Izikiɛ 13:6 - Bible

⁶ Da lɛ́ɛ zĩ̂a-ŋa kàa. Díkɛ lɛ́ɛ-ɣâla-woo ƃo. Da kɛ mòi diɛi díkaa ŋ̀óo su kulâi, kɛ́lɛ ḿva dítɛɛ. À kɛ̀ tí, díkɛ gâai yɛ̂ɛ sɛŋ ƃé m̀ɛnii da môi a pâi kɛ̂i a tɔ̃yâ.

Yálá laawoo hɛɓɛ (dc)

⁶ Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Yálá laawoo hɛɓɛ

⁶ Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Izikiɛ 13:6 ပူးပေါင်းရင်းမြစ်များ

Tɔɔɓɛlaa dɔlɔɔ 22:12

Ɣâla ŋɔlóno kɛ́-ƃela kpéli-ŋai kélee dí kɛ̀ tuɛ-mɛni tɔnɔi tí ƃôi. “Kɔ́ pɛ́lɛ Lemɔ Gilia ma ǹyaŋ ya pâi ǹyée mɛi ɣâlei.” Dí mò dîyɛɛi, “Yâwɛɛ a pâi naa tɛɛ̂i gâloŋ pɔ́.”

Tɔɔɓɛlaa dɔlɔɔ 22:15

Báai, gâloŋ è marê kɛ̀, “Mikâya, kwa pɔri kɔ́ pɛlɛ̂i Lemɔ Gilia ma, kpaa máŋ ŋá ǹyée kúla zu?” È zu tòo ǹyɛɛi, “Kɔ́ tée, ƃa pâi díyee mɛi ɣalêi, kpɛ́ni fêi, Yâwɛɛ a pâi naa tɛɛ̂i gâloŋ pɔ́.”

Tɔɔɓɛlaa dɔlɔɔ 22:27

Ka mò dîa kâai, m̀ɛnii ká ŋí gâloŋ a m̀ôi, ‘Nyáŋkpai ŋí lɔ́ kpini-pɛrɛ mu. Ífe mii-sɛŋ da kpɛ́ni tɛ̀ɛ bɔ́ fɛ̂ɛ nɔ́ kpólo da yá é lɛ́ɛ la zu ŋá pene pôlu fúlu-laa lɛ́lɛɛ su.’ ”

Tɔɔɓɛlaa dɔlɔɔ 22:37

Nya ƃe gâloŋ è sàa dí pá a boma Sameria dí ǹoo naa.

Tɔɔɓɛlaa dɔlɔɔ 22:6

Eezuɛ kaloŋ è Ɣâla ŋɔlóno kɛ́-ƃelai tòli díkîe ma. Dí kɛ̀ yɛ̂ɛ núu ŋuŋ náaŋ. È dímarê kɛ̀ ǹyɛɛ dîai, “Ŋa pɔri liî a gɛ́ɛ ŋá kɔ́ Lemɔ Gilia pɔ́, kpaa máŋ ŋá kpéra?” Dí zu tòo, “Lí, kpɛ́ni fêi, Yâwɛɛ a pâi dɛɛ̂i gâloŋ pɔ́.”

Hanwon 14:15

Diai dífa mɛni ŋá kaai, da mɛni kélee sìɣe a tɔ̃yâ, kɛ́lɛ táre-nuu a zia-pere maa kpɛ̂ɛ.

