Izikiɛ 5:11 - Bible

¹¹ “M̀ɛni ma, Ŋ̀wála-wâla kélee Ɣalai è mò ǹyɛɛi, ‘Tɔ̃yâ ma, tãi nɔ́ ka ŋápɛrɛ-maa waai maa tĩa kara la a ɣâla-pɔɔkɔŋ-ŋa da sâla nyɔ́mɔɔ-ŋa kulaai, ŋa pâi ǹyée kulâi ká mu. Ḿve pâi ká malôŋ kâai a dɔnɔ kpîŋ.

Yálá laawoo hɛɓɛ (dc)

¹¹ Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Yálá laawoo hɛɓɛ

¹¹ Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Izikiɛ 5:11 ပူးပေါင်းရင်းမြစ်များ

Tɔɔɓɛlaa veelɛ 21:4

È Ɣâla-pɔkɔɔŋ fɛli têƃele-ŋa kpɛ̀tɛ ŋâla-pɛrɛ kɛ́tɛi mu, ƃɛ́i Yâwɛɛ è mò a gɛɛ naa ƃé fɛ̂ɛ ǹûai dí vɛli naai.

Tɔɔɓɛlaa veelɛ 21:7

Yâwɛɛ è wɔ́lɔ mò gâloŋ Deeƃé da ǹóŋ Saloma ma, “Ŋâla-pɛrɛ Kɛ́tɛi ŋí mu da Zerusâlɛŋ taa-leei su ƃé ŋa dí síɣe zu Eezuɛ lɔii kélee su a gɛɛ ŋa ŋ̀wɛ̂lii ǹûai kélee díkɛ ḿvɛlîi naa. Naa káa a ŋ́gbɔɔi pɔ̀ɔ. Ńaa a pâi kɛ̂i naa ma ǹyaŋ naa ƃé da pâi kɛ̂i ḿvɛlîi naa wɔ́lɔ-wɔlɔ da wɔ́lɔ-wɔlɔ. Ŋ̀âla-pɛrɛi ŋí mu ƃé Manasɛ è ŋ̀úru kôyai tɔ̀ɔ naa ŋ̀âla-pɔkɔɔŋ Asira fɛli mɛni ma.”

Tɔɔɓɛlaa veelɛ 23:12

È ŋâla-teƃele-ŋai wôlo nyii Zuda kaloŋ-ŋai dí wɔ́lɔ dɔ̀ɔ Eɣa ŋɔkâloŋ-pɛrɛi mɛi-pere da ŋâla-teƃele-ŋai nyii Manasɛ è wɔ́lɔ gbɛ̀tɛ ŋâla-pɛrɛ kɛ́tɛi kɔlɛ m̀éla veerɛŋɔɔ ma. Gâloŋ Zosâya è gɛ̀ dí ŋâla-teƃelei-ŋai tí wólo-wolo dí vũa-fua dí bili Kidilɔŋ tiŋ-tiŋ su.

Kɔlɔnikɔ Veerɛi 33:4

È ɣâla-teƃele-ŋa tɔ̀ɔ ɣâla-da kpɛ́ni-ŋa mɛni ma Yâwɛɛ ŋɔpɛ́rɛi mu. Ǹyaŋ gwaa ŋí mâ ƃé Yâwɛɛ è wɔ́lɔ mò ǹyɛɛ, “Ǹáa a pâi kɛ̂i Zerusâlɛŋ wɔ́lɔ-wɔlɔ da wɔ́lɔ-wɔlɔ.”

Kɔlɔnikɔ Veerɛi 33:7

È wuru saa é dɔɔ Ɣâla ŋɔpɛ́rɛi mu. Bɛrɛi ŋí ƃe Ɣâla è wɔ́lɔ mò Deeƃé da ǹóŋ Saloma dîa ǹyɛɛi, “Bɛrɛi ŋí da Zerusâlɛŋ nyíi ŋa zîe Eezuɛ-sii-ŋai samai ƃe ŋa pâi ǹáa seêi m̀a wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Veerɛi 36:14

Maa tãi tí ma, zâla-laa-soŋ ƃelai láa túɛ-ƃela kpaya-kpayai kélee dí dípôlu tɔɔ Ɣâla ma díkɛ mɛni nyɔ́mɔ támaa ŋa kɛ ǹɔii su, díkɛ Ŋ̀âla-pɛrɛ Kɛ́tɛi maa-tĩa kara nyíi Yâwɛɛ è maa waa Zerusâlɛŋ.

