛ̀ɛ dípɔ da dínâŋ-pɔlɔ-ŋai.

Ɉeremi 44:3

kpɛ́ni fêi, dínûai dí mɛni nyɔ́mɔ kɛ̀, dí gɛ́ ŋá ńii ŋwána dîa. Dí sâla kùla ɣâla da kpɛ́ni-ŋa dîa, dí kɛ́ ɣâla pɔkɔɔŋ-ŋa fɛ̀li nyíi-ŋai dífe gɔ́lɔŋ, ífe gɔ́lɔŋ, kpaa máŋ dínuu-pɔlɔ-ŋai.

Ɉeremi 44:6

M̀ɛni ma, ŋá ńii ŋwàna kpɔ́ Zuda taa-ŋai dîa da bere-ŋai díkaa Zerusâlɛŋ. Ŋá ŋɔŋ tôo dîa naa é lɛ́ɛ a bûŋ. Ǹaa è lɛ̀ɛ a yao ma kwaa ma é lɛ́ɛ la zu é seri sâa ma.

Woolaa 1:5

Ŋɔkpɔara-ƃelai da kɛ́ a m̀ɛi-ƃela. Lii-sɛlɛŋ fé ŋɔ́nɔ dîa. Ɣâla Yâwɛɛ a lii-too pôlu támaa tɛ́ɛ bɔ́ ŋɔsɔnyɔ̂ŋ ŋánaai mɛni ma. Ǹônii da kɛ́ a lɔii-ŋuŋ da kpɛ́ni-ŋa su-ƃela díkpɔara-ƃelai yêei.

Woolaa 2:17

M̀ɛnii Yâwɛɛ è gbɛ̀tɛi, aâ gɛ́. Aâ ŋ̀óoi ŋ̀aa-see kɛ́ nyii è m̀aa kôno-tee kɛ̀ kóraŋ támaa tɛɛ pôlu mai. È ísu kàra, vé íŋɛi malôŋ káa ní. È gɛ̀ íkpɔara-ƃelai dí íyee mɛi ɣále, dí sée ímɛi.

Izikiɛ 16:42

À kɛ̀ tí, ŋá lii-ŋwanai a pâi kperai, ḿva tolo kula kâa. Ŋa pâi m̀ɛi-saai. Ḿva ŋɔ́nɔ ǹíi ŋwana kâa.

Izikiɛ 23:25

Ńii ŋwãnâi yâ, m̀ɛni m̀a ŋá pâi gɛ̂i dí í kula maa kɛ́ a lii-ŋwã̂na. Da pâi ísũa da íwoli têei yâ. Diai kélee pâi lɛɛ̂i ɣele mai, da pâi dí paâi a ƃóa-sɔ̂kpɔ. Da pâi ílônii-sinaai da ílônii-nɛyãai sonîi. Diai pâi lɛɛ̂i ɣele mai da pâi díkereŋ a ŋɔŋ.

Izikiɛ 24:13

Ŋɔkpɛ̃ɛi káa yɛ̂ɛ ŋɔwulu-wulu kɛ́ɛ maa liƃiɛɛi. Kpɛ́ni fêi, ŋá ká maa waa, kɛ́lɛ ká maa fé waa ní. Ká maa fé ŋɔ́nɔ paî waâi é lɛ́ɛ la zu ŋá ŋálii-ŋwanai ŋ̀aa see kɛ́ a káa.

Izikiɛ 9:10

M̀ɛni ma ḿve pâi díŋɛi malôŋ kaai. Dí tɔnɔ kpîŋ fé pâi lɛɛ̂i. Ŋa pâi tuai a dîa yɛ̂ɛ berei dítua la a díƃaraai.”

Izikiɛ 9:5

Nya ƃe Ɣâla è mò ǹûai gbeli-ŋai dîa ǹyɛɛi, “Káa máŋ ka lɛɛ dípôlu ká tɛɛ daai samai ká dípaa. Káfe dítɔnɔ kpîŋ da lɛɛ kpaa máŋ ká dímaloŋ kaa.

Mise 3:4

Káai a ǹúu-tuɛ-ƃelai tãi a pâi pâi, ká pâi wɔ̂lɔi Yâwɛɛ ma, kɛ́lɛ vé pâi káwoo su toôi. A pâi ŋ̀ɛ́i loôi kâa kpɛ́ni fêi, ká mɛni nyɔ́mɔɔ kɛ̀.

Nahumə 1:2

Yâwɛɛ káa a tólo Ɣala, gɛ́ mɛni nyɔ́mɔɔ kula maa kɛ̂, gɛ́ mɛni gba kùla a lii-ŋwâna pere. Yâwɛɛ a tɔ̂ŋ pù diai dîa mɛni ma dí tɔɔ̂i mai.

Zakari 1:2

Ŋ̀wála kélee Yâwɛɛ è mò Zɛkɛraya ma a gɛɛ é mó ǹûai dîa, “Ńyãai a Yâwɛɛ, ŋá kɛ̀ a ńii ŋwánaa kánuu-pɔ̂lɔ-ŋai dîa.

Zakari 7:13

Tãi ŋá dítòli lai, dífe díwoli tɔɔ ní. M̀ɛni ma tãi dí ńdòli lai, fé ŋ́oli tɔ̀ɔ ní.

Lukə 13:25

Tãi bɛ́rɛi ǹâmu a mu siɣe la e gbôŋ lá tɛi, ka pâi kɛ̂i tɔɔ ni ŋinii ŋá, kakɛ gbôŋ tua, kakɛ mo kâai, ‘Kúnuu-namui, bɛ́rɛi lá ƃó kûɛ.’ Kɛ́lɛ, a pâi m̀ôi, ǹyɛɛi, ‘Fe ƃɛi kɔ́lɔŋ ka kulâi naai.’

Samuɛlə dɔlɔɔ 8:18

À kɛ̀ tí, ka pâi wɔ̂lɔi Ǹuu-namui ma a gɛ́ɛ é kákula ǹyêei. Kɛ́lɛ vé pâi káwoo su too, kpɛ́ni fêi, ǹyaa ƃé ká kɛ̀ ŋ̀wɛ̂lii.”