Izikiɛ 13:9 - Bible

⁹ Ŋa pâi ǹɛ́ɛ-ɣala-woo ƃó-ƃelai da ǹɛ́ɛ-zĩa káa-ƃelai kula maa kɛ̂i. Dífe pâi kɛ̂i ŋá mɛni-kpɛtɛ-ƃelai sáma, kpaa máŋ dílaa kɛ́ ƃò Eezuɛ-ŋai láa sáma, kpaa máŋ dí lí Eezuɛ lɔii su. À kɛ̀ tí, ká pâi gɔ́lɔnîi a gɛɛ ńyãa ƃa Ŋ̀wála-wâla kélee Yâwɛɛi.

Yálá laawoo hɛɓɛ (dc)

⁹ Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Yálá laawoo hɛɓɛ

⁹ Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 13:9 ပူးပေါင်းရင်းမြစ်များ

Tɔɔɓɛlaa dɔlɔɔ 13:18

Ɣâla ŋɔlóno kɛ́-nuu pɔlɔi è zu tòo ǹyɛɛ m̀ai, “Ńyãa máŋ ŋ́gaa a Ɣâla ŋɔlóno kɛ́-nuu nɔ́ yɛ̂ɛ berei íkaa lai. Ɣâla-taa kela tɔnɔ è lòno ḿbɔ a Yâwɛɛ wóo ǹyɛɛi, ‘Pá la pôlu ípɛrɛi lá a gɛ́ɛ é mii-sɛŋ mii, é yá kpéle.’ ” Kɛ́lɛ è kɛ̀ lɛ́ɛ kɛ̂i ma.

Ɛsdrasə 2:59

Núu ŋuŋ lɔ́ɔlu mɛi da pôlu buu lɔ́ɔlu kao feerɛ (652) díkula gɔ́-soŋ laai su dí lène pôlu Eezuɛ. Kɛ́lɛ dífe pɔ̂ri-ni ǹɛ̂i a gɛɛ dínûai díkɛ̀ a Eezuɛ-ƃela. Dí kùla Dilaila, Tobai, da Nikoda nuu-suui su. Dí kɛ̀ Tɛɛ-mela, Tɛɛ-asa, Seru, Adaŋ, da Imɛɛ taa lee-ŋai su kɔ-soŋ-ŋai laa su.

Mąątɛ̨nɛ̨ 101:7

Kíri nuu da fé pâi kɛ̂i a ŋákâloŋ-pɛrɛi mu-ƃelai da. Lɛ́ɛ-nuu da fé pâi wɔ́lɔ pâi ŋ́ɛi-tuɛ.

Mąątɛ̨nɛ̨ 69:28

Dílaa kúla vúlu-laa kɔlɔi su. Da láa fé kɛ̀ deniŋ ƃô-ƃelai láa sáma.

Mąątɛ̨nɛ̨ 69:5

Óo Ɣâla, í ŋáƃoo tûa perei kɔ́lɔŋ. Sɔnyɔ̂ŋ da fé ŋ́gbonôi nyii ífe gɔ́lɔŋ.

Mąątɛ̨nɛ̨ 87:6

Diai dí dímaa sɔlɔ ƃò Zerusâlɛŋ, Yâwɛɛ a pâi dílaa pɔ̃yɛ̂i Zerusâlɛŋ lɔii lonii láa pɔ̃yɛ kɔlɔi su.

Mąątɛ̨nɛ̨ 95:11

M̀ɛni ma, ŋá ńii ŋwàna dîa ŋá ŋ́gono tée ńyɛɛ dîai, ‘Káta fé pâi gɔ́ɔ pîlanii ǹɔii ma ŋá ŋ́gono tèe la kánaŋ pɔlɔ-ŋai yêei.’ ”

Azaya 4:3

Diai pâi lɛɛ̂i Zerusâlɛŋ nyii Ɣâla a dísiɣe zui, da pâi dítôlii a nûa maa waa-ŋa.

Ɉeremi 14:15

Ɣâla ŋɔlóno kɛ́ ƃelai nyíi-ŋai mò dîɛ puru da kɔ́ dífe pâi toôi ǹɔii sui, ǹyaŋ ḿve mó ní tíi, Ńyãa Yâwɛɛ ŋa pâi dí paâi a kɔ́ da puru.