Zôo 27:22

Vãai ŋí a pâi vɛ̂ɛi kpɔ́ a ŋa ŋánaa. A kɔ kpɔ́ a ŋánaa a gɛɛ é kúla vãai ŋɔwála-wala-laai perei.

Mąątɛ̨nɛ̨ 107:39

Tãi Ɣâla ŋɔnûai díkpɔara-ƃelai dí díyee mɛi ɣâle la, dí dísoŋ a ǹyɔ́mɔɔi,

Mąątɛ̨nɛ̨ 95:11

M̀ɛni ma, ŋá ńii ŋwàna dîa ŋá ŋ́gono tée ńyɛɛ dîai, ‘Káta fé pâi gɔ́ɔ pîlanii ǹɔii ma ŋá ŋ́gono tèe la kánaŋ pɔlɔ-ŋai yêei.’ ”

Ɉeremi 10:24

Ŋ́deniŋ tɔ́ɔ a pere lɛ́lɛɛ Óo Yâwɛɛ, a teniŋ ƃô laa. Ífe gɛ̀ a í lii ŋwânai. Ífa lâa ńɛɛ lâ kpɛ́ni-kpɛni.

Ɉeremi 16:18

Ŋa pâi díkula-maa kɛ̂i a ŋá-ŋanaa dísɔnyɔ̂ŋ-ŋai da díŋwana lɔ̂ɔ-ŋai mɛ̂ni ma. Kpɛ́ni fêi da ŋálɔii maa-tĩ̂a kara, da nãni pɛ́lɛ ma a díɣâla da kpɛ́ni-ŋa fɛliɛɛi. Da ŋ́gɔ̃lîŋ maa-tĩ̂a kara a ŋ̀âla-da-kpɛ́ni-ŋai nyíi-ŋai díkaa yɛ̂ɛ saa, díƃɛlɛ fé ŋ́goi.”

Ɉeremi 32:34

Dí díɣâla-pɔkɔŋ ƃɛlɛ-kpɛɛ ŋ́goi tɔ̀ɔ Ŋ̀âla-pɛrɛ Kɛ́tɛi mu ƃɛ́i nûa da ḿvɛ̀li naai, dí ńaa sée m̀a. M̀ɛni ma da Ŋápɛrɛi maa-tĩa kara.

Ɉeremi 44:4

Ŋá ŋálono kɛ́-nuui tɛ̂ɛ ká pɔ́naa nyíi-ŋai mò kâa a gɛɛ ká kpéra m̀ɛni nyɔ́mɔɔ ŋánaa-ŋai kɛ̂i nyii m̀ɛlɛ fé ŋ́goi.

Woolaa 2:17

M̀ɛnii Yâwɛɛ è gbɛ̀tɛi, aâ gɛ́. Aâ ŋ̀óoi ŋ̀aa-see kɛ́ nyii è m̀aa kôno-tee kɛ̀ kóraŋ támaa tɛɛ pôlu mai. È ísu kàra, vé íŋɛi malôŋ káa ní. È gɛ̀ íkpɔara-ƃelai dí íyee mɛi ɣále, dí sée ímɛi.

Woolaa 2:21

Ǹîa-pɛlɛɛi da ǹúu-pɔlɔ-ŋai da lâani bere-ŋai ma muluŋ su a dí poma. Da ǹyaŋkpa-ŋai da nɛnî-kpela-ŋai paâi a ƃóa-sɔ̂kpɔ. Ílii ŋwânai su, í gɛ̀ dí dípaa. Ífe dímalôŋ káa ní.

Izikiɛ 11:18

Ǹyaŋ tãi da pâi pâi la naai, da pâi m̀aa-tĩa sãai kélee kulâi naa.