Ɉeremi 14:14

Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Ɉeremi 23:16

Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Ɉeremi 28:1

Zɛdikaya kɛ́ɛ a kâloŋ Zuda lɔii mɛi ŋɔkóraŋ ǹáaŋ, ŋɔŋáloŋ ǹɔ́ɔlui su, Ɣâla ŋɔlóno kɛ́-nuu tɔnɔ è kɛ̀ naa ǹáa ƃé kɛ̀ a Ananaya. Ananaya ŋí è wɔ́lɔ kɛ̀ a Azɔ ǹóŋ. Ananaya ŋí seɛ́ɛ è kɛ̀ Giƃiyɔŋ taai su. Nalôŋ ŋí è wɔ́lɔ lòno ḿbɔ Ŋ̀âla-pɛrɛ Kɛ́tɛi mu zâla láa-soŋ-ƃelai da ǹûai kélee kɛ̀ naai díŋɛi túɛ ǹyɛɛi,

Ɉeremi 28:15

Nya ƃe ŋá mò ɣâla ŋɔlóno kɛ́-nuui Ananaya ma ńyɛ̃ɛi, “Ananaya, íwoli tɔ́ɔ! Yâwɛɛ fé í tɛ̀ɛ ní a gɛɛ í Ɣâla-woo ƃó. Kɛ́lɛ ya gɛ́ Zuda-ƃelai dí kɛ́ díwoli tɔ̀ɔ ílɛɛ ɣala-wooi ma.

Ɉeremi 28:2

“Ŋ̀wála-wâla kélee Yâwɛɛi nyíi gáa a Eezuɛ-ŋai Díɣâlai ǹyɛɛ, ‘Ŋa niŋa gɔŋ-ma karaŋ kúla Zuda kɔŋ mâ nyíi Babelɔŋ kaloŋ è dòo gɔŋ mâi.

Ɉeremi 29:31

a gɛɛ ŋá ŋ̀orɛ̂-wooi ŋí tɛ́ɛ gɔ-sôŋ-ŋai díkaa Babelɔŋ pɔ́ ǹyɛɛi, “Mɛnii Yâwɛɛ a môi é pîlaŋ Neelaŋ nuui Simaya mai ƃa: Simaya è ɣâla-woo ƃò kâa. Kɛ́lɛ, Yâwɛɛ ǹyɛɛ, ‘Ŋa pâi Neelaŋ nuui Simaya kula ma kɛ̂i tãi kpua yée mu da ŋɔnûai. Ḿve dɛɛ ní a gɛɛ é ɣâla-woo ƃó kâa. Kɛ́lɛ, è lòno yɛ̂ɛ Ɣâla ŋɔlóno kɛ́-nuu, gɛ́ Ɣâla-woo ƃò a lɛ́ɛ-pere. È gɛ̀ ǹûai dí kɛ́ lɛ̀ɛ ŋɔlɛ́ɛ Ɣâla-wooi pôlu. Zuu fé pâi kɛ̂i ma a dɔnɔ kpîŋ. Ǹyaa da ŋɔsuui su-ƃelai dí fé pâi lɛɛ̂i a dífúlu ǹûai sáma dí m̀ɛni lɛ́lɛɛi ŋa pâi gɛ̂i ǹûai dîɛi dí da sɔlɔ ƃó. Kpɛ́ni fêi è ǹûai kɛ̀ a gɛɛ dí tɔ́ɔ ḿâ. Ńyãa Yâwɛɛ ƃé mò tí.’ ”

Ɉeremi 29:8

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai nyíi-ŋai díkaa kásamai dîa. Dífa lâa ká pɛ́lɛ la, kpaa máŋ núu da kpɛ́ni kélee ma nyíi môi a gɛɛ a tínaa-tuɛ mɛni ƃôi. Káfe káwoli tɔ̀ɔ dísee-woo-ŋai dîa.

Ɉeremi 37:19

Mí ƃé íɣâla ŋɔlóno kɛ́-ƃelai díkaa naai nyíi-ŋai mò yâ Babelɔŋ kaloŋ fé pâi kɔ́ pɛlɛ̂i yá kpaa máŋ ǹɔii ŋí mai?

Ɉeremi 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Woolaa 2:14

Ɣâla ŋɔlóno kɛ́-ƃelai da lɛ́ɛ tée-tee kɛ̂i yâ. Dífe dɔ̃yâ mɛnii ƃôi yâ nyii da gàa zĩ̂a sui. Da íkîrii dí kɛ́ ísɔnyɔ̂ŋ mɛni lòo. Mɛni-ŋai dí mò yâi, gáa a lɛ́ɛ, gɛ́ ƃò a núu piliɛɛ mɛnîi woo-ŋa.

