Izikiɛ 6:6 - Bible

⁶ Ƃɛ́i kélee kpɔ́ ká káa naai, ŋa pâi kátaa-lee-ŋai kɛ̂i dílɛɛ a díkpolôŋ da káɣâla-fɛli kwaa-ŋai ma. Ǹyaŋ ŋa pâi ŋ̀âla-pɔɔkɔŋ-ŋai wólo-woloi, ŋa kákereŋ-sɛŋ-kuŋ nɛ̃ɛ kéreŋ ɣâla-teƃelei su kara kpɔ́ ŋá doo ǹɔii ma. Díi-ŋai kpɔ́ ká gɛ̂i ŋa pâi gɔɔ̂i kpɔ́ fati-fati.

Yálá laawoo hɛɓɛ (dc)

⁶ Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Yálá laawoo hɛɓɛ

⁶ Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Izikiɛ 6:6 ပူးပေါင်းရင်းမြစ်များ

Tɔɔɓɛlaa dɔlɔɔ 14:23

Dí kwaa-ŋa ma kpɛ̀tɛ máŋ díkpîŋ mɛni ma dí ɣâla pɔkɔɔŋ-ŋai fɛli mɛni ma. Dí kɔni-ŋa tɔ̀ɔ a Ɣâla teƃele da wúru kóya-ŋa díɣâlai Asira fɛli mɛni ma ǹyée tɔɔ-ŋai ma da ŋ̀úru-ŋai mu.

Mąątɛ̨nɛ̨ 115:8

Diai díkpɛ̀tɛi, díkaa nɔ́ yɛ̂ɛ dia, ǹyaŋ bere nɔ́ ƃé gáa la a diai da lâa a diai.

Azaya 1:31

Ŋ̀wála-wâla nuui da ŋɔtûa-pere nyɔ̂ŋ dísu a pâi karâi yɛ̂ɛ ŋɔŋ a kala-kpâla kèleŋ. Núu da fé pâi pɔrîi díkula yêei kɛ̂i.

Azaya 2:18

Da pâi ŋ̀âla-pɔkɔɔŋ-ŋai kélee su karâi ǹɔii su a maa tãi tí.

Azaya 2:20

Maa ɣêlei tí a sèri, ǹûai kélee da pâi pûi. Gáne-ŋai da gôo-ŋai dí díkpɛ̀tɛ a díɣâla-pɔkɔɔŋ-ŋai dí gélee lɛ́ɛ a ŋ̀ina-ŋai da ǹɔfu-ŋai pɔ́ɔ.

Azaya 27:9

Eezuɛ-ŋai da díyee kùla díkpɛtɛ ɣâla-ŋai mɛni su, dí m̀aa têƃele-ŋai wólo dí fũa-fũa, díyee kúla géreŋ sãa kúŋ nɛ̃ɛ-ŋai kéreŋ mɛni su, ŋ̀úrui da lì mu díkpɛtɛ ɣâlai Asira fɛli mɛni mai, dí bɔŋ, dí géreŋ, Yâwɛɛ a pâi dísu-mɛni lɛɛ̂i zɔnyɔ̂ŋ-ŋai da gɛ́i mɛ̂ni ma.

Azaya 6:11

Ŋá m̀are kɛ̀ ńyɛ̃̂ɛ m̀ai, “Nùu-namui, ŋá gɛ́ tí a tãi ɣɛɛlu?” Ǹyɛɛ ḿâi, “É lɛ́ɛ la zu daa-lêei é wólo, núu da fé ŋɔ́nɔ kɛ̀ naa, bɛ́rɛ-ŋai dí lɛ́ɛ a vólo, ǹɔii é lɛ́ɛ a bûŋ.

Azaya 64:10

Ítaa Maa Waa-ŋai a nâa kɛ́ yɛ̂ɛ fɛ̃ɛ-kpâlaŋ su. Zerusâlɛŋ káa nâa yɛ̂ɛ taa pîleŋ nyii núu da fé ŋɔ́nɔ zui.

Ɉeremi 10:22

Ka káwoli tɔ́ɔ dùŋ-ŋai dîa. Tùŋ káa kulâi yá-ŋua-pere lɔii su. Ǹyaŋ Zuda taa-ŋai kélee da pâi lɛɛ̂i a bûŋ. Da pâi kɛ̂i nɔ́ a fɛnɛ-sãa kɛ̂i.”

Ɉeremi 17:3

Ka Ŋ̀âla-nɛnii Asira ŋí fɛ̀li kwaa kélee ma kálɔii su. Ŋa pâi gɛ̂i kákpɔara-ƃelai dí ká kɔ̃liŋ da kátɔɔ-sãai kúla káyêei zɔnyɔ̂ŋ-ŋai ká gɛ̀ kálɔii gwaa kélee mai, mɛni ma.