Izikiɛ 11:21

Kɛ́lɛ, ŋa pâi diai da zãa nyɔmɔ-ŋai da ŋâla-pɔɔkɔŋ-ŋai fɛlii, ŋa pâi díkula maa kɛ̂i. Ŋa pâi díkula maa kɛi mɛni nyɔmɔɔ-ŋai mɛ̂ni ma nyii ŋai dí gɛi.” Ńyãa Yâwɛɛ Ɣâla ƃe mò ti.

Izikiɛ 23:28

Ŋ̀wála-wâla kélee Yâwɛɛi è mò Óoliƃa mà ǹyɛɛi, “Ŋa pâi ítɛɛ̂i í kpɔara-ƃelai pɔ́ nyii-ŋai díƃɛlɛ fé íkoi.

Izikiɛ 23:38

Ǹaa pôlu ma tãi tɔnɔi tí nɔ́ ƃé da ŋáfii tɔ̂ɔ ɣelei maa tĩa kara la da ŋápɛrɛi.

Izikiɛ 23:39

Kpɛ́ni fêi, tãi tɔnɔi nɔ́ dí dínîa-pɛlɛɛi kùla la a sâlai, m̀aa tãi tɔnɔi tí nɔ́ ƃé dí pà la dí ŋápɛrɛi maa tĩa kara. Ǹyaŋ m̀ɛnii dí gɛ̀ a ŋápɛrɛi ká tí.

Izikiɛ 24:14

Ńyãa Yâwɛɛ ƃé mò tí. Ǹyaŋ ŋàa see a pâi kɛ̂i. Ŋa pâi gɛ́i tí. Ḿve pâi koyɛ̃nii perêi. Ḿve pâi í malôŋ kâai. Ḿve pâi ǹíi penei. Ŋa pâi íkula maa kɛ̂i yɛ̂ɛ berei ítâa-pere káa lai. Ńyãa Yâwɛɛ ńyãa ƃé mò tí.”

Izikiɛ 29:15

Da pâi kɛ̂i a dífii kpɛɛ é tɛɛ ǹɔii-ŋuŋ fíi-kpɛɛ ŋai kélee dîa. Ǹyaŋ dífe ŋɔ́nɔ pâi kɛ̂i lɔii-ŋuŋ da kélee mɛi. Ŋa pâi gɛ̂i pɔri fé pâi kɛ̂i dîɛ a gɛɛ dí gɛ́ lɔii-ŋuŋ da é kɛ́ díwoo mu.

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Izikiɛ 43:8

Eezuɛ kaloŋ-ŋai dí dípɛrɛ-ŋai lɛ̂ɛ a ŋá-pɛrɛi. Pɛ́rɛ kâŋ nɔ́ ƃé kɛ̀ kúloai. Dí dípɛrɛ-ŋai láƃerei kùla ŋ́ɔ̂i kɔlɛ ma dí díkpôŋ-ŋai lá kúla ŋápɛrɛi láƃerei kɔlɛ ma. Ǹûai ŋí ni da ŋápɛrɛi maa-waai maa tĩa kara a m̀ɛni nyɔ́mɔɔ-ŋai da gɛ̀i. M̀ɛni ma, ŋá ńii ŋwàna dîa ŋá dí su kàra.

Izikiɛ 44:7

Ka ŋápɛrɛi maa-tĩa kara kpɛ́ni fêi ká kɛ̀ ǹɛɛ̂i naa diai dífa ḿvɛ̀li díkɛ pà ŋápɛrɛ kɛ́tɛi mu a sâla kuláa a mii-sãa da sua-wulɔ é pɛ́lɛ ŋãa ma. Ka ŋákpanaŋ-wooi kàra a kásɔnyɔ̂ŋ-ŋai ká gɛ̀i.

