Ikilisiati 1:2 - Bible

² Ɣéniɛ mɛni kélee káa nɔ́ kpɛ́ni-kpɛni. Mɛni lɛ́lɛɛ da kélee fé zu.

Yálá laawoo hɛɓɛ (dc)

² kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Yálá laawoo hɛɓɛ

² kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Ikilisiati 1:2 ပူးပေါင်းရင်းမြစ်များ

Zôo 11:12

Ƃoo-nuu tarêi kpanaŋɔ̂ɔi é tɛ́ɛ la lɔɔ-fɛnɛ-sɛŋ ŋáa kɔŋɔɔ ma.

Mąątɛ̨nɛ̨ 144:4

Núu-kpune káa nɔ́ yɛ̂ɛ fãa lâɣi, ŋɔkɛ̀ ɣéniɛi káa nɔ́ yɛ̂ɛ ninîŋ ƃé tɛɛ̂i.

Mąątɛ̨nɛ̨ 89:47

Gɔ́lɔŋ a gɛɛ ŋáfulu-laai su fé ŋɔ́nɔ kôya ní. Í kú kpɛ̀tɛ, kɛ́lɛ kú kɛ̀ ɣeniɛi káa nɔ́ kpɛ́ni-kpɛni.

Ikilisiati 11:10

Ka tée lii ŋwâna mɛni pôlu. Káfe ǹɛɛ naa mɛni da kɛ́ ƃò nɔ́ kálii su gɛ́ sòli kâa. Káfe pâi lɛɛ̂i a núu tɔ̂ɔ a zu kôyaa.

Ikilisiati 11:8

Tãi ká káa la ɣele mai, ka kɛ́ ɣéniɛ ŋ̀aa nɛ̃ɛ kulâi. Kɛ́lɛ ka gɔ́lɔŋ a gɛɛ núu fa tûa fɛ̂ɛ m̀olôŋ. Nyíŋi kélee káa nɔ́ kpɛ́ni-kpɛni.

Ikilisiati 12:8

Ǹyãai a dáre-nuui ŋá gàa gɛɛ mɛni kélee káa nɔ́ kpɛ́ni-kpɛni, kpɛ́ni-kpɛni, kpɛ́ni-kpɛni!

Ikilisiati 2:11

Ŋámɔ̃lɛ-laai kélee maa kpɛɛ mîi, da zãai ŋá zɔlɔ ƃô zui, ŋá gàa a gɛɛ gélee káa nɔ́ kpɛ́ni-kpɛni. Gáa nɔ́ yɛ̂ɛ núu à kɛ̀ vãai kpɛ̂i. Fé sɛŋ da sɔlɔ ƃó ní zu.

Ikilisiati 2:15

Nya ƃe ŋá ŋ́gili ŋá sìa ńii su-pere ńyɛ̂ɛi, “Berei nɔ́ mɛni kpânaŋ a kûla la ǹúu feerɛi ŋí dîa kpaa máŋ dí sáai, a pɔ̂ri kɛ̂i tí a ńyãa. Gɛ̀ ní, lé ƃé ŋa zɔlɔ ƃô táre támaa kɔ́lɔŋɔɔ sui? Nyíŋi-ŋai kélee káa nɔ́ kpɛ́ni-kpɛni.”

Ikilisiati 2:17

Ŋá ɣéniɛ kpɔ̀ara, kpɛ́ni fêi, núu-kpune ŋɔmɔ̃lɛ-laai káa a maloŋ-too-maa tee-tee ŋ́ɛi. Gélee káa nɔ́ kpɛ́ni-kpɛni. Gáa nɔ́ yɛ̂ɛ núu a kɛ̀ vãai kpɛ̂i.

Ikilisiati 2:19

Gbɛ̂ɛ ƃé gɔ́lɔŋ à kɛ̀ maa-nuui a pâi kɛ̂i a dáreɛɛ kpaa máŋ m̀óɔɔ? Nyíŋi kélee su, é máŋ kɛ́ a dáreɛɛ kpáa máŋ m̀óɔɔ, ŋ́gɔ̃liŋ kélee nyii ŋá mɔ̃lɛ ma a ŋá zɔlɔ ƃó ŋá tárei sui, gélee a pâi lɛɛ̂i ǹyêei. Nyíŋi kélee káa nɔ́ kpɛ́ni-kpɛni.

Ikilisiati 2:21

Núu a ŋɔtíi-ŋai kélee kɛ̀ ǹɔii ma ƃɛ́ a ŋɔtárei kili-ŋa pôno pere su da yɛrɛ. Gbɛɛ ŋái, a pâi gɔ̃liŋ kélee lɛɛ̂i bôlu núu da kpɛ́ni yêei nyii vé mɔ̃lɛ-ni m̀ɛni mai. Nyíŋi kélee káa nɔ́ kpɛ́ni-kpɛni. Mɛni lɛ́lɛɛ da fé zu.

