Izikiɛ 6:9 - Bible

⁹ Ǹyaŋ diai da pâi liî a dîa kɔ́-soŋ pere sui da pâi díkili-ŋa siai é pîlaŋ mâ ǹɔii-ti su ƃɛɛ̂i da pâi kɛ̂i naai. Da pâi gɔlɔni berei ŋá ǹíi ŋwana la dîa é pîlaŋ berei mâ dí dípôlu-tɔɔ la mai a dílii da díŋɛi nyii gɛ̀ ɣâla-pɔkɔɔŋ fɛli mɛ̂ni kɛ́ too díkoi. À kɛ̀ tí, díƃɛlɛ a pâi kpɛɛ̂i díkpîŋ koi ŋwana-lɔ̂ɔ dí gɛi mɛ̂ni ma.

Yálá laawoo hɛɓɛ (dc)

⁹ Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Yálá laawoo hɛɓɛ

⁹ Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Izikiɛ 6:9 ပူးပေါင်းရင်းမြစ်များ

Tɔɔɓɛlaa veelɛ 16:10

Tãi da tɛ̀ɛ pôlu ma, Eɣa è lì Dɛmɛika taa-leei su a gɛɛ da Gâloŋ Tigila Pileza dí koyaŋ. Tãi Gâloŋ Eɣa è kɛ̀ la naai, è Ɣâla-teƃele da kàa naa. Nya ƃe è bɔkɔ̂ŋ kpɛ̀tɛ é dɛ́ɛ pôlu zâla láa-soŋ-nuui Yuraya pɔ́ naa a gɛɛ é da kpɛtɛ mì. È gili-ŋa pônoi kélee tɛ̀ɛ berei a pɔ̂ri gbɛtɛ̂i lai.

Zôo 42:6

Maa mɛ̂ni ma, ŋâa nâa ŋ́oo síɣe pôlu. Ŋa ḿbôlu tɔɔ ńdûa-pere ma ŋa muluŋ da luu pú ŋûa a malôŋ-pere.”

Mąątɛ̨nɛ̨ 137:1

Kú kɛ́ɛ seêni ǹyá-lee ŋai kɔlɛ Babelɔŋ lɔii sui, kú wɔ̀lɔ tãi Zãiyɔŋ mɛni kíli è tòo la kú ŋái.

Mąątɛ̨nɛ̨ 78:40

Díkɛɛ vɛ̃ɛ-kpâlaŋ sui, dí tɔ̀ɔ Ɣâla ma a tãi támaa. Dí gɛ̀ ǹíi é tóo pôlu a tãi támaa!

Azaya 43:24

Ífe niî sɛŋ kúŋ nɛ̃ɛ da yá ní a sɛŋ-kao ḿɛni ma, kpaa máŋ í ńii láa a ísâla suai ŋ̀úlɔ da. Kɛ́lɛ íkaa nɔ́ sɔnyɔ̂ŋ kɛ̂i a ńyãa. Ya kɔlɔ kpɛ́ɛ ḿâ a ísɔnyɔ̂ŋ ŋánaai.

Azaya 63:10

Kɛ́lɛ, da wɔ́lɔ dípôlu tɔ̀ɔ nɔ́ m̀a, díkɛ́ gɛ̀ Ŋɔmɔ̃̂leŋ Maa Waai líi kɛ́ tòo pôlu. Nya ƃe Yâwɛɛ è kɛ̀ a díkpɔara-nûu, é kɔ́ dípɔ.

Azaya 64:6

Sɔnyɔ̂ŋ káa kúkelee kûa. Kútûa-pere lɛ̂lɛɛi káa nɔ́ yɛ̂ɛ seɣe-sâa maa liƃiɛɛ. Kúsɔnyɔ̂ŋ a kúkɛ nɔ́ yɛ̂ɛ láa ƃé a kpála, fãa kɛ́ nâa pà doôi.

Azaya 7:13

Azaya è mò m̀a ǹyɛɛi, “Deeƃé ǹônii, ka káwoli tɔ́ɔ. Vé lɛ́lɛ ní núu da líi à kɛ̀ a gbeleɛɛ, ká gɛ́ m̀aa nuui fíi é kpɛ́ɛ ŋɔlii-kpêlei su. Kà gɛ̀ tí, káfe gɔ́lɔŋ ka pɔ̂ri gɛ̂i Ɣâla ǹyaa máŋ fíi é kpɛ́ɛ ŋɔlii-kpêlei su?

