Izikiɛ 14:3 - Bible

³ “Núu-kpune ǹóŋ, ǹûai ŋí da dí ɣâla-pɔɔkɔŋ-ŋai siɣe dílii su a gɛɛ díkɛ sɔnyɔ̂ŋ kɛ. Ǹyaŋ díɣâla-pɔkɔɔŋ-ŋai da díperei kpaâŋ dí ŋ̀ɛi fa ŋɔ́nɔ kwaa kaa. Da gaai yɛɛ sɛŋ ƃé ŋa pâi díkili-ŋa ponoi?

Yálá laawoo hɛɓɛ (dc)

³ Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Yálá laawoo hɛɓɛ

³ Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Izikiɛ 14:3 ပူးပေါင်းရင်းမြစ်များ

Tɔɔɓɛlaa veelɛ 3:13

Ilasa è mò Eezuɛ kaloŋ ma ǹyɛɛi, “Ƃa ŋ̀wɛ̂lii ŋá kpɔŋ mâa tɛɛ ípɔ lé mɛni ma? Lí ínâŋ da ílee-ni díɣâlai ŋɔlóno-kɛ-ƃelai pɔ́.” Eezuɛ kaloŋ è zu tòo ǹyɛɛi, “Kpaa, kpɛ́ni fêi, Yâwɛɛ ƃé kúa saaƃai ŋí kú tòli gîe ma a gɛɛ é kú tɛ́ɛ Môa pɔ́.”

Mąątɛ̨nɛ̨ 101:3

Fé pâi ŋɔ́nɔ ńyee pilîi mɛni nyɔ́mɔɔ da kɛ́ mɛni su, kpaa máŋ wôya mɛni da. Diai dí tɔɔ̂i Ɣâla mai, da ƃɛlɛ fé pâi kɛ̂i ŋ́goi. Fé pâi wɔ́lɔ lɛɛ̂i da pôlu.

Mąątɛ̨nɛ̨ 66:18

Eêi kɛ̀ fé ŋásɔnyɔ̂ŋ ƃó ní Ǹuu-namui ma, vêi ŋ̀óli tɔ̀ɔ ḿâ.

Hanwon 15:29

Ɣâla Yâwɛɛ a ŋ̀óli tɔ̀ɔ tɔ̃yâ-nuu ŋɔɣâla-fɛli-wooi ma, kɛ́lɛ va ŋ̀óli tɔ̀ɔ ŋwana-lɔ̂ɔ-nuu wóo ma.

Hanwon 15:8

Ŋwana-lɔ̂ɔ-nuu ŋɔsâla-sãai ƃɛlɛ kpɛɛ̂i Ɣâla Yâwɛɛ koi, kɛ́lɛ tɔ̃yâ-nuu ŋɔɣâla-fɛli-wooi a ǹíi làa.

Hanwon 21:27

Ŋwana-lɔ̂ɔ-nuu ŋɔsâla-sɛŋ ƃɛlɛ fé Ɣâla Yâwɛɛ koi, ŋuŋ kpîŋ-kpiŋ ƃa à kɛ a zâlai kpîŋ kùla a kíri-pere.

Hanwon 28:9

Ǹúui va ŋ̀óli tɔ̀ɔ dɔ̂ŋ mai, ŋɔɣâla fɛli-wooi ƃɛlɛ kpɛɛ̂i Ɣâla koi.

Azaya 1:15

“A nɛ̃ɛ ma kpîŋ ká kɛ́ ḿvɛ̀li, kákɛ káyee tɛ̀ ɣelêi, ŋa pâi ŋɛ́i loôi kâa, kpɛ́ni fêi, ŋãa támaa káa káyee ma.

