Izikiɛ 7:8 - Bible

⁸ “Ŋa pâi ǹíi ŋwanai kâa a ŋanaa. Ŋá ká mɛnii-ŋa têe yɛ̂ɛ berei ká tûa-pere káa lai. Ǹyaŋ ŋa pâi ká kula-maa kɛ̂i kátua pere nyɔ̂ŋ ŋanaai mɛ̂ni m̀a.

Yálá laawoo hɛɓɛ (dc)

⁸ Yiihu, a yiihu kpɔlɔ; ŋą́ liiholii ɓɛla hiɛ li ə́ mɛ̨i. Gáá nwą́ną kulɔi yɛ́, vá kpəla pələi. Ŋą́ ə́ kiti tee, yɛ bələi ə́ túwɔ la, gɛ́ ə́ wɔ ɓowo túwɔɠaaai kəlee gələ kulɔ.

Yálá laawoo hɛɓɛ

⁸ Yiihu, a yiihu kpɔlɔ; ŋą́ liiholii ɓɛla hiɛ li ə́ mɛ̨i. Gáá nwą́ną kulɔi yɛ́, vá kpəla pələi. Ŋą́ ə́ kiti tee, yɛ bələi ə́ túwɔ la, gɛ́ ə́ wɔ ɓowo túwɔɠaaai kəlee gələ kulɔ.

Izikiɛ 7:8 ပူးပေါင်းရင်းမြစ်များ

Kɔlɔnikɔ Veerɛi 34:21

“Ka lí ká Yâwɛɛ marê kɛ́ kwa Eezuɛ-ŋai da Zuda ƃelai gbulu-loŋ da lɛɛ̂i kúmɛni ma é pîlaŋ gɔlɔi ŋí kâa gaai ŋ̀oo ma. Yâwɛɛ a ǹíi ŋwána kûa a ŋanaa, kpɛ́ni fêi, kúnûa-pɔlɔ-ŋai dífe ŋ̀óo mɛi káa ni. Dífe tûa ní yɛ̂ɛ ŋ̀óoi gáa gɔlɔi ŋí sui.”

Mąątɛ̨nɛ̨ 79:6

Ílii ŋwána ǹɔii-ŋûŋ-ŋai zu-ƃela dîa dífe íkɔlɔŋ, da diai dífa ífɛ̀lii.

Azaya 42:25

È ǹíi ŋwàna kûa yɛ̂ɛ ŋɔŋ a tèe láa kpâla ma, é gɛ́ kú mɔ̃́lɛ kɔ́ su. Ŋɔlii-ŋwânai è kúai a Eezuɛ-ŋai kúkêreŋ yɛ̂ɛ ŋɔŋ. Kɛ́lɛ kúfe m̀ɛnii ŋá káa ní kɛ̀ kɛ̂i. Kúfe mɛni da maa kɔ́ri ní a dɔnɔ kpîŋ.

Ɉeremi 36:31

Ŋa pâi íkula ma kɛ̂i é pɛ́lɛ ísuui su-ƃelai dîa da ítii kɛ́-ƃela kpaya-kpayai, zɔnyɔ̂ŋ-ŋai ká gɛ̀i maa mɛ̂ni ma. Yá, kpaa máŋ Zuda ka Zerusâlɛŋ-ƃela káfe káwoli tɔɔ ní ŋália-wooi ma. M̀ɛni ma, ŋa pâi m̀ɛni kpɔ̂lui pɛlɛ̂i kâa ŋa wɔ́lɔ tûa m̀aa mɛ̂ni ƃôi.”

Ɉeremi 7:20

M̀ɛni ma, ńyãai a Ŋ̀wála-wâla kélee Yâwɛɛi, ŋa pâi ŋá lii ŋwânai kélee pûi dîa gwaai ŋí ma. Ŋa pâi ńii ŋwânai ǹûai da daa-tulɛ-ŋai dîa, ŋa níi ŋwána ŋ̀úru-ŋai, gbâlaŋ da ŋ̀úru-ƃa-ŋai díkaa ǹɔii mai dîa. Ŋálii ŋwânai a pâi díkereniî, m̀aa ŋɔŋ fa nîiŋ.”