Ɉeremi 3:13

Kɛ́lɛ, m̀ɛnii nɔ́ ya pɔ̂ri gɛ̂i ƃá fɛ̂ɛ í gɔ́lɔŋ a gɛɛ ya sɔnyɔ̂ŋ kɛ́ a Íɣâlai Yâwɛɛ. Í mó a gɛɛ íkɛ̀ ɣâla da kpɛ́ni-ŋa fɛlîi ŋ̀úru-ŋai mu ífe íwoli tɔɔ ní ŋ̀óo ma. Ńyãa Yâwɛɛ ƃé mò tí.”

Ɉeremi 3:6

Tãi Zosaya è wɔ́lɔ kɛ́ la a kâloŋ, Yâwɛɛ è mò ḿâ ǹyɛɛi, “Ya zɛŋ kâai Eezuɛ nyíi vé téniŋ ƃô níi káa gɛ̂i? A kula ḿbôlu gɛ́ lì ǹyée tɔɔ-ŋai tôŋ-su ŋ̀úru-ŋai mu gɛ́ lɔ-pɔ̂rɔŋ kɛ̀ naa ŋɔɣâla da kpɛ́ni-ŋa fɛliɛi su.

Ɉeremi 51:50

Yâwɛɛ è lòno ŋɔnûai pɔ́ kɛ́ Babelɔŋ ǹyɛɛi, “Káai kélee kùla gɔ́i yêei ká lɛ́ɛ a káfului, kà lí loníi ma. Káfe maa kpɛ̂ŋ kɛ̀. Berei máŋ ká kɛ̂i kôyaai la kápɔ-taai mai, ka kákili-ŋa sía é pîlaŋ ḿâ, Ńyãa Yâwɛɛ, Zerusâlɛŋ kíli é tóo ká ŋá.

Izikiɛ 12:16

Kɛ́lɛ, ŋa pâi díkpulu-loŋ lɛɛ̂i a dífulu nyii-ŋai dífe pâi lɛɛ̂i ƃóa-sɔ̂kpɔ yée mu, ǹyaŋ puru da kɔlɔ-fela fé pâi dípâai. Dîa ƃe pâi lɛɛ̂i ŋ̀ele mâ a gɛɛ dí dísɔnyɔ̂ŋ-ŋai ƃó ǹɔii-ŋuŋ ŋai sama ƃɛɛi da pâi liî naai. À kɛ̀ tí, da pâi ŋ́gɔlɔni a Yâwɛɛ.”

Izikiɛ 16:43

Kpɛ́ni fêi ka nîa m̀ɛnii m̀â ŋá gɛ a kâa a tãi kakɛ la a nîa-pɛlɛɛi. Kɛ́lɛ ka ǹíi ŋwana mɛ̂ni kɛ́ a kátua-pere. M̀ɛni ƃé ŋá gɛ la ká kásɔnyɔ̂ŋ mãa fela-fêi kɛ. Lé mɛni ƃé ka wulu-wulu kɛ́ mɛni tòo la ká mɛni nyɔmɔ-ŋai diai?” Ŋ̀wála-wâla kélee Yâwɛɛi ƃé mò tí.

Izikiɛ 16:61

À kɛ̀ tí, ítua sɔŋ kili a pâi toôi í ŋa ŋumɛ é ísoŋ tãi ŋa pâi ílîa-nɛnî da íleɣe-nɛnî tɛɛ̂i la ípɔi a ílonii nɛyãai. Kɛ́lɛ ḿve pâi gɛi tí kpɛ́ni fêi ŋá kpanaŋ-woo kɛ̀ íyêei.

Izikiɛ 16:63

Ŋa pâi ká ŋɛ́i maloŋ kâai m̀ɛni nyɔ́mɔɔi ka gɛi m̀ɛni ma. Kɛ́lɛ, m̀ɛni nyɔ́mɔɔi kpîŋ kíli a pâi lɛɛ̂i ká ŋá a gɛɛ kà lòno é pîlaŋ m̀a, ŋumɛ é kásoŋ.” Ŋ̀wála-wâla kélee Yâwɛɛi ƃé mò tí.

Izikiɛ 20:24

Ŋá gɛ tí kpɛ́ni fêi dífe ŋátɔ̂ŋ ŋai mɛi káa ni. Dí ŋáfii-tɔɔ ɣelei maa-tĩa kara. Díkili è kɛ a dɔɔ dínâŋ ni díɣâla-pɔɔkɔŋ ŋai dîa.