Ɉeremi 2:15

Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Ɉeremi 34:22

Ŋa pâi ŋ́oo tɛɛ̂i dípɔ naa, ǹyaŋ da pâi lenêi pôlu daa-lêei ŋí su. Da pâi kɔ́ pɛlɛ̂i mà, dí zoŋ, dí géreŋ kpɔ́ kpái. Ŋa pâi Zuda taa-ŋai kɛ̂i dílɛɛ a dí pûŋ yɛ̂ɛ fɛ̃ɛ-kpâlaŋ-su ƃɛ́i núu da fé naai. Ńyãa Yâwɛɛ ƃé mò tí.”

Ɉeremi 51:18

Dífe sɛŋ-su, m̀ɛni ma, núu da fa ǹyée sèe dímu. Ǹûai da pâi dísu karâi a tãi Yâwɛɛ a pâ la a gɛɛ é dí mɛnii ŋá teei.

Ɉeremi 9:10

Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Ɉeremi 9:19

Zerusâlɛŋ-ƃelai da wɔ̂lɔi dîyɛɛi, “Da kú su kara. Ŋumɛ kɛ́tɛ a kú kɛ́. Kpɛ́ni fêi, kwa kula ǹɔii su. Kpɛ́ni fêi, da kúkɛ̂i wólo.”

Izikiɛ 12:19

M̀o ǹûai dîa díkaa Zerusâlɛŋ Eezuɛ lɔii sui, Ŋ̀wála-wâla kélee Yawɛɛi ǹyɛɛi ka pâi kɛ̂i kálaa miî kákɛ yao kákɛ kpɛ̃liŋ. Ka kɛ̀ kákpelei kákɛ tumo-tumo. Kpɛ́ni fêi dílɔii a pâi lɛɛ̂i a vólo. Da pâi zu-sãa kélee kpɔ́ siɣei a wála-wala laa, kpɛ́ni fei diai lɛ̀ɛ naai díŋwana-lɔ̂ɔi.

Izikiɛ 16:39

Ŋa pâi ká tɛɛ̂i ká wɛ̂li-ŋai pɔ́ díka wulu-wulu kɛ kwaa ŋai m̀â da káɣâla-pɔɔkɔŋ fɛli kwaa-ŋai m̀â wólo. Da pâi ká maa ɣiri sãa-sɔ̃ɔ kpanaŋɔɔi kulâi kâa. Díka maa-ɣiri-kɔyɛŋ-ŋai siɣe díka lɛɛ a kákaŋ.

Izikiɛ 30:13

Ŋ̀wála-wâla kélee Yâwɛɛi è mò ǹyɛɛi, “Ŋa pâi Ize-ƃelai díɣâla pɔɔkɔŋ-ŋai da ǹɛɛ-ɣala-ŋai kélee su karaâi nyii-ŋai díkaa Mɛifeei. Núu da fé ŋɔ́nɔ pâi lɛɛ̂i naa é ǹɔii káa Ize lɔii su. Ŋa pâi dí maa yaôi kpɔ́ a ŋánaa.

Izikiɛ 35:4

Ŋa pâi ká taa lêe-ŋai su karâi. Ǹyaŋ naa é lɛ́ɛ a pilêŋ ŋá. À kɛ̀ tí, gɛ̀ ní ká pâi gɔ̂lɔnii a gɛɛ Ńyãa ƃa Yâwɛɛ.

Izikiɛ 5:14

Ŋa pâi ká kélee ká su karâi. Ŋá pâi ká kɛ̂i a ɣɛ́lɛ-maa-sɛŋ ǹɔii-ŋûŋ-ŋai dítinaŋɔ̂ɔi kâai sáma. Ŋá pâi m̀ɛnii ŋí kɛ̂i ǹûai kélee ŋɛ́i túɛ da diai kélee da kɛ́ tɛɛ̂i.

Izikiɛ 6:4

Ŋa pâi gɛ̂i káɣâla-teƃele-ŋai kélee dílɛɛ a díkpolôŋ. Kákereŋ-sɛŋ kuŋ-nɛ̃ɛ kéreŋ ɣala-teƃele-ŋai díwolo. Ǹyaŋ ŋa pâi diai da káfɛlii dí paâi káɣâla-pɔɔkɔŋ-ŋai ŋɛ́i túɛ.

Izikiɛ 6:7

Ŋa pâi ká ǹûai kɛ̂i dísaa kásama. Gɛ ni ka pâi gɔlɔni a gɛɛ ńyãa ƃa Yâwɛɛ.