Azaya 33:15

Diai pâi ŋuŋ ma ƃo sɔlɔ ƃôi dia ƃa diai da mɛni ƃô a tɔ̃yâ pere, díkɛ maa tûa kɛ̂i, diai dífe wɛ́lini a fili mɛni da yee-pɛlɛ ǹá-sɛŋ mɛnii. Dia ƃa diai dífe wɛ́lini dí díyee píli núu-kpune ŋãa pu mɛni sui, dífa ŋ̀wɛli dí mɛni nyɔ́mɔɔ da kélee kɛ̂i káai.

Ɉeremi 11:11

M̀ɛni ma, ŋa pâi pâi a mɛni nyɔ́mɔɔ dîa nyíi dífe pâi pɔrîi kulâi zu. A nɛ̃ɛ ma díwɔlɔ ḿâ, ḿve pâi ŋ́oli tɔɔ̂i dîa.

Ɉeremi 17:9

“Gbɛ̂ɛ ƃa târe núu-kpune ŋɔkili-ŋa-siâi su? Sɛŋ tá fé naa gɛ̀ núu pɛ̀lɛ yɛ̂ɛ ǹyaa. A kɔ̂lɛi kpɔ́ zale fé ma.

Ɉeremi 21:2

Dí pà ḿbɔ dîyɛɛ ḿâi, “Yâwɛɛ marê kɛ́ é kpɔ́ŋ kûa, kpɛ́ni fêi, Gâloŋ Nɛbukinaza nyíi gáa Babelɔŋ a kɔ́ pɛ́lɛ kûa. Tãi da Yâwɛɛ a pâi ŋɔŋɛi-kɛ-maai da kɛ̂i yɛ̂ɛ berei a kâa gɛ̀ lai a gɛɛ Nɛbukinaza é lene pôlu.”

Izikiɛ 11:21

Kɛ́lɛ, ŋa pâi diai da zãa nyɔmɔ-ŋai da ŋâla-pɔɔkɔŋ-ŋai fɛlii, ŋa pâi díkula maa kɛ̂i. Ŋa pâi díkula maa kɛi mɛni nyɔmɔɔ-ŋai mɛ̂ni ma nyii ŋai dí gɛi.” Ńyãa Yâwɛɛ Ɣâla ƃe mò ti.

Izikiɛ 14:2

Nya ƃe Yâwɛɛ è lono ḿbɔ ǹyɛɛi,

Izikiɛ 14:4

“M̀ɛni ma mò dîa nyii-ŋai ńyãa Yâwɛɛ ŋá mòi diai. Eezuɛ ǹúu nyii kélee a ŋɔŋâla-pɔɔkɔŋ siɣe ǹíi-sui nyii a berei kpaaŋ ŋɔsɔnyɔ̂ŋ sui, é pá ɣála ŋɔlono-kɛ-nuui pɔ naai ńyãa Yâwɛɛ, ńyãa kpîŋ ƃe pâi ŋ̀óo su tooi ŋɔɣâla pɔɔkɔŋ támaa-ŋai mɛ̂ni ma.

Izikiɛ 14:7

“Eezuɛ ǹúui nyii pâi bôlu tɔ̂ɔi mâ, kpaa máŋ ŋ̀ɔyãai nyii zéɛɛ káa Eezuɛ-lɔii sui nyii a bôlu tɔɔ mâ gɛ ɣâla-pɔkɔɔŋ fɛlii nyii a bere kpaaŋ ŋɔsɔnyɔ̂ŋ sui, à pà ɣâla-ŋɔlono-kɛ-nuui pɔ́ é m̀arê kɛ́ ḿaa mɛni ma, ńyãa Yâwɛɛ ńyãa kpîŋ ƃé pâi ŋ̀óo su tôoi.

Izikiɛ 20:16

Ŋá mò a gɛɛ dífe pâi liî ǹɔii ŋí su kpɛ́ni fêi dífe díwoli tɔɔ ŋí ŋátɔ̂ŋ-ŋai dîa dí m̀ɛi káa. Dífe ŋáfii-tɔɔɔ ɣelei ŋɔtɔ̂ŋ ŋai mɛi káa ni, kɛ́lɛ dí tinaŋ díkɛ ɣâla-pɔkɔɔŋ ŋa fɛli.