Woolaa 2:17

M̀ɛnii Yâwɛɛ è gbɛ̀tɛi, aâ gɛ́. Aâ ŋ̀óoi ŋ̀aa-see kɛ́ nyii è m̀aa kôno-tee kɛ̀ kóraŋ támaa tɛɛ pôlu mai. È ísu kàra, vé íŋɛi malôŋ káa ní. È gɛ̀ íkpɔara-ƃelai dí íyee mɛi ɣále, dí sée ímɛi.

Woolaa 2:4

Kerâŋ káa ǹyêei gɛ́ nɛ̀ kûa yɛ̂ɛ kúkpɔara-ƃela. Diai kú dí wɛ́linii, a kélee páa. È ǹíi ŋwàna Zãiyɔŋ ma é ŋɔnûai kéreŋ yɛ̂ɛ ŋɔŋ.

Woolaa 4:11

Yâwɛɛ è ǹíi ŋwàna a ŋánaa, é ŋɔŋ tóo Zãiyɔŋ ma, ǹaa é kéreŋ.

Izikiɛ 11:21

Kɛ́lɛ, ŋa pâi diai da zãa nyɔmɔ-ŋai da ŋâla-pɔɔkɔŋ-ŋai fɛlii, ŋa pâi díkula maa kɛ̂i. Ŋa pâi díkula maa kɛi mɛni nyɔmɔɔ-ŋai mɛ̂ni ma nyii ŋai dí gɛi.” Ńyãa Yâwɛɛ Ɣâla ƃe mò ti.

Izikiɛ 14:19

“À kɛ̀ ŋa ǹíi ŋwàna ŋá kɔlɔ-fêla nyɔ́mɔ tɛ́ɛ m̀aa lɔii tí su, é ǹûai da vɛnɛ-sãai páa,

Izikiɛ 16:43

Kpɛ́ni fêi ka nîa m̀ɛnii m̀â ŋá gɛ a kâa a tãi kakɛ la a nîa-pɛlɛɛi. Kɛ́lɛ ka ǹíi ŋwana mɛ̂ni kɛ́ a kátua-pere. M̀ɛni ƃé ŋá gɛ la ká kásɔnyɔ̂ŋ mãa fela-fêi kɛ. Lé mɛni ƃé ka wulu-wulu kɛ́ mɛni tòo la ká mɛni nyɔmɔ-ŋai diai?” Ŋ̀wála-wâla kélee Yâwɛɛi ƃé mò tí.

Izikiɛ 16:59

Ŋ̀wála-wâla kélee Yâwɛɛi è mò ǹyɛɛi, “Ŋa pâi í kula-maa kɛ̂i yɛ̂ɛ berei ítua pere káa lai. Kpɛ́ni fêi yâ í pôlu tɔɔ ŋá kono-teei mâ, ya ŋátɔ̂ŋ kara.

Izikiɛ 18:30

“M̀ɛni ma ńyãai a Ŋ̀wála-wâla kélee Yâwɛɛi, ŋa pâi ká mɛnii ŋá têei káai a Eezuɛ-ƃelai yɛ̂ɛ berei ká tûa-perei káa la tɛi-tɛ́i. Ka kálii pene ká kápôlu tɔɔ kásɔnyɔ̂ŋ-ŋai dîa a gɛɛ kásɔnyɔ̂ŋ fa lâ ká lɛ́ la.