Osia 10:2

Dílii su nyɔ̂mɔɔi Ɣâla mɛni ma. Da pâi dísɔnyɔ̂ŋ vela-fei sɔlɔ ƃôi. Yâwɛɛ a pâi díɣâla fɛli-teƃele-ŋai wôloi, é díɣâla-pɛrɛ-ŋai wólo.

Osia 10:8

Eezuɛ-ŋai dí lɛ́ɛ ɣala-fɛli kwaa-ŋai ma ƃɛ́i da sɔnyɔ̂ŋ kɛ̀ naai su a pâi karâi. Kala a pâi tɛ̂i díɣâla teƃele-ŋai dîa. Da pâi môi ǹyée kpaya-kpayai dîa, “Ka kúloo,” dîyɛɛ bɛlɛ-pɛlɛɛi dîa, “Ka tòo kûa.”

Levetekɔ 26:30

Ŋa káɣâla pɔkɔɔŋ-ŋai fɛli kwaa-ŋai ḿâ su karâi, ŋá kákereŋ sãa kúŋ nɛ̃ɛ-ŋai kéreŋ teƃele-ŋai wólo, ŋá kápoma-ŋai pú káɣâla-pɔkɔɔŋ-ŋai mɛi a yao-maa pere.

Levetekɔ 26:31

Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Mise 1:7

Ŋa pâi díɣâla-pɔkɔɔŋ-ŋai kélee su karâi. Zãâi dí zɔlɔ ƃô Ŋ̀âla-pɛrɛi mɛni ma díwulu-wulu kɛ́ɛi sârai, ŋa pâi gérenîi a ŋɔŋ. Ŋa pâi díɣâla-pɔkɔɔŋ-ŋai wôloi. Zãâi è zɔlɔ ƃô ŋɔwulu-wulu kɛ́ɛi sârai, ŋɔkpɔara-ƃelai da pâi liî dí gɔlɛ wulu kɛ́ɛ pôlu kwaa da kpɛ́ni ma.”

Mise 3:12

Kátûa-perei mɛni ma, Zãiyɔŋ a pâi kɛ̂i a kpâlaŋ ŋá tii kɛ̂i. Zerusâlɛŋ a pâi kɛ̂i a pilêŋ ŋá, Ɣâla ŋɔpɛ́rɛi tɔɔ̂i kɛ́ ƃò a wolâ su.

Mise 5:13

Ŋa pâi dí kpɛtɛ ɣâla-ŋai su karâi da ƃɛ́i díkaa naai. À kɛ̀ tí, dífe pâi ŋɔ́nɔ wɔ́lɔ pɛlɛ̂i díkɔɔ mu.

Habakukə 2:18

Lé ƃé ƃa pâi gulâi núu-kpɛtɛ ɣâla yêei. Gbɛtɛ-nûui a lâa a zɛŋ è gbɛ̀tɛ nyii vá lônoi.

Sofoni 1:18

Dísɛŋ-kao-kolei da dígôoi fé pâi díkulâi Yâwɛɛ ŋɔlii-ŋwânai su a ma ɣêlei tí. Ŋɔtólo lii-ŋwana kpɛɛ pôlui su, a pâi ŋ̀éniɛi kélee su-karâi. Tɔ̃yâ ma a pâi ǹɔii-su-ƃelai kélee su karâi a maa félaa.

Zakari 13:2

Maa ɣêlei tí ŋa pâi zɛŋ da kpɛ́ni-ŋai láa kulâi ǹɔii ma nyii ǹûai da zìɣe a díɣâlai, a gɛɛ núu fé pâi ŋɔ́nɔ gíli ŋá siâi é pîlaŋ dîa. Ŋa pâi ŋɔ́nɔ Ɣâla-ŋɔlóno-kɛ-ƃelai kulâi ǹɔii ma da diai nyînaŋ nyɔ́mɔɔ káa díkponôi.

Samuɛlə dɔlɔɔ 5:4

Ɣelei ƃɔ́ɔi, dí dímu sìɣe dí ŋɔ́nɔ gáa toôni Gono-tee Gãlai ŋɛ́i túɛ pere bɛlɛ́ɛ ǹíi ma. Ǹyaŋ dí gàa a gɛ́ɛ díɣâlai Ŋ̀uŋ è kɛ̀ a ŋ̀óloɔɔ ǹyee veerɛ dí kɛ̀ a dí ɣale-ɣaleɛɛ díkɛ ƃò toôni gbôŋ lá. Kɛ́lɛ gbono è kɛ̀ a ŋ̀áa pɔriɛɛ gɛ́ ƃò lâani naa.