Izikiɛ 20:3

“Nuu-kpune ǹóŋ, mò Eezuɛ ǹuu-pɔlɔ ŋai dîa yɛ̂ɛi, Ŋ̀wála-wâla kélee Yâwɛɛi ǹyɛɛi, Marê kɛ́ mɛni ƃe ká bà kɛ̂i? Tãi nɔ ŋ́gaa la ɣele mai, káfa pɔri marê kɛ̂i.

Izikiɛ 20:31

Tãi ka ká sama-sãai tɛɛ la ka kálônii kula a kereŋ-salai, ka kákpîŋ maa-tĩa kara a ŋâla-pɔɔkɔŋ ŋai ti. Eezuɛ ƃela, ka pɔri marê kɛ̂i a bere ŋa tua lai? Kpao. Tãi nɔ́ ńyãai a Ŋ̀wála-wâla kélee Yâwɛɛi ŋgáa la ɣele mai, ḿve pâi worɛ̂-woo da ƃoi kâa a ǹɛɛ ma ká marê kɛ.

Izikiɛ 3:20

“Ǹaa pôlu ma, a kɛ̀ teniŋ ƃô nùu a bôlu tɔ̀ɔ ŋɔteniŋ ƃô tuai mâ é sɔnyɔ̂ŋ kɛ́, ŋá pâi baâi. Kpɛ́ni fêi ífe ǹia-woo ƃó ní. A pâi saâi ŋɔsɔnyɔ̂ŋ su. Denîŋ-ƃo tuai nyii è gɛ̀ a bɔlɔɔi a pâi liî kpɛ́ni-kpɛni. Ǹyaŋǹyaŋ ŋa pâi ísonii m̀ɛni ma.

Izikiɛ 33:30

Yâwɛɛ è mò ǹyɛɛi, “Núu-kpune ǹóŋ, ínûai da kɔ̃yɛŋ daai kɔlɛ mâ ziɣãŋ mâ da dípɛrɛ-ŋai láƃerei da kɛ̂ lônoi é pîlaŋ yâ. Da kɛ̂ môi díkîe-ni dîa dîyɛɛi, ‘Pá í mɛnii Yâwɛɛ è mòi í mɛni.’

Izikiɛ 36:25

Ŋa pâi yá lɛ́lɛɛ kpɛmɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa wâai ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa wâai ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Izikiɛ 44:12

Kpɛ́ni fêi dia ƃé kɛ̀ ŋ̀âla da kpɛ́ni-ŋai fɛlîi Eezuɛ-ƃelai mɛ̂ni ma. Bere-sii ŋí ƃé dí Eezuɛ-ƃelai kɛ̀ la díkɛ sɔnyɔ̂ŋ kɛ̀. M̀ɛni ma Ńyãai ŋ́gaa a Ŋ̀wála-wâla kéleee Yâwɛɛ ŋá mò a gɛɛ ŋa pâi díkula maa kɛ̂i m̀ɛnii ŋí maa mɛ̂ni ma.

Izikiɛ 6:9

Ǹyaŋ diai da pâi liî a dîa kɔ́-soŋ pere sui da pâi díkili-ŋa siai é pîlaŋ mâ ǹɔii-ti su ƃɛɛ̂i da pâi kɛ̂i naai. Da pâi gɔlɔni berei ŋá ǹíi ŋwana la dîa é pîlaŋ berei mâ dí dípôlu-tɔɔ la mai a dílii da díŋɛi nyii gɛ̀ ɣâla-pɔkɔɔŋ fɛli mɛ̂ni kɛ́ too díkoi. À kɛ̀ tí, díƃɛlɛ a pâi kpɛɛ̂i díkpîŋ koi ŋwana-lɔ̂ɔ dí gɛi mɛ̂ni ma.

