Ifisiɛŋ 6:11 - Bible

¹¹ Ka Ɣâla ŋɔkɔ-kɔ-sãai kélee tóo káa a gɛ́ɛ pɔ̂ri é kɛ́ kâa ka tɔɔ Dɛ̂ƃele ŋɔwôya-tua-pere-ŋai dîa.

Yálá laawoo hɛɓɛ (dc)

¹¹ 'Ká Yálá ŋą kuláá hɛnŋaa kɛ káá, káá pɛli tɔɔi la nąnį ŋą ɲąąhɛn mɛ̨nįɠaa kəlee tɔwɔ

Yálá laawoo hɛɓɛ

¹¹ 'Ká Yálá ŋą kuláá hɛnŋaa kɛ káá, káá pɛli tɔɔi la nąnį ŋą ɲąąhɛn mɛ̨nįɠaa kəlee tɔwɔ

Ifisiɛŋ 6:11 ပူးပေါင်းရင်းမြစ်များ

Nehemi 4:13

Nya ƃe ŋá nûa kùla Zuda-nuu suu tɛi-tɛ́i su. Ŋá ƃóa sɔkpɔ-ŋa, kerâŋ-ŋa, kpála-ŋa da tɔ̃a-ŋa tɛɛ dípɔ a gɛɛ dí ziɣãŋ m̀ɛ́i-ŋai kɛ̀ a naa wóloɔɔi, díkɛ ǹaa mɛi kâa. Ŋá díŋaa kɔ̀lɛ gwaa-ŋai ŋí ma yɛ̂ɛ berei dísîi káa lai.

Markə 13:22

kpɛ́ni fêi, lɛ́ɛ Kôrai-ƃela da Ɣâla maa wôya lono kɛ́-ƃela da pâi pîlanii dí ŋɛi kɛ́-maa-ŋa lɛ́, da mɛni maa pɔlɔ-pɔ́lɔ-ŋa a gɛ́ɛ dí díyee láa diai dîa Ɣâla a dísiɣe zu a gbɔɔi-ƃelai.

Lomaŋ 13:12

gbínii a gbâa tɛɛ, ŋele-ƃɔɔi a nâa lɛɣɛ. Mɛni ma kwaa ku gbini-tii píli ku ŋele-ƃɔɔi ŋɔtii-kɛ-sãai siɣe;

Lomaŋ 13:14

Kɛ́lɛ, ka Kúnuu-namui Zîsɛ Kôrai siɣe kálii su. Káfe kwaa ma lɛ̀ɛ kákponôi mɛni ma a gɛ́ɛ é ǹîa-mɛni kɛ́ naa.

Korɛntə dɔlɔɔ 10:13

Yee-laa-maa da fe niî pá ní kápɔ nyíi ve niî pá ní núu pɔi. Ɣâla sã́âi, nyíi ve pâi nɛɛ̂i naa yee-laa-maa e pa kápɔ nyíi dɛɛi káwala-walai mai, kɛ́lɛ, tãi yee-laa-maa à pà lai, Ɣâla máŋ a pâi kúkula-perei tɛɛ̂i a gɛ́ɛ pɔ̂ri e kɛ́ káa ka tɔɔ zu.

Korɛntə veelɛ 10:4

kpɛ́ni fêi, kúkɔ-kɔ-sãai dífe a ŋ̀éniɛi ŋí su-kɔ-kɔ-sãa, kɛ́lɛ, Ɣâla ŋɔwála-walai káa díyêei a gɛ́ɛ dí siɣãŋ wólo.

Korɛntə veelɛ 11:3

Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ gàlii è Iî pɛ̀lɛ la a ŋɔwôyai, bere ƃe kákili-ŋa-siai a pâi kakulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Korɛntə veelɛ 2:11

a gɛ́ɛ Sêtɔŋ ŋɔwála-walai fè kɛ̀ kúmɛi; kpɛ́ni fêi, ku ŋɔkili-ŋa-sia nyɔ́mɔɔi kɔ́lɔŋ.

Korɛntə veelɛ 4:4

Diai laa-la fe díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔɔkɔ̂ŋ.

Korɛntə veelɛ 6:7

a dɔ̃yâ-wooi, a Ɣâla ŋɔwála-wala-laai; a tɔ̃yâ laa-la ŋɔtii-kɛ-sãai laa mii yee da kɔɔ yee mɛi mɛni ma;

Ifisiɛŋ 4:14

Gɛ̀ ní kúfe ŋɔ́nɔ pâi kɛ̂i yɛ̂ɛ nîa-pɛlɛɛ. Sɛŋ-lɛɛ nina kélee maa-fãai fe pâi kulâi ƃɛ-pere kpaa manaa-pere, kpaa máŋ e kútinâŋ-tinaŋ. Zɛŋ-lɛɛ ninai ŋí a kûla nûa díwôya-pere su, dítare-kiri, da dínuu-pɛlɛ lɛɛ-ŋai.