Izikiɛ 20:13

Kɛ́lɛ tãi ŋá pá la a dîa ǹɔii pûŋ, dítɔ̀ɔ ma. Dí ŋátɔ̂ŋ ŋai kara dí dípôlu tɔɔ ŋá sɛŋ-lɛɛi m̀a nyii a pá a fulu-laa núu kélee pɔi. Nya ƃe dí ŋáfii-tɔɔ ɣelei maa tĩa kara kpɔ́ a zu kɛtɛ. Ŋá kɛ́ ŋ̀wɛli a gɛɛ ŋá ńii ŋwana kpɔ́ dîa a ŋanaa

Izikiɛ 20:21

“Kɛ́lɛ ǹîa-pɛlɛɛ-ŋai dîa máŋ dítɔɔ ma. Dífe sia ni a ŋátɔ̂ŋ lá woo nyii a fulu-lâa tɛɛ diai pɔ́ da m̀ɛi káai. Dífe dí mɛi káa ni. Dí ŋáfii-tɔɔ ɣelei maa-tĩa kara. Ŋá gbɛ̀tɛ a gɛɛ ńii wãna dîa vɛ̃ɛ-kpâlaŋ su.

Izikiɛ 20:33

“Tãi nɔ ŋ́gaa nîi la ɣele mai, Ńyãai a Ŋ̀wála-wâla kélee Ɣalai Yâwɛɛ, ŋa pâi ká kula maa kɛ̂i kpɔ́ a lii-wãna ŋanaa. Ŋa pâi kɛ̂i a kâloŋ ká mɛi a wala-wala pere.

Izikiɛ 20:8

Kɛ́lɛ dítɔ̂ɔ ḿâ, dífe díwoli tɔɔ ní ḿâ. Dífe dí ɣâla pɔɔkɔŋ nyɔmɔ ŋai pili ni, kpaa máŋ dí dípôlu tɔ̀ɔ Ize ɣâla pɔɔkɔŋ ŋai dîa. Ŋá nâa gbɛtɛ a gɛɛ ŋá ńii wãna kpɔ́ dîa a ŋánaa Ize.

Izikiɛ 22:31

M̀ɛni m̀a, ŋa pâi ńii ŋwãnai dîa. Ŋa pâi díkereni a ŋá lii-ŋwanai. Ǹyaŋ ŋa pâi díkereni a ŋálii-ŋwãnâi dímɛni nyɔ́mɔɔi mɛ̂ni ma yɛ̂ɛ ŋɔŋ a sɛŋ kêreŋ. Ńyãai a Ŋ̀wála-wâla kélee Yâwɛɛi ńyãa ƃé mò tí.”

Izikiɛ 24:14

Ńyãa Yâwɛɛ ƃé mò tí. Ǹyaŋ ŋàa see a pâi kɛ̂i. Ŋa pâi gɛ́i tí. Ḿve pâi koyɛ̃nii perêi. Ḿve pâi í malôŋ kâai. Ḿve pâi ǹíi penei. Ŋa pâi íkula maa kɛ̂i yɛ̂ɛ berei ítâa-pere káa lai. Ńyãa Yâwɛɛ ńyãa ƃé mò tí.”

Izikiɛ 30:15

Ŋa pâi ńii ŋwânai Pɛlusiɔŋ taa-leei mâ nyii gáa a Ize ŋɔkili tɔ̂ɔ mai. Ŋa pâi Tɛƃii ŋɔtɔɔ-sãai su karâi.

Izikiɛ 33:20

Kɛ́lɛ Eezuɛ-ƃelai dí mò a gɛɛ ńdûa-pere fé lɛ́lɛ ní, m̀ɛni ma, ŋa pâi dí mɛnii ŋá têei yɛ̂ɛ berei dí tûa pere káa lai.”

Izikiɛ 6:12

Ǹúui nyii gáa kwaa koyaa mai, kɔlɔ-fela nyɔmɔ a pâi baai. Ǹyaŋ ǹúui nyii gáa kwaa kpûa mai, a pâi lɛɛ̂i mòa-sɔkpɔi mu. Naa pôlu ma, ǹúui nyii pâi lɛɛ̂i ɣele mai, a pâi sâai a puru. Bere ƃé ŋa pâi ŋálii-ŋwanai lɛi la día.

