Ikilisiati 7:7 - Bible

⁷ Táre-nuu à ǹyée sèe yee-pɛlɛ ǹá-sɛŋ mu, a gɛ̀ a ƃoo-nuu. Yee-pɛlɛ ǹá-sɛŋ a núu su kàra.

Yálá laawoo hɛɓɛ (dc)

⁷ Yaan, mɔ̨nɔ̨ laa nu mɛ̨i a kilimąą mun gɛ yɛ ɓowo mun, nɔgwəi hɛn gɔw a nu nwɔ tələnmolaa kulɔ ɲəi.

Yálá laawoo hɛɓɛ

⁷ Yaan, mɔ̨nɔ̨ laa nu mɛ̨i a kilimąą mun gɛ yɛ ɓowo mun, nɔgwəi hɛn gɔw a nu nwɔ tələnmolaa kulɔ ɲəi.

Ikilisiati 7:7 ပူးပေါင်းရင်းမြစ်များ

Lɛɛ gbɔwɔ ɓa 23:8

Ífe yee-pɛlɛ ǹá sɛŋ-kao sòŋ. Kpɛ́ni fêi, yee-pɛlɛ ǹá-sɛŋ-kao a mɛni ŋá-tee-nuu kɛ̀ ŋ̀ɛ́i é pú, va dɔ̃yâ-nuui ŋɔtɔ̃yâi ƃò.

Hanwon 17:23

Wôya mɛni-saa ƃó nuu a ǹyée sèe yee-pɛlɛ-ǹá-sɛŋ-kao mu a gɛɛ é dɔ̃yâi perêi kpáaŋ.

Hanwon 17:8

Yee-pɛlɛ ǹá sɛŋ-kao káa yɛ̂ɛ sále dɛɛ-nuu ŋɛ́i, a gàa yɛ̂ɛ ƃɛ́i kélee a lî naai, a pɔ̂ri sɛŋ sɔlɔ ƃôi.

Ikilisiati 4:1

Ŋá ŋ́gili ŋá sìa ŋá gáa a gɛɛ wôya mɛni támaa káa ŋ̀éniɛi ŋí su. Ŋá ǹúui da-ŋa kàa wɔ̂lɔi núu fé naa é díŋaa nɛnɛ. Núu da fé naa é kpɔ́ŋ dîa kpɛ́ni fêi, ǹûai dí lúanii, díwala-walai a ŋánaa.

Ikilisiati 5:8

Ya gàa ǹúu mɛi-ƃelai díkɛ gôlo-ƃelai lùaŋ núu da fé naa é lóno dímɛni ma, vé kɛ̀ a guláa a yá. Kpɛ́ni fêi, kâloŋ-ŋa kélee díkaa díkîe-ni wóo pôlu, ǹyaŋ ǹúui ŋɔwála-walai tɛɛ̂i díwɔ̂i mai gɛ́ ƃò dípôlu.

Ikilisiati 8:9

Ŋá ŋ́gili ŋá sìa é pîlaŋ m̀ɛni-ŋai ŋí kélee dîa ŋá ŋ̀á káa. Diai wála-wala káa díyêei, da ǹúu doo-mu-ŋai lùaŋ.

Azaya 1:23

Í lɔii mɛi-ƃelai da tɔɔ Yâwɛɛ ma. Díwɛli kɛ́-maa ƃelai díkaa a ŋúma-ƃela tee-tee. Yee pɛlɛ ǹá-sɛŋ mɛni wɛ́li káa dîa a ŋ̀ánaa. Dífe kpáaŋ ní bɔɔ-nɛyãai da dee-noŋ-ŋai mɛ̂ni ma. Dífa bɔɔ-nɛyâai dímɛni-saai ƃô a tɔ̃yâ-pere.

Azaya 33:15

Diai pâi ŋuŋ ma ƃo sɔlɔ ƃôi dia ƃa diai da mɛni ƃô a tɔ̃yâ pere, díkɛ maa tûa kɛ̂i, diai dífe wɛ́lini a fili mɛni da yee-pɛlɛ ǹá-sɛŋ mɛnii. Dia ƃa diai dífe wɛ́lini dí díyee píli núu-kpune ŋãa pu mɛni sui, dífa ŋ̀wɛli dí mɛni nyɔ́mɔɔ da kélee kɛ̂i káai.

Dutɛrɔnome 16:19

Káfe tɔ̃ya-laa maa lâa kpaa máŋ ká ŋaa-kɔlɛ kɛ́. Káfe yee-pɛlɛ ǹá sɛŋ sòŋ. Yee-pɛlɛ ǹá sɛŋ a dárei ƃelai ŋɛ́i kpìni dífa dɔ̃yâi kâa. A gɛ̀ dáre-ƃelai dí mɛni ŋá tée a gbílaŋɔɔ.

Dutɛrɔnome 28:65

Káfe pâi káseêi kâai ǹɔii-ŋûŋ-ŋai su gwaa da ma. Yâwɛɛ a pâi gɛ̂i kálii kɛ́ kɔ̀-kɔ, káŋɛi é pú kálii é tóo pôlu a zu kɛ́tɛ.

Samuɛlə dɔlɔɔ 12:3

Ŋa kámarê kɛ̂i. Ŋa tá niŋa sîrɛ, kpaa máŋ wɛlɛ-sôo kula káta yêei a wála-wala laa? Ŋa tá mɛni ŋánaa kɛ́ a núu da kpaa máŋ ŋá yee-pɛlɛ ǹá-sɛŋ da soŋ núu da yêei a gɛ́ɛ ŋá mɛni ŋá-tee a wôya pere? Ká ŋ́oo su too a gɛ́ɛ Ǹuu-namui da gâloŋ nyíi aâ zìɣe zui da pɔri káwoo mɛnii. À kɛ̀ ŋa tá m̀ɛnii sîi-ŋai ŋí da kɛ́ ní a káa, ŋa pâi bɔɔ tɔ̂ɔ fêi.”

Samuɛlə dɔlɔɔ 21:14

Âke ǹyɛɛ ŋɔtíi kɛ́-ƃelai dîai, “Ka gáa! Ǹalôŋ ŋí a ƃoo. Ka pâi la ḿbɔ-naai lé mɛni ma?

Samuɛlə dɔlɔɔ 8:3

Kɛ́lɛ dítûa pere fé kɛ́ ní yɛ̂ɛ dínâŋ. Dífe kɛ́ ní a teniŋ-ƃo-ƃela. Da kâa yee-pɛlɛ ǹá-sɛŋ sòŋ, nyíi gɛ̀ dífa kâa mɛni-saa ŋá tèe a tɔ̃yâ perei.