Izikiɛ 20:28

Ŋá li a dîa ǹɔii su ŋa ŋ́gono-tee a gɛɛ ŋa pâi dɛɛi dípɔi su. Kɛ́lɛ, tãi dí ǹyée-tɔɔ ŋai kâa la da ŋ̀uru-ŋai, dí pɛlɛ sala kulâi dîa. Dí kereŋ sala da ŋwã̂ai sala ŋa kula dîa. M̀ɛni ŋí è kɛ̀ a ńii ŋwãna mɛni.

Izikiɛ 20:43

Ǹaa ƃe ka pâi lɛɛi naa kásɔnyɔ̂ŋ-ŋai da m̀ɛni ŋai ka gɛi kili é too ká ŋa, da m̀ɛni ŋai ká gɛ nyii ŋai ka kákpîŋ maa-tĩa kara lai. Ka kpîŋ ƃɛlɛ a pâi kpɛɛ̂i ká koi.

Izikiɛ 20:7

Ŋa mò dîa a gɛɛ dí ŋ̀âla pɔɔkɔŋ nyɔ́mɔ-ŋai píli nyii ŋai da kúu kɛ̀ dîa a tãi kéleei dífe dí maa tĩ̂a kàra a Ize-ɣala pɔɔkɔŋ-ŋai, kpɛ́ni fêi ńyãa ƃa Yâwɛɛ nyii gáa a Díɣâlai.

Izikiɛ 23:30

ƃé pà a m̀ɛnii ŋí yâ. Ka ǹɔii-ŋûŋ-ŋai ŋí ká wulu-wulu kɛ ítela íkpîŋ maa-tĩa kara a díɣâla-pɔkɔɔŋ-ŋai.

Izikiɛ 5:13

“Gɛ̀ ní, ŋálii ŋwânai ŋáa a pâi yenîi. Ŋá ńii ŋwàna dîa a gɛɛ ńii é láa. Ǹyaŋ tãi ŋa pâi ńii ŋwânai la dîai, da pâi gɔ́lɔnîi a gɛɛ Ńyãa ƃa Yâwɛɛ nyii lòno dípɔ a wála-wala laai.

Izikiɛ 6:10

À kɛ̀ tí, da pâi gɔlɔni a gɛɛ ńyãa ƃa Yâwɛɛ. Ǹyaŋ ḿve kɛ́ ni dípɛlɛ̂i a gɛɛ ŋa pâi mɛni nyɔmɔ kɛ̂i a dîa.”

Izikiɛ 7:16

À kɛ̀ tí, diai pâi pui dí liî, da pâi kɛ̂i ǹyée-ŋai mâ díkɛ wɔ́lɔ dísɔnyɔ̂ŋ-ŋai mɛ̂ni ma yɛ̂ɛ toloŋ-ŋa ƃe fâai ǹyée-ŋai tôŋ su.

Osia 11:8

“Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ da Zeboŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Amɔsə 2:13

Ka gáa berei ŋa pâi káluwanîi la yɛ̂ɛ berei kéleŋ a lɔii lûwaŋ la à kɛ̀ ǹa fɛ̂ɛi.

Mise 5:13

Ŋa pâi dí kpɛtɛ ɣâla-ŋai su karâi da ƃɛ́i díkaa naai. À kɛ̀ tí, dífe pâi ŋɔ́nɔ wɔ́lɔ pɛlɛ̂i díkɔɔ mu.

Zakari 10:9

Berei máŋ ŋá dítàa-taa la ǹɔii ŋûŋ-ŋai sui, berei máŋ díkaa ǹɔii kôya-ŋai sui, da pâi díkili ŋá siâi é pîlaŋ ḿâ. Ǹyaŋ da pâi lɛɛ̂i a dífulu dí léne pôlu da dílônii.

Lonon mo 15:39

Vílii ŋí a pâi kɛ̂i a kili-too-ŋa kámɛni ma. Tãi kà gàa lai, ŋa-tɔ̂ŋ-ŋai maa-mɛni a pâi toôi kákili ŋa ká dímɛi káa. Gɛ̀ ní káfe pâi kápôlu tɔɔ̂i ḿâ ká pîlaŋ kánîa-mɛni-ŋa pôlu yɛ̂ɛ berei ka ŋ̀wɛ̂lii ká gɛ́ lai.

Piɛrə veelɛ 2:14

Wulu-wulu kɛ́-nɛyaa maa-mɛni káa díkili ŋá a ŋánaa, sɔnyɔ̂ŋ-kɛɛ fa dílii làa. Diai dílii-pene la nɛɛ̂i, da dílii pène. Sɛŋ-maa-lii-teɛɛ maa-tare káa dîɛ a ǹɛ́lɛɛ. Náɣâŋ káa dîa!