Ɉeremi 17:13

Yâwɛɛ, yá ƃa Eezuɛ ŋɔkili-kɛ-maai. Ǹúui nyíi a bôlu tɔ̀ɔ yâi, a pâi ŋumɛi. Da pâi lániî yɛ̂ɛ da núu láa pɔ̃yɛ muluŋ su, kpɛ́ni fêi, da dípôlu tɔɔ Yâwɛɛ ma, nyíi gáa yɛ̂ɛ ya-ɣɛli-loŋ nyii a fúlu-laa tɛ̀ɛ núu pɔi.

Ɉeremi 23:20

ǹyaŋ va kpêra é lɛ́ɛ la zu m̀ɛnii a ŋ̀wɛ̂lii é gɛ́i, é kɛ́. Tãi tí a sèri, ŋɔnûai da pâi târei zu a ǹɛ́lɛɛ.”

Ɉeremi 4:9

Yâwɛɛ è mò ǹyɛɛi, “Tãi tí a sèri, gâloŋ-ŋai da ŋɔtíi kɛ́-ƃelai da pâi kɛ̂i yaôi. Zâla láa-soŋ-ƃelai líi a pâi ƃêlai dîa. Ɣâla ŋɔlóno kɛ́-ƃelai lá é kpála dîa.”

Izikiɛ 11:10

Ka pâi ƃóa-sɔ̂kpɔ sàa kɛ̂i kákpîŋ lɔii ŋɔ gɔ̀yaŋ-perei mâ. À kɛ̀ tí ká pâi gɔ́lɔnîi a gɛɛ ńyãa ƃa Yâwɛɛ.

Izikiɛ 12:20

Daa-leei ŋai nyii kélee kpɔ́ ǹáa fɛɛi a pâi lɛɛ̂i a volo. Ǹɔii a pâi lɛɛ̂i bûŋ. À kɛ̀ tí, da pâi gɔlɔni a gɛɛ ńyãa ƃa Yâwɛɛ.”

Izikiɛ 13:14

Ziaŋ tí ká ŋ̀wée-kolei sia mai, ŋa pâi ŋ̀woloi kpɔ́ é seri ǹɔii mâ ká kɛ gɔɔ-pilani kɔni-ŋai kâa. Tãi a pâi woloi lai, a pâi ká paâi. Ǹyaŋ a kɛ̀ tí, ká pâi gɔlɔni a gɛɛ ńyãa ƃa Yâwɛɛ.

Izikiɛ 13:23

M̀ɛni ma, ká lɛ́ɛ zĩ̂ai da ká lɛ́ɛ ɣâla-woo ƃoɔɔi a nâa kpɛɛ. Ŋa pâi ŋánûai kulâi káyeei. A kɛ tí, ka pâi gɔlɔni a gɛɛ ńyãa ƃa Yâwɛɛ.”

Izikiɛ 20:38

Ŋa pâi diai dítɔɔi mai da zɔŋyɔ̂ŋ kɛ ƃelai kulâi kásama. Ŋa pâi díkulâi ǹɔii ŋai su ƃɛɛi díkaa naai. Ḿve pâi ǹɛɛi naa dílene pôlu Eezuɛ lɔii su. A kɛ ti, da pâi gɔ́lɔŋ nii a gɛɛ ńyãa ƃa Yâwɛɛ.

Danîa 12:1

Ŋ̀âla-taa-kelai kɛ̀ zĩ̂ai su-kulai Dania mai, è ŋɔ́nɔ mò m̀a ǹyɛɛi, “Tãi tí ma, Makɔɔ nyii gáa a Ŋ̀âla-taa kéla-ŋai láa túɛ-ƃelai dɔnɔi nyii a ínûai maa kɔ̃ɔi, a pâi pâi. À pà, mɛni kpânaŋ a pâi kulâi ǹûai dîa. A pâi kɛ̂i a mɛni kpânaŋ nyii da fé tá kɛ́ ní é síɣe ǹɔii-ŋûŋ-ŋai kɔ́ɔ pîlaŋ tãi mai. Kɛ́lɛ maa tãi tí ínûai nyii-ŋai dílaa pɔ̃yɛ̂i gɔlɔi sui da pâi ŋuŋ ma ƃô sɔlɔ ƃôi.

Osia 4:5

Ya pâi karênii a ɣele ƃɔ́ɔ, yɛ̂ɛ à kɛ̀ a kpíni. Ɣâla ŋɔlóno kɛ̂-nuui a pâi karênii máŋ bere sîi tɔnɔi ŋí su. Ŋa pâi Eezuɛ su-karâi nyii gáa a íleei.