Izikiɛ 5:7

M̀ɛni ma, Ǹuu-namui Ɣâla è mò ǹyɛɛ íkaa a sɔnyɔ̂ŋ nuu é tɛɛ ǹɔii-ŋûŋ-ŋai dítinaŋɔ̂ɔi yâi dîa. Ǹyaŋ yaâ ípôlu tɔɔ dɔ̂ŋ mâ ŋá ǹɛ yâi. Ífe ŋátɔ̂ŋ-ŋai mɛi kâai, kɛ́lɛ ya tûa a ǹɔii-ŋûŋ-ŋai dítinaŋɔ̂ɔi yâi dítɔ̂ŋ-ŋai.

Izikiɛ 7:20

Dígôo-ŋai da díkane yɔlɛ-ŋai dí gɛ̀ dísumɛ̂ni é kɛ́tɛ díkɛ díɣâla pɔɔkɔŋ ŋai kpɛtɛ la da pɔɔkɔŋ nyɔmɔɔ-ŋai. M̀aa mɛ̂ni ƃe ŋa pâi zãai ŋí kɛ̂i m̀ɛlɛ é kpɛɛ díkoi.

Izikiɛ 7:4

Ḿve pâi ká sɔnyɔ̂ŋ-ŋai su mɛni lɛɛ̂i, kpaa máŋ ŋá ká ŋ̀ɛ́i maloŋ káa. Ŋá pâi ká kula maa kɛ̂i ká mɛni nyɔmɔɔi maa mɛ̂ni ma. À kɛ̀ tí, ka pâi gɔlɔni a gɛɛ ńyãa ƃa Yâwɛɛ.”

Izikiɛ 7:9

Ḿve pâi kásɔnyɔ̂ŋ-ŋai su mɛ̂ni lɛɛ̂i, kpaa máŋ ŋá káŋɛi maloŋ káa. Ŋa pâi ká kula maa kɛ̂i yɛ̂ɛ berei ka sɔnyɔ̂ŋ kɛ̀ lai a gɛɛ ká gɔ́lɔŋ a gɛɛ ńyãa ƃa Yâwɛɛ nyii gáa ká kula maa kɛ̂i.”

Izikiɛ 8:15

Nya ƃe è marê kɛ̀ ǹyɛɛi, “Núu-kpune ǹóŋ, yá mɛni-ŋai ŋí kâai nɛ̀yãai ŋí da gɛi? Ya pâi mɛni nyɔmɔɔ kpaya-kpaya támaa kâai é tɛ́ɛ nyiŋi ma.”

Izikiɛ 8:16

È ŋɔ́nɔ lì a ńyãa Yâwɛɛ Ŋɔpɛ́rɛ Kɛ́tɛi ŋɔsiɣãŋ su pere siɣãŋ su bɛrɛi láƃerei. Kpakolo buu feerɛ káo lɔ́ɔlu díkɛ gbôŋ da ŋ̀âla-teƃelei díloai dípôlu féɣɛɛ Yâwɛɛ ŋɔpɛ́rɛi ma, díŋɛi liɛɛ voloi kulâi pere. Díkɛ naa díkɛ díŋuŋ mâ pîlaŋ díkɛ voloi-nɛnɛ̂ŋ ma foloi fɛli a díɣâlai.

Izikiɛ 8:18

M̀ɛni ma ŋa pâi ńii ŋwânai ŋá díkula maa kɛ̀. Ḿve pâi dísɔnyɔ̂ŋ-ŋai su mɛ̂ni lɛɛ̂i kpaa máŋ ŋá díŋɛi malôŋ kâa. A nɛ̀ɛ ma díwɔlɔ a ɣelêi pere, ḿve pâi ŋ́oli tɔɔ̂i díwɔlɔ-wôo ma.”

Izikiɛ 9:10

M̀ɛni ma ḿve pâi díŋɛi malôŋ kaai. Dí tɔnɔ kpîŋ fé pâi lɛɛ̂i. Ŋa pâi tuai a dîa yɛ̂ɛ berei dítua la a díƃaraai.”

Izikiɛ 9:5

Nya ƃe Ɣâla è mò ǹûai gbeli-ŋai dîa ǹyɛɛi, “Káa máŋ ka lɛɛ dípôlu ká tɛɛ daai samai ká dípaa. Káfe dítɔnɔ kpîŋ da lɛɛ kpaa máŋ ká dímaloŋ kaa.