Ikilisiati 2:23

Ŋ̀éniɛi káa nɔ́ a mɛni-soli da lii-too pôlu. Kpíni a pɛ̀lɛ, núu fa nyîi. Nyíŋi máŋ káa nɔ́ kpɛ́ni-kpɛni.

Ikilisiati 2:26

Ǹúui a Ɣâla líi làai, Ɣâla a táre tɛ̀ɛ maa nûui pɔ́, kili-ŋa pôno da lii-nɛ̃ɛ. Kɛ́lɛ ǹúui va ǹîa mɛni kɛ̂i, a maa nûui ŋɔtíi kùla ǹyêei da gɔ̃liŋ kélee é dɛɛ ǹúui pɔ́ a ǹîa mɛni kɛi. Nyíŋi máŋ káa nɔ́ kpɛ́ni-kpɛni. Gɛ́ɛ nɔ́ yɛ̂ɛ núu a kɛ̀ vãai kpɛ̂i.

Ikilisiati 2:8

Gánei da gôoi ŋá gùla ǹɔii-ŋuŋ da kpɛ́ni su-ƃelai yêei, ŋá gélee ŋáa tɛ̀ gîe mà. Nɛyâa da sinâa dí kɛ̀ ńyêei dí kɛ́ wule lɛ́lɛ-lɛlɛɛ-ŋa tòo ḿâ. Ŋá nɛnî támaa kùla a gɛɛ ŋ́gɛ ńîa kɛ̀.

Ikilisiati 3:19

M̀ɛni feerɛi ŋí da kɛ̂ a núu-kpune da fɛnɛ-sãa. Núu-kpune a lɛ̂wo gɛ́ saa, fɛnɛ-sãa díkɛ lɛ̀wo díkɛ sàa. Núu-kpune maa mɛ̂ni fé kpanaŋ ní é tɛ́ɛ fɛnɛ-sãa dîa. Kɛ-ɣeniɛ káa nɔ́ kpɛ́ni-kpɛni.

Ikilisiati 4:16

A nɛ̃ɛ ma kpîŋ núu támaa kɛ́ ƃò kâloŋ da yée mu da dîa-ni dí kɛ̀ tíi kɛ́, maa kâloŋ tí a kùla naa, núu da fé pâi wɔ́lɔ mɛni lɛ́lɛɛ ƃôi é pîlaŋ ma. Nyíŋi kpîŋ káa nɔ́ kpɛ́ni-kpɛni. Gáa nɔ́ yɛ̂ɛ núu a kɛ̀ vãai kpɛ̂i.

Ikilisiati 4:4

Ŋá gàa a gɛɛ núu-kpune ŋɔmɔ̃lɛ-laai da sɛŋ kélee a zɔlɔ ƃô zui, a kûla tólo su. Nyíŋi máŋ káa nɔ́ kpɛ́ni-kpɛni. Gâa nɔ́ yɛ̂ɛ núu a kɛ̀ vãai kpɛ̂i.

Ikilisiati 4:8

Nalôŋ tɔnɔ è kɛ̀ naa ǹóŋ fé ma, ǹêɣe-surɔŋ kpaa máŋ ǹîa-surɔŋ. È lɛ̀ɛ kôloi a ŋánaa é tɔ́ɔ. Kɛ́lɛ lii lâa fé kɛ́ ní ǹyêei ŋɔtɔɔ-laai su. Vé gbîŋ marê kɛ́ ní ǹyɛɛi, “Gbɛ̂ɛ ƃé ŋa mɔ̃lɛi ŋí mɛni mai? Fé ŋ́gɔ̃liŋ ŋ̀á-nɛ̃ɛ kulâi lé mɛni ma?” Nyíŋi máŋ káa kpɛ́ni-kpɛni. Gélee káa nɔ́ a lii-too pôlu mɛni.

Ikilisiati 5:10

Ǹúui kélee seŋ-kao wɛ́lini a ŋánaai, zɛŋ-kaoi nyii ǹyêei ǹíi fa wɔ́lɔ làa m̀ɛni ma. Ǹúui tɔɔ-laa wɛ́linii, zɔlɔ ƃó sɛŋ-kao fa ǹíi làa. Nyíŋi máŋ káa nɔ́ kpɛ́ni-kpɛni.

Ikilisiati 6:11

Núu à kɛ̀ lônoi a dámaa a kɛ̂ ƃoo wôo-ŋa ƃôi. Lé ƃé núu a pɔ̂ri gulâi lóno támaa sui?

Lomaŋ 8:20

kpɛ́ni fêi Ɣâla e ŋ̀éniɛi lɛɛ naa e tɔɔ kara-pere su, ǹyaŋ ŋ̀éniɛi nîa-mɛni fe kɛ́ ni la, kɛ́lɛ, ǹúui ǹîa-mɛni nyíi e ŋ̀wɛli a gɛ́ɛ e gɛ ti ŋɔkili-ŋa-zui su.