Izikiɛ 21:9 - Bible

⁹ “Núu kpune ǹóŋ, ɣâla-woo ƃó ǹûai dîa. M̀ó dîa m̀ɛnii ńyãai a Ǹuu-namui ŋa môi: Ŋáƃoa-sɔkpɔi ŋá liɛɛi m̀aa waa.

Izikiɛ 21:9 ပူးပေါင်းရင်းမြစ်များ

Zôo 20:25

Da pâi m̀óŋ-nii a sɔla é tɛ́ɛ ńii su é kúla bôlu-pere. Mɛni kpɔ̂lu a pâi lâai mà.

Zôo 9:22

Mɛni da maa kpâaŋ fé ŋɔ́nɔ ḿâ. Ɣâla a zɔŋ-lɛlɛɛ-ƃelai da ŋ̀wana-lɔ̂ɔ-ƃelai kélee dífulu-laai kûla díyêei.

Azaya 27:1

Maa ɣêlei tí, Yâwɛɛ a pâi yúo zere kalii nyii da kɛ̂ ma Levietaŋ paâi a ŋɔƃóa-sɔkpɔ kɛ́tɛ su-kpanaŋɔɔ̂i. Galii ŋí a kɛ̂ láa-lâai bɛ̂rɛ-ma gɛ́ kpìniŋ-kpiniŋ yúo su.

Azaya 66:16

Diai kélee kpɔ́ dísɔŋ káa dîa ŋ̀éniɛi su gwaa kélee mai, a pâi díkula maa kɛ̂i a ŋɔŋ da ƃóa-sɔ̂kpɔ. Ǹyaŋ a pâi núu támaa pâai.

Ɉeremi 12:12

Núu paa-ƃela da kulâi vɛ̃ɛ-kpâlaŋ su dípa ǹɔii su. Da pâi kɛ̂i a Yâwɛɛ ŋɔƃóa-sɔkpɔi dí ǹûai kélee páa, é síɣe ǹɔii ƃéla dɔnɔ ma é tóo gbéli ma. Núu da fé pâi kɛ̂i ɣele ma lii-see su.

Ɉeremi 15:2

À kɛ̀ da ímarê kɛ̀, ‘Mí ƃé kwa liî naa?’ M̀ó dîa, m̀ɛnii Yâwɛɛ è mòi ƃa: ‘Diai gbɛtɛɛ̂i dímɛni ma a gɛɛ dí sáai, dísaa. Diai pâi lɛɛ̂i kɔ́-sui, dílɛɛ kɔ́ su. Diai gáa a sɛŋ puru é dípâai, é dípaa. Diai da pâi liî a dia kɔ-sôŋ laa sui, dí lí kɔ-sôŋ laa su.’

Ɉeremi 46:4

Ka kásoo-ŋai lá kɔli tòo ká tɛ́ dímɛi! Ka tɔɔ ɣɛli-ma ká kákɔ kɔ́-gbaƃɛlɛ-ŋai sée káŋûa! Ka gɔ́ kɔ́-seɣe-ŋai tóo kâa, ká gbála-ŋai ŋá lí!’ ”

Ɉeremi 47:7

Kɛ́lɛ, a pâi víi-tɔɔ pere kɛ̂i léŋ, ǹyaŋ ŋaâ tíi tɛ́ɛ bɔ́ a gɛɛ é gɛ́i? Ŋá mò ma a gɛɛ é pɛ́lɛ Asikɛloŋ ma da ǹûai nyíi-ŋai díseɛɛ káa ǹyái koo mai.”

Izikiɛ 21:15

A pâi gɛi dí yao dí támaa ɣele dítoo dí siɣaŋ lá ƃelei. Ŋáƃoa-sɔkpɔ tɛ̂ɛi gɛ fólo. Gɛ pere kɛ̂ɛi yɛ̂ɛ ŋ̀ele-gbâna ŋɔmãla-mãla, m̀aa waa núu paa mɛ̂ni ma.

Izikiɛ 21:28

Ŋ̀wála-wâla kélee Yâwɛɛi è mò ǹyɛɛi, “Núu kpune ǹóŋ, ye ɣâla-woo ƃó é pîlaŋ Amɔŋ-ŋai dîa da berei da pâi ƃâa kulâi la Eezuɛ ƃelai diai. M̀ó dîa a gɛɛ, ‘Ƃóa-sɔ̂kpɔ ŋá tɛ̂ɛi a gɛɛ é ká su kara. Ŋá-liɣɛɛ̂i a gɛɛ é núu paa. Gɛ́ kɛ́ mãla-mãla yɛ̂ɛ ŋ̀ele-gbana ŋɔmãla-mãla.

Izikiɛ 21:3

M̀o Eezuɛ ƃelai dîa yɛ̂ɛi, Yâwɛɛ ǹyɛɛi ká káa a ŋ́gbɔra-ƃela. M̀ɛni ma ŋa pâi ŋa ƃóa-sɔ̂kpɔi kulâi daâi, ŋá deniŋ-ƃo ƃelai da wãna-lɔ̂ɔ ƃelai kélee paa la kásama.

Izikiɛ 21:4

Kpɛ́ni fêi ŋa pâi deniŋ-ƃo ƃelai da wãna-lɔ̂ɔ ƃelai kélee paâi ká samai, ŋa pâi ŋá ƃoai kulâi daai ŋá ǹûai kélee páa la è siɣe yá-ŋua pere é too séɣai pere.

Izikiɛ 21:8

Yâwɛɛ è ńdôli ŋɔ́nɔ ǹyɛɛi,

Amɔsə 9:4

A nɛ̃ɛ máŋ díkpɔara-ƃelai dí lí a dia luɛ-laa su, ŋa pâi m̀óa-sɔkpɔi kɛ̂i é dípaa. Ŋ́ɛi a pâi kɛ̂i dîa, mɛni nyɔ́mɔɔ mɛni ma, mɛni lɛ́lɛɛ fêi.”