Izikiɛ 7:19

Da pâi díkane-ŋai pilii berei-leei ma yɛ̂ɛ kala. Dígôo-ŋai da pâi kɛ̂i yɛ̂ɛ sɛŋ maa-liƃiɛɛ. Díkane-ŋai da dígôo-ŋai dífe pâi pɔri dímaa teei a tãi Yâwɛɛ a pâi ǹíi ŋwanai lai. Dífe pâi dilíi laai kpaa máŋ dímaa mɛni é dílii laa. Gôoi da ganei ƃe díperei kpaaŋ díkɛ tòo sɔnyɔ̂ŋ su.

Osia 4:5

Ya pâi karênii a ɣele ƃɔ́ɔ, yɛ̂ɛ à kɛ̀ a kpíni. Ɣâla ŋɔlóno kɛ̂-nuui a pâi karênii máŋ bere sîi tɔnɔi ŋí su. Ŋa pâi Eezuɛ su-karâi nyii gáa a íleei.

Sofoni 1:3

núu-kpune da lɔɔ-sûa kélee, ŋá ŋɔni-ŋai su kara da ǹyɛ̃ɛ-ŋai. Ŋa pâi ŋ̀wana-lɔ̂ɔ-ƃelai yée mɛi ɣâlei, ŋa núu-kpune kula ǹɔii ma. Núu tɔnɔ kpîŋ fé pâi lɛɛ̂i ɣele ma.

Zakari 7:13

Tãi ŋá dítòli lai, dífe díwoli tɔɔ ní. M̀ɛni ma tãi dí ńdòli lai, fé ŋ́oli tɔ̀ɔ ní.

Lukə 20:8

Nya ƃe Zîsɛ e mò dîa, ǹyɛɛi, “Ńyãa máŋ fé pâi m̀ôi kâa le-wala-wala-laa ƃe ŋa mɛni-ŋai ŋi kɛ̂i la.”

Ifisiɛŋ 5:5

Ka láa la a gɛ́ɛ goyaŋ-wulu-wulu kɛ-nuu, kpaa máŋ núu maa liƃiɛ, kpaa máŋ sɛŋ maa-lii-tee-nuu (nyíi gáa a ɣâla da kpɛni fɛliɛɛi), va Ɣâla da Kôrai díkâloŋ-laai su-sãai da sɔlɔ ƃo.

Piɛrə dɔlɔɔ 2:8

Ǹyaŋ, “Gɔnii nyíi pâi nûa kɛ̂i dí karêŋ, gɔnii nyíi pâi díkɛ̂i dí tooi.” Ǹyaŋ dí kàreŋ, kpɛ́ni fêi, dífe díwoli tɔɔ ni ŋ̀óoi ma nyíi dí dílɛ̀ a gɛɛ dí gɛ́i.

M̀ɛni-lɛɛi 2:14

Kɛ́lɛ, mɛni da-ni káa naa ńdɔɔ̂i la yâ. Maa-mɛni-ŋai ƃa núu da-ni káa naa íyeêi nyíi-ŋai da Beelaŋ ŋɔsɛŋ-lɛɛi sòŋ a gbanaŋɔɔ̂i, nyíi sɛŋ lɛ̂ Bara ma a gɛɛ é Eezuɛ ǹônii perêi kpáaŋ a gɛɛ dí mii-sɛŋ mii da gùla a sâla ŋ̀âla-pɔɔkɔ̂ŋ-ŋai diai, dí wulu-wulu-kɛ́ɛ maa kɔ̂ri.

Samuɛlə dɔlɔɔ 28:6

È Yâwɛɛ marê kɛ̀ m̀ɛnii ma a pɔri gɛ̂i. Kɛ́lɛ Yâwɛɛ fé ŋ̀óo su too ní a see-woo su kpaa máŋ a Uliŋ da Tumiŋ, kpaa máŋ a Ɣâla ŋɔlóno kɛ́-nuu da.