Izikiɛ 7:27

Malôŋ a pâi toôi galôŋ mâ. Lii-too pôlu a paî kɛ̂i galôŋ ŋɔtíi-kɛ-ƃelai dîa. Ǹûai da pâi yaôi ǹɔii su díyee kɛ́ kpɛ̃liŋ. Ŋa pâi díkula maa kɛ̂i yɛ̂ɛ berei dítua-pere káa lai. Ŋa pâi dímɛnii-ŋá teêi yɛ̂ɛ berei da díƃaraai dímɛnii ŋa tèe lai. Nyiŋi a pâi ǹɛi kâa a gɛɛ ńyãa ƃa Yâwɛɛ.”

Izikiɛ 7:9

Ḿve pâi kásɔnyɔ̂ŋ-ŋai su mɛ̂ni lɛɛ̂i, kpaa máŋ ŋá káŋɛi maloŋ káa. Ŋa pâi ká kula maa kɛ̂i yɛ̂ɛ berei ka sɔnyɔ̂ŋ kɛ̀ lai a gɛɛ ká gɔ́lɔŋ a gɛɛ ńyãa ƃa Yâwɛɛ nyii gáa ká kula maa kɛ̂i.”

Izikiɛ 9:10

M̀ɛni ma ḿve pâi díŋɛi malôŋ kaai. Dí tɔnɔ kpîŋ fé pâi lɛɛ̂i. Ŋa pâi tuai a dîa yɛ̂ɛ berei dítua la a díƃaraai.”

Izikiɛ 9:8

Díkɛɛ ǹûai ŋí paâi, ŋa lɛɛ tɔɔ-ni ńyãa tɔnɔ, nya ƃe ŋá ŋuŋ-ma pîlaŋ ŋ́gɛ wɔ́lɔ ǹyɛɛi, “Óo Ŋ̀wála-wâla kélee Yâwɛɛi, ya pâi ílii ŋwanai í Eezuɛ ƃelai gbeli-ŋai lɛ̂ɛ Zerusâlɛŋ kélee paa?”

Danîa 9:11

Kúsɔnyɔ̂ŋ-ŋai da gɛ́ ǹaɣâŋ-ŋai da m̀óa-sɔkpɔ mɛni ŋá-teɛɛ-ŋai í bù íyee mu-nuui Mose ŋɔtɔ̂ŋ kɔlɔi sui gélee a pú kúŋûa.

Danîa 9:27

A pâi gɛ̂i da núu támaa dí díwoo kɛ́ zu tɔnɔ góraŋ lɔ́ɔlu mɛi feerɛi ŋí yée mu. Góraŋ lɔ́ɔlu mɛi feerɛ ŋí a ƃèla nɔ́ zâmai é dísâla kula mɛni-ŋai kpéra. Gɛ̀ ní a pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi tôŋ su. A pâi lɛɛ̂i naa é lɛ́ɛ la zu Ɣâla é ǹúui zɛŋ nyɔ́mɔɔi ŋí sèe naai su kara.”

Osia 12:3

Dílɛɛ pâi Zeeka da ǹîa maa-sɔlɔ ƃôi, è ǹîa túme sòŋ. Tãi è kɛ̀tɛ lai da Ɣâla dí kɔrɔ-ma kɔ̀.

Osia 5:10

Yâwɛɛ è mò ǹyɛɛi, “Gâloŋ-ŋai díkaa Zuda lɔii sui, da nâa kɛ́ yɛ̂ɛ diai da lɔii ŋɔkɔyɛŋ pere kula ǹáai. Ŋa ŋálii-ŋwânai pûi dîa yɛ̂ɛ yá.

Nahumə 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

M̀ɛni-lɛɛi 14:10

maa-nuui a pâi Ɣâla ŋɔlii-ŋwânai-ŋwã̂aii da kpelêi, ŋwã̂ai kpanaŋ nyii zu fé pu ni a yái, nyíi bûɔi Ɣâla ŋɔlii-ŋwana-kɔpui sui. Maa-nuui a pâi ŋɛi-maa-penêi sɔlɔ ƃói a ŋɔŋ da sɔɔfɔ Ŋ̀âla-taa-kela maa waai ŋ́ɛi-tuɛ da M̀ála-loŋ.