Izikiɛ 13:7

M̀o dîa yɛ̂ɛi, zĩ̂ai ká gàai vé a tɔ̃yâ. M̀ɛnii ŋai ká môi gáa a lɛ́ɛ. Ká mò kâa díkaa a ŋ́oo, kɛ́lɛ ḿve nîi mɛni da ƃó ní kâa!”

Izikiɛ 21:23

Kɛ́lɛ, tãi a pâi kɛi ǹoloi ŋí tooi lai, da pâi gaai yɛ̂ɛ sɛŋ ƃé gáa lɛ́ɛ tɛli-kpɛi. Dí dífoo a gɛɛ da pâi kɛ̂i Babelɔŋ mu. Kɛ́lɛ, a pâi dísɔ̂ŋ kili tôoi dí ŋa a gɛɛ é dísoŋ.

Izikiɛ 21:29

Zĩai da gaai gáa a lɛ́ɛ. Da pâi lɛ́ɛ worɛ-woo ŋa ƃoi kâa. Díkaa a ŋwãna-lɔɔ da mɛni-nyɔmɔɔ kɛ́ ƃela, nyii-ŋai díkɛ-ŋ̀éniɛi a seri gbɛɛ-ŋai. Dímɛni ŋá-teɛ̂ɛi gbɛɛ-ŋai ŋɔtãi a seri.

Izikiɛ 22:28

Díɣâla-woo ƃó-ƃelai da zɔŋyɔ̂ŋ-ŋai ŋí mɛi pɛ̂lɛ yɛ̂ɛ núu a pɛrɛ-kaŋ mɛi pɛ̂lɛ a wée-kole. Díkɛ lɛ́ɛ zĩ̂a-ŋa kàa. Díkɛ lɛ́ɛ worɛɛ-woo-ŋa ƃò dîa díkɛ kɛ̀ dîyɛɛi, ‘Ŋ̀wála-wâla kélee Yâwɛɛi ǹyɛɛi,’ kɛ́lɛ m̀ɛnii da kɛ̂ môi vé a ŋ̀óo.

Zakari 10:2

Tɛli kpɛ́-ƃela da ƃoo lôno kɛ̀, ǹyaŋ mɛni ƃóɔɔ nàa-tuɛ-ƃelai díkɛ lɛ́ɛ kɛ̀. Zee-wôo ƃó-ƃelai díkɛ lɛ́ɛ see-woo ƃò, díkɛ núu ŋánɛnɛ-woo ƃò kpɛ́ni-kpɛni. M̀ɛni ma ǹûai da pù lɔ̂ɔi yɛ̂ɛ ƃála-ŋa dímaa tée-têeɛ, kpɛ́ni fêi, dímɛi-káa-nuu fé ma.

Markə 13:6

Núu támaa da pâi pâi ńaai su díyɛ kâai, ‘Ńyãa ƃa ǹyaa!’ Da pâi díyee lâai núu támaa ma.

Tɛsalonikə veelɛ 2:11

Mɛni ma Ɣâla a nuu-pɛlɛ-mɛni kpanaŋɔɔ tɛ́ɛ dímɛi a gɛ́ɛ dí laa a mɛni-ŋai dífe a dɔ̃yâi,

Piɛrə veelɛ 2:18

Kpɛ́ni fêi, díkɛ ƃoo-yoŋka têei nɔ́ a díwoo su kɛ́tɛi. Da nûa líi pene a núu ŋɔkɛ-pere-nyɔŋ maa-sɛŋ-wɛliɛi woli-kpɔlɔ-pere su. Diai da dílii pènei dia ƃa ǹûai da pú díkɛ kùla diai yêei da díɣeniɛi kɛ̀ pere-sii nyɔ́mɔɔ sui.