Ifisiɛŋ 4:24

Ka dua-pere ninâi siɣe, nyíi Ɣâla e gbɛ̀tɛ a molôŋ maa tɔ̃yâ laa-la sãa su da maa-waa-laai.

Ifisiɛŋ 6:13

Mɛni ma ka Ɣâla ŋɔkɔ-kɔ-sãai kélee tóo kâa, a gɛ́ɛ pɔ̂ri é kɛ́ káa ká tɔ́ɔ ŋele nyɔ́mɔɔi su. Kà kpɛ̀ɛ nyíŋi kélee ma ka tɔ̂ɔ.

Kolosə 3:10

ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Tɛsalonikə dɔlɔɔ 5:8

Kɛ́lɛ, tãi nɔ́ kúkaa la a ŋele-ƃɔi pɔ́ɔi, kwaa ku kɛ́ a kúŋuŋ su séɣeŋɔɔ, ku laa-la kɔli-kalaŋ da wɛli-kɛ-maa kɔli-kalaŋ pɛlɛ ku-keŋe lá gbaƃɛlɛi é kɛ̂ a ƃalo-laa maa-kili kɛ-zu.

Hebreu 7:25

Mɛni ma, pɔ̂ri káa mì a gɛɛ é diai ƃálo wɔlɔ-wɔlɔ da wɔlɔ-wɔlɔ da lɛ̂ɣɛ Ɣâla kɔlɛ zarâi. Kpɛ́ni fêi, gáa ɣele ma a tãi kélee a gɛɛ é tɔ́ɔ dímɛni mà.

Zĩi 4:7

Mɛni ma ka kákpîŋ tɛ̀ɛ Ɣâla pɔ́. Ka tɔ̂ɔ Dɛ̂ƃelei mâ, gɛ̀ ní a pâi pûi é siɣe kápôlu.

Piɛrə dɔlɔɔ 5:8

Káŋuŋ-su é kɛ́ a zéɣeŋɔɔ, ká kámɛi káa. Dɛ̂ƃele nyíi gáa a kákpɔara-nuui gáa tɛɛ-tɛɛ̂i yɛ̂ɛ yala-sulu ƃe kpéɣêi gɛ núu kɔ̂ri m̀ii mɛni ma.

Zûu 1:24

Ǹúui pɔ̂ri káa mì a gɛɛ é kákɛ káfe tooi, nyíi pɔ̂ri káa mi a gɛɛ é kálɛ ŋɔfólo-laai ŋ́ɛi-tuɛ a lii-nɛ̃ɛ, pɔ́ɔ kélee da fé kɛ̀ kâai,

M̀ɛni-lɛɛi 12:9

Dí ǹyao-maa-sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ-nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 19:20

Dí zuai sòŋ da Ɣâla-maa-wôya lono-kɛ-nuui nyíi ŋɛ̀i-kɛ-maa-ŋa kɛ̀ zuai ŋ́ɛi-tuɛi. Diai zuai pɔ́ɔ è kɛ̀ dítôŋ lá da diai zua-pɔɔkɔ̂ŋ fɛlii, Ɣâla-maa-wôya lono-kɛ-nuui, é dípɛlɛ a ŋɛ̀i-kɛ-maa-ŋai ŋí. Dí zuai da nalôŋ ŋí pìli a dífulu ŋɔŋ kɛ́tɛ su nyíi kɛ̀ yɛ̂ɛ póa kɛ́tɛi, nyíi a sɔɔfɔ kèreŋ.

M̀ɛni-lɛɛi 2:24

Kɛ́lɛ, kákpeli-ŋai káai kákaa Tayatirai, káai káfe zɛŋ-lɛɛi ŋí soŋ ní a gbanaŋɔɔ̂i, káai káfe m̀ɛnii maa kɔ̂ri ní da dòli a Sêtɔŋ ŋɔmɛni-su-ziŋɔɔ̂i, ŋá m̀ó kâa, fé pâi tĩa wiɛ seêi ka-ŋûa.

Nwun mąąɓo 3:2

Ǹyaŋ Yâwɛɛ è nyíŋí kɛ̀ tí a gɛ́ɛ é kɔ́ lɛ́ Eezuɛ-ŋai dísuui ma, ŋuŋ kpɔ́-kpɔɔi ƃa diai dífe tá kɔ́ kɔ́ níi.