Levetekɔ 15:31

“Ǹyaŋ Yâwɛɛ è mò Mose da Eelɔŋ dîa a gɛɛ dí Eezuɛ-ŋai lîa-woo ƃó pîlaŋ dímaa waa-laai mɛ̂ni ma, a gɛɛ dífa lâa Yâwɛɛ ŋɔ́ pɛ́rɛi maa tĩa kara la nyii kɛ̀ mûui sámai. À kɛ̀ da gɛ̀ tí, gɛ̀ ní da pâi saâi.”

Amɔsə 8:7

Ɣâla Yâwɛɛ nyii gáa a Eezuɛ Ŋɔɣâlai a vóo Zeeka ŋɔyoŋkai maa-mɛni ma, ǹyɛɛi, “Tɔ̃yâ ma, fé pâi ŋɔ́nɔ niâi díkɛ-mɛni-ŋai dɔnɔ kpîŋ ma.

Zakari 11:6

M̀ɛni ma Yâwɛɛ è mò ǹyɛɛ, “Fé pâi ŋɔ́nɔ núu-kpune malôŋ kâai ǹɔii ma ƃɛ́. Gáa, ŋa pâi gɛ̂i núu-kpune é mɛni-sôli káa díkîɛ-ni yêei, dí mɛni-sôli káa dímɛi káa-ƃelai yêei dí ŋɔ́nɔ gáa gâloŋ yèei. Ǹɔii a pâi karâi, ǹyaŋ fé pâi núu tɔnɔ kpîŋ kula yêei kɛ̂i.”

Malasi 3:17

Ŋ̀wála-wâla kélee Yâwɛɛ a môi ǹyɛɛi, “Da pâi kɛ̂i a ḿbɔɔ kpîŋ-kpiŋ, ŋ̀ele-kûui ŋa pâi pâi lai. Ŋa pâi dímalôŋ kâa yɛ̂ɛ berei ǹaŋ-nuui a ǹóŋ malôŋ kàa la nyii a tíi kɛ̀ mìi.

Lomaŋ 11:12

Ǹyaŋ à kɛ̀ díkɛɛ dífe Ɣâla wóo mɛni níi, su-kulai ƃa tɔɔ-laa ŋ̀éniɛi mɛni ma, à kɛ̀ ŋɔ́nɔ dífɛɣɛi su-kulai ƃa tɔɔ-laa Zɛ̃tai-ŋai mɛni ma, gɛ̀ ní ve pâi kɛ̂i a tɔɔ-laa kɛ́tɛ à kɛ̀ da pà pôlu Ɣâla pɔ!

Lomaŋ 11:21

Kpɛ́ni fêi, à kɛ̀ Ɣâla fe ŋulɔ-wuru lɛ́lɛɛi kpîŋ woŋo-ŋai su mɛni lɛɛ ni, ve pâi ísu-mɛni lɛ̀ɛi.

Lomaŋ 8:32

Ǹúui nyíi ve gbîŋ-Loŋ malôŋ káa ni, kɛ́lɛ, e dɛɛ kúkelee kúmɛni mai, ve pâi máŋ sɛŋ kélee tɛɛ̂i kúpɔ e pɛlɛ mà?

Dutɛrɔnome 29:20

Vé pâi wɔ́lɔ zu-mɛni lɛɛ̂i. A pâi dí su karâi a tólo da lii ŋwâna su kɛ́tɛ. Ǹáɣaŋ kélee bɔ̃yɛ̂ɛi gɔlɔi ŋí sui a pâi lɛɛ̂i ma. Yâwɛɛ a pâi ǹáa kulâi ɣele ma.

Hebreu 6:13

Ɣâla kɛ́ɛ a góno tée Eberaɣɛ̃ɛ yêei, núu da fé kɛ́ ní naa a gɛ́tɛ é tɛ́ɛ Ɣâla ma a gɛɛ Ɣâla é voo ma, ǹyaŋ è vòo ǹyaa kpîŋ ma,