Osia 9:3

Eezuɛ-ŋai dífe pâi lɛɛ̂i Yâwɛɛ ŋɔlɔii su. Kɛ́lɛ ká tá-ŋa ka pâi liî pôlu Ize lɔii su. Ǹûai kpéli-ŋai da pâi liî Asiria lɔii su ƃɛ́i da pâi zãâi mii naa nyii maa fé waa-ni Ɣâla ŋɛi.

Mise 3:5

Yâwɛɛ è m̀ɛni-ŋai ŋí ƃò diai dîa da díkpîŋ sìɣe a ŋɔlóno kɛ́-ƃela díkɛ ŋɔnûai ƃòo dîyɛɛi, “Lii-see é kɛ́ kápɛrɛi lá.” Kpɛ́ni fêi, da sɛŋ da wɛ̂lii díyêei, ǹyaŋ díkɛ diai fôo dífa díyee sèe dímui.

Mise 3:6

“Ǹɛ́ɛ Ɣâla-woo ƃó-ƃelai, kátãi a kɛ́ kpɛɛ̂i. Kpíni su kɛ́tɛ a pâi toôi kâa nyii káfa pɔ̂ri m̀ɛnii kɔ́lɔnîi pâi kɛ̂i a kaai. Vóloi a pâi liî ka káfa ŋɔ́nɔ mɛni da kélee ŋá kàa. Kpɛ́ni fêi ka ŋánûai kúla bere sã́ai ma.”

Lukə 10:20

Kɛ́lɛ, káfe lii-nɛ̃ɛ kɛ̀ nyiŋi su a gɛɛ nyînaŋ nyɔ́mɔɔ-ŋai da káwoo siɣe; kɛ́lɛ, kálii e nɛ̃ɛ a gɛɛ kálaa pɔ̃yɛɛ̂i Ɣâla-taa.”

Filipə 4:3

Ŋa ímarê kɛ̂i máŋ Sizigɔ, yái íkaa a tɔ̃yâ-nuu. Kpɔŋ nɛni-ŋai ŋí dîa, kpɛ́ni fêi, kwa dîa-ni kwa tíi kɛ̀ Duŋ Lɛ́lɛɛi su, e pɛlɛ Kilɛmɛ ma da marâa-tii-kɛ-ƃelai kpeli-ŋai, nyíi-ŋai dílaa káa vulu-laa-kɔlɔi sui.

Hebreu 12:23

Ka seri bɔɔ-sɛŋ sɔlɔ ƃó-ƃelai maa-kpɔŋ ma, nyíi-ŋai dílaa káa Ɣâla-taai, da mɛni-ŋa-tee-nuui nyíi gáa a núu kélee Ŋɔɣâlai, da maa-waa-ƃelai dímɔ̂leŋ nyíi-ŋai dí maa-waa-laai láa fɛ́ɛi Ɣâla-taai.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ-pìlaŋ-tãi é lɛ́ɛ serii.

M̀ɛni-lɛɛi 19:20

Dí zuai sòŋ da Ɣâla-maa-wôya lono-kɛ-nuui nyíi ŋɛ̀i-kɛ-maa-ŋa kɛ̀ zuai ŋ́ɛi-tuɛi. Diai zuai pɔ́ɔ è kɛ̀ dítôŋ lá da diai zua-pɔɔkɔ̂ŋ fɛlii, Ɣâla-maa-wôya lono-kɛ-nuui, é dípɛlɛ a ŋɛ̀i-kɛ-maa-ŋai ŋí. Dí zuai da nalôŋ ŋí pìli a dífulu ŋɔŋ kɛ́tɛ su nyíi kɛ̀ yɛ̂ɛ póa kɛ́tɛi, nyíi a sɔɔfɔ kèreŋ.

M̀ɛni-lɛɛi 20:12

Nya ƃe ŋá zaa-ƃelai kàa, núu kpaya-kpaya da nîa-pɛlɛɛ, dí ƃo tɔɔ ni gâloŋ-see-sɛŋ ŋ́ɛi-tuɛ, kɔlɔ-ŋa lá ƃóɔ. Kɔlɔ da kpɛni máŋ lá è kɛ̀ a m̀óɔ, nyíi gáa a vúlu-laa-kɔlɔi. Zaa-ƃelai dímɛnii ŋá tèe mɛnii è kɛ̀ a bɔ̃yɛɛ gɔlɔ-ŋai su, yɛ̂ɛ berei dítûa-pere è kɛ̀ lai.

M̀ɛni-lɛɛi 20:15

Ǹyaŋ à kɛ̀ dífe núu da láa káa ní vúlu-laa-kɔlɔi su, dí maa-nuui pìli ŋɔŋ kɛ́tɛi su nyíi gáa yɛ̂ɛ poai.